حملة قراءة سورة البقره كل يوم

[Miss Golden]

جيجي..

انا اشهد بالله انج خوووش بنت .. ربي يعطيج على نيتج الصافية ويرزقج الرزق الواسع يااارب ويرزقج الجنه ان شاءالله..


انا ارقي نفسي الله يخلي امي ويطول بعمرها معلمتنا انا واخواني من كنا صغار حييييل نحط ايدنا اليمنى على راسنا ونقول:" أعيذ نفسي بكلمات الله التامه من كل شيطان وهامه ومن كل عيني لامه" 3 مرات بعدين ننفخ بيدنا ونمسج على راسنا..

الرقية الصبح والمسا..

واقول بعد:


"بسم الله الذي لا يضر مع اسمه شي في الارض ولا في السماء وهو السميع العليم"

3 مرات الصبح والمسا بعد..


الله يحفظنا يارب كلنا..

​

 

[[ . . Jee Jee . . ]]

والله ماجتمعنا الا كلنا بنات خيّرات لبعضنا ونحب بعضنا لله ونعين بعض على الطاعة .. انا متأكدة انه جمعتنا مو لسبب الشفاء وبعدها نتغير والله حياتي كلها تغيرت ومعارفي كلهم تغيروا وصاروا مثلج وشرواج مس قولدن والله لا يحرمني منكم

مس قولدن... الله يخليلكم الوالدة ويطول بعمرها يارب (وغاليتي يارب) ..

<< مستانسه لقت قولدن شابكة..

بسألج... انتي جم صارلج تقرين السورة يومياً ؟

وانا اقصد الرقيه الشرعية مو اذكار الصبح والمساء ... انا ماكنت اعرف الرقية الا بعد ماحسيت انه في شي مو طبيعي ..

واذا صارلج وقت وتحسين باعراض مثل خنقه وضيق شديد بالبلعوم او تنميل او احلام عن الجن او خوف قوي بدون سبب قوليلي بنسخ لج رد المنتدى والاسئله الحين تجاوبينهم ....

 

[Miss Golden]

بصراحه هاليومين حياتي كلها تغيرت للاحسن ولله الحمد..

احس صرت قريييييييييبة حييييييييبل من ربي واكلمه ويسمعني كأنه جدامي.. سبحان الله..

ارتحت نفسيا و واثقة ان الله سبحانه ماراح يخليني..

.

.

.


والله يا جيجي صار لي 4 ليالي اقرا البقرة.. مو من زمان

خنقة بالبلعوم تصير لي وايد.. بس ما حلمت عن الجن الا جم مره مو وايد ومن فتره..


تصدقين خرعتيني قمت أوسوس..!!! مرات اخاف بدون سبب صح

​

 

[[ . . Jee Jee . . ]]

لا توسوسين انا يوم لاحظت التنميل كان واضح تعرفين رجولج لما تنام؟ جذي بالضبط وقت الرقيه بكل جسمي اليسار ...

لا توسوسين لما يكون في ردة فعل بتكون واضحه لا تفكرين زيادة عشان عقلج الباطن مايفتعل الاعراض ...

خلاص كملي الاربعين واذا تحسين انج محسودة او في شي ... ارقي نفسج رقيه شاملة مع راقي مختص (بالروابط اللي حطيتهم من قبل ) ...



دام انتي توج بادية .. لا تعيرين الخنقه اهتمام هذي يمكن لانج ماتعودتي تقرينها كل يوم ( لاحظي اول الردود كلنا لاحظناها )...

والخوف اللي اقصده قولدن ورب الكعبه والله العظيم لا تفاولين على نفسج ماتعرفين الاحساس ياعلج ماتعرفينه ابد ..
تعرفين اللي تمشين تلتفتين تحسين في احد وراج؟ جذي حتى صلاة ماتقدرين تصلين تحسين في احد وراج << فلم والله فلم وحاله رعب بالليل وخوف من تكة الساعه لها مليون تفسير وتفسير ...


بقولج انا شيصير فيني ... بالليل ماخلي خواتي يسكرون بيبان غرفهم .. واسكر ابواب البيت كلها حتى المطبخ اسكره واسكر شفاطات الحمامات تكرمين عشان يصير صمت .. مرات اطفي التكييف وطول الليل قاعده بزاوية اخز الدرج (ما ابالغ ترى ماقدر انام بغرفتي وما ارتاح انام بالليل لما تطلع الشمس ارتاح وانام بأي مكان.. ومرات حتى الصبح ماقدر انام بغرفتي )


ولما بديت ارقي نفسي صرت احسن شوية .. وصار عندي برنامج امشي عليه .. برنامج يناسب حالتي (عين)
حسبي الله ونعم الوكيل فيهم...


ماوصيج لا تفكرين زيادة, انا اقولج زيادة حرص عليج.. كملي الاربعين وبعدها بتعرفين اذا في شي او لأ...


الحين اقري البقرة ولا تخلين اذكار الصباح والمساء وبعد الصلاة وقبل النوم.. ولا تنسين تحصنين نفسج قبل الحمام تكرمين .. وبس ... هذا اللي عليج حبيبتي (واذا بتقرين باجي القرآن خير وبركة )



قولدنو انا افكر اروح لراقي يرقيني رقيه مباشرة وماحب ماعمري رحت الا وانا بزر .. مابي اروح اخاف :/ واستحي تخيلي ابوج قاعد معه واحد وانتي معاهم يقرا عليج يافشلتييي مادري شسوي

 

[[ . . Jee Jee . . ]]

قولدن حبيبتي انا بموت من التعب بروح انام الحين دعواتج بظهر الغيب :*

 

[RmRm]

بنات انل الحين صارلي 21 يوم بس احاتي لما تيني الدورة

ما ودي انقطع من القرايه

 

[مناير خزنة التاير]

:ggdw: :ggdw: :ggdw:

بــنــات باركووووووووولي خلصت 100 يوم من قراية البقرة
الحمدالله رب العالمين ولا مرة هديتها من 100 يوم (يمكن بس يوم واحد لان راحت علي نومه و عوضتها من باجر ) الحمدالله الحمدالله الحمدلله

وااااي بنات مستانسة واااااااااااااااااااااااااايد

والحين ناويه كل يومين اقراها بقيام الليل عشان اخاف امل و عقب اهدهاكلش

ربي يعينه على ذكره وشكره و حسن عبادته

:ggdw::ggdw::ggdw:

 

[[ . . Jee Jee . . ]]

رم رم .. لا تهدينها اقريها من التفسير او من المصحف اللي بتوقيعي او لبسي قفازات واقريها من مصحفج ..

مناير الله يتمم عليج حبيبتي .. منور لا تهجرين باقي القرآن كملي قرائته واختميه وخلي البقرة يومياً ..

ماوصيج لازم تقرينها وانتي فاهمتها كامله وبتحريك الشفه ولو بدون صوت والله يكتبلج اجرها ويبلغنا ويبلغج برمضان غير عن كل رمضان هالسنة ان شاءالله.

 

[مناير خزنة التاير]

انشالله يارب
الله يتقبل منا

انا ناويه انشالله اتكون لي ختمة بقيام الليل كل يوم اقرا شوي وانا اقيم
والبقرة بخليها كل يومين

ربي يسهل انشالله

 

[مناير خزنة التاير]

جي جي انا سمعت كلامج و توني قريت او 100 ايه من سورة البقرة

قلت اقرا شوي احسن من اني اهدم كل اللي سويته

ربي تقبل انشالله و يحفظنا

 

[Miss Golden]

جيجي..

وييه الله يعينكم لا انا ما اعاني من هالشغلات..

الحمدالله يوميا اقول اذكار الصباح والمساء..


اليوم كملت 5 ايام على قيام الليل و قراءة سورة البقرة..


.
.
.


مناير..

مشاءالله عليج

ان شاءالله اصير مثلج واوصل 100 يوم وطول العمر ان شاءالله..


فعلا لازم ما نهجر القران..

​

 

[kuwaitya_zoGaa]

شلونكم بنات ؟؟؟
انا الحمدالله اليوم قمت الليل بس قريت اليوم صفحه وحده من البقرة الصراحه بتيينى اللى ماتتسماش وحدى مخنجره

 

[Miss Golden]

^
^

ويييه انا بعد بتييلي وحالتي حاله..

صليت وانا عالكرسي اليوم من التعب.. شوي وابجي ..


ان شاءالله كله أجر..

​

 

[هوى روحي]

جزاكن الله خير انا امس قريتها مقسمه
20صفحات بعد الفجر و20 العشا وتسعه عالساعه 12:30
بس تمنيت اقوم الليل
ادعوا لي ولأختي ان الله يرزقها بالولد الصالح ويشفيها من السحر والعين
اماانه طالبتكم تدعونلها

 

[alfa2002]

:ggdw: :ggdw: :ggdw:

بــنــات باركووووووووولي خلصت 100 يوم من قراية البقرة
الحمدالله رب العالمين ولا مرة هديتها من 100 يوم (يمكن بس يوم واحد لان راحت علي نومه و عوضتها من باجر ) الحمدالله الحمدالله الحمدلله

وااااي بنات مستانسة واااااااااااااااااااااااااايد

والحين ناويه كل يومين اقراها بقيام الليل عشان اخاف امل و عقب اهدهاكلش

ربي يعينه على ذكره وشكره و حسن عبادته

:ggdw::ggdw::ggdw:

مبررررروك 100

وعقبال ماتقولي لنا باركولي وصلت 200 الله يوفقك ويكتب لك الخير

 

[alfa2002]

جزاكن الله خير انا امس قريتها مقسمه
20صفحات بعد الفجر و20 العشا وتسعه عالساعه 12:30
بس تمنيت اقوم الليل
ادعوا لي ولأختي ان الله يرزقها بالولد الصالح ويشفيها من السحر والعين

اماانه طالبتكم تدعونلها

حولي تقرينها كاملة عشان تتعودين عليها ولا تتكاسلين

الله يوفقك ويرزق اختك الولد الصالح البار عاجلا غير اجل ويشفيها وكل مصاب من العين او السحر

ياااااااااااااااااااااااارب

 

[[ . . Jee Jee . . ]]

شكثر فاقدتج ياللي رادة فوقي ...

منور شوفي .. اقريها كل يوم "سورة البقرة" واليوم طوييل اذا انتي تقيمين فيها الليل اقري بالنهار باجي القرآن سويلج ختمة..
وخلي المؤشر عليها والسورة تقرينها كل يوم ... لا تهدين البقرة ابد بس تصير كل يومين تصير كل 3 ايام بعدين كل اسبوع مرة .. لا انا ابي اعينج اتمين على جذي ماتغيرين ماعينج الا على جذي حبيبتي ..

ولا تنسين وصيتي لج << احس روحي عجوزة

لوول يحلييلها ام عباس شالت شلايلها وبتزوركم يلا عاد ديروا بالكم عليها ماوصيكم لحد يتأفف منها ترى تزعل ايييييه كاني قتلكم << نحيسة لول



زوغه وقولدن انا ارسل لكم مؤازرتي عبر الاثير .. قلبي معاكم << تضحك

 

[أميرة الورد]

جيجي حبيبتي أنتي مشكورة على السؤال توله عليج العافيه يارب وشدي حيلج

انا والله ما أرقي نفسي الرقية الكاملة اللي يقرونها لأ أرقي نفسي الرقيه العادية المبسطو بالموعوذات والأذكار

بس تعالي دزي لي رابط الموقع مال الشيخ عبالي خزنته وطلعت لاغيته الظاهر .
عشان أشترك بالموقع وجاوب على الأسئلة

 

[رذاذ المطر]

السلام عليكم

شلونكم بنات شخباركم ان شاء الله مستمرين بالقراءة

حبيت انا ماقدر استمر لازم يوم اطوفه حسبى الله ونعم الوكيل علي من كان السبب

اشكرك جيجي علي الموقع الاكثر من رائع والله كل ماادخل عليه ادعيلج واذكرج بالخير

جيجي تعرفين احد يسوي الحجامة لان الشيخ قالي سويها

اذا تعرفين احد يسويها وموثوق قولي لي او ارسلي لي رساله ع الخاص لان جهازي خربان

وماادخل كل يوم

 

[آسيااا]

الله يعطيج الف عافيه عالموضوع الممتاز
انا بديت اول 4 ايام بعدين وقفت بس بعون الله راح اكمل
عسى ربي يعيني ويعينكم على فعل مايحب ويرضى