دخون سري جدا )) للفم

[قلب امي]

السلام عليكم ورحمة الله وبركاته



((دخون سري جدا ))

هذي طريقه لدخون الفم دخون دوسري درجه اولى بس يتاكل مايتبخر به

وهذي الطريقه انا شاطره مرررره فيها لا وتوزيع مجان اهم شي الي يكلمني ماتجي انفاسه ع انفاسي الا واحسها عطر

الطريقه هذي متعارف عليها عند الاهل واخذتها من الوالده الله يحفظها ويحفظ لكم والديكم كانت تعمل كميه وتخليها بالثلاجه واول مانصحى نفرش الاسنان

وطيران لها واحيان اكلها اذا اكلت شي فيه ثوم او بصل من بعض السلطات ع طول تقضي عليه

هذي الطريقه

تزيل رائحه الفم الكريهه والنفس المزعج .. حتى الي عندهم مشاكل بالمعده بتحلها باذن الله

وطبعا تنفع للكل .. ومكوناتها لها فوائد عظيمه:
1/ واحد فنجال بشر ليمون ناعم جدا
2/ ملعقتين كبيره هيل مطحون ناعم
3/ ملعقتين قرفه مطحونه وناعمه
4/ ملعقه قرنفل (عويدي ..مسمار) مطحون وناعم
5/ ملعقه كبيره مستكه مطحون وناعم
6/ ربع فنجان ماء ورد او ماء زهر
8/ 3 ملاعق عسل اصلي ...او عادي

تخلط جميع ماذكر بزبديه .. حتى تتجانس

وتحرك حتى تكوني قادره ع تكويرها اذا كانت العسل قليل باإمكانك وضع ملعقه عليه
وتكورينها بايدك مثل المعمول وتكون صغيره كثير.. وكل يوم خذي حبه

شوفي كيف انفاسك بتصير

دخوووووووووووووون

حتى عرقك بيصير

دخوووووووووووووون​

 

[الاخلاص]

عجيييييييييييييب بصراحه ويعطيج الف عافيه يعني شلون طريقة استخدامها وممكن سؤال بخصوص اول مقدار اجيب ليمونة وابشرها بقشرها عدل1/ واحد فنجال بشر ليمون ناعم جدا

 

[حمام شاقني فنه]

ماااقصرتي
بس شنو بشر اليمون ماعرفته بصراحه

 

[نور الكويت]

مشكوره

وسؤالي نفس سؤال حمامي


امبين عليها حلوه

 

[الشوق والدمعه]

مشكوووووووووووووره ما قصرتى على هالمعلومه.........تسلمين

 

[زوزونوفا]

بنات بشر الليمون
يعني قشرتها تبشريها بالمبشره حقت الجزر
بدل ما تقشريها
ابشريها
وخذي القشره بس
يسلمو قلب امي
ما قصرتي ياعسل
وان شاء الله كل ايامك عسل في عسل

 

[ضحـاوي]

مشكوووووووووره

 

[دنيا جديده]

مشكووره

 

[دلوول 2006]

تسلمين يا الغالية على هالوصفة وما قصرتي

 

[البحث عن الأمل]

الله يعطيج العافيه
صج موضوع حلو وكلنا محتاجينه
بس ممكن سؤال شنو مستكه يعني (العلج)؟؟؟؟؟؟؟؟
ومن وين آخذه؟؟؟؟

ومشكوره بيبتي:tek:

​

 

[الهيـــام]

إي شنو المستكه؟؟
و بجربها إن شاء الله بس أعرف شنو المستكه

 

[حمام شاقني فنه]

مستكه العلجه الي بالجمعيه عند المحاسب >>>>يكون الحين جبت التايها:dddds:
بيضا وتجي مستطيله صغيرونه ان شالله فهمتو


شكرا للي وصفت بشر الليمون :tek:

 

[اميرة نفسه]

مشكوووووووووووورة وجزاك الله الف خير

 

[الاخلاص]

لالا شنو الي عند الجمعيه علج المستكه عند الحواج مثل صخر صغير

 

[bombo]

مشكوووووووووووووووووووووره على الفايده

 

[bombo]

المستكه العلج المر

 

[حمام شاقني فنه]

لالا شنو الي عند الجمعيه علج المستكه عند الحواج مثل صخر صغير

هذا علج ماي مو؟

 

[ملكة القلوب ma]

روعه يسلموووووووووووووووووووووو

 

[ملكة القلوب ma]

نسيت اسئلك اختي تنفع للي عندها التهاب في البلعوم .... والله يخلي لكم الوالده

 

[ektifeet]

جزاك الله كل خير