الرشااااااااااااد ... والدورة

[شيهانه]

السلام عليكم ورحمة الله وبركااته ،،،


صباح الخييير بناااااااااااااات


ابي أسالكم عن الرشااااد انا قالولي انه زين مع الدورة ينظف البطن ..


بس ناس قالوا اول 3 ايام وناس قالوا اذا بتخلصين لانه يقطع الدم ؟؟؟


فاللحين شنو اصح كلااام ؟؟؟ اول الدورة والا آخرهااااااااا


ومشكوووووووورين حبيباتي :eh_s(8):

 

[عيوووزه كووول]

الرشاد اللي آنا اعرفه ان ينزل الدوره الشهريه ؟؟؟ وينظف ؟ حار نفس الدارسين مادري عاد نسمع من البنات يفيدونا بس هذا انا اللي اعرفه

 

[لمووو]

توني اليوم قريت انه ينعجن مع التمر و مع شي ثاني وينوكل اول 3ايام من الدوره بس ياااااربي بأي قسم قاريته اعتتقد بركن العرايس اوشي جذي بدوره وارجع لج

 

[شيهانه]

تسلمون حبيباتي .. ناطرتك لموووووووووووووو

 

[زوزونوفا]

الرشاد مممتاز جدا للدوره
لكن كثرته تحرق جدار المعده
لذلك الهمي منه ملعقه صغيره مع كوب حليب دافي ثالث يوم الدوره
ولمدة 3 ايام
او اعجنيه مع تمره وسمن او زبده وكليه اخر 3 ايام من الدوره
مفعوله ممتاز جدا لتنظيف الرحم
بس لاتكثرين منه ملعقه صغيره كافيه طواااااال اليوم

 

[شيهانه]

مشكوووووورة انا خذيته اول الايااام ؟؟ اخاف يضر ؟؟؟

ان شاء الله بتيع طريقتك واخذه آخر الايام معني ما احب ريحته اووف ..

ما قصرتي اختي

 

[كوب حليب]

أنا لما خذيته رابع يوم الدورة قطع الدورة مرة وحده ولا نزل علي شي فما عدتها خفت

 

[Q8stylle]

الرشاد وايد زين لدورة

 

[البيداء_77]

والله انا مثلج ودي استفيد

 

[Wa6an Elnahar]

الحين ناس يقولون نفع و ناس يقولون قع الدورد ما عرفنه

 

[*الوهج*]

شوفي حبيبتي الرشاد يسهل خروج الدم وأي شي ثاني مترسب من قبل من دوراتج السابقة وعشان جذي يؤخذ أول3 أيام من الدورة حتى ينزل الدم أول بأول يعني مايبقى شي مترسب..... وهذا يعجل من تنزيل الدم وعشان جذي تحسين وقفت الدورة ..اهي ما وقفت الدورة لا ,,,اهي نزلت الباقي من الدم اللي يبي ينزل اساسا ,, فجذي تضمنين مافي ترسبات من بعد دورتج هاذي الى الدورة الثانية وترى هالترسبات هذي تتراكم وممكن تسبب انسدادات وتكون أحد الأسباب لمنع الحمل ,,,يعني الرشاد ينفع للحريم اللي مايستغنون عن السوائل الباردة واللي تحب برودة التكييف واللي ما تحاول تدفي نفسها وخصوصا منطقة الظهر وما دون ,,ترى كل هذا يساعد الدم أنه ما ينزل ويبقى ...وأنا أسوي خلطة مع التمر تعودت عليها من ولاداتي ..ليهالحين استخدمها وهي :
فلفل أسود,رشاد,حبة البركة,سمن أو زيت زيتون.مقادير متساوية من ما سبق الزيت ضعف مقادر الأعشاب ونص كيلو من التمر ,,,وعلى الريج ,,,,وبصحة وعافية للجميع... أرجو أني أفدت الجميع,,,

 

[شيهانه]

مشكوووووووورة وجزاك الله كل خير عنا كلنا ..
صج انك ابداع في ابداع في ابداع

انا كليت اول يوم تمرة وفيها رشاااد ووقفت قالوا مو زين .. اللحين برجع اسوي لي خلطتك مشكووورة
والرشااد يمدحون السعودي يقولون ممتاز ...

 

[شيخــه]

الرشاد ممتاز لانه ينزل الدم وينظف البطن
وراح تحسين بهالشي بنفسج

 

[قوطي نيدو]

اشكركم على المعلومة

 

[* ورود *]

في منتديات ثانية وخصوصا المنتديات السعوديه يقولون ان الرشاد ياخذونه باخر ايام الدورة والنفاس واستخدامه عكس الحلبه

يعني الحلبه بأول لايام والرشاد بأخر الايام

 

[زوزونوفا]

صحيح كلامك اختي ورود
الحلبه العشرين الاولى من النفاس
والثلاث ايام الاولى من الدوره
والرشاد العشرين الاخيره من النفاس
واليويمين الاخيره من الدوره

 

[قلبي ابيض]

مشكورين

 

[bent_36a]

انا كنت اعجنه مع ملعقه ودهن عداني على النار اخليهم بس صارت لى مشاكل صارت الدوره تجيني اسبوع وتقطع اسبوع وترد لى مره ثانيه كنت اخذه اول 3 ايام الدوره فمادري ما انصحج

 

[شيهانه]

مشكووورين خوااااتي بس حيرتوني نااس تقول اول الايااام وناس تقول آخر الايااام ؟؟ والله احترت ؟؟

 

[الحــــــلا كله]

اخذي بس ملعقت رشاد مطحون مع حليب وادعيلي
معروف الرشاد المطحون اهوا الي له مفعول اما اذا كانت حبه كامله تنزل مثل ما اهي