عندج استفسار او اسؤال عن الماك حياج حاضرين ??

[cinderela]

سوووووووووووووووووووووووري سوري سوري >>> انزين لي متى هههههههههه
لان جد قطعت فجاه لظروف صحيه وانشالله الحين احسن
وسامحوني عالانقطاع المفاجئ ههه
ورادتلكم لاي سؤال او استفسار

وسمبوسه : ولهت عليج وايد
حور العيون : رديت على سؤالج بالخاص قريت رسالتج قبل لا اشوف الموضوع اهني ولا تقولين ازعاج ما ازعاج بالعكس منوره الموضوع
مس فيستا : ياريت اتوضحين اكثر اشوي
انا الي فهمته ان عندج برامج يمكن بس لان الماك ما يايشتغل الي اصلي
فاذا عندج برامج قوليلي مثل شنو البرامج الي عندج؟
وتسلمين ما تقصرين حبيبتي

 

[Ocean]

حبايبي انا عندي سؤال .. شلون اقدر انزل الماسنجر مال ماك ؟ و الـ Microsoft Office ؟
وشرحولي كل الاشياء الاساسيه بالماك لان حيل متوهقه ومشكوووووووورين

 

[cinderela]

اوشن : بالنسبه حق المسنجر في عندج كذا برنامج احسنهم عن تجربه اهوا adium
والاوفيس بالماك نفس الاوفيس الوندوز اسمه نيو اوفيس اهوا ايي باكيج كامل
فيه الورد والبوربوينت والخ
اذا انتي شاريه اللاب توب من الكويت بآي سيتي قوليلهم يحطولج اياه فري
بس اذا شاريته من امريكا او دول ثانيه لازم تشترين البرنامج عن طريق النت

واي سؤال انا حاضره

وشوفي الصفحات الي قبل شارحه المسنجر وحاطه الرابط وشارحه شغلات ثانيه حلوه

 

[كوت الكويت]

هلوووووو بنات
انا بعد ماكيه
اخيرا لقيت احد مثلي
طبعا بعد الماك مستحييييل ارجع حق الوندوووز وووع

 

[كوت الكويت]

سندريلا ما عليج امر ابي برنامج فايرفوكس
انا شفت اول صفحه اللي حطيتيها حق سمبوسه بس موراضي يضبط معاي
عندج رابط ثاني ؟

 

[Ocean]

مشكوره يعني اما شاريته من الغانم اروح حق الغانم او اروح حف icity الوكيل ؟

 

[Ocean]

قوه بناااااات
اشلونكم.......؟

اقووووا لابتوبي مايكتب عربيييييي طبعا شابكه من لابتوب ثاني


لا و غير هذا علق الماك و موراضي يسوي ريستارت فشسوي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[كوت الكويت]

من فوق مكان العلم تضغطين وتغيريين اللغه واذا مافي عربي
ضغطي اوبن انترناشونال واختاري عربي :tek:

 

[قمريه]

قووه .,

انا بالثانويه وصارلي سنتين استخدم التايغر والحين صار لي سنه بالليوبارد .,

ترا اعجبكم فنانه بالـ ليوبارد , أي سؤال .. عند ويهكم انا لوول

والميكروزفت هذا حذفته وفوقه سبع صخرات بعد لوول ..

 

[Ocean]

صار مشكوره حبيبتي و ماقصرتي

انزين بنات ميخالف استحملوني انا اول مره استخدم الماك.:eh_s(2):......... الحين بالنسبه لل winrar ... winzip هالسوالف هذي و البرامج الاساسيه اشلون انزلها؟؟؟؟؟؟؟؟؟:lkmnkl: و الاغاني اشل،ن طريقه تحويلها عشان تشتغل على mp3 player مال السياره؟؟؟؟؟؟ و الصور وين المفروض مكانها على الشاشه ؟؟؟؟؟

ادري دوختكم:denya: مشكورين :aha:

 

[MiSs_ViSTa]

مشكوووره سندريلا على الموضوع

 

[MiSs_ViSTa]

اذا تبين محرك بحث بس للماك و اهوا قوقل........ و للماك
مخصص فقط للبحث في المواقع المتخصصه بالماك 
http://www.google.com/mac.html​

 

[Ocean]

مشكورين ماقصرتوا

 

[Ocean]

عندي استفسار

اذا في صوره بال desktop and screen server من الصور اللي امسيفتهم و ممسوحه بس موجوده اهناك اشلون تنشال ؟؟؟؟؟

 

[سمبوسة]

سندريلا رجعت :ggdw:


حمدالله على السلامة يا الغالية والله فقدتج وااايد ما تشوفين شر ان شاء الله عيييييين ما صلت على النبي,, عاد ذاك اليوم سألت ريلي سؤال بريء عن شغله بالجهاز جان يقولي وين رفيجتج اللي شادة فيها الظهر نحشتيها :eh_s(2): بط جبدي


ولهنا عليج وااايد ويالله ورينا فناتقج



ocean شوفي برنامج visual hup بالجهاز يحول الأغاني للMP4 وبعد برنامج توست اذا عندج يحول الأغاني للسيدي للسيارة على طول

سندريلا حصلت برنامج توست بدينار :ggdw: تخيلي من تسعين دولار لي دينار وناطرتج لااا تطولين علينا

 

[Ocean]

ميخالف حبوبه انا يديده على الماك وين الاقيي ال visual hup

 

[سمبوسة]

حياتي شوفيه بالشريط تحت شكله على شريط سينما امشي على الicons اللي تحت لما يطلع اسمه اذا ما لقيتيه روحي على الfinder اول ايكون,, لونه ازرق على وجه وكتبي visual hup هو يطلعلج اياه اذا موجود بالجهاز ,, ما اعرف احط صورهم والا جان وريتج يا بعد عمري,, ان شاء الله سندريلا لي شبكت توريج اذا ما لقيتيه اشوفلج برامج ثانية بس تنزلينها من النت وتكون فترة تجريبية وبعدين لازم تشترينهم بس الفيجوال هب موجود بالجهاز مع اني ماخذته من أمريكا ووايد سهل

 

[Ocean]

تسلمين حبيبتي ماقصرتي

سؤال ليش لمن بيي اسوي update يقولي باسوورد انا ماذكر اني حطيت باسوورد و غير هذا لمن يوصلني ايميل فيه فيديو ما يشتغل؟؟؟؟ و بغيت اعرف من وين انزل msn plus ولا مافي ؟؟؟؟؟
و مشكووووووووووووووووره
و آسفه جداااااااااا على الاطاله

 

[انين_الصمت]

عاد تدرون عندي ماك بس ماشبك فيه يخسبقني تخسبق ادوخ لين الالقي الحرف صايرة مشوطرة ولاب توبي اهم MacBook Air

حده خفيف بس مثل ماقلت لكم ماشبك فيه اشبك بواحد ثاني لآني حدي متحسفة ليش شريته لآنه فعلا معقد بس مدام في موضوع حلو من ايد كل بنات المنتدى الله يعطيهم العافيه واولهم الي فتحت الموضوع سندريلا الله يعطيج العافيه ان شاء الله اتشجع واحاول ااني اجتاز الصعوبات الي مشكلتي وايد اشياء معقدتني لآن فعلا كان فيه رقم سري وشلت الاب توب ورحت الشركه وحطيت رقم سري خاص فيني فكيت نفسي من الدوخه بس والله اشياء وايد الحين ما يحظرني الا اني اشلون اسوي نسخ وووين الصقه باي مجلد ووو اشياء وايد بسطرها يوم من الايام كلها

 

[سمبوسة]

ocean
حياتي شوفي هو يطلب باسوورد بس ترى عادي من غير باسوورد يعني لما يطلبها حطي اوكي وراح تمشي اذا قريتي اول الموضوع صار فيني نفس الشي وسندريلا قالت لي اللي قلتلج وفعلا هذا اللي صار ,, ماكو باسوورد فعلي بس جذي

ليش ما يشتغل الفيديو؟؟ ما ادري غريبة بس أظن ما عندج برنامج يشغل الفيديو وهذا شي غريب لأن كل ماك معاه الكويك تايم او الايتيونز يشغلون الفيديو اعتقد لازم تسوين داونلود لهالبرامج بس نطري سندريلا هي تعرف اكثر بهالسوالف والmsn سوري والله ما اعرف شي فيه بس اتوقع تنزلينه عادي من موقع الهوتميل ما ادري

وسوري ادري كل شي قلته اخرته ما ادري :dddds:


أنين الصمت

انا كنت مثلج والله حدي كارهته بس الله يعافي سندريلا واااايد ساعدتني وسهلت الأمور والحين اموت عليه

شوفي سالفة الأحرف انا خذيته من أمريكا وماكان فيه احرف عربي وديته هني وخليتهم يحطون الاحرف العربية بالليزر ونفس ترتيب الوندوز بالضبط ما فرقت علي الاحرف نهائيا جنه شاريته من هني

شلون تسوين كوبي يا اما من view فوق على اليسار او command مع حرف c أو right click وكوبي ,,ما ادري اذا هذا اللي تقصدينه والpaste باي مكان تختارينه

شوي شوي وبتحبينه بعدين ترى سهل واااايد