تجمع طالبات كلية الدراسات العليا ماستر ودكتوراه

[نانو الشيطانه]

انزين انشالله لى خلصتو يصير تصيرون دكاتره في الجامعه والتطبيقي ولا لا ؟؟


ولا لازم ملوت البعثه يعني ..؟

لانه اللى اعرفه بس المبتعثين بالهيئه يشغلونهم اما اللي تيب شهاده من بره لا..

فقط مبتعثي الكلية وبالتحديد مبتعثي القسم اهمه إلي يتوظفون دكاترة في القسم نفسه
قانون

 

[نانو الشيطانه]

ليش على حسابهم بجامعة الكويت!!!!!!!! الدراسة ببلاش .. بس ياخذون شي رمزي على كل الطلبة
مافي احد يدرس على حسابة واحد يدرس على حساب الجامعة!!

القانون قانون .. وينص على ان فقط مبتعثي الكلية اهمه الي يصيرون دكاترة بالقسم
واحيانا يتم التجاوز في بعض التخصصات إذا كانت الماجستير من جامعة الكويت

يعني مثلا احنا قسمنا مايرضون لنا إذا رحنه بعثه ناخذ بس دكتورا... بخلونا نعييد الماجستير بره مره ثانية

هالكلام من مسؤولين مو ماخذته من بنات

 

[eva beach]

هااااااااااااي بناااات
موضوعكم حييييييييييل حلوووووو ومشوق
انا انشالله السنه اليايه اخر سنه لي بالجامعه وناويه اكمل ماستر باذن الله بس حدييييييي خايفه لان انا بالانجليزي حدي ميييييح واخاااف ما انجح بالتوفل :0bee2e8d89::0bee2e8d89:
والمشكلة ان ابوي مو راضي اكمل براا فما كو حل غيير جامعه الكويت
والمشكله الثانية اني ماادري متى تقديم الطلبات للقبول ؟؟؟؟ واخاااف يرووح علي
وبغيييت اسالكم انا قارية ان لازم ناخذ 3 رسايل تزكيه ؟؟؟ فهل هذي المعلومه صح ؟؟؟
ومشكورين ويعطيكم العافيه

 

[eva beach]

استغفر الله العلي العظيم

مشكورة وماقصرتي حبيبتي
والتعب مقدووور عليه داام انا حابه الشغله لان ما اعتقد اني راااح اعاني اكثر من الي عانيته بالجامعه :bbbiu:
وانا انشالله راااح ادخل دورة توفل انجليزي وفرنسي لان اعتقد كليتنا تقبل الاثنين
وانا بالحقوق والحمدلله مو قاعده احاتي المعدل او باقي شروط القبوول بس الي خايفه منه التوفل بس انشالله انجح من اول اختباار وافتك من عوااار الراااس وخرعة التوفل :dddds:
والله صرت مثل الخبله كل ما اشوووف اختبااار توفل في النت ادخل واقعد اختبر نفسي وللاسف دايما ما اييب المعدل الي ابيه
يلا الله كرييم

 

[نانو الشيطانه]

وتدرين ان الماده عليها جم؟؟ 10 دنانير لكل وجدة يعني 30 دينار للماده غير40 تسجيل كل كورس غير الكتب يعني اذا مادتين تدفعين 100 دينار غير الكتب كل هذا رمزي؟؟

حييل رمزي

لما كانت امي تدفع بالكورس 1000دينار بره لكويت على الكورس الواحد معناته 150 بالكورس حدها رمزية

الله يعطيها العافية ديرتنا ..تخلينا ندرس وفوق هذا تدفع لنا معاشات


ومثل ماقلتلج بعض التخصصات خاصة العلمية لأنه ماعليها اقبال فيتقاضون عن بعض الشروط
اما الكليات الادبية شديدة جدا بالقوانين والبعثات غالبا ماتكون ماجستير مع دكتوراه


وميرسيي على المعلومات :tek:

 

[@استثمار@]

انا بكلية البنات الجامعية .. تخصص علوم المعلومات .. تخصص يديد
ماتوقع مبطلين له ماستر بالكويت ؟؟!
شلون اعرف اذا مبطلين له ولا لا؟ بالكويت او برا ؟
يمدحون مصر والبحرين .. بعرف اذا فيهم ولا لا؟؟!!

ويفرق عدد السنين من دولة لي دولة ؟؟

وسامحووني ع الاطاالة

موضوووع مشوووق حددده

بكليتكم راح يفتحون ان شاء الله احتمال السنه اليايه راح يفتحون ماستر nutrition وان شاء الله يفتحون

لنفس تخصصج ...بالنسبه لعدد السنين اي يفرق من دوله لي الثانيه بس المتوسط سنتين

 

[@استثمار@]

انزين انشالله لى خلصتو يصير تصيرون دكاتره في الجامعه والتطبيقي ولا لا ؟؟


ولا لازم ملوت البعثه يعني ..؟

لانه اللى اعرفه بس المبتعثين بالهيئه يشغلونهم اما اللي تيب شهاده من بره لا..

بالنسبه لي نو واي ما أحب التدريس بس ايصير...مو شرط المبتعثين وعندي ناس وايد أعرفهم يشتغلون

بهيئة التدريس بالتطبيقي والجامعه وهم مو مبيتعثين دارسين بعضهم على حسابهم برا الكويت

 

[@استثمار@]

اشلونكم ياحلوين ؟ والحمدلله على سلامتكم

ان شاء الله استانستاو بالاجازه؟

نانو عندي سؤال حبيبتي.....نما إلى علمي>>ياعيني عالفصحى هههه.. إن الدكتور محمد نجيب الصبوه

آخر سنه له اللي طافت وخلااااااااااص راحت علينا >>أقصد علي ...اذا هالخبر صحيح صج حسافه عليه

خوش دكتور.....ايدرس بضمير : (

 

[نانو الشيطانه]

هلووووووووو

ما نما إلي علمك صحيح
الدكتور تم التجديد له اكثر من مره , وآخر مره بائت جميع المحاولات بالفشل , لذلك فقد انتهى عقده

شرايج بالفصحى :dddds:

 

[طالبة88]

السلام عليكم​

اشدعوه ما فيه و لا وحدة مكمله دراستها بالشريعة ؟؟
مع انهم اولى لان بامكانهم يجيبون معدلات عاليه!!:ggdw:

عفية....................عفيه....................

اذا فيه وحده مكملة درستها بالشريعة او تعرف وحدة مكملة دراستها بالشريعة يااااااااااااااااليت تفيدني عندي كم سؤال

انا تخصصي ( الحديث و التفسير )

1- هل شروطهم تعجيزية ؟؟ (لا تقولون لي عن المعدل انا الحمدالله جايبه 3نقاط و فوق 50 في المعدل العام و الخاص) قصدي من ناحية المقابلة يعني يسؤلون الطالبة اسئله عن معلوماتها خارج المقررات اللي درستها!!

2-شلون الدكاتره؟

3- الاطروحة هل عانيتم فيها عشان يقبلونها؟؟

4-كم تستغرق مدة الماجستير ؟؟ و متى بيحطون دكتوراه لقسم الحديث و التفسير ؟؟؟

ادري مصختها بس ترى توني ما كثرت عليكم بالاسئلة:eh_s(22):

الله يجزاها خير اللي تعبرني و ترد على اسئلتي​

​

​

:yaaaaaarb::eh_s(7):

 

[طالبة88]

يا بنات ما فيه حس و لا خبر و ينكم ؟؟؟؟؟؟؟؟؟؟
!!!!!!!!!!!!!!!

 

[تووت و مشمش]

مشكووورة حبيبتي وايد على النصيحة

وآسفة اذا تأخرت بالرد عليج ... بس انشالله راح اكمل واصير وحدة منكم

 

[Mnάyeя ♥ 305]

السلام عليكم

انا ميته واكمل الحين بروح سنه ثانيه ولازم ارفع معدلي عشان تكون لي فرصه

الله يستر بس والله يووفق الجميع

بس بغيت اسأل

دكتورتنا تقول كانت دارسه بالادرن وسألتها بنت ليش مو حاطين على مكتبج ( د . ) !

فقالت لازم اقدم بحوث عشان يعترفون فيني جامعة الكويت !!!


شااالساااالفه !!!

ليش جامعة الكويت مااايقه

 

[<<..النــداويـــــهه..>>]

قووووووووووه
انا والله شاطررره ومتفوقه حيل ايام الثانويه بس صارتلي ظروف ايام الامتحانات الثانويه العامه وما جبت نسبه حلوه وترضي طموحي جبت 75% دخلت التجاري وهذا اخر كورس لي واتخرج وانا تخصصي اداره
بس انا حلم حياتي اصير دكتوره او استاذه في الجامعه او الهيئه العامه لتطبيقي
ففكرت <<<<<< الله يستر
ان بعد ما اتخرج باكمل بكالوريوس اداره بجامعه العربيه المفتوحه وبعدها اكمل الماجستير وبعدها الدكتوراه ويتحقق حلمي
بس انا انصدمت منكم يعني اذا درست على حسابي ما اصير استاذه بالجامعه
ردوا على لا اطنشوني

 

[<<..النــداويـــــهه..>>]

وسؤال اخير شنو التوفل <<<<من وين يجيبونه <<<<خلف الله يتصيرين دكتوره

 

[hotchocolatee]

:aha:لو سمحتيوايوفقج حبيبتي لا تصتصعبين هالشي وسالفة الاطروحه بالنسبه لنا >>ماستر علم النفس مو شرط

الاطروحه بدالها اختبار شامل وتقدرين تاخذين الماستر بعلم النفس بالامتحان الشامل والله ايوفقج


اختي شنو تقصدين بالامتحان الشامل مال علم النفس لاني انا بقدم ماستر علم نفس ومو عارفه شي فياليت تفيديننا..وشكرا

 

[<<..النــداويـــــهه..>>]

افيدوني لا اطنشوني

 

[NoWay2know]

السلام عليكم

منو عندها فكرة عن
الجامعة الأمريكية في لندن ، اذا معترف فيها بالكويت او لاء؟

 

[@استثمار@]

السلام عليكم

انا ميته واكمل الحين بروح سنه ثانيه ولازم ارفع معدلي عشان تكون لي فرصه

الله يستر بس والله يووفق الجميع

بس بغيت اسأل

دكتورتنا تقول كانت دارسه بالادرن وسألتها بنت ليش مو حاطين على مكتبج ( د . ) !

فقالت لازم اقدم بحوث عشان يعترفون فيني جامعة الكويت !!!


شااالساااالفه !!!

ليش جامعة الكويت مااايقه

صح كلامها هذا اللي صاير ..مو بس جامعة الكويت ..وحسب علمي مو أقل من 10 أبحاث

:gr4uu:

 

[@استثمار@]

هلووووووووو

ما نما إلي علمك صحيح
الدكتور تم التجديد له اكثر من مره , وآخر مره بائت جميع المحاولات بالفشل , لذلك فقد انتهى عقده

شرايج بالفصحى :dddds:

نانو ياحلوج صكيتي علي بالفصحى لا ما اغايش عندج:ggdw:

بس صج حسافه عليه خوش دكتور::::اتوقع راح ايصير ضغط على الدكتور أحمد عبد الخالق>>الله ايعينه