حملة قراءة سورة البقره كل يوم

[أحب ربي]

السلام عليكم ورحمة الله وبركاته

الله يجزيج كل خير يا شيري ع هالحمله اللي كلنا محتاجينها وفي ميزان حسناتج يارب

وأنا متابعتكم صارلي 5 أسابيع تقريبا وبنفس اليوم اللي شفت فيه الموضوع بديت فيه بقراية سورة البقره مرتين في اليوم بعد قيام الليل اللي بديت فيها من لما شفت هالموضوع الطيب وتشجيعكم والمره الثانيه بالنهار ويوم الجمعه أقراها ثلاث مرات قبل الفجر والظهر والعصر
وأقراها بنية التوبه والبركه والزوج الصالح وتغير حالي لأن نفسيتي وايد تعبانه
ومرات أتكاسل بس اذا صار لازم أكون قاريتها ع الاقل مره في اليوم
وناويه احفظها باذن الله بس لما أحس أني قادره أحفظها لأني مع القرايه المستمره ألحين احس أني فاهمتها وواضحه جدامي المعاني وغير جي قريت تفسير السوره الكريمه

وبغيت اخبركم أني الحمدالله صارت نفسيتي وايد أوكي ومرتاحه وخاصه لي ييت أقرى القرآن وايد أستانس
وفيه شي صار لنا بالبيت وهو أنه بيترمم من بعد خمس أو ست سنين وأحنا ناطرين هالشي حسيته ع طول انه من بركة هالسوره العظيمه سبحان الله ما كنا متاملين بس بيني وبين نفسي وما قلت لأحد من أهلي بس أحسه من ورى قرايتي لسورة البقره

وفديتكم والله ما تدرون اشكثر مستانسه صرت ملتزمه بالأذكار والقيام وصلاة الضحى والسنن الرواتب وأدعي ربي وأستغفره في كل وقت وأذكركم وادعيلكم لأني قريت تقريبا كل الردود ولولاكم ولولا تشجيعكم اللي حسيته حقي انا بعد ما كنت واظبت

ومشكورين والله يجزيكم كل خير ياربي وينولكم اللي في بالكم وكل ما تتمنون ويأجرج يا شيري عنا كلنا


...

 

[Luxurious]

لا تيأسين ..


واقري ردود البنات اول الصفحات شوفي شلون كانوا يأسييين و شلون تعدلت احوالهم ما شاء الله


تيأسين من رحمة رب العالمين ؟

شفتي الرحمه اللي في قلووب الامهات .. هذي ذره موزعه على كل خلق الله


والباقي عنده

تتوقعين بعد هالشي راح تيأسين؟


المسأله مسألة وقت



و يقيييييين في انه الله قادر يفرج همج مهما كان صعب

لانه الوحيد اللي قادر على كل شي


اكيد مع استمرارج في القرايه شغلات وايد تعدلت حتى لو كانت بسيطه ..


و في شغلات تتعدل و ترد تتسكر بويهج ..

هذا كله اختبار من رب العالمين يبي يشوف صبرج ..


لا تقنطوا من رحمة الله ..

هالشي اهوه سبب في تأخير استجابة الدعاء

انه تدعيين و ما تكونين واثقه من انه راح يستجيب لدعائج لانه بكل بساطه انتي يأستي منه
و من التفكير في حل و لقيتي انه ماله حل


ماله حل بالنسبه لج .. بس مافي شي ماله حل عند رب العالمين ..


خليج واثقه انه قادر على كل شي


ادري انه كلنا نعرف انه الله قادر على كل شي

بس في ناس من داخلهم يحسون انه هالشي اللي يمرون في مستحيل يتعدل ..

مع انهم واثقين من الله .. بس مو واثقين انه راح يساعدهم اهما بالذات


هالشي اكبر غلط


انا ما اقولج قصي على نفسج و رددي انه الله راح يحل مشكلتج لأ بالعكس


خليج وااااااااااثقه

انه بالذات هذي المشكله اللي متعبتجلو مهما كانت الله راح يحلها و قريييب بعد


و بتشوفين شلون الاستجابه تكون لما تكونين واثقه و متيقنه انه راح يحل مشاكلج و يفرج همج



و لا تيأسين حبيبتي

كثري بالدعاء

والصلاة

و حاولي تتحرين وقت الاستجابه للدعاء

طبعا كل وقت الله يستجيب اذا كان الدعاء من القلب و بتيقن

لكن في اوقات احب للدعاء و معروفه انها اوقات استجابه

بين الاذان و الاقامه

اخر ساعه من نهار يوم اليمعه (قبل اذان المغرب بساعه)


يوم اليمعه بشكل عام يوم مبارك


الثلث الاخير من الليل يكون قبل اذان الفير


بعد كل صلاة


عند السجود لانه العبد يكون اقرب شي الى الله في وقت السجود


عند نزول المطر


و اي وقت تقومين تتوضين و تحسنين الوضوء و تصلين ركعتين ارب العالمين تطلبين فيها اللي تبينه

راح تلاقينه كريم بالعطاء و يعطيج كل اللي تبينه ان شاء الله و يفرج همج


لا تيأسين حبيبتي و استمري عالقرايه صدقيني راح ترتاحين و بفرج همج خليج واثقه من هالشي

كلامج جميل وحبيته كنت بديت احس بليأس بس بعد الكلام هذا لا بصير واثقه وبدعي ربي جزاك لله خيرا

 

[[ . . Jee Jee . . ]]

السلام عليكم ورحمة الله وبركاته
الله يجزيج كل خير يا شيري ع هالحمله اللي كلنا محتاجينها وفي ميزان حسناتج يارب
وأنا متابعتكم صارلي 5 أسابيع تقريبا وبنفس اليوم اللي شفت فيه الموضوع بديت فيه بقراية سورة البقره مرتين في اليوم بعد قيام الليل اللي بديت فيها من لما شفت هالموضوع الطيب وتشجيعكم والمره الثانيه بالنهار ويوم الجمعه أقراها ثلاث مرات قبل الفجر والظهر والعصر
وأقراها بنية التوبه والبركه والزوج الصالح وتغير حالي لأن نفسيتي وايد تعبانه
ومرات أتكاسل بس اذا صار لازم أكون قاريتها ع الاقل مره في اليوم
وناويه احفظها باذن الله بس لما أحس أني قادره أحفظها لأني مع القرايه المستمره ألحين احس أني فاهمتها وواضحه جدامي المعاني وغير جي قريت تفسير السوره الكريمه

ماشاءالله تبارك الله والله ماتعرفين اختي شكثر يفرح انه نشوف مشاركاتكم معانا...
حياج الله .. نورتي الحملة بمشاركتج وان شاءالله ماتقطعين عنا....

السلام عليكم بنات شلونكم شخباركم
جيجي ولهت عليييييج حبيبتي
الكادي وفلورز ماقصرتوا متابعين الموضوع والبنات الله يجزيكم خير كلكم ان شاء الله
انا متابعه القراءة بس قطعت جم يوم ورديت الحمدلله ادعو لي الله يفرج همي ضيقة مو طبيعيه أعوذ بالله من الشيطان بس مقاومة باذنه ان شاء الله

بدعيلج بظهر الغيب... ياحلو طلتج يا اميرة.. فقدناج حبيبتي..

[ . . Jee Jee . . ]
حياج الله اختي الطيبة ويعلم ربي انه اذكاري وقرائتي ليست فقط للحاجة
اكيد للتقرب الى الله عزوجل وغفران ذنوبنا وزيادة حسناتنا ..
لكني احب ان ادعي مع كل عمل يقربني الى الله بشي يسعدني
قد تكون ساعة اجابة ويستجيب فيها ربي دعائي
واستشعر اني ألجا الى الله الاحد الصمد في كل شي ..
ربي يوفقج دنيا وآخرة ومشكورة حبيبتي على تفاعلج وياي ونصيحتج لي ربي يحفظج
ويحفظ كل بنات المسلمين " آمين " [/CENTER]

تدرين في بنات لي نصحتيهم يزعلون... سواء كانوا يعرفون اللي نصحتيهم فيه او مايعرفون ... بس ماشاءالله ردج يبين عقليتج وشلون عقلج كبير وبنت خلوقة ماشاءالله...
الله يوفقج يارب حبيبتي تستاهلين كل خير .. ويتمم عليج ان شاءالله ولا يغير عليج ابد

لا تحرمينا طلتج الحلوة ..

 

[Luxurious]

بنات بقيت اسئل اغلب بنات يحلمون احلام حلوه وزينه ماااشالله بس انا احلامي كلها مالها معنى:0bee2e8d89: يعني خرابيط؟؟انا ماانام مبجر يعني مواصله ليه خمس صبح وبعدين انام واقوم 2 ظهر تتوقعون هذا سبب الانه الغريب اقره سورة البقره كل يوم وبليوم اقراها ساعات 3 مرات بليوم او مرتين جذي فاشنو سبب واصلي صلاة الليل كل يوم

 

[ريماا]

يالله الحين ببدى اقرها امس طولت فيها ان شالله اليوم اسهل وبشوف جم اخذ وقت فيها كل يوم

 

[نبع المحبة]

cherrrry

ياهلا والله فيج اختي شيري ويجزاج كل خير ع هالحملة

" اسال الله ان يرفعك درجات بهذه القراءات

ويكون الرسول صلى الله عليه وسلم شفيعك يوم الدين

ويدخلك الله الفردوس الاعلى .. اللهم آمين .. آمين .. آمين " انتي وكل مسلم ومسلمة


صدقتي والله الغالية .. سبحان الله اشكثر كلامكن ريحني وربي قبل لا ادخل غير نفسيتي عن الحين لما شاركتيني بردودكن الطيبة . جزاكن الله خير

هاي اليوم لي اسبوع من قريتها وفيني نية اجعها قرائتي كل يوم

بالاضافة للسور الاخرى " كل القرآن بركة "


ما انحرم منج شيري ومن كل من شاركني .



[ . . Jee Jee . . ]

فديتج يالغالية وربي هذا من طيبج ودام اشوف كلام طيب من اخت شراتج اكيد مايزعل

لانج واضح فيج النصح من اخت لاختها

ربي يسعدج ويوفقج دنيا وآخرة يارب يا كريم ​

 

[ريماا]

خلصت بديت11 و26 دقيقة
وخلصت 12 و6دقايق تقريبا
يعنى خذت منى اليوم تقريبا 40 ماشى حالى

 

[أوركيدا]

بارك الله فيج
الحمدلله كل جمعه اقراها و يضيق خلقي اذا ما قريتها

 

[[ . . Jee Jee . . ]]

بنات بقيت اسئل اغلب بنات يحلمون احلام حلوه وزينه ماااشالله بس انا احلامي كلها مالها معنى:0bee2e8d89: يعني خرابيط؟؟انا ماانام مبجر يعني مواصله ليه خمس صبح وبعدين انام واقوم 2 ظهر تتوقعون هذا سبب الانه الغريب اقره سورة البقره كل يوم وبليوم اقراها ساعات 3 مرات بليوم او مرتين جذي فاشنو سبب واصلي صلاة الليل كل يوم

حبيبتي ليش تتوقعين انج المفروض تحلمين احلام حلوة بعد بدايتج القراءة؟ مو شرط ياقلبي فديتج

يالله الحين ببدى اقرها امس طولت فيها ان شالله اليوم اسهل وبشوف جم اخذ وقت فيها كل يوم

ريما ماشاءالله عليج وعلى استمرارج... حبيبتي اوصيج بالقراءة (بتدبر) وتلاوة وخشوع.. الله يتقبل منج ومنا يارب

[ . . Jee Jee . . ]

فديتج يالغالية وربي هذا من طيبج ودام اشوف كلام طيب من اخت شراتج اكيد مايزعل
لانج واضح فيج النصح من اخت لاختها
ربي يسعدج ويوفقج دنيا وآخرة يارب يا كريم

امااارااااااتية :33_1185028183::3lm1::hearting::aha::eh_s(21):
ياااحيالله بنيتنا .. يااااااااحلو حجييييكم ... آمين حبيبتي يارب أجمعين..

 

[alfa2002]

بنات لاتنسون الدعاء اليوم الجمعة اخر ساعة من النهار

 

[$نسيم الصباح$]

أنا جديده بحملتكم مع البقره بس يارب أقدر عليها . ذنوب الأنسان ساعات تحرمه من قرأة القرآن .
الله يبارك للكم

 

[kuwaitya_zoGaa]

الحمدلله ...
الحمد لله الذى تتم بنعمتة الصالحات
الحمد لله كما يليق وينبغي بجلال وجهك وعظيم سلطانك

اليوم قدرت انى اقيم الليل بسورة البقرة
مشكوره جيجي على تشجيعج ويزاج الله كل خير

 

[فوشية]

انا بشترررررررررررك بسرعه بقراها اليوم. بس قوليلي جم صفحه اقرا باليوم

 

[فوشية]

بنات بس احس سورة البقره طويله اقدر اخلصها بيوم ياريت تفيدونى؟؟

 

[الكادي-83]

بنات بس احس سورة البقره طويله اقدر اخلصها بيوم ياريت تفيدونى؟؟

الأفضل تخلصينها بجلسه وحده وتعتبر من مجاهدة النفس والله يشفيج ويحقق لج اللي تتمنينه

 

[[ . . Jee Jee . . ]]

حبيبتي مو طويله .. تاخذ ساعتين الا او ساعه ونص.. اقل من جذي فكري هل قريتيها بامعان وتركيز وفهمتي الايات؟

كـ بداية اقري من التفسير لو متقطع عشان تفهمين السورة كاملة .. بس لا تاخذين زيادة عن يوم ...

بعدين ثاني يوم اقريها بساعتين او ساعه ونص وبوقت مبجر عشان ماتنعسين وانتي تقرينها وتوكلي على الله..

اختي كادي قالت كلمة كبيرة.... الله يجعلنا من اللي يجاهدون انفسهم في الطاعات .. بارك الله فيج يالكادي

 

[kuwaitya_zoGaa]

جيجي
وباجي البنات سمعو هالمقطع

عنوان المحاضره اسباب منسيه

للدكتور خالد الجبير

هذا اللينك ...
http://www.emanway.com/play_droos.php?cid=23&id=229

اللى يبي يسمعها كلها عجيبه ... وفى مقطع منها يتكلم عن الرقيه + سوره البقره
اللى يبي يسمع عن هالجزء ... يسمع (( رابط الجزء الثاني ))

 

[[ . . Jee Jee . . ]]

هلا زوغة.. شلونج حبيبتي؟ كاني شغلت المحاضرة .. الله لا يحرمني من استفقاداتج الحلوة ..

شلونج انتي مرتاحة ان شاءالله؟



الكادي عندي طلب.. ابيج تراسلين بنيه بعالم حوا وتبلغينها اعتذاري عن البنت اللي معانا ..
عضوة حواء مصممه توقيع عجيب وكاتبه تحت تكفون لحد يلطش توقيعي حلو بدون نك ..
وفي بنت بايقته وتضايقت عشان بنت حواء... وفي وحدة مصممة اعلان على توقيعها والله شي مؤسف انه بنات كويتيات يسوون جذي وان شاءالله ماتكون عارفه..



وهذا اهو ...

 

[[ . . Jee Jee . . ]]

ماشاءالله زوغه والله استفدت حيل منها جزاج الله خير ......... سمعت اسم خالد الجبير .. اخيرا سمعت محاضرة له..
الله يجزاج ويجزاه جناات الخلد يارب ..... بارك الله فيج غاليتي ..

 

[kuwaitya_zoGaa]

انا الحمدالله بخير امس واليوم قمت بسورة البقرة
الحمدالله
وانتى شلونج؟ مستمره والا لا؟