(( ربطوا الاحزمة .. وتابعوا تقريري المصور لاندونيسيا .. بلاد الاندومي)) >بعد التعديل<

[nero]

(( ربطوا الاحزمة .. وتابعوا تقريري المصور لاندونيسيا .. بلاد الاندومي)) >بعد التعديل<

السلام عليكم


كل التحيه لجميع العضوات .. والمشرفات .. والاداريات .. في منتدانا الحبيب

بعد انقطاع عن المنتدى دام 21 يوم .. ارد لكم ومعاي تقريري المفصل المصور عن رحلتي

لأندونيسيا

بصراحه ما توقعتها بهالمستوى لما اكمل وتشوفون الصور راح تعرفون ليش

بسم الله نبدا

رحلتنا كانت يوم الثلاثا بتاريخ 1\7\2008 ترانزيت مو دايركت وبما اننا على القطرية
الترانزيت يكون بقطر ..

بالروحه كان الترانزيت 6 ساعات .. وايد تعبنا .. وما بقى شي ما سويناه بهالست ساعات

شرينا من الديوتي فري




امي ما قصرت من قبلها بجم يوم مقصصه سودوكو من الجريده ..



وقعدنا نحل نقزر فيها ليما حان الوقت الي ركبنا فيه الطياره متجهين الى جاكرتا
طبعا الكل نوووووم ..

ليما وصلنا بالسلامه لمطار جاكرتا الساعه 3.45 بتوقيتهم
كنا مواعدين سائق ياخذنا من المطار .. بس مسكين عباله نوصل 3 الفير ..

اخذنا سياره من المطار الى فندق واعدنا فيه السائق ..

لانه بياخذنا لي منطقه ثانيه ما راح نقعد بجاكرتا


تابعوووووني ....

 

[بنت عبدالغني شربت]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

الله وناااااااااسه وانا اول وحده ارد بما انه اول مره نشوف صور اندونسيا بالمنتدي يستاهل التثبيت نيرو ناطرينج :ggdw::ggdw:

 

[white~heart]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

حمد الله على السلامه

وين الصوووووووووووووووووووووووووور

 

[حرير*]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

ألف الحمد الله على سلامتج بس الصور مو طالعييييين؟؟

 

[الشرقية]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

الحمدلله على السلامة

نبي التقريرررررررررر

 

[عالي مستواها]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

الحمد لله على سلامة

ناطرين التقرير

 

[nero]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

الله وناااااااااسه وانا اول وحده ارد بما انه اول مره نشوف صور اندونسيا بالمنتدي يستاهل التثبيت نيرو ناطرينج :ggdw::ggdw:

مشكوووووره شربووت علىالتثبيت .. تسلم ايدج

:tek:

حمد الله على السلامه

وين الصوووووووووووووووووووووووووور

ألف الحمد الله على سلامتج بس الصور مو طالعييييين؟؟

الحمدلله على السلامة

نبي التقريرررررررررر

الحمد لله على سلامة

ناطرين التقرير

كان المنتى يعلق ما قدرت اكمل .. سوري

الحين يايكم بالطريييييييييييييييييييييييج

 

[.]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

االله وناسه..

نطروني بروح معاكم..

 

[هــــــف هــــــــف]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

بالإنتظار حبوبه ^_^

 

[nero]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

خذانا السائق وشرينا خط اندونيسي لشركه اسمها SIMpati



من هني بدت رحلتنا مع الرخص
الخط كان ب دينار ونص .. وعبيناه ب 3 دنانير قعد معانا طول المدة :ggdw:

وعقبه الخط سيده الى منطقة اسمها PUNCHAK ويسمونها الجبل
الطريج وايد طويل ..

وصادفنا طلعة الناس من دواماتهم فكان الطريج شبه مسكر .. ما وصلنا الى المكان الي بنسكن فيه الا الساعه 9

وقفنا عند محلات تبيع خضار وفواكة شكل العرض يشووووق .. خذينالنا اناناس وموز ومشينا:tomato2:





تفاجانا بالطريج في محلات وايد مكتوبه بالعربي .. قالنا السايق هذي بالات يسمونها بقالات سعوديه
لان مو كل الي يبيه السائح العربي موفر باندونيسيا من خبز وخلافه .. بس الاسعر مو دبل ولا تربل اكثررر



سكننا في منتزه اسمه PUNCHAK RESORT عبارة منتزه فيه العاب وحدايق ومزارع وفيه فلل تاجرين الي تشوفينها وتعجبج .. احنا اخذنا فلة فيها 3 غرف .. وصالة كبيره ومطبخ وكراج حق سيارة سايقنا الي راح يسكن عندنا طول المدة الي بنقعد فيها بالجبل
سعر الفله ب 550.000 ربيه باليوم .. يعني 18 دينار كويتي >> الله يديم الرخص

هذي صورة الفيلا من بره

 

[أمواج البحر]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

متابعينج نيرو

الفيلا مبين حلوة ... يحليلها فيلا 18 دينار صج اااااااخر حلاااااااوه

ناطرين باقي الصور

 

[nero]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

المكان وايد روعه والفلل ماكو ثنتين متشابهين .. هذي لقطات من المنتزه الي سكننا فيه






















صورت هالصور اول يوم لنا الصبح .. قلنا انتمشى ونستكشف المكان

وصلنا الفيلا والا شفو شنووو ناطرنا عند الباب



هذا غير الي مبسطه عند الباب وفارشه جنطتها !!

 

[nero]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

بعد التمشيه والاستكشاف

رحنا لحديقة سفاري اسمها TAMAN SAFARi

عند البوابه يمكن تمينا كيلو نمشي والبسطات حولينا كلها تبيع جزر

تشترينه وتوكلين فيه الحيوانات





دشينا السفاري وقصينا التذاكر ماذكر بجم بس كان مبلغ مو بالعييين شي

عطونا خريطة السفاري .. الخطوط الخضرا بالسياره عند الحيوانات والبرتقاليه تمشي بالريول



فاصل مع حيوانات السفاري .. والله مطيحين الميانه مع الناس ما توقعت جذي يحليلهم

















هني الاسد يزف مرته

 

[زيـنـه]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

الحمدلله على السلامه

بانتظار تقريرج

و صج اندونيسيا .. مو بالحسبان ..شلون فكرتوا فيها ؟؟

 

[nero]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

هني الجزء الي نمشي فيه بريولنا

في عروض لجميع الحيوانات

هني عرض الفيل



وهني الطيور




وهذا مثل مشاهد تمثيليه .. والحيوانات تمثل معاهم .. جيكو على الصخله بس



وفي عروض سيرك .. طبعن ما ندري شالقمدنه نشوف وبس ولا نفهم شي



وهذا كله مجاني تبع التذكره الي دفعناها اول شييي


قعدنا نحاتي الصلاة .. والا يطلع في مسيد بالسفاري

رحنا والا جنه معبد من بره استغفر الله



ومن داخل .. خللليطي حريم ورياييل بس في عازل بسيط حق الحريم


خلصنا من الفراااره شرينا من بوتيك السوفنييير وطلعنا




عقب ما طلعنا لقينا محلات على اطراف السفاري من بره تبيع سوالفهم وصناعاتهم
وقفنا شوي انتطمش







صارلي موقف هناك خاني انحاش واركب السياره انطرهم .. ماكو شي يبيعونه من اهتماماتي اكثرها تحف

وادوات صيد .. عندي اخو من هواة الصيد .. اشرت حق الريال على (نبله) مادري تعرفونها والا لأ

سالت عن سعرها واستانست لاني اول مره اشوف نبله صجيه .. لاننا عرب ضرب السعر بالعااااالي .. قلت له اذلف عن وييييهي زيين .. وكملت طماشه ..

تلفت ورااي والا كل الي بالمحلات الي يمه وراي .. الي يايب لي سجينه .. والي رمممح ..والي مصجمه .. والي نجمة كونغفو (ابوي استانس عليها وشراها) ..

لا تشوفون وويهي حزتها .. امي استغربت تقولي انتي شقايله لهم .. والله ما قلت شي بس اشرت على النبله

ورحت سييييد السياره كرهوووني بالسالفه قطاااع

باندونيسيا .. كل شي يوصلج لي مكانج . . ركبت السياره مو يعني ما اشوف شي .. البضاعه توصلني لي مكاااني

 

[nero]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

االله وناسه..

نطروني بروح معاكم..

حياج الله رونه معاااناا

بالإنتظار حبوبه ^_^

حياج الله

الحمدلله على السلامه

بانتظار تقريرج

و صج اندونيسيا .. مو بالحسبان ..شلون فكرتوا فيها ؟؟

الله يسلمج .. كلش مو بالحسبان

احنا كنا حاطين ببالنا نجرب شي يديد .. فكرنا بسيلان وهونننا

ومادري شلون طلع اسم اندونيسيا .. وانا كنت من اشد المعارضين لها ورايحه مسحووبه بس صج طلعت

غير .. والخدم مخربين اسم الديره

متابعينج نيرو

الفيلا مبين حلوة ... يحليلها فيلا 18 دينار صج اااااااخر حلاااااااوه

ناطرين باقي الصور

حياج الله امواج

الفله روعه وسعرها اروووووع ..

شوي واكمل لكم باجي التقرير نطرووووني

 

[.]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

الله يحيج ويبقيج يارب..

ضحكتني صورة الاسد والبياعين..

صورتي الفله من داخل؟؟

ناطرين الباجي..

 

[keeka]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

الحمدلله على السلامه نيرو شغل عدل وشي يديد وخوش تقرير

 

[أمواج البحر]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

ههههههههههههههه يحليلهم يبون الشاره

شافوج سالتي عن النبلة قالوا هذي خبيره صيد هههههههههه

 

[زيـنـه]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

نيرو .. واعليه من الفقر يبون يبيعون .. و على العرب .. اكيد كل شي بيوصل للسياره ..

يلا كملي لنا .. متاااابعين