سفرتنا المباشره لامريكا .. (كروز - ميامي & اورلاندو)

[nice-girl]

تقريرج يشششششششششششششششششششششوق
عقب تقريرج انا رايحه رايحه انشاء الله الصيف الياي
وناطرين باجي الصور
ناطره صور اورلاندو على احر من الجمر

 

[MiSs_ViSTa]

mshllah niceeeeeeeeeeeeee
matb3techhhhhhhhhhhhh

 

[daloO3a]

نااااااايس

متابعتج

 

[عروس الدنيا]

ابي امريكاااااااااااا
عليج بالف عافيه يا رب
و شوقتينيييييييي
الله يسهل اموركم

 

[اوركيدا]

مشكوووورين يا بنات
انا اللي مأخرني اني انا اللحين بالسفره .. وستعيلت او نزلت الموضوع على امل يستفيدون منه اللي اللحين اهناك
لكن خبركم بالسفر مافي قعده كله لويه وفالليل ارجع تعباااااانه بس فالايام اللي اقدر اكتب فيها قاعده انزل اجزاء ...
لكن ان شاءلله بحاول انزل باسرع وقت ..
اسفه اني قاعده اطول عليكم

قلم صريح
لكروز .. اهيا باخره كبيره مثل التايتانك .. كأنها مدينه عائمه

التكلفه لست اشخاص اول شي على حسب اعمارهم ..
او على حسب الوقت اللي بتحجزين فيه والمناطق اللي بتروحينها .. يعني اذا بتروحين ميامي او اورلاندو وكروز .. غير عن بس اورلاندو وبالصيف غير عن لشتى فانتي قوليلي وان شاءلله بقولج بالضبط جم تكلف

وحي الله جميع المتابعات ..

 

[الكبر لله]

شكرًا عالموضوع والله رخيص المطعم
عليكم بالعافية

 

[chocolate cake]

اخذي راحتج اوركيدا والله حاسه فيج اكيد بالسفر يالله اكو وقت ننام فيه

انا مستانسه بالموضوع لاني تذكرت سفرتي قبل شهر رحت باهامس بكروووز والله ونااااااسه

 

[dalprincess]

مشالله خوووووووووش تقرير يشووووق حده .. بخااااطري الكروز بس اخاف يصير فيني نفس روز وجاك مادري ليش اخاف من البحر ..... بس حلو الكروز وكشخه مشالله والغرفه وسيعه عليكم بالعافيه وناطرين باجي التقرير ودزني

 

[مس فيراري]

ماشالله موضوع عجييب وحلو

 

[bambena]

ماشالله عليكم بالعافيه وتردون بالسلامه ان شاءالله التقرير روعه

متابعه

 

[84 Miss Chocolate]

تردووون بالسلامه و عليييكم بالعافيه بس بسألج اليهال ما اذووكم ؟؟ انا ودي اسفري ولدي بس ادري انه مزعج

 

[daloO3a]

عجييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييب تقريرج

 

[كل الأسامي مأخوذة ليش؟]

روعة روعة صراحة التقرير قمة
متابعتج
يعطيج الف عافية

 

[*الزينه*]

زعلانه لان الصور ماكانت تطلع عندي
بس طلعت ابشرج

مشالله روووووووووعه تصويرج

 

[<Miss ROoSe >]

ماشاء الله خوش رحلة عليكم بالعافية
والله يهنيكم
عسى الله يكتب لى أنا وزوجى أنا نروح برحلة كروز
حبيبتى ممكن تكتبيلى السايت اللى حجزتى منه حق الكروز واذا ما عليج أمر أبى موقع الكاريبيان​

:tek:​

 

[اوركيدا]

اللحين بكلمكم عن المطاعم فالكروز .. او طريقة الاكل بشكل عام

الاكل فالكروز اغلبه مجاني ..

فالدور الخامس .. مطعم العشى اللي يمتد 3 ادوار يوصل لين الدور الثالث ..
هالمطعم راااااااااااااااقي او حلو وايد .. يعني Experiance ماينعاش في مكان ثاني غير الكروز ..

هالمطعم بس للعشى .. او في يوم قالنا الويتر انه الريوق بكره بيكون فيه او ماقمنا لانه كان وايد من وقت ..
ويوم ثاني قاللنا انه الغدى بيكون فيه .. الغدا لحقنا .. وكان وااااااااااااااااااايد حلو للأسف ماصورت .. كانو مسوين بوفيه سلطات من كل انواع السلطه والسوسات ..
غير ذي منيو نختار منه الاكل والاكلات اللي فالمنيو كانت كلها يديده ..

اما الافطار اليومي العادي .. والغدى فموقعهم الدور الـ11 ..
بوفيهات طوووويله .. للافطار .. فيها سندويشات بارده .. فواكه .. كورن فلاكس .. بان كيك ..
الفطائر بأنواعها بيض يطبخونه على الطريقه اللي نبيها .. والكثير الكثير ..

والغدى نفس شي بس طبعا الاكلات مالت غدى ..

غير هالبوفيهات .. عندهم بعد مطعم ايطالي اسمه UNO فالدور الخامس يم المحلات اكله حلو او قعدته واااااااايد حلوه ..
وفي مطعم ثاني عنده سندويشات هذي كله مجاني ..

اما جوني روكتس .. او Ice Cream Ben & Jerry فياخذون فلوس ..
مبلغ بسيط ويتم الدفع عن طريق البطاقه اللي تكلمنا عنها من قبل .. وموقعه فالدور الـ11 قعدته وايد حلوه

المهم نرجع للمطعم الاول .. كل ليله بعد مايعدلون الغرفه يحطون ورقه على السرير فيها برنامج باجر ..
وين بنوقف في اي جزيره .. او من ظمن البرنامج الملابس اللي لازم نلبسها حق المطعم ..

يوم يكون كاجوال .. يعني ملابس عاديه جداً .. جينز وتي شرت .. ومن هالقبيل ..
يوم يكون سمارت كاجوال .. يعني ملابس عاديه اليوميه لكن مرتبه .. يعني بدال التي شرت قميص او بدال الجينز بنطلون لنن او اي شي ثاني ..

يوم الفورمال .. هاليوم عجيـــــــــــــــب .. النسوان كلهم يكونون لابسين فساتين سهره .. والرياييل بدلات رسميه مثل بدلة ولدنا ..

وللي ماعندهم بدله ..اهما موفرين فالباخره بدلات ممكن الواحد يأجر .. عندهم مختلف السايزات ..
الحلو في هاليووم .. انه في كل زاويه حلوه من زوايا لكروز .. في مصور محترف .. يصور الناس والناس كلهم يككونون مسطفين يصورون .. واليوم اللي بعده .. تحت في مركز التصوير يحطون الصور والكل يشتري صورته اللي يبيها ..

مع كل عشى .. في برنامج ..
يوم العشى يسمونه عشى الكابتن ..
اهوا اليوم الوحيد اللي ينزل فيه الكابتن ويتعشى مع الناس فالمطعم ..
وهذي صورت طاولته فالطابق الثالث "الارضي من المطعم" ..

اليوم اللي بعده .. يغنون الويتريه كلهم
و اللي بعده عشى الشيف .. يعرفون الناس على الطباخين وكل واحد من وين ويمرون حوالين الطاولات
يعني الاجواء غريبه الواحد مايعيشها الا فالكروز ..
وطبعا كل يوم فرقه تعزف Slow Music
وااااااااايد حلو البرنامج .. في يوم حق الاطفال اللي فالسفينه ياخذونهم او يلبسونهم قراصنه وييبونهم لنا يغنون وقت العشى ..

من انظمة المطعم اللي خاص بالعشى .. انهم اييبون منيو ولكم حرية اختيار الكميه اللي تبينها .. يعني ممكن الواحد يطلب اكثر من وجبه من المقبلات او المين كورس او حتى الديزرت ..

من حركات لكروز .. انهم كل يوم يغيرون سجادة اللفت .. بيوم الاسبوع ..

 

[اوركيدا]

بحط لكم بعض الصور من الاكل فالمطعم

من باجر ببتدي الجزر بإذن الله .. ومع كل جزيره بحط شوي من مرافق الكروز ..

 

[اوركيدا]

الكبر لله .. الله يعافيج حبيبتي .. او ترى هالمطعم بالنسبه حق مطاعم امريكا غالي .. الباقي وايد ارخص.

شوكليت كيك .. اتوقع رحلة البهاماس بعد احلى من رحلتنا .. اللحين بعد اسبوعين احس كأني كنت في حلم!

دال برنسس .. عزمي ولاتخافين ولا شي .. اهما عبرو المحيط كامل اولاً .. ثانياً بالشتى او ثالثاً وسائل السلامه وايد تطورت اللحين .. وكلش مافي خوف صدقيني ..

مس فراري .. بامبينا مشكووورين بعد عمري

قمر اليرموك .. الله يسلمج حبيبتي بالنسبه للكبير اللي عمره 4 سنوات .. ماأذانه سمالله عليه بالعكس اناستنا من اناسته .. لكن لصغيـــر ذبحنا! .. خصوصا التوقيت غلط مع طلعت ضرووسه وحالته حاله .. وصراخه وصياحه منرفز لكبير ..

دلوعه .. كل الأسامي مأخوذه ليش؟ .. مشكووووووورين الله يعافيكم

الزينه .. الحمدلللللللله انهم اطلعو ماراح تعبي بلااش ههههههه

كاكاوه كويتيه ... انا حجزت عن طريق مكتب سياحه عندنا بالبحرين ..
اما موقعهم فهذا اهوا .. وان شاءلله الله يكتب لكم .. لأنها صج رحلة من العمر

http://www.rccreservations.com/

 

[d-k_group]

اوركيدا تعرفين ozyee

 

[84 Miss Chocolate]

واي فديته العســــــــــــل ولدكم يشووووق بالبدله الله يحفظه يارب و ترجعووون بسلامه و اهم شي عليييكم بالعافيه الله يهنيييكم يارب و مشكوره شكلي بكنسل السنه اليايه في مشروووع ثاني بس باذن الله لي روووحه للأمريكا و حدج حمستيني .