ديوانية المسافرين الى فرنسا 2008 تعالوا نسولف و نستفيد

[my_size]

الى كل المسافرين الى عاصمة النور و الجمال فرنسا احط لكم هالموضوع بعد دراسات و بحث علشان نستفيد
خصوصا اني أول مره بروح فرنسا و ما عندي خبره فيها و فوق هذا للحين اشوف خريطة الميترو وايد صعبه ابيكم تساعدوني و تفهموني .

اول شي

الجواز شوفيه منتهي ؟ لان بياخذ منج 10 ايام على ما تجددينه
انا شفته للاسف منتهي قبل 11 يوم و الحين خالص ان شالله الاحد استلمه
و صورت صوره شخصيه خلفيتها بيضا علشان الفيزا الي راح اقدم عليها عقب باحر
باخذ معاي 42 دينار عن كل جواز 30 حق الفيزا و 12 تامين صحي شهر عاد حسبتج انتي جم جواز
و تاخذ الفيزا اقل شي اسبوعين

ثاني شي

رحت دورت مكاتب سفريات واااااااااااايد و قدرت اخذ افضل عرض
كلفتني التذكره 400 دينار بدون سكن بس الشرط ان التذكره ماراح اقدر اردها او ابدلها :0bee2e8d89:
و نشفت ريجهم لقيت سكن حلو و نظيف 50 دينار الليله مع اني لقيت سكن 37 دينار بس ريلي ما وافق


مشاركتي القادمه

فيها الاماكن الي بنزورها
قيمة التذاكر
نصائح
تساؤلات
مواقع مفيده

بس بنشوف اول كل وحده تسجل اسمها و جم واحد بيسافر معها و شنو الاجراءات الي سوتها :ggdw:

 

[my_size]

شدعوه ولا وحده بتسافر باريس ؟

 

[*سكون*]

أنا ان شا الله مسافره بعد 10 أيام باريس

على أي طيران حجزتي ؟ ووين حصلتي سكن انا عيزت أدور ما لقيت سكن بهالسعر ؟ و37 دينار وين ؟

 

[*سكون*]

بالنسبة لي اجراءاتي مثلج طلعت الفيزا بنفس السعر بروح مع ريلي وعيالي بتكون رحلتنا علاج وبحاول استغلها ان قدرت سياحه لأني بسوي عمليه حق ولدي

حجزت عالاماراتيه والسكن للحين ما زال البحث مستمراً

 

[my_size]

الله يشافيه ان شالله
عسى ما شر ؟

اي والله خيتي خليها علاج و وناسه علشان نفسيتكم كلكم
انا المشكله يا حياتي اني بالشاليه و الاوراف مو معاي الحين ولا جان ادليج على سفريات عنده
مع اني ادري لو تناشبين اي مكتب سفريات يطلع لج يعني انا قعدت نص ساعه
و خليته يجيك على الفنادق و وصل الى 37 دينار بس ريلي ما فضل اخترع لان يعتبر رخيص
تدلاين يمكن اذا دورتي اكثر تلاقين ارخص بس طبيعي كل ما قلت فلوسج قلت الخدمات
جم يوم طولت الفيزا معاج ؟

 

[*سكون*]

تقريبا 10 أيام طولت الفيزا

وولدي محتاج عمليه حق ايده .. وانا بعد أخذت شقة بسيطه وبعيده عن الشانز عشان أقلص المصروفات تحسباً للطواريء بس هم للحين أدور وان شا الله احصل احسن منها

بس بالسعر اللي انتي تقولينه ما حصلت لا بالشانزلزيه ولا باللاديفانس انتو أي منطقه ؟ بس تردين ان شا الله عطيني خبر

وحطي بالج شوفي موقع الفندق وخدماته بالنت وبعدين حجزي .. متى سفرتكم ان شا الله ؟

موفقه حبيبتي

 

[my_size]

الله يكتب لكم الشفا و التوفيج بالعمليه يارب
احسن زين سويتي
شوفي الغاليه انا ما اخذتها قريبه بعد هم تقليص للمصاريف لان وراي 3 سفرات غيرها
و عرس !!
اكيد ان شالله بنحدر باجر و بشوف لج الاوراق و بعطيج رقم السفريات تتفاهمين معاهم
اممممم مشكلتي ما جيكت بالنت على الفندق و الي اعرفه ان صغيييييييييييييييير و حصلت زفه من ريلي لووووول
المهم ان الفندق بحالة السياحة ما تحتاجين له الا بالنوم و الشاور و هالشغلات مقدور عليها لان ما راح نعيش فيه
و فوق هذا ترا اعتقد ان 37 اعتقد انه مع ريوق بعد ماني متاكده


الفزيا قابلوكم ؟
و لا بس اوراق و خلاص ؟

 

[*سكون*]

لا وديناهم مكتب القبس اللي بالدوليه واهوا سواهم .. لا مقابله ولا شي ريلي قعد معاهم وكتبوا البيانات بس

وين حاطه ببالج تروحين بباريس ؟ انا مبدئياً جمعت معلومات بس هم ما يمنع نستفيد

 

[my_size]

يعني مكتب تخليص معاملات ؟
جم اخذ منكم ؟


اي الله يسلمج حدي مطلعه معلومااااااااااات لين قايله بس

مثلا

ديزني
ايفل
لوفر
فيرساي
الشانز
حديقة الحيوان
متحف الشمع
قوس النصر
كاتدرائية نوتردام
الجوله النهريه

حتى طلعت تكاليف تقريبا كل وحده انتي وين حاطه في بالج؟
بسوي مشاركه فيها وايد سوالف
بس اللوعه الي مو قادره افهمها الميترو !!

 

[*سكون*]

اي انا بعد هالمترو ما فهمت ههههههههه بس أختي تقول من تروحين وتجربينه وااااااااايد سهل لا تحاتين

شوفي انا جمعت معلومات عن اللوفر بس من شفت الزحمه هونت .. يمكن انا احب اشوف بس ريلي كلش ميوله مو صوب هالاشياء وبعدين حلاته بروحج مو مع يهال .. عيالنا وينهم ووين المتاحف ههههههههه

طبعا الوجهة الاولى حق عيالنا ديزني وبسوي بحث عن حديقه الحيوان ومتحف الشمع

برج ايفل بروح اقعد يمه ما راح أصعد من شفت الطوابير بالنت هونت بس طبعا ان ما كان زحمه بصعد واشوف

نيي للتسوق >>>>> شنو احسن المجمعات اللي بحثتي عنها ؟

 

[*سكون*]

بالنسبه حق المكتب أخذ 42 دينار عن كل شخص

 

[my_size]

اي انا بعد هالمترو ما فهمت ههههههههه بس أختي تقول من تروحين وتجربينه وااااااااايد سهل لا تحاتين

شوفي انا جمعت معلومات عن اللوفر بس من شفت الزحمه هونت .. يمكن انا احب اشوف بس ريلي كلش ميوله مو صوب هالاشياء وبعدين حلاته بروحج مو مع يهال .. عيالنا وينهم ووين المتاحف ههههههههه

طبعا الوجهة الاولى حق عيالنا ديزني وبسوي بحث عن حديقه الحيوان ومتحف الشمع

برج ايفل بروح اقعد يمه ما راح أصعد من شفت الطوابير بالنت هونت بس طبعا ان ما كان زحمه بصعد واشوف

نيي للتسوق >>>>> شنو احسن المجمعات اللي بحثتي عنها ؟

المكتب عمولته 42 عن كل شخص ؟
والله وايد يعني كافي السفاره تاخذ 42


مو جذي السالفه ان المترو له خرايط و له ارقام و محطات يعني ممكن نقعد نص ساعه و توقف المحطه 16 مره !!
لااااا اللوفر ترا الزحمه الي بره شكل لان كل شي منظم و تصدقين ان شافوا معاكم يهال يدخلونكم اسرع لهم معامله خاصه حق اليهال
اي والله لويه رنة اليهال و حنة ابوهم !!

عن السوق ما سويت بحث كبير لان مو هدفي الاول التسوق كل الماركات موجوده
في مجمعات مختصه و كامله تتسوقين فيها و احلى شي ان ال في ارخص ب 30% من الكويت
و الضرايب الي تدفعينها على المشتروات تاخذين فيها و صولات و تقدمينها في مكتب بالمطار و يردون المبلغ لج

 

[فرنسا]

حبايبي انا انصحكم تتاكدون من موقع الفندق عدل باريس وايد كبيرة ويمكن يكتبون لج انة الفندق قريب وتكتشفين انة بعيد وتوهقين بالروحة والردة وخصوصا بالليل .وعلى فكرة ما انصح بميترو باريس كلش كلة مغاربة ولا حب اركبة اخاف منة
واللي محتارة باللوفر تروح ولا لا اقول لها بس شوفي الموناليزا والله شي خيال انا ماقدرت اوخر حتى عيالي سحبتهم عشان يطلعون واللوفر زحمتة كلها عشان الموناليزا واي استفسار عن باريس انا حاضر

 

[*سكون*]

المشكله ان بفرنسا التكاسي ما تشيل اكثر من 4 واحنا عددنا 5 شلون ببتكون تنقلاتنا ؟ أكيد بنحتاج المترو

 

[*سكون*]

ماي سايز حبيبتي كلها الفيزا بـ 42 يعني مدفوعه مرة وحده

 

[toosh]

انا ان شاء الله بقعد فيها انا وريلي 4 ايام شنو تنصحوني اروح اماكن رومانسية لاني رايحة شهر عسل متأخر سنتين​

:dddds:

 

[dalprincess]

ماي سايز 400 حق شخصين وله شخص ؟؟ وشسم مكتب السفريات ... وديري بالج حبيبتي ترى الفنادق الرخيصه تخرع بفرنسااا اانا اذكر لمن رحت ماكنا حاجزين كنا نمر عالفنادق وندور حجز بس شفت الهواااايل .. يعني في فنادق كلش مو مالت عوايل وتخررررررررع وعموما استقرينا على فندق كاليفورنيا بالشانز وحلوووو وايد و5نجوم ليلته اب 70 او80 ماذكر ... واللوفر لاااااازم تروحينه ومو زحمه بس كبير وايد ولوووحة الموناليزا لازم تروحين تشوفينها لانه شي غريب وين ما تروحين يمين ويسار تلاقينها تشوفج ؟؟ انا انصدمت منها لووول بس لايشوفون كامرة فيديو بيدج يسوونلج عرس لووول ... وبرج ايفل بعد رووحيه بس صعدي الدور الي بالنص واذا شفتي روحج شجاعه كملي فوق انا ماصعدت خفت الصراااحه ... والي اهم من هذا كله دزني رووووووووووووووووووحيلها ضروري كلش كلش روحيلها الصبح وردي بليل طريجها بالقطار ساعه جنه اوساعه الا ربع بس شي خيااااااال ... واذا تذكرت شي بقوولج

 

[my_size]

حبايبي انا انصحكم تتاكدون من موقع الفندق عدل باريس وايد كبيرة ويمكن يكتبون لج انة الفندق قريب وتكتشفين انة بعيد وتوهقين بالروحة والردة وخصوصا بالليل .وعلى فكرة ما انصح بميترو باريس كلش كلة مغاربة ولا حب اركبة اخاف منة
واللي محتارة باللوفر تروح ولا لا اقول لها بس شوفي الموناليزا والله شي خيال انا ماقدرت اوخر حتى عيالي سحبتهم عشان يطلعون واللوفر زحمتة كلها عشان الموناليزا واي استفسار عن باريس انا حاضر

كلامج صحيح
بس انا الله يسلمج مهيئه ريلي و نفسي ان بنطول بالدرب
و خطر الميترو بس بناخذها على اكشن :dddds: انا لو اقولج شلون بايعينها انا وياه
و يوسف ما راح اوديه بخليه عند امي شسوي ابوه يبي جذي

شوفي عن المغاربه و غيرهم كلش مو لازن نرد عليهم لو شنو
و اذا جكوكم انكم عرب لا تعطونهم ويه لا تردون عليهم كلش لانها نصابين و حراميه و طراروه
الغرب الله يسلمج ان العربي ينصب على اخوه العربي بديرة الغرب !!

لا اللوفر شي اساسي لازم اروح له
بس هل يكفي يوم واحد علشان اشوفه كله ؟

 

[my_size]

ماي سايز حبيبتي كلها الفيزا بـ 42 يعني مدفوعه مرة وحده

المكتب الي خلص المعامله جم اخذ منكم ؟


اختي سالفة التاكسي بتطير فليساتكم عليه الافضل الميترو او تاجير سياره لانه التاكسي نهب
بتفلسون انا وريلي بنركب التاكسي مرتين بس من المطار الى الفندق و من الفندق للمطار بس و التاكسي لازم يكون الرسمي و لا تركبين عند عرب كلش

 

[my_size]

انا ان شاء الله بقعد فيها انا وريلي 4 ايام شنو تنصحوني اروح اماكن رومانسية لاني رايحة شهر عسل متأخر سنتين​

:dddds:

ايفل و حديقة الايفل بالليل طبعا
الجوله النهريه
ديزني
شارع الشانز
متحف اللوفر
متحف الشمع
حديقة الحيوان
قوس النصر
ميدان كونكورد

وين بعد اممممممم 4 ايام سوي جدول قسمي ساعاتج فيه
و يارب تتهنين و تستانسين


يالله قولي وين حاطه ببالج ؟