شدعوه ب 250 دينار

[نورا29]

بنات شصاير بالأوادم على الأسعار بصراحه ينو
اليوم رحت بسوي ورد حق المستشفى بوكيه عند السرير فيه وردتين اوركيد ورد طالع منه طايح مافيه شي
وعند الحلو 3 فازات شفتو ملوت السمج المدورين أصغر حجم بحطلي غصن أخضر ملفوف داخل وردع طايحه منه
وفازه عند الكونسول نفس الطريقت
عرفتو شقصد شغل مودرن على كلاس من كل شي شويه مافيه ذاك الخبه الي تقولين عنه بوكيه
بجم 250 ويمكن يصير أكثر مو أكيد
شدعوه شدعوه ليش حدي نحشت
بنات عفيه الي تعرف محل ورد يسوون أشياء حلوه ناعمه عفيه تقولي والله بدعيلها
مافيني شده على الفراره
ساعدوني الله يخليكم ​

:eh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14):

 

[بسبوووسه]

والله اختي انا حاالتي من حاالتج هاليوميين برووح ادور اذا لقييت شي زين قتلج وانتي بعد اذا لقييتي قوليلي

 

[نورا29]

شدعوه بنات 7 دشو ولا وحده ردت بليز بنات ولادتي قربت مافيني شده على الفراره

 

[نورا29]

ايه والله نتساعد ربع تعاونو ماذلو​

:dddds::dddds::dddds::dddds::dddds::dddds::dddds::dddds::dddds:

 

[fraise]

الله يكون بعونج حبيبتي
انتي وين رحتي اي محلات ورد؟
انا اتعامل مع واحد بالجابريه اسمه زهور رشا شوي غالي بس على حسب الطلب واذا تبين بسعر رخيص روحي محلات الورد اللي بحولي اللي يصيرون يم مطعم باباي شغلهم حلو ومرتب وينزلون من السعر

 

[cutey]

عندج زهور ساشا بالسالمية شغلهم اينن واسعارهم معقولة

 

[Tangled]

امبيه حتى محلات الورد اللي بحولي مستخفين يالله من فضلك ليش وين رايحين وماك والا حاطين لج واحد يفلم عليج ويصورخ الله يهداهم

شوفي انا رفيجتي مدحت لي واحد بمجمع الفنار تحت انا بصراحة من زمان مو نازلة تحت مجمع الفنار تقول عنده صناعي بس حده كلاس وجنه طبيعي وتقدرين تستعملينه وقت ثاني وعنده طبيعي انا قلت بعد فترة بروح بس اذا حابة روحي وشوفي والله يوفقج يا عمري

امبيه 250 على ورد بيموت ويذبل ؟؟؟؟؟ واي حرام في اوادم يواعه ويقولن ليش الله يخسف فينا يعلهم

 

[ام شيخ العربان]

حبيبتي انا اتعامل

مع ​

محل النوير بصراحه افكاره تعجبني بحولي​

:aha:

 

[ZajiL]

انا سويت وردي شحلانه 2 سنتر على الطاوله وحده كبيره وصغيره
وفازه طوالييييييييييييه على وحده من الطاولات كلقني 80 دينار
لا وانا مختاره ابيه توليب

ومحل الورد اسمه اوراد بالسالميه بس ماادله اختي طلبته لي على ذوقها بس نوع الورد واللون علي

 

[كولوراديه]

250 دينار ؟ اروح اشتريلي بدله للعيد اشرفلي

 

[نورا29]

ايه والله اشتريلي بدله حق العيد أحسن
أزيدج من الشعر بيت الفازات الي وراني ياهم لقيتهم في سرداب بياع الورد ان كثروا دينار ونص والله لاقينا مقصه
مشكورين بنات على الرد بروح المحلات الي قلتوها

 

[NiFeeSHa23]

2641114 جربي شغلهم حلو

 

[NoOoN]

امممممممم الله يعيينج ويقومج بالسلامة ...

انا عن نفسي اتعامل مع محل بالجابرية اسعاره والله زوينه وشغله حلو ماشاللله كل بوكيهاتي اخذهم منه وينزلج بالسعر اذا كاسرتيه اهوا مصري وفنان والله

اذا تبين تشوفينه ادليج مكانه بالضبط وين !!

 

[om_judy]

اشتري الفازات من بياع الورد و وديه اي محل
اعرف بياليت وبالي هذول رخاص يم دار الشفا

 

[om3boood]

بصراحة ولا مره تعاملت مع ورد .. حتى في ملجتي خالتي اللي سوتلي المسكة وكانت تهبل

 

[om-s3ood]

اشدعوووووووووه 250 لييييييييييش اشصااااير بالدنياااا ازيدهم 100 واشتريلي جنطه مااااركه تقعد عندي دهر ولااا ورد جم يووووووووووم وينقط بالزباااااااااله ( عزكم الله )

 

[leza_q8]

السلام عليكم ورحمة الله وبركاته ..

اي صاجه والله وانا بعد كنت افتر على محلات الورد استعد لولاتي وفعلا ينوا الباقات على 70 و80 اقل وحده حصلتها ب50 وفيها شي ناعم من الورد الباقي كل أقصان وسوالف ورده وردتين يعني لستايل الي الناعم الي هابين فيه المدرن

ومن افرارتي واعرفت ان الورد الصناعي اغلا من الطبيعي فقلت اخذ لي صناعي كلاس وراقي حتى لو ازيد اشوي بسعر لاكن يكد معاي طول ال40 وبعدها ازين فيه صالتي ولا اقط على ورد طبيعي وبعد 4 ايام يموتون والله حرام وخاصه المبلغ مو شوي

خذيت لي ورد صناعي راقي وكلاس وشغله مرتب ولا يفرق عن الطبيعي بشي جنه طبيعي بظبط صج اغلا من الطبيعي بس يكد معاي وستفيد منه لاستقبالي وبعد استقبالي ان شاء الله

 

[الفنانه79]

والله ماادري

بس انا دايما اتعامل مع المصمم امير (سبرنغ فلور ) بالسالميه شغله مووووووووطبيعي وحده راقي بس اسعاره يعني على حسب احيانا تلقينا مناسبه واحيانا تلقينها مبالغ فيها بس شغله مميز بصراااحه

 

[سفيرة العشق]

عندكم محل زهور الأرز بالسالمية يبدعلج ورخيص مع انه شكل المحل ما يوحي

بس كله ريلي بالمناسبات يشتريلي مناك وهو حسب الطلب يصمملج

بشاره الزهور بالسالمية

 

[Maltesers]

flower story

بالفنار تحت بالسرداب مقابل محل كلاركس .. شغلهم راقي حييل وبسيط مو خبه