فرش للميكاب مهمه ( الفرش الاساسيه انصحتني فيهم نجاة تبع بسام فتوح )

[noty]

هلا حبايبي و شلوونكم

هذوول الفرش كنت مسجلتهم من زماااان بدوره حق نجاة تبع بسام فتوح

و انصحت فيهم على اساس انه اسهل و يضبط عملية المزج و التوزيع و التحديد

تفضلوا


من ميكاب فور ايفر :

5s : تستخدم لحافه العين من الداخل و تستخدم للالوان الفاتحه للرسم فوق و تحت تعزل و تحدد الشدو

8s : لدمج القلم الكحل و توزيعه

14s : لوضع الايشدو على العظم شكل الموزه + لتوزيع اللون على الكحل الاسود ) << عندي مثلها من ريد ايرث

10s : فرشاة تحت الحاجب توضع للون الفاتح << عندي مثلها من بيكسي

16s : تنظيف الشدو للخارج

من كريولان :

فرشاة الايلاينر

6 : زاويه العين و تحت العين ( كحل او ايشدو ) << هذي كاتبه يمها مهمه جدا جدا

12 : لوضع الايشدو

من ماك :

242 : لدمج الكحل

213 امووووت عليها هذي و ما لقيت لها بديل
هذي احط فيها الايشدو و اوزع فيها بعد واايد حلووه و سهله

318 او 316
للشفايف العريضه تمزج اللون صح و عدل

من بوبي براون :

فرشاة الخدود : 11

فرشاة لتنظيف الايشدو

يتبع

 

[noty]

فرش الويه :

129 للبودر ( بلاش و لوس بودر )

168 للبلاش تقدرين اتحديين فيها ,, انا عندي مثلها من ميكاب فور ايفر احبها واايد و استخدمها حتى حق اللوس بودر

187 هذي حق توزيع الفاونديشين السائل

192 عندي مثلها بس من ميكاب فور ايفر اهي حق بعد الكونسيلر و الفاونديشين

194 هذي متخصصه حق الكونسيلر

للعين :

242 تستخدمينها حق تحت الحاجب و حق حواف العين من الداخل

222 هذي واايد مهمه في من بوبي براون بعد حلوو
هذي حق مزج الالوان عند حواف الجفن المتحرك

217 هذي فرش حق مزج اي شي سواء ليكويد او جاف بس انا افضلها حق الليكود سواء كونسيلر او ايشدو ليكويد

266 هذي حق الايلاينر او الحواجب
وفي منها حجم اصغر ممكن تستفيدين منها حق الحواجب اتصير خاصه بالحواجب و ذيك حق الايلاينر

هذي الصغيره 263 افضل الصغيره حق رسم الحواجب اضبط بالنسبه لي و ااعرض حق الايلاينر الكيك

يتبع

 

[noty]

نصايح مهمه لاستخدام الفرش :

- تحطينهم في جنطه عشان تساعد على نظافتهم من اي شي خاصه الغبار


- تقسيم الفرش على حسب الاستخدام ,, فرش للاشياء السائله و فرش للاشياء الكريميه و فرش للبودر و فرش للجاف .. الخ


- تنظيف عميق و بسيط للفرش بين فتره و فتره

بالنسبه للتنظيف العميق و البسيط هذا الفيديو فيه توضيح افيد ان شاء الله

تعجبني هالبنت ( تجربتها في تنظيف الفرش الخاصه بالمكياج بالتفصيل ) و انواع غسول الفرش


- افضل انواع معقمات الفرش عن تجربه جربت مال ماك و مال ميكاب فور ايفر

مال ميكاب فور ايفر واايد احلى و احسه انعم على الفرشه ما يبسها و بسرعه ينشف يعني باللحظه نفسها تستخدمينها عادي


- في طريقتين للتنظيف بالسائل يا انه اتصبينه على كلينكس مقوى و تمشين الفرشه عليه لين يطلع كلشي فيها

و الطريقه الثانيه اتصبين السائل في ماعون صغير او علبه بلاستيكيه صغير و تحركين الفرشه داخلها و بعدين بالكلينكس المقوى تمشين الفرشه يمين و يسار


و سلامتكم و اي استفسار انا حاااضر :aha:

 

[blue diamond]

يعطيج العافيه حبوبه

وهالموضوع روعه حق الاعليميات اللي مثلي بالفرش والمكياج

مشكووووووره

 

[ღ•»الًـجٌـوِرٌيّ«•ღ]

يعطيج الف الف عافيه استفدت وايد من موضوعج

 

[مجروحه واكابر]

يسلموووووووووووووووووووووووووووووووو نوتي ومواضيعج كلها حلوه ومفيده

 

[مجروحه واكابر]

احاجيج نوتي فرش بوبي براون موجودين بالكويت؟؟لاني ماشوف لهم طاري عند بناتنا!!
وشلون اسعارهم ؟؟>>>>>>>>>>>>>> هستررررررررررررررررت ع الفرش وعندي من كل الماركات

 

[$$ صعبة الوصوف $$]

يعطيج العــآآفيه

افدتينــآ

 

[غصون]

يعطيج العافيه

 

[لعيـــ ترخص أرقاب ـــوني]

مشكووورة نوتي ..

 

[Pop^*^CoRN]

مشكوووووووووووووووورة وااايد استفدت من الموضوع

 

[mannooora]

شكرا نوتى وايييييييييد استفدت من الموضوع

انا استخدم فرش ماك وسيفورا واييييد حلوين =)

 

[جوانا @]

مشكوره حبيبتى على الموضوع اللى جاى بوقته
احلى فرش فور ايفر وماك
برووح اشوف لى جم وحده
الف الف شكر لك

 

[MassComm]

خووش مووضوع يسلموووووووو

 

[marioom]

مشكوورة موضوعج واايد مفيد
​

 

[Om`LOodi]

يعطيج العافيه على الموضوع
عاد هوايتي من ناحية المكياج الفرش

عندي فرش الدنيا وفي وايد منهم ما اعرف استخدمهم !!!!

 

[نجمه الحالمه]

[/url][/IMG]

 

[Mrs_Orchidia]

السلام عليكم


يعطيج العافيه عالموضوع بس انا عندي سؤال

انتي قلتي انه فرشة 187 لتوزيع الاساس .. بس انا كنت أعتقد انها لتوزيع البلاشر بس او اللوز باودر بعد!
لانها كبيرة و خفيييفة جدًا .. و الفرش اللي توزع الاشياء السائلة كلها تصير صلبة نوعًا ما .. و هذه حيل ناعمة
ما أعتقد انها تتحمل الاساس السائل


أما باقي الموضوع....Perfect ماشاءالله عليج .. كفيتي و وفيتي
تسلم ايدج


تحياتي
:aha:

 

[شهووده]

يعطيج العافيه حبيبتي ..

موضوع حلو ومفيد ..

 

[noty]

يعطيج العافيه حبوبه

وهالموضوع روعه حق الاعليميات اللي مثلي بالفرش والمكياج

مشكووووووره

الله اعااافيج يا قلبي تسلميين

العفوو و حيااج الله