إلـى كـل من يـذم الكـويـت و شـعـبهـا

[*مارلين_مونرو*]

الكويت معروفه بالخير والطيب

وان كان على النقد والذم فااتوقع وراها ايدي خفيه تحاول زعزعت ثقتنا باانفسنا وببعضنا

وهذا الحال مو بس في الكويت في كل الدول الاسلامية والمنتديات اكبر دليل على كلامي

الله يرد كيدهم في نحرهم

كلامج صحيح والله .. :ggdw: مشكوووره حبيبتي عالرد الطيب​

 

[*مارلين_مونرو*]

روووووووووووووووعه .. الله يحفظ لنا الويت و أهلها .. و الكويت تاج على روس الكل
يسلمو عالموضوع

اي والله الكويت تااااج على روس الكل ... بعد قلبي مشكوووره عالكلام الحلو ... :ggdw:​

 

[أميرة الحلا]

صح الساااانج
كفيتي ووفيتي

يسلمووووووووو

 

[أورااااااد]

يا اللي تحب الكويت 00 لا تقطع الامال 00 الكويت يا صاحبي 00هي نهمة اليامال

الكويت امك وابوك 00 نشدلها الترحال 00 الكويت يا صاحبي 00 في ضحكة الاطفال

حبنا لها اسوار 00 حبنا لها بنيان 00 كل واحد مننا 00 له في هواها شان

الكويت يا الكويت يا قلبي يا الكويت 00 يا نجمة وسط السما 00 يا اغلى ما حبيت



وسلامتكم

 

[سابقه جيلها]

حسبي الله ونعم الوكيل ع اللي يذمون كويتنا

 

[*مارلين_مونرو*]

حيـــاكم الله يـــاكـــويـــتـــيـــات .. وجودكــــم زاد الموضــــوع حـــلا ...

 

[M!sS*bdLiyat]

اول شــــــي قبل لا ابدي باي شي ..

اللي يقرى الكلام اللي بقوله الحين او يعتبره ذم ترى اهـو غـــــــلـــــــــطــــــــان

انا الكلام اللي بقوله الحيـــــــن لاني اغار عالكوييت



اولاً : هالناس اللي بالصورة كلهم مسلمين ..

بس هل كلهم كويتيين ؟؟!!!!

انا اللي شايفته انه اللي بالصفوف الاولى اكثرررررهم مو كويتيين !!!

يعني مو كلهم كويتيين ..


صح كلامج في ناس كويتيين طيبين ومحترمين وينحطون عالراس والله ..

بس في كويتيين مو زينين .. في بنات مو زينين وفي بنات زينين .. وفي شباب زينين وفي شباب مو زينين !!

يعني برمضان بالمسيد ويعبدون ومادري شنو

بس خلص رمضان شوفيهم بحفلة تامر حسني ومحمد عبده ومادري منو !!

واذا بتقولين لا اييبلج صور

شوفي البنات اللي هناك شوفي المصخره اللي قاعده تصير

وحبيبتي منو قالج ان اهل الكويت كلهم ملائكه استغفر الله ما يغلطون ؟؟!!

مستحييييييييل اصلا مافي انسان بالدنيا مافيه عيوب

شوفي البنات شوفي صورهم بالسايتات واذا تبيين اوريج مستعده اعطيج اياهم بالخاص ..


لا والطامه الكبرى

حليمه بولند .. اللي بالليله الـ27 لابسه كوكتيل !! وجمها شفاااااف بس اللهم عليه نقشه صغيره !!

لا تقوليلي هذا ذم بالكويت ..

هذا الصج ..

وانا اتمنـــــــــــى انه هالشي يتصلح ولا بس فالحين لنا يحجبون يوتيوب !!!

ليش ما يغيرون هالمصخره اللي قاعده تصير !!!!!

بس كل هالكلام مو معناته ان اهل الكويت مو زينين !!!

لا والله في بعضهم ينحطون عالراس والله والله مرات احسن انه ودي احب راسهم من كثر ما اهما طيبين وزينين

واتمنى انه وصلتلج المعلومه صح ....​

 

[ليالي نجد]

الطيب يفرض نفسه غصبا عن الكل ولاتقذف الا الشجره المثمره

جزاج الله خير على هالموضوع لكن الحسد زايد بين ابناء الشعوب والله يكفينا شره وهذا من كثر النعمه لله الحمد

 

[ليالي نجد]

مس بدليات حبوبه للعلم فقط الصوره من المسجد الكبير وطبعا معروف انه مو يم مناطق سكنيه واغلب ا للي حوالينه تجاريه فبديهي يكون اغلبه خوارج بس مايمنع ان مساجدنا اكتظت بالشباب والشيبان والنساء والبنات طيلة الشهر الفضيل طلبا لرحمة الله وتعبدا لوجهه الكريم سبحانه

وحليمه مو مقياس لبناتنا يعني المطربه ساره والا وعد مقياس للبنات السعوديات او غيرهم.................

المساله نسبيه

السواد الاعظم من بناتنا محجبات وعسى الله يهدي بناتنا جميعا لما يحبه الرحمن ويرضاه

 

[*مارلين_مونرو*]

هلا فيج حبيبتي مس بدليه .. و بالعكس انا اتقبل رايج و على عيني و راسي الاختلاف في الآراء لا يفسد للود قضيه ..
انا ماقلت الكويتين كلهم ملائكة و مايغلطون و لا قلت مافيهم اخطاء !! انا حبيت اوضح صورة الكويتين اللي خربوها الناس بعمايلهم .. لان مليت من كثر النقد و الذم في عيالنا .. يعني تبون المواضيع كلها تنتقد ولا مايصير الموضوع زين !!
وذا عن اليوتيوب ماله داعي اشوف شي احنا كلنا شايفين و عارفين و هم عارفين نفرق بين الكويتي و اللي يتبلون عليه و يقولون انه كويتي .. واذا تقولين اغلب المصلين اكثرهم مو كويتين ! انا بسألج انتي جيكتي على جناسيهم ولا بس من المظهر !! و خلي المسجد الكبير شوفي المساجد الثانيه اللي بالمناطق كلللها كويتين و كويتيات و انا شايفتهم بعيوني !!

والحمدلله ديرتنا مثل مافيها الشين تلقين الزين و الزين و الزين .. و اللي تقولين عنهم مسخره و خرابيط ماعتقد هذيله من الكويتيين المحترمين اسمحيلي هذيله (( حثالة المجتمع )) واهم فئة قليلة اهم اللي خربو عيال الكويت و اسمها ..
احنا كل شخص مو زين صار عندنا كويتي !!
و حليمه و ربعها مو مقياس على اهل الكويت و عيالها !! و على فكرة ترى الكويتيات اهم الوحيدات اللي يلبسون الحجاب بقناعتهم و رغبتهم مو مغصوبين عليه ولا لابسينه عشان التقاليد !! متحجبه بقناعتها و رغبتها و مجتمع الكويت ثلاثة ارباع البنات متحجبات !! و لي رحتي مصلى المجمعات تلقين بنات اشكال و الوان كل وحده لابسه الثوب و تصلي !! و هم الشباب اللي كشه و حالته حاله هم يصلي !! مادري اصورهم عشان تصدقوني !!

واذا عن الحفلات على قولتج وايد اوادم يروحون حفلات يغيرون جو و يستانسون !!
في ناس وناستهم جذي و في ناس وناستهم غير.. انتي ماتقدرين تجبرين العالم كله يصير على اتجاه واحد وعلى طريج واحد كل واحد حر بتصرفاته مانقدر نتدخل احنا لان بالاول والاخير الكويت دوله مدنيه ديمقراطيه !!

والمسخره موجوده بكل ديره و بكل مكان .. ياليت تخفون على ديرتنا و عيالها .. شجعوهم نمو عقولهم طوروهم للأحسن بدال ما تحطمونهم و تنقدون عليهم ترى والله العظيم عيالنا ذهبه بس الظروف اجبرتهم....

وهم اقولج انا شاكرتلج ردج وعساج عالقوه ..​

 

[*مارلين_مونرو*]

مس بدليات حبوبه للعلم فقط الصوره من المسجد الكبير وطبعا معروف انه مو يم مناطق سكنيه واغلب ا للي حوالينه تجاريه فبديهي يكون اغلبه خوارج بس مايمنع ان مساجدنا اكتظت بالشباب والشيبان والنساء والبنات طيلة الشهر الفضيل طلبا لرحمة الله وتعبدا لوجهه الكريم سبحانه

وحليمه مو مقياس لبناتنا يعني المطربه ساره والا وعد مقياس للبنات السعوديات او غيرهم.................

المساله نسبيه

السواد الاعظم من بناتنا محجبات وعسى الله يهدي بناتنا جميعا لما يحبه الرحمن ويرضاه

يعطيج العافيه يا قلبي على مشاركتج الحلوه .. و كلامج عين العقل و الصواب ما تقصرين​

 

[queen angel]

thanx

 

[M!sS*bdLiyat]

هلا فيج حبيبتي مس بدليه .. و بالعكس انا اتقبل رايج و على عيني و راسي الاختلاف في الآراء لا يفسد للود قضيه ..
انا ماقلت الكويتين كلهم ملائكة و مايغلطون و لا قلت مافيهم اخطاء !! انا حبيت اوضح صورة الكويتين اللي خربوها الناس بعمايلهم .. لان مليت من كثر النقد و الذم في عيالنا .. يعني تبون المواضيع كلها تنتقد ولا مايصير الموضوع زين !!
وذا عن اليوتيوب ماله داعي اشوف شي احنا كلنا شايفين و عارفين و هم عارفين نفرق بين الكويتي و اللي يتبلون عليه و يقولون انه كويتي .. واذا تقولين اغلب المصلين اكثرهم مو كويتين ! انا بسألج انتي جيكتي على جناسيهم ولا بس من المظهر !! و خلي المسجد الكبير شوفي المساجد الثانيه اللي بالمناطق كلللها كويتين و كويتيات و انا شايفتهم بعيوني !!

والحمدلله ديرتنا مثل مافيها الشين تلقين الزين و الزين و الزين .. و اللي تقولين عنهم مسخره و خرابيط ماعتقد هذيله من الكويتيين المحترمين اسمحيلي هذيله (( حثالة المجتمع )) واهم فئة قليلة اهم اللي خربو عيال الكويت و اسمها ..
احنا كل شخص مو زين صار عندنا كويتي !!
و حليمه و ربعها مو مقياس على اهل الكويت و عيالها !! و على فكرة ترى الكويتيات اهم الوحيدات اللي يلبسون الحجاب بقناعتهم و رغبتهم مو مغصوبين عليه ولا لابسينه عشان التقاليد !! متحجبه بقناعتها و رغبتها و مجتمع الكويت ثلاثة ارباع البنات متحجبات !! و لي رحتي مصلى المجمعات تلقين بنات اشكال و الوان كل وحده لابسه الثوب و تصلي !! و هم الشباب اللي كشه و حالته حاله هم يصلي !! مادري اصورهم عشان تصدقوني !!

واذا عن الحفلات على قولتج وايد اوادم يروحون حفلات يغيرون جو و يستانسون !!
في ناس وناستهم جذي و في ناس وناستهم غير.. انتي ماتقدرين تجبرين العالم كله يصير على اتجاه واحد وعلى طريج واحد كل واحد حر بتصرفاته مانقدر نتدخل احنا لان بالاول والاخير الكويت دوله مدنيه ديمقراطيه !!

والمسخره موجوده بكل ديره و بكل مكان .. ياليت تخفون على ديرتنا و عيالها .. شجعوهم نمو عقولهم طوروهم للأحسن بدال ما تحطمونهم و تنقدون عليهم ترى والله العظيم عيالنا ذهبه بس الظروف اجبرتهم....

وهم اقولج انا شاكرتلج ردج وعساج عالقوه ..​

كلااااااااامج كلللله صح والله درر درر

بس انا ماقلت اغلب المسيد مو كويتيين !!!!!

قلت (( الصفوف الامااااااميه اغلبها مو كويتيين ))

والله الكويت ماكو مثلها والكل يشهد علي الكل لان مو مرة ولامرتين اقول

وصح ومع احتراااااامي لكل السعوديين صح كلامج اصلا السعوديات بعضهم متحجبين غصبن عليهم ومحكورين بالبيت علشان جذي ودهم يفتكون من بيت ابوهم باي طريقه ما تشوفين البلاوي والقصص اللي يقولونها الناس ..

والله انتي فاهمه كلامي كله ماله داعي اتحجى بعد

حليمه واشكااااااالها مو كويتيين توهم ماخذين الجنسيه ويايين يخربون سمعة الكويت

سمعي السالفه اللي الحين بقولج اياها

صارت حق رفيجتي

والله تبجوون دم لما تسمعونها

قالتلي
مرة كنا رايحيين اليمن المهم كنا قاعدين نمشي بالطريج نزلنا انا وامي رحنا تكرمون الحمام مال مطعم المهم واحنا ماشين ولا نشوف يمني سئلناه وين صاير المسيد ؟؟ وين اقرب مسيد .. جان يقول انتوا سعوديين ؟؟ قلناله لا احنا كويتيين

جان يقول ليش الكويتيين يصلون ؟؟ في مسيد بالكويت ؟!!!

انقهررررررت والله بجيت

وانا ماسكه التلفون احاجيها وابجي

يعني وصلت لي هني !!!!!!! :eh_s(14):

ليش يعني الكويت مو بلد اسلاميه ؟؟

مو دولة من دول الخليج ؟؟!!

ولا اهوه مايدري عن الدنيا ؟؟!!


والله صج قهر قهررر !! ​

 

[ام _خلودي]

ماااافى مجتمع كااامل ولا فيه ديررره على وجه الكون كل شعبها صالح
واحنااا جزء من هالكون اذا فيناا واحد فاااسد عندنا غيره 1000 صالح
والله يحفظ ديرتنااا وشبابنااا وبناتااا من كل شر

 

[كويتيه وبس!!]

ماعاش من يذم الكويت واهل الكويت
يسلموو حبوبه

 

[بنوته-توته]

يااابعد عمري والله بوسه على راسج:icon30:

 

[*مارلين_مونرو*]

حيـــاكــم الــلـــه يــاكــويــتـــيــات .. مــشكورين عالــردوود الحــلــوه :ggdw:​

 

[gucciya]

مايذم ديرتنا الا حسود وكل حقوم ومحتريييييييييييين من الكويت الغاليييييه بس مايهزنا شي ديرتنا عاااااااااااااااااااليه فوووق وايدنا بيد بعض

واللله يحفظ الكويت مادري ليش كل هالحقد ... عيون الناس علينا اللله يبعد كل حااسد وفديت ارضنا ارض اله=خير الحمداللله مو قاصرنا شي ويعطيج العافيه ودي اكمل لووول الللللللللللللللللللله يحفظج ياديرة الخييييييييييييييير والعز ويحمي اميرنااا صباح

 

[بنت الارسنال]

يزاج الله خير

 

[*مارلين_مونرو*]

حيااااكم الله يا حلواااات و الف شكر لكم على ردودكم الحلوه