حملة قراءة سورة البقره كل يوم

[alfa2002]

مشكوره حبيبتي على هالموضوع الاكثر من رائع

احنا فعلا محتاجين نتقرب من ربنا اكثر خصوصا بعد ماكثرت الفتن

انا بصراحه قريب لي هدد امي اشكره انه ماراح يخليني اتهنى بحياتي واتزوج وبصراحه من هذاك اليوم و انا كله احس بضيقه ونفسيتي تغيرت وصرت مااطيق احد يكلمني واحيانا بالليل ماقدر انام وكله اتضايق وابكي
الحمدلله انا مواظبه على صلاتي واحيانا اقول الاذكار واحيانا انساها او بمعنى اصح اتكاسل اقولها

وحابه اني اواظب على قرأة سورة البقره وانضم لكم بس احسها ثقيله واعوذبالله من الشيطان امل اقراها فحابه اعرف يجوز اقراها على اجزاء باليوم يعني فترة الصبح جزء وفترة العصر جزء وفترة الليل جزء

ومشكوره على هالموضوع وياليت احد يرد علي لأني فعلا محتاجه اقرا سورة البقره

في البداية تكون قراءتها ثقيلة شوي وبعدين مع التعود يهونا ربي اهم شيئ الارادة على المواصلة مو تقطعين

اللي يقطع القراية وفية عين اوحسد يقولوا انها تزيد معاه

نزلي الجدول وخليك دائما متواصلة معانا والله بيهونها لك

 

[رذاذ المطر]

مشكوره حبيبتي على هالموضوع الاكثر من رائع

احنا فعلا محتاجين نتقرب من ربنا اكثر خصوصا بعد ماكثرت الفتن

انا بصراحه قريب لي هدد امي اشكره انه ماراح يخليني اتهنى بحياتي واتزوج وبصراحه من هذاك اليوم و انا كله احس بضيقه ونفسيتي تغيرت وصرت مااطيق احد يكلمني واحيانا بالليل ماقدر انام وكله اتضايق وابكي
الحمدلله انا مواظبه على صلاتي واحيانا اقول الاذكار واحيانا انساها او بمعنى اصح اتكاسل اقولها

وحابه اني اواظب على قرأة سورة البقره وانضم لكم بس احسها ثقيله واعوذبالله من الشيطان امل اقراها فحابه اعرف يجوز اقراها على اجزاء باليوم يعني فترة الصبح جزء وفترة العصر جزء وفترة الليل جزء

ومشكوره على هالموضوع وياليت احد يرد علي لأني فعلا محتاجه اقرا سورة البقره

انا بقولك طريقتي ..

في بدايتي ماكنت اقدر اقراها لاني انا علي طول حتي لو سمعتها انام بعد

بس مع الوقت اسمعها بدون لاانام بس هذا اخذ مني وقت طويل

بعدها قريتها بالمصحف

انتي اذا ماتقدرين تقرينها سمعيها واقري معاها بس تحسين انك بديتي تنعسين مسحي وجهك

بماي مقري وشربي ماي الله يشفيك

اللهم اشفني لاشفاء اللي شفاؤك شفاء لايغادر سقما

 

[الكادي-83]

وقبل شوي كلمت شيخ قالي ان خلطت الرومي خلطه ممتازه وتشفي بعد مشيئة الله

فأنصحكم كلكم تستخدمونها

اليوم كان آخر يوم من أستخدامي لها

وامس كان يوم غريب بنسبه لي من امس الصبح نايمه إلى الظهر اليوم كنت بس اقعد اصلي وارجع انام من غير ما أحس باللي حولي

وشفت رؤيا غريبه تخص رقيتي بس المفسر شكله مايبي يفسرها يمكن فيها شي وكلت أمري لله


حسبي الله لا إله إلا هو عليه توكلت وهو رب العرش العظيم


بنات نبي نبدا حملت خلطت الرومي

واللي ماستخدموها يبدون كلهم في يوم واحد إذا تأيدوني راح نتفق على يوم معين تبدون فيه كلكم

اللي تبي تنظم للحمله هذي ترفع إيدها :eh_s(9):

وأستأذن اختي شيري ان تكون وتبدا من هذي الحمله يعني ماتكون منفصله....

 

[أم منصور]

شلونكم بنات انشالله طيبين

عذروني ما دخلت امس كان عندي مهمة شارلك هولمزيه :dddds: في المنتدى وانا صاجة

حياج الله يابدوية بنت الخليج ولو احنا متعرفين على بعض من زمان --------- والحين منو يهددك قريب امج :0bee2e8d89: قوليله ما اخاف منك واذا تبي تضرني بشي فيه الأقوى منك --- والناس لو ضروج بكلمة سكتي والسكوت مو ضعف لكن الله سبحانه بيخلص حقك منهم ويرفع راسج واهما الي الدنيا بتكالب عليهم من ظمهم .

وان خفتي من الناس لا تنسين ان ربج كبير وكل آفه ربج يسلط عليها آفه وحياج الله .

ومن يتق الله يجعل له مخرجا ويرزقه من حيث لا يحتسب :tek:

 

[رذاذ المطر]

انا اول وحده ابي استخدمها

بس وين القاها وشنو فيها ..

 

[الكادي-83]

الكادي لما اشوف الخط الوردي استبشر بخير ياعلج دايما بخير وماقرالج الا كل خير ...
سلمي على بنات حوا..

فديتــــــــــــــــــــــــــــج

وعشانج ماراح أغير الخط الوردي

وصار هذا لوني في كل منتدى......مع اني ما أحبه بس عشان منتدى كويتيات لونه وردي خليته لوني الخاص

وان شاء الله بوصل سلامج لبنات حوا..

وأقول لأختي

cheery

بنات عالم حواء في أنتظارج

 

[الكادي-83]

انا اول وحده ابي استخدمها

بس وين القاها وشنو فيها ..

راح أكتب لكم كل شي عن خلطة الرومي

وطريقة أستخدامها

ومن وين تحصلونها...

بس لين يكتمل العدد وتتفقون على أستخدامها

وبعدها نحدد يوم واكتب لكم التفاصيل

 

[أميرة الورد]

شلونكم بنات شخباركم أنا مستمرة عالقراءة الحمدلله بس ودي أبدي برنامج كامل من الرقية وخلطة الرومي قولو لي شلون ؟

 

[**حلوة ودلوعة**]

السلام عليكم

حتى أنا ببدا معاكم باذن الله بخلطة الرومي
بس الحين قادة أغتسل بماي مقري(انا اقرا عليه) وسدر واليوم ثالث يوم يبيلي بعد 4 أيام وأكمل أسبوع وبعدها اذا الله كتب لي أبلش معاكم بخلطة الرومي

ننطر التعليمات :icon30: ​

 

[alfa2002]

انا استخدمت خلطة الرومي من شهر ماكنت احط على راسي لاني استخدمتها في شوال وحطيتها على راسي طاح شعري بشكل فظيع

 

[ام الخير]

حبيبتي لو كانت وصغة الرومي سهلة و ما تبي مقادير كثير ان شاء الله حبتديها معاكم

 

[الكادي-83]

انا استخدمت خلطة الرومي من شهر ماكنت احط على راسي لاني استخدمتها في شوال وحطيتها على راسي طاح شعري بشكل فظيع

ياااااااسبحان الله انا كان شعري يتساقط وبعد ما أستخدمتها

مااااااااشاء الله خف التساقط حيل وكنت أغسل شعري منها

 

[ام الخير]

ممكن تحطون لنا الطريقة

 

[[ . . Jee Jee . . ]]

هلا جي جي انا الحمد لله بخير وبنعمه ولله الفضل النفسيه عال العال
بس للحين مارديت اقرا البقرة
ان شاء الله اليوم بقراها باذن الرحمن
انتي شخبارج جي جي ولهت عليج
شكلج بتلبسين عباة صح؟

هلا فيج يالغاليه.. ياعلني مانحرم منج يالطيبة.. يارب ماتكونين الا بخير...
حلفتج بالله ترجعين تقرين .. بزعل عليج ترى..
انا ياقلبي قاعده بالبيت ماطلع ابد.. وماكنت البس عباة راس قبل.. البس عباة جتف وشيلتي عريضة واسعه.. والله ما ارتاح الا لما اغطي جتفي بالملفع مرات اغطي صدري.. الحين لو بطلع ماعندي شي اطلع فيه.. قوليلي عنج ..

حياك الله اختي
كيفك عساك بخير ان شاء الله بس حبيت ارد عليج مشان العباية انا اختي عمري 20 سنة ماكنت بلبسها بس ان شاء الله قررت البسها هالايام
و انتي حبيبتي بتلبسينها و لا لسه
اختك في الله ام الخير
احبك في الله
و لا تحرمونا من دعاءكم

الله يحييج ام الخير.. ياعل اسمج المستعار يكون بشارة خير علينا بجيتج يارب يام الخير والله انا محتاجين لبشارة خير.. وانا مستبشرة خير ان شاءالله بمشاركتج..
وانا احبك في الله الذي احببتني فيه .. انا مالبسها بعد.. بس ماطلع من بيتنا ابد.. وقاعده افكر شلون بطلع بدونها لو اضطريت مع اني اشك... بس بفصل عباة واسعة ضروري.. عباتي ماكانت ضيجة والله بس مو واسعة.. وفيها كرستال كانت.. مابيها

السلام عليكم و رحمة الله و بركاته
اتمنى انكم تقبلون انضمامي لكم بهالحملة اللي خلتنا نرجع لقرأنا الكريم ، أنا قصتي بدت من شهر و أنا أعاني من المرض يارب اشفي كل مرضى المسلمين وتبثنا على الأيمان ، و قوي عزيمتنا يارب آمين

حياااااااااااااج الله يا اختي.. الحمدلله على اللي صار معاج... ماشاءالله هالشي زين الحمدلله
الله يشافيج يارب ويروح كل شي تحسينه.. اختي ارقي نفسج معه سورة البقرة..
الله يبشرج بالجنة.. استمري وبشرينا على طول حياج الله

وعليكم السلام ياهلا شخبااارك يالغلااا عساك طيبه
انا البس عبايه راس ونقاب
انا عباياتي اشكال امشي مع الموضه هههه

هلا فيج قلبي انتي شلونج؟ انا بخير دام ادش واقرالكم هالردود الحلوة
ماشاءالله عليج عنقود الامل.. الله يتمم عليج..
بسألج جم عمرج؟ وشلون لبستيها اول مرة؟.. الوالدة وخواتج يلبسونها بعد؟
اذا الاسئله خاصة شوي راسليني بالخاص واعذريني والله للاسئلتي سبب .. واجوبتها تشجعني

انا بصراحه قريب لي هدد امي اشكره انه ماراح يخليني اتهنى بحياتي واتزوج

اختي والله مبهورة باللي كتبتيه.... ممكن تقولين لنا سبب هالتهديد؟ ليش جذي؟ يصيرلكم او لأ؟
حسبي الله ونعم الوكيل... سواء كان هو السبب او غيره باللي تحسينه .. الله معاج ان شاءالله وماعليج خوف...
اختي انا حاسة انه.. لو كنتي اختي كنت طقيتج !!! لا تستغربين مني بس عصبت صج
شلون سامعه هالتهديد باذونج او صار وانتي متأكدة انه لج عدويين وساكته عن نفسج؟ ليش هامله نفسج حرام عليج يابدويه؟ هذا عمرج.. والله عمرج بيروح عليج وتكبرين وقتها تقولين ليش اهملت نفسي ليش ماعالجت نفسي وووو ....
لا تهملين نفسج علاجج بيدج انتي... قرري وابدي ولا تقطعين.. ترى كله من عمرج..

وقبل شوي كلمت شيخ قالي ان خلطت الرومي خلطه ممتازه وتشفي بعد مشيئة الله
بنات نبي نبدا حملت خلطت الرومي

اي انا بعد قالي الراقي عنها وقلت له ماني مسويتها.. "مالي خلق ابد".. وكتبت عنها كلام بالردود السابقه خليني ارجع انقله ... بعد اذنج يالغالية اريحج واحط كل شي دامني حطيته من قبل...
وانا والله ودي ابدي فيها بس مأجلتها..

انا اول وحده ابي استخدمها
بس وين القاها وشنو فيها ..

اما وين تلقينها ان شاءالله تفيدني وتفيدج الكادي بهالسؤال لاني ماعرف واهي ان شاءالله تعرف..
اما شنو فيها بحط بردي الجاي..

 

[[ . . Jee Jee . . ]]

خلطة الرومي


هي عبارة عن ..

خلطه موجوده عند العطارين مسماه باسم خلطة الشيخ الرومي
وهي عبارة عن 1- كيلو ونصف ورق سدر مطحون 2- وكيلو ونصف ملح مطحون 3- وكيلو ونصف شــــــبـــــه مطحونه
تخلط مع بعض وتوزع على سبعة اكياس وطريقة الاستخدام كالتالي:

1- هو عباره عن غسل يعني ترويش يستخدم كل يوم كيس ولمدة سبعة ايام متواصله دون انقطاع ويكون بعد صلاة العصر او بعد صلاة العشاء
والنساء يراعو اوقات الدوره الشهريه يكون قبلها بوقت كافي او بعدها
2- يوضع الكيس في اناء ويصب عليه ماء يكفي الترويش ويقلب ثم يغطي جسمه كاملا بما فيه راسه بهذه الاعشاب وبعدها مباشره ينضف نفسه بالماء والصابون وغيره يكون في اي مكان حتى في دورة المياه
3- يواصل بهذه الطريقة لمدة سبعة ايام ولا يكررها الا بعد فتره طويله
ملاحظه مهمه لايسمح باستخدام هذا الغسل لمن به جروح او حروق او حساسيه مفرطه في الجلد
اخواني واخواتي هذه الخلطه مجربه وستحس بالفرق في جسمك وخفته والتغيير من اول مره تستخدمها ولا اريد منكم الا الدعاء

وهذي معلومات مهمة...

العلاج بالشبة والسدر والملح

الحمد لله والصلاة والسلام على رسول الله وبعد :

أقوى علاج وجدته مضاداً للعين ويهلكها بإذن الله تعالى هذه الوصفة وهي تُسمى ( بوصفة الرومي الذهبية ) تباع محل العطارة ومعروفة ومشهورة وهي عبارة عن سدر وملح وشبة مقسمة على عدد ( 7 ) أكياس كل يوم يستخدم فيها المريض كيس واحد


وطريقة استخدامها كالتالي "

1- أحضر سطل ماء صغير مثل براميل البوية
2- أحضر كيس واحد من هذه الوصفة وأفرغه فيه
3- أحضر ماء مقروء عليه الرقية الشرعية وضعه في السطل بمقدار كاسة
4- أملأ السطل ماء عادي
5- قلب السطل تقليب جيد حتى تمتزج الخطلة بالماء تماماً
6- استحم عادي جداً
7- احذر الا يدخل فمك ولا في انفك ولا أذنك منه فإن الشبة قوية وتسبب التهابات وتجفف المكان فقد تصل لدرجة الموت
8- بعد الانتهاء من السطل تماماً استحماماً استحم عادي بالشامبو والصابون


[line]

سيبقى لك سؤال وهو : كيف استعمل كوب ماء مقروء عليه وانا استحم بدورات المياة


فالإجابة : سئل سماحة الشيخ عبدالعزيز بن عبدالله بن باز السؤال التالي : هل يجوز الاغتسال بالماء المقروء في أماكن الخلاء ؟؟؟

فأجاب – رحمه الله – : ( نعم ، الاغتسال بالماء المقروء في الحمام ليس فيه بأس ) ( فتح الحث المبين في أحكام رقى الصرع والسحر والعين ) 0 ( فتوى منقولة )

 

[بدويه بنت الخليج]

هلا ام منصور مشكوره وايد على ردج علي

ظنيتج بدشين تتهاوشين معاي صراحه

اللي هددني يصير ولد عمي مش قريب امي

واهو قالها حق امي اشكره بنتج هذي ماراح اخليها تتزوج ابد

ومشكوره مره ثانيه على اهتمامج بمشكلتي كلج ذوق

 

[بدويه بنت الخليج]

جي جي


اختي مشكوره واااااااااااااااااااااااايد على اهتمامج والله مادري شقولج احس مالي خلق اسوي شي ابد

بس مره قريت سورة البقره وحلمت بحيوان راسه راس حيوا وجسمه جسم انسان كان تحت سريري وصعد فجأه على جسمي لين وصل كتفي وقعدت من النوم متخرعه حسبته صج

تخيلي لما تزوجت اختي دز مسج لأمي يبارك لها وقالها الله يوفقها بس بنتج اللي عندج الحين عساها ماتتزوج خليه شويه بعد تو الناس عليها يقصدني انا طبعا

امي ماردت عليه سكتت

وكل ماحد يخطبني ارفض وتصير فيني مثل الضيقه


بس ياربي شسوي مابيدي شي ابد


انا ماعندي دليل ضده او انه مسوي لي شي بس شاكه فيه خصوصا انه هدد امي بعد ماانا رفضت اتزوجه

مشكوره حبيبتي على اهتمامج

 

[بدويه بنت الخليج]

اختي الكادي 83

انا ببدأ معاج متى تبين تبدين؟

 

[أم منصور]

هلا ام منصور مشكوره وايد على ردج علي

ظنيتج بدشين تتهاوشين معاي صراحه

اللي هددني يصير ولد عمي مش قريب امي

واهو قالها حق امي اشكره بنتج هذي ماراح اخليها تتزوج ابد

ومشكوره مره ثانيه على اهتمامج بمشكلتي كلج ذوق

هلا حبيبتي انتي هني في دار الأمان وليش اتهاوش وياج بالعكس انتي تدرين استانس على قصصج

لكن بقولج سالفة وبطرشها لج عالخاص و ابي مصلحتج فيها وحياج الله بينا ابدي وعزمي بنية صادقة ووكلي امرج لربج ترا الأرزاق بيد الله فقط ولو اجتمع الانس والجن على ان يضروك بشي لن يضروك الا بما كتبه الله لك هذي قناعتي رغم اني تعرضت كثيرا لضرر للناس لكن عمري ما عطيتهم قوة واهمية صحيح اتحرص لكن ادري ان البشر من شدة ضعفه تعوره قرصة نملة وانتي شايفة المقارنه بالحجم شنو لكن ربج مطلع وعارف من الظالم ومنو المظلوم .

حياج الله وانتظري رسالتي اتمنى لج الخير وربي يوفقج حبيبتي ويرزقج الزوج الصالح الي يحافظ على جمالك ولا يجعلك فتنه للناس . :tek:

 

[**حلوة ودلوعة**]

السلام عليكم
شخباركم بنات

بالنسبة لخلطة الرومي انا سمعت شريط للشيخ الرومي نفسه ذكر فيها اخلطة وحذر ان المرة الحامل واللي فيه جروح ما يستخدمها وحبيطت انصحكم عشان ما تصير النتيجة عكسية

واولا واخيرا أستخيروا يا بنات قبل استخدام الخلطة وقبل اي شي بتسونه بحياتكم حتى لو كان بسيط