حملة قراءة سورة البقره كل يوم

[أم منصور]

ما نشوف دموع الا دموع الفرح ترا دموع الفرح حلوة ودموع الحزن مرة بالقلب


شنو بتسوين باول راتب !!!!!!!!!!!!!

 

[أمـ الجوري]

مرحبا شلوونكم يا حلوات
والله يا بنات تجاربكم وكلامكم شجعني إني أقرأ البقره كل يووم والحمدلله صارلي 6أيام وأنا أقراها بدوون ملل
وإن شاء الله الله يثبتني وياكم على طاعته ::

تحـــياتي لمن نور حياتي: حبيباتي بنات كويتيات

 

[alfa2002]

شلووووووونكم بناااات حبيت اسلم عليكم وحدة وحدة واي اخبار حلوووة بشرررونا ترى بنفرح لكم

 

[I-IJR]

اختي جي جي مشكوره حبيبتي على كلامج الحلو ودعواتج لي

اختي .. انتي كملي 40 يوم وبعدها قرري ترقين نفسج او ما تحتاجين رقيه لانه في شغلات تبان بهالاربعين يوم اهي اللي تخليج تقررين تحتاجين رقيه او لأ ...

ممكن حبيبتي توضحين لي الشغلات هذي

 

[[ . . Jee Jee . . ]]

ما نشوف دموع الا دموع الفرح ترا دموع الفرح حلوة ودموع الحزن مرة بالقلب
شنو بتسوين باول راتب !!!!!!!!!!!!!

مرة قريت موضوع جذي .. انه شنو سويتوا بأول راتب والله ادوره مالقيته لانه مافي بالي شي الا حق اهلي خاصة امي وابوي حبايبي الله يحفظهم ويخليلكم غالينكم يام روري

عندج مقترحات يا تؤبريني عطيني

شلووووووونكم بناااات حبيت اسلم عليكم وحدة وحدة واي اخبار حلوووة بشرررونا ترى بنفرح لكم

توم مادري جيري شلونج :*
انا اخباري تسرج ياوخيتي
بشريني عنج يالغاليه

اختي جي جي مشكوره حبيبتي على كلامج الحلو ودعواتج لي
ممكن حبيبتي توضحين لي الشغلات هذي

بقولج الاشياء اللي صارت معاي والبنات يقولون لج شصار معاهم ..
انا كان يحوشني خوف مو طبيعي خوف قوي من اي شي حتى تكة الساعه رعب ..
لدرجة ما انام الا على طلعه النور والله ... لا تقولين الساعه 6 الصبح لأ
لي الساعه 9 او 10 وانام خايفة وباب غرفتي مفتوح ...

اقوى رعب لما كنت اقوم الليل فيها .. والله والله اني اول مرة قمت الليل فيها طلعت من داري ابجي والبنات قروا كلامي هذا بالصفحات اللي طافت ...

هذا الرعب القوي والنظرة البايخه للدنيا والاحساس بالحزن القوي واليأس من كل الحياة كان اللي صار معاي ...
لو تقرين ردود البنات القديمة تلقين اشياء صارت معاهم بعض البنات يحلمون احلام وبعضهم يتهيأون اشياء وتكون صج عندهم مثل القطاوة اللي تشوف قطاوة سود واهي قايمة تقوم الليل عشان مايخلونها تصلي .. الكادي قالت هالسالفه
الكادي شخبار هالبنات صح؟


المهم اختي.. انتي لا تفكرين بالاشياء هاذي قبل لا تخلصين الاربعين ... استمري معانا وان شاءالله ماراح تحتاجين ولا تتعبين تعبي وتعب غيري من البنات ...

ماوصيج حصني نفسج ..

تدرين انا موقفه صارلي اسبوع والله مستحيه من نفسي اوصيكم وانا موقفه مال طق

 

[I-IJR]

مشكوره حبيبتي على الرد والله يشفي الجميع وما تشوفون شر ان شاء الله
وباذن الله ببتدي والي ربي كاتبه بيصير
شاكره لكم حبكم وتفانيكم في تقديم النصح
والله كريم ان شاء الله ما أتعب

 

[أم منصور]

مرة قريت موضوع جذي .. انه شنو سويتوا بأول راتب والله ادوره مالقيته لانه مافي بالي شي الا حق اهلي خاصة امي وابوي حبايبي الله يحفظهم ويخليلكم غالينكم يام روري

عندج مقترحات يا تؤبريني عطيني



انشالله تستلمين وربي يفيض عليج بالبركه

اول راتب جزأ بري فيه والدينك

وجزأ دفعة بلاء وللبركه في الرزق والعمر روحي سوي وقفية كفالة يتيم او المبلغ الي تقدرين عليه شنو يناسبه لكن بنيه دفعة البلاء عن صحتج وغالينج ورزقج والي تبين تنوينه بقلبج

والباجي لج

الشهر الي بعده شاركي في البيت وخل لج روح فيه سنعي عدلي شوفي الي يرضيج واهم شي من تستلمينه سالي والدينج اذا بخاطرهم شي


الثالث روحي سوي كفالة يتيم وهذي استقطاع شهري والي تبينه

جزا منه استقطاع من البنك الى حساب آخر توفير والباقي تعلمي ان هذا الي تقدرين تصرفينه لان الراتب يطير على اول الشهر :RoadRunner:

حبيبتي انتي توني مصلية الفجر وقريت سورة البقرة وربي يوفق ويرزق كل البنات والي في بالي الستر وراحة البال والصحة والعافيه يارب

 

[أم منصور]

جيجي غيري مكان اقامتج من في غرفتي الى في الحياة مشغوله


ويه الشغل خذاج منا بس ميخالف وقامت تهد الصفحه لكن بسد عنج انشالله


يالله وين البنات اليوم ما في احد دخل بتيتا بتيتا

 

[عسـاف]

اعتذر والله الذي لا إله إلا هو لم اكن اعلم انه ممنوع تسجيل الرجال

عموماً اخواتي بارك الله فيكم ونفع بكم

في امان الله والمعذرة ​

 

[[ . . Jee Jee . . ]]

مشكوره حبيبتي على الرد والله يشفي الجميع وما تشوفون شر ان شاء الله
وباذن الله ببتدي والي ربي كاتبه بيصير
شاكره لكم حبكم وتفانيكم في تقديم النصح
والله كريم ان شاء الله ما أتعب

مابين الخوات شكر ان شاءالله .. مع الوقت بتحسين انه فعلا احنا خوات انا متأكدة ..

انشالله تستلمين وربي يفيض عليج بالبركه
اول راتب جزأ بري فيه والدينك
وجزأ دفعة بلاء وللبركه في الرزق والعمر روحي سوي وقفية كفالة يتيم او المبلغ الي تقدرين عليه شنو يناسبه لكن بنيه دفعة البلاء عن صحتج وغالينج ورزقج والي تبين تنوينه بقلبج
والباجي لج
الشهر الي بعده شاركي في البيت وخل لج روح فيه سنعي عدلي شوفي الي يرضيج واهم شي من تستلمينه سالي والدينج اذا بخاطرهم شي
الثالث روحي سوي كفالة يتيم وهذي استقطاع شهري والي تبينه
جزا منه استقطاع من البنك الى حساب آخر توفير والباقي تعلمي ان هذا الي تقدرين تصرفينه لان الراتب يطير على اول الشهر :RoadRunner:

حبيبتي انتي توني مصلية الفجر وقريت سورة البقرة وربي يوفق ويرزق كل البنات والي في بالي الستر وراحة البال والصحة والعافيه يارب

جزااااااااج الله الجنة يام روري خوش نصايح واقتراحات .. كلكم تقولون سوي استقطاع اول من قالي اختي والحين انتي اختي الثانيه .. باخذ برايكم شكلكم مقروصين لول

جيجي غيري مكان اقامتج من في غرفتي الى في الحياة مشغوله
ويه الشغل خذاج منا بس ميخالف وقامت تهد الصفحه لكن بسد عنج انشالله
يالله وين البنات اليوم ما في احد دخل بتيتا بتيتا

لالا ماقدر اصلا والله اني استحي افتح الموضوع بالدوام ... ام روري والله كل الشغل علي ورب الكعبه والبنات مايتحركون ؟ !!! احس روحي الموظفة الوحيدة بالمكتب والبنات زوار او مراجعات ...
يادوب يردون السلام .. المراجع يسلم ويوقف جدام مكتبي !!

اليوم وحده تبيني ادور لها اجازتها بتاخذ عليها نسخه ... انا حاولت افهمها انه مانحتفظ بالاجازات نختمها وتروح الوزارة ... مامداني بقولها مافي .. قال والله بالحرف الواحد .. قالت لي : " لا.. انسى مافي.. شوفي وينها يمكن بالملف الثاني "...

انصدمت @@ .... حاولت افهمها مافهمت الا لما مسؤلتي قالت لها مانحتفظ بالاجازات ولا جان مانخلص ...
لا اراديا قلت ... قلت لها


بدت سوالف الدوام ولوعه الجبد ..... بس من جهه ثانيه انا مرتاحة واحس مالي شغل بأحد .. مرات اقول سوالف واتحسف ليش قلت جذي شسوي ماعرف اقعد ساكته بموت من الملل ...

ام روري تعالي تربعي .. قوليلي احسن تعامل اتعامله معه بنات الدوام عشان لا يقهروني ولا يكرفوني ...

 

[[ . . Jee Jee . . ]]

السلام عليكم يا احباب عسى الله ان يبارك فيكم وفي مجهودكم
انا عرفت موضوع الحملة من جريدة عالم اليوم الكويتيه ذكره احد الاخوة الذين جربوا الموضوع
وذكر فيه اسم صاحبة الموضوع Cherrrry وشكرها
​

تدرون توني اقرا هالرد؟ ماشاءالله يامالج من الاجر يا تشيري تبارك الرحمن .. الله يرزقها مثله مضاعف بإذن الله

جزاك الله خير اخ عساف .. للاسباب شرعيه هي خلتنا نختار هالمنتدى نستقر فيه يمنع مشاركة الرجال لكن هذا مايمنع انك تكمل الرقيه باستشارة راقي مختص في منتدى الرقيه اللي ارسلته من قبل ..

شفانا الله واياك وبارك فيك

 

[sweet candy 2009]

ومازلت مداومه والحمدلله على البقره والاستغفار
ونتائجها راحه بال وماكو غلقه الحمدلله
والله يحقق لي باجي اموري وياكم

 

[شمشونه]

مشكورين بنات على هالحمله وانا انشالله من هاليوم بقراها
انا والله قريتها تقريبا شهر او اقل بشوي
كنت اقراها على ولدي بنية الله يشفيه والحين نويت اقراها اربعين يوم متواصله وعسى الله يشفيه ويعافيه ويخليه لي ياااااااارب

 

[[ . . Jee Jee . . ]]

صباح

الورد




غالياتي :*

 

[akwa]

انا مستمره على الحملة معاكم من اشهر


بس طايحة بمصيبة ما يعلم فيها الا الله


ادعولى يابنات ارجوكم ادعولى انى اطلع منها بسلام وربي يفرجها علي




لا تنسونى من دعائكم ​

 

[[ . . Jee Jee . . ]]

الله وياج يا أكوا ... اذا تحبين تنفسين عن الامور الحاصلة معاج في حياتج .. كتبي بالحدود للي انتي تحددينها وبترتاحين ...

على فكرة انا من زمااااااااان تركت لج سؤال وماشفتيه الظاهر .. ماتدخلين بس الحمدلله مستمرة.. الله وياج عزيزتي

 

[akwa]

حبيبتي jee jee


ماقصرتي على الرد السريع ............. انا ما ادخل دايما واكيد ما شفت السؤال


بس مشكلتى ما تنحل الا برحمة الله وخايفة حيل وابي دعاؤكم تكفين لا احد ينساني

 

[أم منصور]

صباح

الورد




غالياتي :*

يه يه شهالحركات تدرين عاد هذا تلفوني شرالي اياه ولدي في عيد الام


يعني انا في الدوام واشرب الشاهي واقرا الجرنااااااااااااال يعل ايامج كلها فرح وراحه وسعاده


والله احبج :tek:

 

[أم منصور]

انا مستمره على الحملة معاكم من اشهر


بس طايحة بمصيبة ما يعلم فيها الا الله


ادعولى يابنات ارجوكم ادعولى انى اطلع منها بسلام وربي يفرجها علي




لا تنسونى من دعائكم ​

الله اكشف عنها كل هم وضيق

يارب فرج هم المكروبين وامسح على صدورهم بالراحة والطمانينه واستر عليهم وفرج ضيقتهم من اوسع ابوابك ياكريم يارب ثبتها على الذكر والطاعة واجعل هم الدنيا هينا لينا على قلبها واجرها في مصيبتها خيرا

 

[eng.mimi]

جزاكم الله الف الف الف خير على هالحملة الرائعة
انا انصح الكل انه ما يتهاون ويستمر بالقراءة لانها صج سبحان الله تيسر امورج كلها حتى لو كانت بسيطة