ألحقووني ياا مساافراات النمسا زيليمسي وميونخ ,, أبي مسااعدتكم ,, بليييييز

[حبووبة 76]

مشكووورة أختي سمبووسة لمشاركتج الحلوة ,,,,



بالصور الرائعة ,,,,,:tek:

 

[حبووبة 76]

بحط لكم جم صورة منقولة من فيينا ... للأماكن اللي رحت لها ....


هذا فندقنا الماريوت 5 نجوم











وهاذي صورة حديقة ستاد بارك في فيينا .. تصيير اقباال فندقنا ,, نروح لها مشي ... ونااسة







رحنا لشارع الماريا هلفر وهذي صور من الشارع ورحنا له بالأندرقراوند ....



وهذي صورة لمطعم شاورما تركي بالشارع نفسة








وهذي صور لحديقة برج الدانوب من فوق البرج ,, أتهبل ..






وهذا الكوفي شوب اللي فييه فووق ويدوور فييج متحرك ....








وهذا قصر الشوبروون والحداايق اللي فييه ,, كبيييييير حييييييل ... روحوا له بس استخدموا القطار السياحي اللي يتجول فييكم واايد أريح ,,,,

 

[حاااايره]

عليج بالعافيه


بس اهم شي حصلتي بميونخ سوقه رخيصه حق صوغه ما صوغه؟

 

[حبووبة 76]

وهذي صورة لساحة ستيفنز








طبعا الماي هناك نوعين في بغاز ولونه بنفسجي وفي بدون غاز لونه أخضر والي بدون غاز هذا شكلها وسعرها من 1.5 الى 2 يورو ... آنا ماا أوااطن اللي بالغااز جنج قاعدة تشربيين بيرييه اللي عندنا ...





وهذا القطار اللي حجزنا من افيينا علشان نرووح زيليمسي العجييييييييييبة

وقعدنا بالكباين ,, ماا أنصحكم فيهاا ... قمتة أشوي ,,, أحسن الكراسي

المفتوحة العادية ...

وأنتبهوا حاولوا اتقللون من الجنااط والأمتعة على قد ما تقدروون ,,, لأنكم رااح تتورطوون فيها اذا واايد

وحووسة ..




وهاذي الكراسي المفتوحة العادية ... أحسن ,,, وحجزوا درجة ثانية ,, مافي فرق أبد عن الدرجة الأولى

ما عدا ا المقاعد جلد !








وأهني وصلنا لمحطة قطاار زيلمسي الراائعة .....

 

[حبووبة 76]

عليج بالعافيه


بس اهم شي حصلتي بميونخ سوقه رخيصه حق صوغه ما صوغه؟

هلاا حبيبتي ....

بقوولج على سر .... بالنسبة للصواايغ ....

تدريين شنو ؟؟؟؟

شرييت 99 % من الصواايغ لأهلي من أهني من الكويت .... قبل لا أساافر ...

وأهل زوجي حمواتي ماشريت لهم شي لأنهم ماا يعترفوون بالصواايغ وعمرهم ماا ياابوولي واعياالي

عوووود !!

بس أم زوجي خالتي العسل و عمي ,,, وحمواني الريااييل يبناالهم ....

والحرييم خل تفييدهم نحااستهم ,,,, ماا يبت لهم شي ,,,خخخخخخ مثل ما تديين تداان ,,,,







علشاان ماا أتوهق أهنااك ويضييع الوقت على الصواايغ ... وعلشاان الوزن بعد .....


شريت حق خالتي أم زوجي من الكويت من المنتدى ,, جنطة أجنر




وأبووي الله يطول بعمرة من المثنى .. من محل السرحان معروف طبعا ,,, تكرميين انعال ماركة كاريتي

ب 54 دينار أتهبل ...

وأمي الله يحفظها .. من هوم سنتر طقم أنتيكات خشب شمعدانات وجذية أشحلااتهم ,,, استاانست عليهم ,,,

وألعاب وصوايغ أعيالي وأعيال خواتي واخواني ,, كلة من لاند مارك ... وخشيتهم ...

وخواتي وأخواني ... بعد من الكويت ,,, بس ما قلتلهم ... بأنهاا من الكويت ,, وأهما ماا أسألووني من فرحتهم بالصواايغ .. تدريين لأن الماركاات بالملابس مثل نكست ومانغو و شارلز كينيث وبرموود و سبيريت وكليرز و ... ..... و ,,,,,,
وزارا وغيييرهم من الماركات ,, بكل دولة .. حتى عندنا وبألمانيا نفس الشي نفس المحلااات ,,,



بس فرق الوزن ....

وطبعاا شرييت حق خواتي جم شي من أهنااك وأمي ... صدفة ...

وباجي التشري بالسفرة كله لي ولعياالي ... وناااسة ......ههههههههههه

 

[حبووبة 76]

زيلمسي الساحرة ,,,
سكنا بفدق عجييب لاا اتطوفووونة ,, مقابل البحيرة مباشرة ,,, 3 نجووم ,,, بس البلكوونة والمنظر الطبيعي

أعطييه 100 نجمة ....

فندق فيبرج سي هوتيل ,,, وحجزنا من اهناك .. وحصلنا 8 ليالي الحمدلله ,,,

سعر الليلة الوحدة 63 ديناار تقريباااا ,,, ويستاااهل والله يستاااهل ,,,,

وهذي صور للفندق العجيييييب ,,,,










أهني نتريق الصبح ... ريووقهم عاادي ... أحسن شي البيض تطلبوون على مشتهاتكم من الشييف

المصري ..












من برا البلكوونة ...

كل غرفة لازم فيها بلكوونة ... ياا سلاااام ...........

 

[حبووبة 76]

ألحييين بالنسبة للرحلااات ,,, بزيليمسي ,,,,


في رحلاات رحنا لها بالبااص ..


يعني نطلع من الفندق الصبح .. ونسأل الرسبشن عن مواعييد ساعة قدووم الباص اللي بيرووح للرحلة الفلاانية في محطة البااصاات بزيليمسي ... والريسيبشن ملوت الفندق يعلمووناا ,,,

ومحطة الباصات تكون سهلة بجانب مكتب البرييد .. وهاذي أهي ,,,




واذا وصل البااص .. تسألوونه تتأكدوون بأنه هل هوو البااص الصحييح المتوجة للمكاان الفلااني اللي

تبوونة !!!

أوووكي ....


وفي رحلاات ثانية رحنا لهاا عبر القطاار من محطة قطاار زيليمسي ....


أول شي ,,, الرحلاات اللي رحت لها بالبااص مع أبو العياال ... هي ..

رحلة جبل كابرون ..

حلوة روحووا لهاا شوفوا الثلج ... بس لبسوا عدل ... واذا ماا عندكم عادي .. فووق بالجبل يأجروون كل شي جاكيتاات وقبعات و ,,, و,,,,, وأحنا أجرنا بصراااحة .....

ونصيحة لروحوا لكل الرحلااات امبجر ,,, لأن على السااعة خمس 5 العصر خلااص يبدوون يقفلووون
وينتهي دواامهم .....



الرحلة الثانية ,, العجيييييييييبة ,,,, الزحلاقياات الصيفية ... بمنطقة سالفادين ...




أتهبل ... شي مووووووووووو طبيعي ... آنا متينة أشوي وخوااافة ,,, بس
ابصراااحة ركبتها ,,, وعشت أمتع لحظاات عمري .... لااا أتطوفووونهااا نصيييحة .....




الرحلة الثالثة ,,, شلاالاات كريملر ,,,,




ماا أعجبتني كلش .... لأنهااا وااايد متعبة ,, هلاااااك من المشي ... والصعداات الغير منتهية بالمشي

مفااصلي أذبحوووني ,,,, وندمت على السااعة اللي ييييت فييهاا لهالرحلة ,,,,

وبالبااص سااعتيين يالله توصلووون ,,, والردة نفس الشي ,,,, !!!




الرحلة الرابعة .... بالقطااار ,,, من محطة زيليمسي ,,,



الرحلة الراابعة ...

مدينة سالزبورغ ,,, تبعد ساعتيين تقريبا عن زيليمسي ,,, بس حلوة ,,,,

ورحت لسوقهم القديم على قولتهم بالسنتر ,,, وكله ماركاات عالمية ,,, وفي محلاات عاادية بعد ..

وفية بيت موتزاارت الموسيقي المشهوور ,, ويبيعوو كاكاو على أسمه بكل مكاان ,, موحلوو طعمة ...

ورحت عندهم أكبر مجمع تجاري بالنمسا ,,, أسمة أوروبا شوبينغ سنتر .. رحنا له بالتكسي ,, ب 10 يورو تقريبا ,,, وشيت جم شغلة حلوه منهم ... في محلاات تريامف للملابس الدااخلية عجييبة أصليية ,,,
و H & M وغييرهم ,,,,,,

ولاتنسوون اذا شريتوا أي شي فوق ال 25 يورو قولوا حق البياعة الكااشيير بالمحل نفسة بأنها تعطيييكم

ورقة تااكس ري فند ... Tax re-fund

علشاان يعطوونكم نسبة من أفلووسكم اللي دفعتووهاا بالمطاار ماال اميوونخ أو فيينا بالردة للكويت ,,,,




الرحلة الخاامسة ,,,,

بالقطاار ... رحلة الجبل الثلجي .. بمنطقة فيرفيين ....

ماا أنصح فييهاا كلش ,,, موووووووووووت تعب 4

ساعاات مشي بدوون مباالغة !!!

وكله صعداات جبلية ,,, طااحت أريووولي ,,, وضاااع اليووم حساافة على هالرحلة المهلكة ,,,

ويوووم صعدناا للقمة على اريوولنا ,,, واشوي بالتليفرييك .... ودفعناا أفلوووس الرحلة علشاان ندخل دااخل الكهف الثلجي ... مااا قدرت أكمل دااخل الكهف !!! وأنقمت صدري وصاار فيني ضييق تنفس بقيييت أمووت الا أشوي ....
وخلينا الرحلة أتولي وطلعنا من الكهف اللي لااازم تصعديين فييه 700 درج ,,,, هذا غيير ال 4 ساعاات مشي اللي قبل ,,,,
والأوروبيين طبعاا سهااله ,,,, بس أحنااا ماا أظن ذلك ..... !!!




ورحناا الرحلة الساادسة عجييييييبة بالقطااار ...

رحلة منجم الملح ,,, بمنطقة هيلان ,,


وبعدين من محطة القطاار أهنااك ركبنا باااص ودانا ب 10 دقايق لمنجم الملح ,,,,

واااايد أنصح فيها ,,,, بس اليهال اللي أصغر من 4 أسنيين ممنووع ...

أتهبل مثيييرة حدهاا مع القاايد اللي يمشي معااكم ...

أخذوا المعلوماات الكاافية عن هالرحلة من ريسيبشن الفندق ,, وبتستاانسوون حيييل ,,,

روحووا أمبجر ,,,,,




والرحلاات دااخل زيليمسي نفسهاا ,, أقصد التمشييات الحلوه على البحيرة كل يوووم والكافيهاات ,,, وتاكلووون برد ...

وتركبوون أتأجروون القاارب الكهربااائي بالنهاااار ,,, وناااسة .... وبراااد ....






تأجير القوارب الكهربائية بجانب فندق قرااند هوتيل المعروف .. مقاابل البحييرة ...

 

[قليلة العذااريب]

ماشالله انا مادشيت الاالصفحه الاخيره:0bee2e8d89:
ودي اصيححححححححححح ماشالله عليكم بالف عافيه


انزين بسئلج تتوقعين جم تكلف النمسا لشخصين فقط
بنتي بالبيت_03BA:ههههههههههه

يعني سكن ومصاريف ابي ككل

وعليكم بالعافيه

 

[هاي مون]

حمدالله على السلاااااااامه والمره اليااااااايه برووووووووووووح معاكم خخخخخخخخخخخخ

 

[حبووبة 76]

ماشالله انا مادشيت الاالصفحه الاخيره:0bee2e8d89:
ودي اصيححححححححححح ماشالله عليكم بالف عافيه


انزين بسئلج تتوقعين جم تكلف النمسا لشخصين فقط
بنتي بالبيت_03BA:ههههههههههه

يعني سكن ومصاريف ابي ككل

وعليكم بالعافيه

هلااا حبيبتي ,,,

أحنا رحنا 20 يوم ,,,

فيينا 4 ليالي ..

زيليمسي 7 ليالي أو 8 !! نسييت ههههه

قارمش الألمانية 3 ليالي

روست 2 ليلتيين حق مدينة ملاهي أوروبا باارك .. فندقنا داخل مدينة الملاهي يهبل خيااااال ,,,

وآخر شي

ميونخ 3 ليالي ,,,

والتكلفة السكن مع كاامل الممصارييف التنقل والأكل والرحلاات 4.500 ديناار


وزوجي معطيني حقي وحق اليهاال بعد للتسوق 900 ديناار حسبييهم من المصارييف اللي ب 4,500

دينار اللي فووق ....

بس آنا سحبت بالكي نت حق التشري ماا كفت الفلووس تقريبا 600 ديناار من حسابي ,, هذا خاارج

الحسبة الأساسية ...

 

[قليلة العذااريب]

تسلمين حبييتي ماقصرتي
انزين اتوقعين 13 او 14 يوم جم يبي لنا
3000 او اكثر

لان احنا نبي وتمشيات ورحلات
اممممممممممم شوبينق ماعتقد الاشي بسيط
بغمض عيوني الا عن شي كلش عجبني ههههههههههههههههه عزالله
ماخليت شي:dddds:

موعارفه لوتكفي
والظاهر تخطيط الرحله بيكون نفس المناطق اللي رحتي لها
ماشالله حدها حلووه

تدرين انا كنت محتاره بين لندن والنمسا وفرنسا
وتايلند
شرايج بتايلند بالتحديد ولندن:tek:​

 

[حبووبة 76]

تسلمين حبييتي ماقصرتي
انزين اتوقعين 13 او 14 يوم جم يبي لنا
3000 او اكثر

لان احنا نبي وتمشيات ورحلات
اممممممممممم شوبينق ماعتقد الاشي بسيط
بغمض عيوني الا عن شي كلش عجبني ههههههههههههههههه عزالله
ماخليت شي:dddds:

موعارفه لوتكفي
والظاهر تخطيط الرحله بيكون نفس المناطق اللي رحتي لها
ماشالله حدها حلووه

تدرين انا كنت محتاره بين لندن والنمسا وفرنسا
وتايلند
شرايج بتايلند بالتحديد ولندن:tek:​

خلج من تاايلند .. أشتبيين فييها حر وارطوووبه ,,,,

ولندن ماا رحت لها بس كلها شوبينغ ,,, ما تصلح لج ...

وأعتقد بأن 3000 ديناار كاافية حبيبتي .. اذا بتغضيين البصر عن الشوبينغ أشوي ,,,

وما أنصحج تروحيين ميونخ الأ ليله وحدة علشان تردين من مطاارهم للكويت ,, لأنهاا حاارة وشمس أشوي

أنصلخنا .... وكلهاا شوبينغ ,,,


واذا بتسافريين للنمسا وألمانيا مثلي ,, سووا الفيزا ألحين حق شهر واحد بس لا يقصوون عليكم ويقولون لكم 3 أشهر .. ولا تدفعون حق التأميين الصحي قولوا ما نبي ,,,, وممكن اتسون الفيزا عند مكتب السفريات المستقبل محترميين والله .. وسوها لنا بخمس أو 6 أياام بس ,,, وأنتوا حطوا مع كل جوااز صورتيين للفيزا الشنغن يكوون الخلفية بيضا .. عند المصور يعرف مقاسات وخلفية فيزا شنغن الأوروبية ....



وأنصحج اتابعيين تقريري عن السفرة لأن فيها بعض الرحلاات اللي ماا تسوى تروحوون لهاا وتتعبوون وتخسروون فيها ..
وفيها بعض الأخطااء بالتوقييت اللي صارت لنا كوننا أول مرة نسافر لهالمناطق .... وخصوصا بمدينة روست ,, لمدينة ملاهي أوروبا باارك ... ليلتيين ما تكفي ,, لازم 3 ليالي على الأقل ..... وبعدين بشرح لييييش ,,,,,,

 

[حبووبة 76]

بعد زيليمسي الساااحرة .... توجهنا بالقطاار الى

مدينة قارمش الألماانية ,,,

تقريبا 6 ساعات ونص بالقطاار .... بس ما تحسوون بالطرييج لأنه برااد ومناااظر خلاابة وخضرة وطبييييعة وأنهااار ترد الرووووح .... مشاءالله تباارك الرحمن ,,,,,





وهاذي محطة قطار وصولنا لمدينة قارمش ,,,,




قارميش مدينة صغييرة نوعاا مااا وجمييييلة جدا ... وأحنا أجرنا سيارة فيها Navegator من مكتب تأجير السيارات أسمة Avis معروف عالميا ,,, عن طريق الريسيبشن ,, بفندقنا ,,, قراند سونوبيكل هوتيل .. 3نجوم ... وما أنصحكم فية ,, الغرفة واسعة وفيها بلكونة ,, بس الأرضية مالت الغرف مثل الخشب وفوقه زولية
بس وااايد مزعج ويوصوص اذا أحد مشى بالأرض !!! بصراحة جنة فيلم رعب بالليل ,,, خخخخخ

هذا الفندق ...

Grand Hotel Sonnenbichl Garmisch Partenkirchen




هذا المنظر من البلكوونة ...



والأبقاار وصوت الأجراس اللي برقبتهم ... نشوفهم بعد من البلكوونة ,,,,,, ونااااسة ,,,


http://www.ya3mri.com/up/uploads/6f369fef03.jpg

في السنتر في قارميش الحيوية ، الصخب ، الحركة ، السياح ، شوارع القرية الصغيرة قد تحولت الى ساحات بيع وشراء محلاات وكافيهاات وتمشية بالجوووو الراااائع ....

[url=http://www.ya3mri.com/up/][img]http://www.ya3mri.com/up/uploads/11a001089b.jpg







[/img][/url]

 

[حاااايره]

متااااااااااااااااااااااااابعتج بكل جواااااااااااااارحي

 

[حبووبة 76]

[ "]وهاذي صور أخرى من مدينة قارمش

السااااحرة بجماالهاا الآخاااااذ ....













وهذا مطعم بيتزاهت تغدينا فية ,,, حلو والله وفريش أكلهم ,, مكانه يصيير

بالسنتر بشارع المارين بلاتز بالزااوية واااضح ,, وكله خليجيييين ,,,,








والآن رحلة البحيرة ,, أسمها بحيرة ابسي [/

SIZE],,,, رحنا لها بسيارتنا 10 دقاايق بس ,,,,






وحلوة روحولهاا ,, فيها تأجيير قوارب ,, وكافيهات .... مكان رومانسي ,,,,

وفي جبل وتلفرييك يمها .... يودييكم لأعلى قمة جبال الألب ,,, بس ماا رحنااا ,,, لأننا شبعنا من الجباال ههههه عشتو ,,,, وملينا من التلفريكااات ,, الله يالدنيا ,,, ملينا هااااا ... صج البشر بس هبه بالشي وبعديين يملوون ويصيير عادي ....


هاذي البحيرة ...
















لاحظوا مسار التلفريك الذي يخترق الغيوم الى القمة لرحلة جبل الألب اللي ماارحتلهااا !

جني تحسفت ألحيين أني ماارحت ....!!





ولاتنسوون اللي بيرووح قارمش ,,, لازم تروحون مطعم هندي عجييييييب حده .. يحط مغل محل تحت سوري أبااطة .... هههههه و أسمه مطعم تااج محل ,, Taj Mahal ويصير بالمدينة القديمة على قولتهم Old Town وأنتوا عموماا مثل ماا قلتلكم سئلوا الريسبشن وبيعلمووكم ,,,,



وهاذي صورة أخيييرة من صور قاااارمش الهاادئة الجمييله السااااحرة ,,,,

 

[حبووبة 76]

باجر بكمل لكم رحلتي ,,,,


الى قرية روست Rust جنوب غرب المانيا, تبعد عن ميونخ 420 كيلو, علشاان مدينة الملاهي أوروبا باارك الونييسة ,,,


وقد أختيرت مؤخرا لتكون أفضل مدينة ملاهي في ألمانيا, يضم المنتزه أكثر من 100 لعبة موزعة على 11 جناح مستقل, كل جناح مسمى على دول أوروبية فهناك الجناح الألماني, الإيطالي, الروسي والإسكندنافي وغيره من الدول.
سعر الدخول ليوم كامل هو 26 يورو للبالغ و23 يورو للطفل ومجانا للأطفال تحت 3 سنوات.
ويسوون خصم اذا أخذتوا ليومين معا بعض أو شي جذي .. سألوا الريسيبشن مال الفندق ...

 

[غدا أجمل]

كويتية حبيبتي أنا رحلتي باجر حاجزة زلمسي ثلاث ليالي بعدهاا زوجي الحبيب مخلي ثلاث ليالي موحاجز فيهم أي مكااان وبعد الثلاث الليالي الفاضيه حجزنا ميونخ ليلتين وفينا أربع ليالي شرااايج شنوو تخطيطج للثلاث ليااالي الفاضيين

 

[حبووبة 76]

حمدلله على سلامتج ياقلبي

نبي تفصيييييييل مممممممممل اسلوبج مشوق ويبيله موضوع منفصل

تدرين حبيتج بالله ياقلبي

وسؤال

جم يوم قعدتو هناك وجم كلفتكم الرحله وصج الوجبه ب20 دينار وطالع:0bee2e8d89:

يالله همتج معاي خنشوف تناسبنا الروحه او لا

هلااا بأختي الغاالية ,,, سلمى الخير ....

ومشكوورة حبيبتي على كلامج الحلو عني ,,, وآنا والله بعد حبيييتج في الله ياا قلبي أنتي .....





وبالنسبة لأستفساارااتج ... كااني كتبت التفااصيييل بالردوود الساابقة ,,, جم قعدت يووم وجم كلفتناا السفرة

وأحنا شخصيين بس ....

وحيبتي بالنسبة للوجباات لأ غلط أشدعوة الوجبة ب 20 ديناار !!


يعني أعطييج مثاال بسييط وواقعي ... أحنا اذا تغدينا أو تعشينا بمطعم فاست فوود مثل ماكدونالدز أو برجر كنج تكلفة وجبتيين كاامليين بالحجم الكبيير وزياادة علييهم حق زوجي بعد تشيز برغر .. تقريباا 6 دناانييير بس !! وتشبعيين حدج مشاءالله ...
وبيتزاهت أخذوا تقريبا 11 ديناار أو أقل ,,,, سهاااله ....


بس المطاعم الفخمة أشوي وقعدة وجذي صح ممكن تووصل الفاتوورة لي 25 ديناار ,,, بس يكوون يستااهل ولذييذ ... مثل المطعم الهندي اللي ذكرته بتقريري بمدينة قارمش الحلوة .. بصرااحة يستااهل كل فلس تدفعيينة ,, ورحناله مرتييين من حلاااته ......


انشاءالله أكوون جااوبتج .....وحيااج الله يالغاالية .....



تابيعي موضوعي هذا اللي بحط لج الرابط مااله وماارااح تندمييين ,,, عجيييب ومفييد لحيااتج الزوجية ...
وأقري جميييع الصفحاات لأنه متشعب ,,, وماا خلصته الى ألحييين ,,,

تفضلي الراابط ...


http://q8yat.net/showthread.php?t=180373

 

[حبووبة 76]

كويتية حبيبتي أنا رحلتي باجر حاجزة زلمسي ثلاث ليالي بعدهاا زوجي الحبيب مخلي ثلاث ليالي موحاجز فيهم أي مكااان وبعد الثلاث الليالي الفاضيه حجزنا ميونخ ليلتين وفينا أربع ليالي شرااايج شنوو تخطيطج للثلاث ليااالي الفاضيين

هلااا حبيبتي ,,,

سفرتكم وااايد اقصيييرة حراام جذي .... ماا يمديكم تشوفوون شي !!

ماا تسوى عليكم ساعاات طرييج الطيااارة ... يوم بالرووحه ويووم بالردة بيرووحوون ,,,,

وهذا غيير التنقلاات بالقطااراات من منطقة لأخرى بتاااخذ نص أو ثلاثة أربااع يووم !!

أشبقى بالسفرة !!



عمووووما ....

حبيبتي ,,, شوفي ... آنا عندي كذا حل لج ,,,


ممكن أتمددوون بزيليمسي الساااحرة ... وأتأجروون بفندقنا اللي قعدنا فيييه يهبل ,, اسمه ذكرتة من

قبل ,, وأحا لقينا فييه بدوون حجز ساابق .... مع أنه زحمة حييل عليييه ,,,


هاذي صوور للفندق ....













وترووحوون من الرحلاات الحلوة اللي كتبتهاا بتقريري السااابق ,,,, لأن ب 3 لياالي ما رااح يمديييكم

ترووحوون شي !!




وممكن ... تروحوون قارمش تقعدون فيها ,, وتأجروون سياارة مثلناا وتستمتعووون بالجو ,,,,


أو أنكم .... تروحوون بالقطاار الى مدينة فيبرج ,,, ومنهاا على طوول بالبااص أو تااكسي أو سياارة اذا عندكم تروحوون الى قرية روووست اللي فيها اوروبا بارك ,, اللي بكتب عنهاا بعد أشوي ,,, أتهبل ,,,
بس لازم تحجزون الفندق امبجر أشوي ,,, أو من خلال الأنترنت مثلنا ... يبيلهاا 3 ليالي تقعدون فيها ,,, لأن أول ليلة بتوصلوون لهاا وبتكوون أكييد أمسكرة ,, لأنهاا أتسكر على الساعة 8 بالليل ,,,


وانشاءالله قدرت أفيييدج أختي الغاالية ,,,,,,

 

[.. مـــلاكـ ..]

خوووش تقرير

عليكم بالعافيه