لنعرف أسوأ مطعم من حيث خدماته وجباته المقدمه . . .

[English ^^Teacher]

طبعا انا مع المطاعم كلش ما اتوالم و اول وحده يحوشني تسمم بالبيت
الي حاطه عليهم اكس و حاشني منهم وايد
1 - بيتزا هت <== مت من الترجيع و حرمت اكل منه لو شنو
2- كنتاكي <== استغفر الله زفر و بايت
3- جوني كرينوز <== ياتني منه نزله معويه
4- ليتل سيزر <== حد الوصاخه و الاكل البايت
5- دعوات الي بشرق يقعد على الجبد بس الي في بوحليفه دايما نروحله و ماحاشنا شي
6- اثينين <== تسمم اخواني انا ما جازفت
7- فتوش <== كويت مجك لقينا في شعره بالعيش
8- هارديز قايل مديرهم حق و لد عمي انصجك لا تشتري منه يعني مديرهم و يذم شغلهم

الي صج نظيف لونوتر و شليز و ماكدونلدز

اذا ذكرت مطعم ماساوي و انا اييد الخوات الي قالو انا المصاروه الي يشتغلون اهن الي خربو المطاعم بعدين المصاروه الي يشتغلون فيهم داء الكبد و الحين قاعدين يحققون مع الي مدخلينهم

عسى الله يحفظنا بس​

 

[روح آلمشآعر]

كنتآكي وهآرديز حآطه عليهم × من زمآن


،


برجر على قولة كتكوته آذى صآر آلشبس بآرد جنج تآكلين فلين آسم آلله ع آلنعمه

 

[lomy]

قبل جم يوم راد ريلي من السفر ومامداني اسوي له عشا طلبت له من مطعم طاجين اللي بفندق النخيل ،،


الله يزيد النعمه ريلي حط القفشه بحلجه وردها ،،،،،،، ماكـــــمل وزفني قالي انتي من وين طالب شنو هالأكل اللي يدم النعمه ولا يفسل نتفه العيش والمرق نتفه ومتروس لحم كبار تقولي اسم الاكله طنجه ،،

انا قلت لها ابي افضل شي عندكم ريلي راد من السفر وابي افاجاه وفعلا فاجأته المسكين راح عند امه يدور أكل


واي افتشلت ........... قلت توبه اطلب مره ثانيه ،، البيت وبس.............

 

[السماويه]

انا بعد وياكم..
الصراحه كنتاكي اوصخ مطعم.. تكرمون
والله يعطيج العافيه.

 

[kuwaitya_zoGaa]

كنتاكى استغفر الله كله بايت وزفر وفيه ريش واى الله يعز النعمه
هارديز مره لقيت فيه جيس نايلون داخل الساندويتش
بيتزا اكسبريس لقينا فيه دوده
باستامانيا لقينا فيه شعر
شليز من زمان كانو يايبين لى شكين بايت .
برجر كينج ... زفر زفر زفر زفر
بوبايز طلبت منه ملره وحده بس وكان مالح جنه بحر وزفر

 

[رحلة امل]

ومطعم كلاسيك ومطعم الحجرة ماقلتو عنهم والى جنب فندق كروان بلازا الى في السالميه شو رايكم فيهم

 

[قوطي نيدو]

قطع الاعناق و لا قطع الارزاق

 

[رويال ديزاين]

كنتااااااااااااااكي يلوع الجبد الله يديم النعمه هالمصريين اللي يشتغلون فيه وسخيييين بشكل مو طبيعي طبعا انظف و احلى مكان حق كنتاكي تلقونه ب كيفان الشغل عالطلب و اغلبهم فلبن اللي يشتغلون بس ليش الكنتاكي عندنا مونظيف بماليزيا يجنن من النظافه و الدياي طري و تحسين صج مذبوح حلال و فيه خير و ماشمينا فيه زفره


هارديز الله لايوريكم من ناكله و إنتو بكرامه لازم اسهال و لو طلبنا بالبيت يوصلنا عقب ثلاث ساعات

دجاج نايف طبعا هذا معروف من سنه جدي إنه فيه ميكروب السالمونيلا اللي يذبحكم بالاسهال و الترجيع و طبعا النظافه معدومه للاسف ماكو نظافه بالمره عند هالمصريين اللي يشتغلون بالمحل

بالنسبه للمطاعم الخمس نجوم :

التعامل : مطعم ليلى بالأفنيوز اللبنانيين اللي فيه مطنقرين و كأنا نشحذ منهم و لا تدفعين كنت شوي و يصفقج على عينج بالجهاز تعامل زفت و إذا إستمرو بهالتعامل بينتهي المطعم

ووتر ليمون : الأفنيوز .. طلبنا منهم مره ستيك بالمشروم .. الستيك وصلنا يابس من بره بشكل يخرع و من داخل مثلج .. طبعا آنا وزوجي إخترعنا و آنا بغيت أرجع بالصحن و لمن قلنا للجرسون طالعنا بنص عين و قالنا إحنا نطبخه نص سوا قلت له آنا طالبه ويل دون شان يشيل الستيك بالشوكه و يقولي إي شوفي كيف مسوينهه عدل من بره قلت له إنتو حارقينها مو مسوينها
شوربة المشروم ما تدرون شتشربون شي يلوع الجبد الله يديم النعمه
زوجي طلب هامور بالبقسماط زفر زفر زفر زفر و السمك من داخل لزج و باااااااااااااااااااااااااااااارد

فيروز: الأسعار نااااااااااااااااااااااااااااااار الخدمه بطيئه مع إنا كنا وقت عصر عال4 و ما كان في أحد و اللي يشتغلون نفسهم خايسه حييل خايسه يعني والله كأنهم يقولون لنا شتبون يايين ؟!

مطاعم شارع المطاعم:
إبن الوزير: شاورما الدجاج ما صارت شاورما دجاج صارت خبز ناشف بالمخلل و ريحة الدجاج حيل حيل مقللين كمية الشاورما بالساندويش وخدمتهم صايره أي شي

كابوريا : و ما أدراك ما كابوريا عقب الشهره و السندويشات الحلوه قام صغر سندويشاته حيل الشكن فيليه صار مرتدلا شيكن و حاط عليها بقسماط حيل حيل مضعفين الفيليه و لا تطلبون دجاج جريل بتشوفون الدجاج أضعف من الجبن اللي فوقه خدمتهم بالحضيض أسعارهم وايد غاليه بالنسبه للوجبات اللي الساندويش فبها المدور كأنه وجبة أطفال من برجر كنج

شموع الافراح : وصل الطغى فيه إن البطاط شبس ب 600 فلس و غيره من المطاعم الحجم العادي ب 300 فلس حتى ماكدونلدز يبيع البطاط ( وإهو أحلى بطاط فرايز) ب 350 فلس كله صار الدبل الساندويش اللي بربع صارت ب نص حيل غالي ذاك اليوم طلبنا آنا وزوجي وجبتين فيليه و ساندويش شاورما وساندويش كبدة دجاج طلعو 5 دنانير بققنا عيونا لو ماكلين بماك الأب سايز وفرنا

بعد بعد والله ما أذكر بس تجاربي وايد ما تحضرني

 

[adool70]

مطعم Paul بالمارينا مول

X X X

احط عليه بيج اكس

كنا طالبين مع الطلب سلطة و الله لا يوريكم الوسخ و التراب و الدود اللي كان على الخس

وييييييييييييييييييييييييييع الله يديم النعمه

لاعت جبودنا .. ناديت المدير اللبناني و شاف بعينه - عمى بعينه-

ضحك و اعتذر باستهبال ولا جنه صاير شي

 

[سرقت النوم]

كنتاااااااااااااااااااكي

كل شي يهون إلا كنتاكي....


يالله على هالمصريين اللي فيه قذاره بشكل مو طبيعي

الخرافي ترس الديره من هالمصريين على بو إن إستثماراته كلها بمصر بس مو جذي مقصه على العالم عندك خير خله بالحلال مو جذي أشكره أمراض و وساخه يعني آنا كليت كنتاكي بالدول الاجنبيه والله مو جذي

أما بالدول العربيه و الخليجيه الله يديم النعمه ...


أما الماكدونلدز أنظف مطعم ما عدا فرعهم اللي بالفردوس ما أدري ليش طايحه من عينهم المنطقه والله كله ينسون الطلبات يعني إذا طلبنا كميه يعني 7 أو 9 وجبات تلقونهم ناسين 3 بطاط شبس و 2 كولا ..


الفردوس سيء لدرجة الحضيض و سندويشاتهم باااااااااااااارده ثلج و البطاط خايس الله يديم النعمه و صج مو نظيف ... أركز و أرجع أقول فرع الفردووووووس

 

[سرقت النوم]

بنات تعبنا من الواسطات اللي تاكل بصحة الناس

نبي المسؤولين يشوفون كنتاكي العارضيه و الله أقذر من أكله ما شفت

مايصير كل شي يتبطل بالواسطه و المحسوبيه .. نبي اللي عندهم ذمه ما تنشرى بالفلوس



نبي الرجال اللي إسم على مسمى...

 

[شقرديه]

كنتاكي مو شيء وعندج مطعم بالفروانيه اسمه مهراني <-- يااااااااااااااااااااااو اذكر رحنا له وطلبنا حدهم جعووووووص الورق عنب 4 حبات على عددنا هههههههههههههههه لا والاكل الله يديمه كله بهارات اول مره اذووقها والطلب سنه على ما وصل جد جد اي شيء


احلى شيء اكل البيت نظيف

 

[adool70]

و بالمره احب اعلق على مستوى نظافه مطعم تشوكليت بار

بصراحه الطاولات و البادز اللي اتيي تحت الطبق ويييييييييييييييع (فرع الافنيوز)

وسخه و كلها دبق

هذا غير الشباك و باب الزجاج (فرع البدع )

ويييييييييييييييييييييع

بس الاكل ما شفت عليه شي ........... حاليا !!

 

[كويتيه رزتها ملكيه]

مطعم كلاسيكال الى بالفروانيه لقيت بالنودلز قطعه بلاستيك

وليتل سيزر لقيت ذبانه بالسلطه ووووووووووع

 

[Saroona86]

ربي يحفظنا ويهدينا ونتعود علي قطع هالمطاعم الدايخه
احنا واعيالناااااااااا
قولووووووووووو امين
ميرسي

 

[عبق البنفسج]

أسوأ مطعم بخدماته مر علي هو مطعم فريج صويلح .. مع ان أكله حلو بس للأسف الي يشتغلون فيه مخربينه .. حاطين هنود مادري بنغالية ومايعرفون أصول التقديم والشغلة اييبها بايده بدون لا يحطها بصينية .. شنوو هذا وين قاعدين .. ولما بيحط الأكل يحط صبعة بالصحن ..
وتحسين ان الي يشتغلون مو نظاف

وطبعاً انا صايرلي فترة طويلة مقاطعة كنتاكي وبرجر وهارديز ومكدونالدز .. من حملت قبل أربع سنين لاعت جبدي منهم وللحين ما آكل شي منهم وفوق هذا ما احس ان أكلهم نظيف وكنت قبل كل ما آكل من كنتاكي أو هارديز بطني يعورني

 

[زقرتية]

اانا خواتي تسممموو من هارديزز
بس تميت انا اكل منه
بس عقب ما قمت اكله منه
لاني شريت جكن فليييييه واستغفرالله كانت الديايه فيها ريحه خايسه جنها معفنه وما تناكل
هالشهر توو مو مبطي
ومن عقبها توبه اكل من هارديززززززز

 

[ليالي الكويت]

والله اغلب المطاعم وصخه خصوصا كنتاكي


مادري متى نتووووووووب منهم

 

[ghalaty]

كنتاكي العماله خربته قبل اشحلاته وبعد تجاج تكا اخترب صار كلش موشي من هالعماله المتطوره الي يشتغلون فيه

 

[بسكوتة]

عاد انا كنت مقاطعه برجر كنج وهارديز وتوني راده لهم اب قوه
اف الحين لاعت جبدي
بس هارديز عندهم صمونه حلوه اسمه ستيك بيرجر