منو اللي يخاف من الطيارة

[كويتية80]

السلام عليكم حبيباتي
ودي اطرح موضوع يمكن نناقشه مع بعض و كل وحده تحط خبرتها وتجربتها
منو اللي تخاف من الطيارة؟؟؟؟
انا وحدة كنت ما اخاف من الطيارة و اضحك على اللي يخافون بس بعد ما تعرضت لتجربة خفت من الطيارة ماودي اشرح اكثر عشان ما اخرعكم
بس قولولي انا الاسبوع الياي مسافرة انشاالله تايلاند و المسافه مو شوي والخرعه لاعبه فيني لعب مادري شلون اقزر هالجم ساعة وشلون اتغلب على الخوف؟؟؟
ابي اقتراحاتكم وتعليقاتكم
وما قصرتو

 

[TooToo]

انا بعد والله اخاف بس اتوكل على الله واقرا قرآن .... انا اخاف لما اول ما اتطير الطياره وترتفع عن الارض اهني انا قلبي يرقع كلا ايتراواللي انها ماتقدر اتتوازن وبتطيح هاهاهاهاه وطبعا المطبات هذي قصه ثانيه اتشهد آنا ... وقلبي يرقع يرقع لوووووووووووووول ولما تطب الطياره عاد بعد معاناة ارتااااااااااااااااااااااااااااااح

وحطي اببالج اللى الله كاتبه بيصير بالجو ولا بالارض .

 

[dalprincess]

انا بعد اخاف بس اخذ حبوب منومه عشان انام ومافكر واقعد اقرا قراان لمن تطير وسهالات بعدين بس قوليلي ابي اعرف قصتج شصارلج بالطياره

 

[@ دهن العود @]

انا ما كنت اخاف واستاااااااااانس اذا ركبت الطياره بس الحين اخااااااااااااااف وكله يتهيألى انها بطيح فينى

واكره الرحلات الطويله

 

[غزلان]

انا عقدت حياتي الطياره

 

[nero]

انا كنت خواااااافه وكل ما ركبت الطياره اهلي يذكروني قبل شكنت اسوي لما اركب اللطياره

الحين الحمدلله الخوف كله راااح بفضل الله

 

[May81]

انااا قبل كنت كلش مااخاف احلى شيء عندي وقت اللي تطير و وقت اللي تهبط .. استانس اذا رحنا ترانزيت


بس الحين كل هلشيء انقلب صرت اخاف و اموووووووووووووت من الخوف من الطياره قلبي يرقع بالطلعه والنزله وكل مطبه تصير جنها صايره بقلبي ... زااد هلشيء لما يبت اعيال ولما سافرت مع وحده تخاف وشفت ويها شلون شكله
فأنقلت لي العدوووووووه ...

واللي كاتبه لنا الله بيصير ... اهم شيءالتوكل على الله

 

[malekatsabaa]

انا بعد كنت ما اخاف يوم كنت اصغيره ..واستانس عالطياره..جنى راكبه لعبه بالترفيهيه!!

بس من تزوجت وصار عندي عيال كل مالي واصير خوافه اكثر ..وكل اتخيل نفسي شاسوي اذا طاحت الطياره..

بس مابي اقولج بعد شلون افكر.... اخاف اخوفج اكثر...لووول

لكن في النهايه اذا بسافر ما اخلي الخوف يوقف ابطريجي ..واقزرها بالطياره يا نوم او اندمج بالافلام

وانشاله اتروحين واتردين بالسلامه والله الحفظ ..خلى ايمانج بالله كبير !!!!

 

[بنت جنيف]

انا ماخاف من الطياره زوجي يخاف منها ويستغرب اني ماخاف لكن اخذي حبوب منومه

 

[شندوخه]

انا ماكنت اخاف بس طنازتي على ولد خالتي وصرت اخترع ومرات اصارخ لوووووول
ووقت المطبات ويهي ينصفق ومره المضيف قعد يضحك علي ياربي شسوي مو بيدي بس توكلي على الله واقري قرآن وحطي اذاعه القرآن ولا اخذي معاج ايبود صغير تكونين محمله عليه المصحف والله خير حافظ

 

[toot^o^mishmish]

امبييييييييي نفس الحالة انا كان غرامي الطيارة كن يوم السفرة جنه عيد حتى بدله حق المطار اشتري ......
والحيم يوم صار عندي يهال صرت اموت من الخوف والي زاد خوفي شغلتين يوم طاحت الخليج والشغله الثانيه موقف صارلي يوم كنا رايحين بوكيت....
معني اموووووووووت بالطيارة وريحة الطيارة واكل الطيارة احس فيها شي حلو وليما الحين احبها بس صارت فيني فوبيا طيران قمت احس انه بطني اعورني وتحوشني لوعة وصداع وازمه مالها واااااالي وريلي يقعد يضحك علي ويقولي اتعوذي من بليس...واقري قران....................................
يارب ترجع حالتي طبيعية مثل اول وانتوا بعد لانه والله الطيارة بروحه لها طعم غييييييييييير((خو قلت قصة حياتي >>>ما اقدر ارد بدون قصة ))

 

[أساور]

وانا بعد صرت اخاف من عقب الجم كيارة اللي طاحوا وساعات ابجي من الخوف ودددددددي ارجع نفس قبل

 

[رضاب 66]

انا كانت الطياره عندى متعه مابعدها متعه بس من فتره صرت لما اشوف الطياره واهى طايره ايينى رعب مو طبيعىولما اركب ويه ايينى شى يذبحنى من التفكير وعوار القلب لدرجه وصلت مرحله اقول ودى اعالج عن هالخوف اللى فينى لانى بصراحه اححححب السفر وايد .............الللى عندها حل تنقذنا ...

 

[مزيونه وشقره]

امبيه اشفينا انا بعد ماكنت اخاف

بس صرت اخاف وبصراحه ملاحظه نفسي من عقب ولادتي الاخيره صرت اخاف من الطياره والاصنصيل الحمدلله والشكر



مع تحياتي ياحياتي

مزيونه وشقره​

 

[dalprincess]

امبيه الظاهر الوحده كل ماتكبر وتييب يهال تخاف اكثر .... يالله بعرف قصتج مع الطياره رديت عالموضوع مره ثانيه عشان اعرفها لوول

 

[bnt_7waa]

لا مااخاف وناسه <<يعني انا شجاعه

بس دايم افضل اني اطير ويكون تحتي بحر مو صحرى عشان اذا طحت لاسمح الله اتسبح مو احترق :×

 

[المـاسة]

الله يسامحج كنت ناسيه سالفه الخوف بس عقب ما قريت الموضوع قلبي قام يرقص ويقرقع هههههه
انا من يسكرون باب الطياره وانا اتشهد لغايه ما نوصل الفندق خخخخخخخ
والله خواتي يقولون ينادوني ((المعقده)) شسوي بحالي الله يستر
لا اا والحين بسافر مع زوجي أخاف يقول عني موصاحيه يا فشله لان سفرتنا تقريبا 6 ساعات بس يا الله الحمدلله على كل شي وانشالله بنتوكل على الله

 

[وافية*]

واللة انا امووووووووووت من الخوف والسبة برنامج الطيران الى المجهول من كثر مااشوفة صرت خوااااااااااااااافة لا وعديت زوجي بعد
بس شنسوي شر لابد منة:0bee2e8d89:
بس انا لواموت مااعرف انام بالطيارة مرة طايرين الساعة 2 بالليل والناس كلها نايمة الا انا بروحي قاعدة مستحيل انام من الخوف لا والنكتة قاعدة اطالع من الدريشة (الساعة 3 الفجر هاااا !!! خوش منظر صراحة) ولا اشوف لمبة صغييرة من بعيد مومبينة واقعد اصارخ واقعد زوجي ببجي اقولة في طيارة ثانية بطريجنا واللة شوف الليتات مالتها الحين بنتداعم ونموت:eh_s(11): ولا يخزني ويرد ينام واقعدة مرة ثانية مييييييييييتة جان يقولي انتي هبلة ولا شكلج جذي هذي لمبات الطيارة اللي عالجناح خمدي احسن لج :krkrkr:خخخخخخخخخخخخخخخخخ صراحة فشلني (يعني جاكتهم) شدعوة مافي رادارات؟؟؟الحمدللة والشكر:gr4uu:

 

[Vampira]

انا من عقب 9-11 وانا كله اخاف من الارهاااااااااااااب بنات تكفون هونت مابي اسافر ههههههههههههههههه

قلبي طاح ببطني

الله الحافظ اكيييييييييييد كله اسمع قران وارتاح سبحان الله

 

[um 3li]

انا حدي اخاااااااااااااااف واموت من الخوف بالطيارة لدرجة ان اليوم الي راح اسافر فيه ما آكل ولا شي لأني ...... ( احم احم ) مابي الوع جبودكم ...

مع اني لافه العالم وما كنت اخاف كلش بس من الأحداث الي قامت تصير والطيارات الي قامت تطيح بكثرة + لما سافرت شرق آسيا حاشتنا مطبات كبيرة لدرجة ان جنها الطيارة طاحت فينا ورجعت ارتفعت ؟؟؟!!!!!!

ومرة كنت مسافرة مع ريلي الامارات ورجعت الطيارة مرة ثانية الكويت من نص الدرب لانها اختربت !!!!!!

والله مابي اخرعكم بس العلاج الوحيد اهو اني أقص على عمري ؟؟؟!!!!!!!

شلووووون ؟؟؟!!!

ابوي كان طيار سابق ودايما يقولي ان الطيار يخاف بس من صعدة الطيارة ونزلتها واذا ارتفعت وثبتت فوق الغيم ماكو اي خوف الا اذا كان في عمليه ارهابيه وتفجير للطائرة اما ان الطيارة تطيح مستحيل ، قمت اقص على عمري واقول حق نفسي هالشي ان الطيارة الحين فوق الغيم وان شاء الله ماراح يصير شي لان الطيارة كلها ناس عادين ومافيها شخصيات هامه عشان يفجرونها هاهاهاهاهاهاهاهاها

انا اقول سووا نفسي وقصوا على روحكم

وتروحون وتردون بالسلامه