اي استفسار لطلبة الحقوق - جامعة الكويت

[.. مـــلاكـ ..]

الله يوفقكم :>

 

[القلوب الساهيه]

امبيه على طااري التسجيل مااتدرون متى تسجيل سنه ثالثه ...؟

 

[L a w y e R]

بلو اي والله مو خوش خبر

مابي موسى ولا ابي هيثم

وادري يوم التسجيل بتوهق

الله يستر بس

.
.

ايفا حبي اي والله صاجة

دفعتكم تكسر الخاطر

واياد ماحبه معنه مادرسني

بس اسمه الله يهداه مادري شلون قايل

وحده مو لايق عليه لوول

نفسيته وايد اي شي لما كان يراقب علينا بالفاينل

ووايد يطنقر جنه مراقب غصبن عليه

جني وايد حشيت فيه ؟

اللهم اني صايمة بس لووول

.
.

قلوب حبي تسجيلنا 6/10

ودوامنا 8/10

الله اييب اللي فيه الخير ونسجل عند دكاترة سنعين

ثانية ماتوفقت باختيار جم دكتور مع الاسف

.
.

ابي اخلص اشغالي ومشاويري وسيارتي السخيفة جك بم اشغلها ماتشتغل

بروحي اكرهها وهالنوب تعاندني لووول

ادعولي اخلص شغلي اليوم ماصارت بدرس اداري

 

[القلوب الساهيه]

تسلمين وحدي خايفه من الجدول .....!!!

يلاا ان شاء الله تخلصين امورج كلهااا اليوووووووم وتبلشين دراسه لادااري

 

[مـ سهله ـو]

بنااات منو بروح الندوه اليوم ؟

 

[رفييف]

الامتحان حلو مو موحلو

بس العادة اسهل بوايد

انا ماحطيت فبالي انه بيكون وايد سهل نفس اللي بالنوت

لأنهم حاطين علينا اشكره :/

يعني بالتكميلي اييبون سؤالين عن الاثبات والطالب يختار 1

احنا لا ياييبين 1 ومليق

والصراحة انا ماتعبت عمري ودرست الاثبات < حدي صريحة لووول

وانا فيني مشكلة حدها سخيفة وبايخة

لا تأزمت وقمت احاتي ماعرف اتصرف

يعني ليلة الامتحان حالتي كسيفة

بجي ولوية ومواصلة

ويوم الامتحان براجع ماقدر

اقرا الجملة فوق الـ 6-7 مرات عشان استوعبها وومااااااكو

معني دارسة ايام الميدتيرمز والفاينل ودارسة بعد حق التكميلي

بس لاتأزمت صج صج صج استخف

.
.

اقولكم شي بس ماتعلمون احد ؟

" اكتشفت مكامن الينون عندي والسبة التزامات "

وصلت فيني اني امسك المقص بقص شعري واطلع حرتي فيه

بس انزفيت وماتهورت وسويتها لووول

وترت الكل معاي امس

يارب اعديها وافتك

لوووووووووووووووول ذكرتيني بالذي مضى .. انا والله كنت تقريبا استخف . وقت الفاينل بريكي حده نص ساعه و اقعد فيه مع اهلى بالصاله و طول ما انا معاهم اكفخ راسي بالطوفه لووووووول امي حدها اخترعت علي
لا و بسنه رابعه خلاص طفح الكيل اذكر وصلت فيني اني امسك الكتاب و احذفه حيل عالطوفه .. ما انساه كتاب الاجراءات الغثيث طابوقه مصيبه
و بالماستر الحاله استفحلت عندي و صرت اتخشش من وقت لي وقت بالبيت و لما يمر احد يمي انقز اخرعه لووووول :krkrkr:

 

[مـ سهله ـو]

احد يعطيني ويه نزين

 

[L a w y e R]

قلوب حبي الله يكتب لج اللي فيه كل الخير انشالله

.
.

لوووووول رفيف حبي بدعتي

والله الحقوق تينن اللي مايتينن

الله يوفقج حبي انتي وعقبال الدكتوراه انشالله

تبارك الرحمن طموحج عجبني

الله يكتب لي واكمل انا بعد ياااارب



مو سهله حبي شندوته ؟

عن شنو ؟ ووين ؟

وامتى ؟

استجواب لووول

 

[eva beach]

محامية
لاحبيبتي لاتحاتين لان المصخرة الي تصير بالتسجيل حق بنات سنه ثالثة ورابعه
اما سنه اولى وثانية فالتسجيل عندهم اماااااان وبنات الجمعية حاااطين عينهم على المستجداات ودايرين بالهم عليهم ومطنشين الباجي والكل عاارف لييييش يعني لاتحاتين لان انشالله التسجيل راااح يكون سهالات

لوير
ههههههههههههههههههههههههههههههههه
لوووووووووووووووووووووووووول
امبييييييييييييي الله يغربل سوالفج بس حرااام شكله د.اياد طيب مادري احساسي يقول انه زين بس اهو مشكلته بالتصليح واصلا انا كنت باخذ عنده بس بعدين غيروا الجدول فخذيت عند دكتور احسن منه واهببببببببببببببل وايينننننننننننننن وحدددددددددده رووووووووووعه وما يتطوف ألا وهو د. محمود الكندري والله نصيييييييحه اذا نزلكم السنه اخذوا عنده وانتوا مغمضييين لان صج صج اينننننننننننننننن

 

[eva beach]

لوووووووووووووووول ذكرتيني بالذي مضى .. انا والله كنت تقريبا استخف . وقت الفاينل بريكي حده نص ساعه و اقعد فيه مع اهلى بالصاله و طول ما انا معاهم اكفخ راسي بالطوفه لووووووول امي حدها اخترعت علي
لا و بسنه رابعه خلاص طفح الكيل اذكر وصلت فيني اني امسك الكتاب و احذفه حيل عالطوفه .. ما انساه كتاب الاجراءات الغثيث طابوقه مصيبه
و بالماستر الحاله استفحلت عندي و صرت اتخشش من وقت لي وقت بالبيت و لما يمر احد يمي انقز اخرعه لووووول :krkrkr:

هههههههههههههههههههههههههههههه

لوووووووووووووووووووووووووول

امبييييييييييييي اسم الله علييييج زين ماانشق راسج :tongue22:

بس صج حالتج صعبة ومستعصية :eh_s(6):

وتصدقييييين توني اكتشف شغله انا طوووول هالمدة حسبالي طبيعية طلعت تاثييير الحقووووووق ألا وهي التخرع :krkrkr:

مسكيييييييييييييييييييييييينه اختي ماكلتها كله اخرعها واهي فقيرة لاعت جبدها >> اقولها خلاااص ماتعودتي بس للاسف شكلها بعد ماتعودت

واااااااااااااااااي الله يستر السنه شبسوي بعمري لان انا كل سنه اطلع بحركه يديده مو بس حق الفاينل لاا حتى حق الميدتيرمات :krkrkr::krkrkr:

والله الحقوق ماخلت فينا عقل ينينه وقعدنا >>اسم الله علينا

 

[L a w y e R]

لووول ايفا حلاتج والله

نصيحتج اخذتها بعين الاعتبار

والله يوفقج باحسن دكاترة برابعة

.
.

تصدقين ؟

اكثر مادة خايفة منها بـ 3 اهي ميرات

انا من ايام الثنوي اكره هالدرس

هالنوب مادة كاملة عنه :/

الله يستر بس

والله شايله همها اكثر من مرافعات !!

 

[eva beach]

اي والله صاااااجه اناااا اغث ماااادة كانت بالنسبة لي ميرااااث والله ما كنت احاتي مرافعات لان الحمدلله كنت دااايما احضر واحس اني فاهمه

بس ميراث المشكله اني كنت دايما احضر وانوت وحالتي حااله بس ما افهم صعب حددددده ما يدخل المخ لان دكتورنا كان حددده زفت تخيلي

درسنا ميراث ووقف وطبعا الوقف الله لا يراويج حدددددده صعب والكتاب فقهي يعني الاسلوب حددده ما ينفهم لدرجه ان بعض المرات الدكتور

يقعد يحلل الجملة عشان نفهم معناها والله اني اكره هالدكتووور حقيييييييييييييييير :eh_s(13)::eh_s(13):

وطبعاااا كالعاده بس هالشي يصير بدفعتنا لان كل الدفعات الي قبلنا كانوا يدرسون ميراث وشويه من الوقف وكانت ميراث مادة A

بس ابشرج اهو قالنا ان السنه اليايه ماراح يدرسكم لان يمكن د. سعود الربيعه اهو الي يعطيكم اياها

بس صج اناااا الماااده الي كنت احاتيها اهي ميراااااث ومسببتلي ازمة مادري شلون طلعت منها الحمدلله على كل حااال

 

[L a w y e R]

من قال صروعتيني وحبطتيني لووول

ياحلوج والله

الله يكتب اللي فيه الخير انشالله

انا معدلي اخيس من الخياس

فـ خلاص ماقمت احاتي شي لووول

 

[eva beach]

لووووووووووووووووول


لاااااا ليييييش اصروعج لاااااا تخترعييين لان دكتورنا اهو الي كان مسبببلنا ازمة اما السنه خلاااااص افراااااج.... برااااااءة ......

ماراح يدرسكم رااااح يحطون لكم واااحد غيره احسن منه يعني رااااح ترجع الامور طبيعية هههههههههههههههه

 

[مـ سهله ـو]

خخخخخخخخخخخخخخخخ شكثر تحشووون بالدكاتره


انا بروح الندوه وبكتب نكي بالبلوتوث : منديات كويتيات مـ سهله ـو

 

[القلوب الساهيه]

قووووه بنات

بنات لاتخاقون من اللحين عيشوو يومكم شنوو حياتناا صارت كلهااا تصرقع من هالحقوق تدرون بنات اكثر مايلوع جبدي بالحقوق ابو صالح لا صارت امتحانات الفاينل وقام يصارخلج باللوبي يلاا امتحااان واااي جنه يقول يلاا انتحاار اتازم من شوفته :0bee2e8d89:

المهم خلونا بالمهم انا ودي اتسنع بثالثه وارد لسابق عهدي بالجد والاجتهااااد :ggdw: فشنوو افضل طريقه لتحضير مع الدكتور تقرين موضوع المحاضره قبل لا يشرحه ولا ماتحضرين بس عقب مايشرح الدكتور تردين تقرين الموضوع وانا للامانه مالي خلق احضر قبله وعقبه امووووووووت ماحب ادرس اول باول :krkrkr:
وغير هذاا ايفااا عفيه قولينا المواد اللي بسنه 3 يبيلهاا مجاابل يعني شنوو اصعب المواد وشنووو اسهلهاا اذ فيه سهل... ادري اذينااج واايد بس تحملينااا بنسويلج تحقيق :eh_s(6):​

 

[ربوبه]

هاااااااااي بنات ازيكم؟
حبوباتي متى يوم التسجيل لسنه ثانيه؟

مشكلتي ان انا ورفيجاتي نبي جدولنا يكون مع بعض عالاقل بالبريكات بس معدلاتنا غير بعض 90 و89 و82
في امل او لأ
وشلوووووووووووووون اهئ اهئ )حدي متأزمه

 

[ربوبه]

بنات صج احسن اسجل بالنت او اروح اسجل بالجامعه؟؟؟

 

[محامية دولة]

محامية الغد حبيبتي آنا خريجة حقوق ومعدلي94.شوفي سنة ثالثة حيل دسمة يعني كميات الكتب كبيرة بس انشالله تعدينها

 

[محامية دولة]

القلوب الساهية حبيبتي أحسن طريقة تنوتين مع الدكتور كل شي وتردين البيت تراجعين عليه وعلى الكتاب بعد.وسنة ثالثة مثل ماقلت كميات الكتب فيها كبيرة وأصعب مادة جزاء خاص والله يوفقج حبيبتي..