من جربت السفر مع القروبات؟؟

[دهن عود مبخر]

يالغاليات

من اللي جربت تسافر مع القروبات؟؟
وشرايها بالرحله؟؟وشنو انطباعها ؟؟

وابي افضل مكتب سفريات لرحلات القروبات؟؟

وثاااانكس

:eh_s(8):​

 

[جنون العشق]

الفضا والمستقبل



انا جربت بس مارتحت خز وارتباط واحتكاك




كل واحد وطبعه

 

[abla_momaiza]

كلللللللللللش موشي مع قروبات رحت مع السيد النمسا والمانيا ترتبطين بالقروب +انتي وحظج مع القايد اذا يونس ولا لأ+مرتبطة بزمن معين للرحلة كله بسرعة بسرعه الباص بيمشي + واذا في موعد للرحلة انت تكونين حريصة قاعده من الصبح مجهزه حالج واذا بناس ما عندهم اى احساس بالمسئوليه ينطرونج على ما ينزلون ويتريقون ويتسحبون للباص لألألألأروحي بروحج نظمي الرحلة على كيفج احسن لج بوايد

 

[sweetygirl515]

والله انا اييد الروحه معاهم بصراحة انا رحت مع السيد وكانت خوش رحله

 

[CheeSeCaKe]

السلام عليكم ورحمة الله وبركاته ،،،

دهن عود مبخر

========

آنا من عمر كلا قروبات ودايما مع سفريات الرابية بس بعدين قاموا يخورونها لا قايد سنع ( تخيلي القايد اول مره يطب الديرة وانجليزيته مثل ويها ) لا حجوزات مأكدة وحتى العوايل اللي معاج عاهااات صراحة يا هواش يا يتحلطم على كل شي يا عياله مسويين مشاكل مع الفندق

هذا غير كل واحد مع مرته ويخز وإذا انتي متزوجه الله يعينج من البنات اللي يتسلط عليها الدلع والتكعكع وقطت الوي

شوفي صراحة انتي وحظج يعني يعتمد على العوايل اللي معاج والقايد إذا كانوا الناس اللي معاج اجتماعيين وغشمرجيين حدا وناسة بالباص اغاني وصفقة وما تحسين بالملل

أحنا نروح قروبات لأن الرحلات منظمة حتى التذاكر القايد يحجزهم ما تتأذين على ما تلاقين سايق يدل وإلا يقص عليج هذا بعد إذا كنتوا وايد تعالي دوري باص او تحجزون تاكسيين

غير أن رحلات القروبات تطلع ارخص لو انتي نظمتي الرحلة بروحج

يعني القروبات تنفع حق عايلة او مره مع بناتها .. بس مرأة مع ريلها مو شيييييييييييي

يعني مثلا امي وابوي مو من النوع اللي يدلون او جريئين فما تنفع السفره بروحنا وأبوي مو من النوع اللي يهيتنا بالسفر علشان جذي قروب انسب لنا

بس سفرتي هالصيف مع سفريات الفضاء والله يستر منهم

تحياتي ،،

 

[أرنوبهـ]

ياحلات القروووبات والله

بالنسبة لي انا تجربتي معاهم كانت من 6سنوات كانت مع الراية اول رحلة تنظمها لماليزا بصراحة رحلة ولا بالخيال تجنن من مواعيد من رحلات من فنادق من قايد كل شي كل شي يجنن حتى العوائل اللي معانا ذهب وربي

السنة اللي وراها قررنا نروح معاهم طبعا غيرنا رحنا تركيا بصراحة احلى واحلى من قبل احس كل مالها وتجدد احلى واحلى

بس شوفي اخوي جرب معاهم لاوروبا بصراحة مايمدح فيهم يقول القايد كلمة انجليزي مايعرفها اول مره يطب الديرة

يعني تختلف انتى وحظج


تشيزكيك: وين ناوية ان شاءالله هالصيف >>>خذني معك بالسفرة ياحلو

 

[CheeSeCaKe]

أرنوبهـ
===

تعالي يا جمييييييييل

بروح " امستردام - كولون -بروكسل - باريس "

يالله زهبي الشنتـــاييي يوم الأحد 6/7 الساعة 8 انتي بالمطار

تيجاااا ...:eh_s(15):

 

[دهن عود مبخر]

مشكورين ياقلبي على الردود
وماقصرتوا

انا ودي بالقروب بما اني بروح ديره اول مره بطبها
بس ماحب الالتزام مع ناس ماتحترم مواعيدها​

 

[&رعبوووبه&]

والله اهي زينه شينه انا جربت قروبات الفضاء القايد كا ن طايح فينا خز

ذبحنا ريايلنا بغوا يذبحووونه


وفي حريم بروحهم مسافرين وطايحين خز برياييلنا قطع

نكدوا على وحده عروس كانت معانا كله متهاوشه مع ريلها

بس الزين فيها انج ما تضيعين

وانه في حريم تسولفين معاهم

 

[أرنوبهـ]

تشيز كيك تروحين وتردين بالسلامة ياكيك

لاتنسينا بالصوغه لووووووووووول

لا اقصد بالتقرير ابي تقرير عن باريس لاني ان شاءالله على 14/8 بزورها

 

[لموية العسولة]

^^^^^^ للرفع
اللي جربت قروبات اوربا تبلغني وشنو افضل سفريات

 

[BabyStar]

دهن عود
الصراحه القروبات ونااااااسه وتتعرفين على ناس يديده وتكونين صداقات وتسولفين وتقضين وقت
موبس جذي حتى بليل لارجعتوا الفندق تلاقين الحريم يتجمعون بصوب والرياييل ذاك الصوب سوالف وضحك احنا كنا نقعد مع البنات نسولف لي وقت متأخر ونقعد من الصبح من الوناسه نضحي بالنومه
وبعدين تستفيدين من الناس الي معاج تبادل خبرات وايد استفدنا منهم
وحتى بالايام الي مافيها رحلات جماعيه تطلعين وياهم اذا لج خلق يعني ونااااااااااااااااااااسه
صح تلاقين الناس الزينه والشينه بس اغلبهم بيكونون حبوبين وبيستانسون
فتوكلي على الله وروحي معاهم وان شالله بتستانسين
خصوصا اذا ديره يديده محتاجين تور ليدر يوديكم وييبكم
اما بالنسبه للمواعيد مافيها شي اذا صار تأخير بونص ساعه ماراح ينقص العمر ونفس مابتحملينهم بيتحملونج
وبالتوفيق

 

[BabyStar]

لمويه عسوله
انا رحت من سنتين مع سفريات السيد
الصراحه موشي
يغيرووون خططهم باخر لحظه وخوااااره لها اول مالها تالي وهم من قرادتي سافرت معاهم الصين وتأكد لي هناك انهم اسوأ مكتب بالكويت صج يلوعون الجبد

انا اثق حيييل بسفريات الفضاء وهذي مودعايه والله فوقي بس ناس محترمه وثقين فيهم صج يعتمد عليهم والدليل رحلاتهم وحجوزاتهم تفول اول ناس والحين يمكن ماتلاقين عندهم لانهم ثقه حتى التور ليدر(القايد) الي رحنا معاه الصراحه يهبل وينن وصج واحد فاهم ويعتمد عليييييييييييييييه وكان اسمه منصور بس هالسنه مو رايح معاهم انتي روحي وشوفي بس جد اهم ناس كفو
انا هالسنه رايحه مع سفريات الوسيط بجربهم لاول مره والله المستعان

 

[ساره 20]

طيب بنات اكتبوا لنا رحلاتكم الى وين والتاريخ وبجم التكلفه للفرد الله يعافييييييييييييييييييكم حبايبي

 

[دلوعة القادسية]

انا رحت المانيا والنمسا مع قروب

والله حيل استانسنا

صج في الشين والزين بس استانسنا

وتعرفنا على ناس يدد في منهم للحين معانا

وعسسل والله

بس قايدنا مليق ما يدري الله وين قاطه

 

[حرير*]

شوفي حبوبه اذا كانت مره وعيالها اوكي مع القروب بس اذا معاكم ريال ما انصحج
ارتباط,ودوخه خصوصا اذا في يهال يحنون ويبجون طول الرحله وامهم بارده ما تسكتهم عاااااااااااااادي عندها
فمثل ما قالو البنات انتي وحظج ياحلوه

 

[عيون منوعه]

السفر مع القروبات روعه,, وناسه..الي تحب اليمعه السفر مع القروبات راح يعجبه

 

[[..كـــــرك..]]

بالعكس القروبات وايد حلوه بس ع حسب اللي معاج بالقروب

احنا قروبنا كان كله ناس اجاويد <<< حشى بتزوجينهم خخخخخخخ


بس صج اختاري القروب اهم شي

وتعرفنا ع اللي معانا بالقروب والصداقات حلوه خخخخخخخخخ


واذا تبين سفريات بسألج ابوي مادري والله

 

[دهن عود مبخر]

تسلمون تسلمون يالغاليات على الردود

ومشكووووورين

​

 

[المحترمه-كلاس]

السلام انا جربت السفر مع القروبات وبراحة اتروحين اميرة واتروحين اهم الاماكن بالديرة او الي تسوى انج اتروحيلها وخصوصا بالنسبة لدول الاجنبية تقريبامن الساعة9 كل شي مسكر واهنية عا تنزلين مع اربيعج الكوتيين تحت واتسولفون الى الساعة 12 ليلا لم اتزهقون الى بالوبى وانا بصراحة تعرفت على صديقات ذهب وانا سافرت مع الفضاء بس اسالي عن القايد الزين