{ ...الدكتورة رشا الصفي تجيب على استفسارتكم ..} استضافة اسبوعية

[hassan1978]

يادكتورة ابنتي عمرها اربعة اشهر وتوني مطعمها طلع في وجهه بقع حمراء هل هدا طبيعي افيديني جزاك الله خير :gathering:

 

[كويتيه وأتشرف]

دكتوره انا ما عندي أي سؤال بس حبيت أشكرج على ردودج الحلوه وانضمامج للمنتدى وتخصيص وقت حقنا بالرغم من انشغالج بالدوام والخفارات وعساها تكون في ميزان حسناتج وبارك الله فيج وربي يحفظج لعيالج ويحفظهم لج وعساج عالقوه

 

[د. رشــا الصفــي]

شلونج دكتورة .. بنتي عمرها شهرين وااايد ترجع وانتوا بكرامة .. يعني بعد كل رضعة لااااااازم ترجع لاااااازم .. يعني مو الترجيع اللي يطفح وجنه ترجيع مرض لالا .. تعرفين لما يكون جنه حليب زايد .. بس على فترات وايد .. انشالله فهمتيني ..؟؟

برايج حليبها لازم يتغير والا شنوووو ؟؟ ((حليبها بيبي لاك اي سي))

Om_BaRRaK

الله يخليلج بنيتج

الترجيع الزايد ما منه مشكلة

اذا وزنها يزيد بطريقة زينة

لا تغيرين الحليب ولا شي

بس حاولي تخلينها على كرسي مرتفعة بعد الرضعة علشان لي رجعت ما تشرق

و اذا لا سمح الله الترجيع بكميات كبيرة

و مع هذا وزنها هم يزيد طبيعي فالغالي يكون ارتجاع بالمرىء ما يحتاج الا انج تعطينها اي نوع حليب مكتوب عليه مضاد للارتجاع

و ما تشوف شر

 

[د. رشــا الصفــي]

ياهلا فيج يادكتوره نورتي المنتدى

منور بوجودكم

حبيبتي

مشكورة

 

[د. رشــا الصفــي]

يادكتورة ابنتي عمرها اربعة اشهر وتوني مطعمها طلع في وجهه بقع حمراء هل هدا طبيعي افيديني جزاك الله خير :gathering:

hassan1978

ممكن بعد اي تطعيم تطلع بقع حمراء خفيفة على الطفل

بس اذا استمرت يومين اة 3 و صاحبتها حرارة

لازم تودينها الطبيب يشوفونها

و ما تشوف شر

 

[د. رشــا الصفــي]

دكتوره انا ما عندي أي سؤال بس حبيت أشكرج على ردودج الحلوه وانضمامج للمنتدى وتخصيص وقت حقنا بالرغم من انشغالج بالدوام والخفارات وعساها تكون في ميزان حسناتج وبارك الله فيج وربي يحفظج لعيالج ويحفظهم لج وعساج عالقوه

تسلمين حبيبتي على الدعاء الحلو

ما قصرتي

والله انا اللي وجودي بينكم يزيدني شرف

و بصراحة ما تتصورون سعادتي و انا ارد عليكم

كأني انصح خواتي و الله يعلم

و اتمنى اني اكون عند حسن ظنكم

:tek:

مشكورة مرة ثانية

 

[نور الحب]

السلام عليكم ورحمة الله وبركاته

شلونج دكتورتنا


حبيت استفسر عن وزن بنتي اهيا عمرها 6 اشهر ونص ووزنها 5.800 غرام

قالولي طبيعي بس اللي يشوفها يقولي جنه عمرها 3 او 4 اشهر

وفعلا ماشالله لما احطها يم بنت حماتي عمرها شهرين جنه بنتي اكبر منها بشهر
بس بنتي يقولولي طولها حلو بس هيئة جسمها اصغر من سنها وضعيفه

اهيا تتحرك ماشالله وتلعب وتقلب يمين ويسار بس بس ليلحين ماتقعد بروحها الى اذا كنت ساندتها بشي وليلحين ماسننت
ولا حبت و اهيا ماتقلب قلبه كامله بس يمين ويسار
عفية هالشي طبيعي ولا لا


وجم وجبة لازم تاكل باليوم

وترا انا ارضعها طبيعي واهيا ماتمسك الممية ولا تحب العصاير في نوع معين من العصير يفضلونه اليهال تنصحيني فيه
لاني احاتي وايد
:tek:

 

[د. رشــا الصفــي]

السلام عليكم ورحمة الله وبركاته

و عليكم السلام و رحمة الله و بركاته

شلونج دكتورتنا

الحمدلله بخير

حبيت استفسر عن وزن بنتي اهيا عمرها 6 اشهر ونص ووزنها 5.800 غرام

الوزن الطبيعي للبنات بعمر 6 شهور يكون من 5.800 الى 8.600 كيلو

قالولي طبيعي بس اللي يشوفها يقولي جنه عمرها 3 او 4 اشهر

صح الوزن طبيعي

و لا تقارنينها بالأطفال الثانيين اكو اطفال ما شاء الله اوزانهم فوق المعدل

وفعلا ماشالله لما احطها يم بنت حماتي عمرها شهرين جنه بنتي اكبر منها بشهر
بس بنتي يقولولي طولها حلو بس هيئة جسمها اصغر من سنها وضعيفه

اهيا تتحرك ماشالله وتلعب وتقلب يمين ويسار بس بس ليلحين ماتقعد بروحها الى اذا كنت ساندتها بشي وليلحين ماسننت

طبيعي انها تقعد مسنودة بعمر 6 شهور

عندج ليما تكمل 9 شهور تعطينها فرصة انها تقعد بروحها

ولا حبت و اهيا ماتقلب قلبه كامله بس يمين ويسار
عفية هالشي طبيعي ولا لا

هم طبيعي حبيبتي

لا تحاتين


وجم وجبة لازم تاكل باليوم

على حسب متى بديتي توكلينها

اذا بديتي من 4 شهور فالمفروض انها تاكل 3 وجبات الحين و اذا بديتي من 6 شهور لا بس وجبة وحدة تاكل

وترا انا ارضعها طبيعي واهيا ماتمسك الممية ولا تحب العصاير في نوع معين من العصير يفضلونه اليهال تنصحيني فيه

لا مافي نوع معين كل طفل و اللي يفضل

عادة نبدا بعصير البرتقال المخفف

او التفاح

لاني احاتي وايد
:tek:

لا تحاتين

ما عليها الا العافية

 

[>>روضـة الحسـن<<]

دكتوره انا ولدي عمره اربع سنين وشهر تقريبا
ملاحظه انه مايطول بسرعه يعني في اطفال اصغر منه بعايلتها طوله والله هالشئ حيل يضايقني مادري شسوى
تعتقدين من شنو

 

[د. رشــا الصفــي]

دكتوره انا ولدي عمره اربع سنين وشهر تقريبا
ملاحظه انه مايطول بسرعه يعني في اطفال اصغر منه بعايلتها طوله والله هالشئ حيل يضايقني مادري شسوى
تعتقدين من شنو

ممكن طوله ووزنه

ولا عليج امر ؟

و هم اذا ممكن طولج و طول ابوه اذا تبين عالخاص عادي

بس راح اترك الرد بالموضوع

 

[الاخلاص]

مرحبا دكتوره عندي سؤال ضروري بخصوص ولدي عمره سنه شنو اقدر اوكله اقدر اوكله مثلا بيض عسل زبدة الفستق ابي اوكله اكل مايمتنه ومغذي لمخه ولدي شوي متين ماشاء الله

 

[**أم السنع**]

السلام عليكم
اولا احب اشكرج على وقتج اللي خصصتيه لبنات المنتدى وجزاج الله عنا ألف خير
ثانيا آنا عندي بنتين الكبيرة شهيتها للأكل ضعيفة ما تاكل الا كميات بسيطة وتاخذ وقت طويل بالاكل وتمل وتترك أكلها وضعيفة حيل بس نشاطها وذكائها ولعبها الحمدلله طبيعي عمرها 6 سنوات
الثانية عكسها تماما تاكل وما تحس بالشبع لازم اقولها خلاص ماما كثرتي بالاكل بس الحمدلله مو متينة يعني متروسه وعمرها4 سنوات
ابي الحل اشلون اخلي الكبيرة تاكل والصغيرة تشبع؟؟؟؟؟​

 

[*الفراولة*]

دكتورة انا بنتي عمرها 25 يوم وودي ارضعها طبيعي
وصدري فيه حليب بس انا تغذيتي مو ذاك الزود يعني
عادي يمر اليوم ماكله وجبه وهم خفيفه بعد
يعني حليب صدري مامنه فايده ؟ لان سمعت اذا ماتغذيت
حليب صدري مامنه فايده صج هالكلام ؟

 

[جاكم الزين كلة]

السلام عليكم

شرفتينا يا دكتورة

انا عندي سوال ولدي عمرة 2 ونصف صاير في الاسابيع هذي يرجع ويشكي بطنة وديتة الطبيب عطاني مضاد حيوي وانا اكرة المضاد الحيوي لانة من كثر ما يشربة ما صار عندة مناعة عطيتة وخف يومين بعدين رد يرجع مرة ثانية

اهوة يادكتورة كثير الطيحة يعني كل شوي طايح يا على راسة او بطنة او كتفة وصاير مافي شي مايلحسة وتذوق طعنة ما في نعال او برغي ويعض اصابعة اهاوشة اللحين قام ياكل ويعض ملابسة

ابي الحل يا دكتورة ؟؟؟ لا تقولين ودية الدكتور علشا ادري راح يعطيني مضاد وانا كرهت المضاد لو اي واحد طاح بالبيت مريض طاح بعدها ابي الحل ؟؟؟

 

[engmar]

مرحبا دكتورة ومشكورة على اهتمامك
سؤالي بسيط وهو هل فعلا القطط الشيراز ممكن تسبب حساسية للاطفال بسبب شعرها
طبعا انتي بتعرفين انة دايما بيكون شعرها بيتساقط حيل وبيملى المكان افيديني الله يخليكي
وايضا هل ممكن تسبب اذى للنات الصغار لاني سمعت انة القطط خاصة بتنقل مرض للبنات ممكن ياثر على الحمل في المستقبل
ياليت تفيديني بها النقطتين
واسفة على الاطالة

 

[أسيـل الجـــرح]

السلام عليكم دكتوره بنتي عمرها 7 شهور من اول ما يبتها ولين الحين ترجع قالولي اول ما يبتها انه طبيعي علشان المعده ما تعودت بس لين الحين وكل شي تاكله تلرجع منه حتى الحليب ما ادري شنو المشكله وهل هذا طبيعي ولا لاء ويزاج الله خير

 

[د. رشــا الصفــي]

مرحبا دكتوره عندي سؤال ضروري بخصوص ولدي عمره سنه شنو اقدر اوكله اقدر اوكله مثلا بيض عسل زبدة الفستق ابي اوكله اكل مايمتنه ومغذي لمخه ولدي شوي متين ماشاء الله

الاخلاص

العسل و البيض تقدرين توكلينه عادي

بس زبدة الفستق او زبدة الفول السوداني ( بي نت بتر ) راح تسمنه حيل

مفدة صح بس تسمن الطفل وايد

عطيه سمج وايد زين حق مخه و ما يسمن

ابتعدي عن الأكل اللي فيه كريمه و زبدة

و بس عادي لا تحرمينه من شي

 

[بشابيشي]

مرحبا دكتوره حبيت اسالج عن بنتي عمرها 6اشهر اقدر احطلها بسكوت بالحليب ولا بعد

 

[د. رشــا الصفــي]

السلام عليكم
اولا احب اشكرج على وقتج اللي خصصتيه لبنات المنتدى وجزاج الله عنا ألف خير
ثانيا آنا عندي بنتين الكبيرة شهيتها للأكل ضعيفة ما تاكل الا كميات بسيطة وتاخذ وقت طويل بالاكل وتمل وتترك أكلها وضعيفة حيل بس نشاطها وذكائها ولعبها الحمدلله طبيعي عمرها 6 سنوات
الثانية عكسها تماما تاكل وما تحس بالشبع لازم اقولها خلاص ماما كثرتي بالاكل بس الحمدلله مو متينة يعني متروسه وعمرها4 سنوات
ابي الحل اشلون اخلي الكبيرة تاكل والصغيرة تشبع؟؟؟؟؟​

**أم السنع**

اولا العفو حبيبتي ما سوينا شي

هذا واجبي حبيبتي

اذا ما افيد بنات ديرتي منو افيد

ثانيا

البنت الكبيرة اذا وزنها طبيعي و نشاطها طبيعي لا تحاتين

و نفس الكلام بالنسبة للصغيرة

لا تحسسينهم انه هالموضوع محيرج ولا متعبج

راح يستغلون هالوضع

مثل ما قلت لج اذا اوزانهم طبيعية و نشاطهم زين لا تخلين هالموضوع يشغل بالج

 

[د. رشــا الصفــي]

دكتورة انا بنتي عمرها 25 يوم وودي ارضعها طبيعي
وصدري فيه حليب بس انا تغذيتي مو ذاك الزود يعني
عادي يمر اليوم ماكله وجبه وهم خفيفه بعد
يعني حليب صدري مامنه فايده ؟ لان سمعت اذا ماتغذيت
حليب صدري مامنه فايده صج هالكلام ؟

toty-loty


الحمدلله على سلامتج

لازم تهتمين بتغذيتج وايد زين علشان الحليب يغذي البيبي

3 وجبات رئيسية و 3 وجبات خفيفة

و سوائل تشربين بكثرة

علشان الحليب يصير مغذي للبيبي

بس وجبة وحدة ابدا ما تكفي