السلام عليكم و رحمة الله و بركاته
صبحكم الله بالخير خواتي
شلونكم ؟! عساكم بخير ؟!
هاذي أول مرة أشارك بموضوع بهالمنتدى و أتمنى ماتخيبون ظني فيكم
مشكلتي إن عندي بنت - ولدتها من 3 سنين و 4 شهور - ولدتها بمستشفى الأحمدي (شركة نفط الكويت)
عند دكتورة سناء بورسلي (الله يسامحها)... المهم - ولادتي كانت صعبة و كنت بموت فيها - الاكسجين قل و دقات قلبي قلت و ياني نزيف حزت الولادة...
و الله سلم
الزبدة - خياط الولادة الخارجي (أي شي)... عانيت الأمرين من الافرازات و الحكة لي مدة سنتين و نص...
و كنت أشوف الجرح و الخياط متبطل و كنت هاملة نفسي... المهم عقب السنتين و نص رحت طيبة كلينيك عند دكتورة نها..
بس فحصتني قالتلي تحتاجين عملية هاليومين.. سألتها ليش ؟!
قالت الرحم حيل نازل تحت.. و فيه قرحة كبيرة.. و ارتخاء بعضلات الرحم.. و الخياط الخارجي المتبطل
(منظره كان مؤرف).. والله مادري شلون كنت متحملته...
سويت العملية وقالولي ارتاحي 40 يوم (لأنها صارت كأنها ولادة مرة ثانية) :krkrkr:
للمرة الثانية ما أهتم بصحتي... (لظروف)... و ردت السالفة مثل ماكانت و بزيادة شوي (الهوا و الأصوات مو طبيعيين)
و كاني بعد 3 سنين و 4 شهور من ولادتي و معاناتي...
أبي أسوي عملية تجميلية داخلية للرحم و خارجية للشكل الخارجي
والله العظيم نفسيا تعبت وماني عارفة وين أروح...
ساعدوني يا حبيباتي بأي دكتور أو دكتورة أو مستشفى ... جزاكم الله خير
أو حتى مستشفى الأحمدي نفسه إذا عندهم بعيادة التجميل دكتور شاطر حق هالمنطقة فيدوني الله يخليكم
آآآآآسفة على الطوالة - عذروني :eh_s(6):
