سفرتنا المباشره لامريكا .. (كروز - ميامي & اورلاندو)

[منورة الكويتية]

اوركيدا انتي تيقااا
وايد وايد وايد شوقتييني على امريكا وانا اموت على سوالف الرعب والعاب سريعه
شوقتينييي حيييييييييل بصراحة
بنت خالتي كانت رايحه الصيف الي طاف وقالتلي عن المصعد تقول حده يشووق
وقالتلي عن الفاست باس بس الي بعرفه الفاست باس يصير حق كل الالعاب صح؟ ولاا كل لعبه لها فاست باس بروحه
وجم الفرق
نااطرينج ياعسل

 

[rawona]

اوركيدا ..

جنج طولتي علينا؟؟؟ وينج؟؟ عسى المانع خير؟؟


ناطرينج :eh_s(1):​

 

[digital]

ووووووواااااااااااااااااي يا حلو امريكا

احبهه مو بايدي

مشكووره وامتعتينه بالصور

 

[malekatsabaa]

اوركيدا انتي تيقااا
وايد وايد وايد شوقتييني على امريكا وانا اموت على سوالف الرعب والعاب سريعه
شوقتينييي حيييييييييل بصراحة
بنت خالتي كانت رايحه الصيف الي طاف وقالتلي عن المصعد تقول حده يشووق
وقالتلي عن الفاست باس بس الي بعرفه الفاست باس يصير حق كل الالعاب صح؟ ولاا كل لعبه لها فاست باس بروحه
وجم الفرق
نااطرينج ياعسل

اسمحيلي ارد عليج بدال اوركيدا يمكن اطول عليج..اهي صارلها فتره مختفيه!!عسى المانع خير..

انا بعد قبل لا اروح كان الفاست باس معقدني شوي ..لوول
اهو مو كل الالعاب لها فاست باس ..بعضها بس...اتوقع اهو بس للالعاب الحلوه والقويه واليديده..

وتلقين الاجهزه عند اللعبه نفسها..وهي فري..بس احيانا ما تحصلين..تكون مخلصه من كثر الزحمه!!

انشالله اكون افدتج..

 

[&رعبوووبه&]

تقريرج اكثر من رائع اشكرج حبيبتي

وعليكم بالف عافيه انشالله امريكا رحلتي لصيف 2009

يسلموو

 

[سنفورة]

يبيلة امريكا من قلب

روووووووووووووووعه عليج بالف عافية والصراحه شوقتيني واااايد

 

[ترانيم العود]

عليج بالعافيه
ومشكووووووره على التقرير الحلووووو
وناطرين البقيه

 

[شندوخه]

انا جني عرفتج !!
انتي خاله عثماني الصغير ؟

 

[اشراقة الحياة]

تقرير عجيب .....

يالله كملي ....... يعطيج الف عافيه وصج تستاهلين لقب خبيره :eh_s(6)::eh_s(6):

 

[منورة الكويتية]

:gathering:

اسمحيلي ارد عليج بدال اوركيدا يمكن اطول عليج..اهي صارلها فتره مختفيه!!عسى المانع خير..

انا بعد قبل لا اروح كان الفاست باس معقدني شوي ..لوول
اهو مو كل الالعاب لها فاست باس ..بعضها بس...اتوقع اهو بس للالعاب الحلوه والقويه واليديده..

وتلقين الاجهزه عند اللعبه نفسها..وهي فري..بس احيانا ما تحصلين..تكون مخلصه من كثر الزحمه!!

انشالله اكون افدتج..

بعد قلبي مشكورة ماقصرتي عالرد

بس شلون تصير ببلاش جان الكل يدش صح ؟

ووين اوركيدا اشوفها تشارك بمواضيع ثانيه ومنحاشه من موضووعها:ada:

يالله اوركيدا ناطرينج

 

[rawona]

:gathering:

بعد قلبي مشكورة ماقصرتي عالرد

بس شلون تصير ببلاش جان الكل يدش صح ؟

ووين اوركيدا اشوفها تشارك بمواضيع ثانيه ومنحاشه من موضووعها:ada:

يالله اوركيدا ناطرينج

الفاست باس اللي بديزني تسوينه عن طريق تذكرتج الرئيسية يعني اذا قصيتي تذكره حق ديزني تخلينها وياج ما تقطينها على حسب انتي جم يوم ماخذه بديزني يوم يومين؟ ثلاث؟ اربع؟ العاده اقل شي تاخذين التذكره مالت الاربع ايام فتحتفظين فيها ما تقطينها ومن ميزات هالتذكره انج تقدرين تستخدمينها بالفاست باس والطريقه انه اذا رحتي تركبين لعبة خلنا نقول على سبيل المثال لعبة ايفيرست اللي بالانمال كينغ دوم ولقيتي الطابور طويل ومدة الانتظار ساعه وماتبين تنطرين كل هالوقت بالحر فتروحين لمكاين الفاست باس يم اللعبة وتحطين تذكرتج وتطلعلج ورقة بالوقت اللي تيين تلعبين فيه ..

فلنفرض كانت الساعه 3 لما يتي تركبين اللعبه وكان زحمة ورحتي الفاست باس حطيتي تذكرتج وطلعتلج الورقة بالموعد وقايليلج ردي بين الساعه 6 والساعه 7 فتروحين تلعبين العاب ثانيه واتمشين ولما اتصير 6 او 6 ونص او 7 الا تردين اللعبه وادشين من مدخل الفاست باس وتورينهم الورقة اللي فيها الموعد وتدخلين اللعبه على طول ..

سهله العمليه وايد وكل لعبه لج فاست باس واحد باليوم على ما اظن طبعا اتظلين محتفظه بالتذكره عقب ما تطلع من المشين وتقدرين تستخدمينها مره ثانيه بنفس اليوم واطلعين فاست باس حق لعبه ثانيه بالحديقة ..

والمقصود فيها انها ابلاش يعني ما تدفعين فلوس زياده بس تحطين تذكرتج اللي انتي بالاساس شاريتها .. تعبت :0bee2e8d89: لوووول سوري طولت عليج بس حبيت اوضح الصوره :tek:​

 

[احلى قصيد]

ماشاء الله تبارك الرحمن

شي

عليكم بالعافية

ننتظرك يالغلا كملي

 

[malekatsabaa]

:gathering:

بعد قلبي مشكورة ماقصرتي عالرد

بس شلون تصير ببلاش جان الكل يدش صح ؟

ووين اوركيدا اشوفها تشارك بمواضيع ثانيه ومنحاشه من موضووعها:ada:

يالله اوركيدا ناطرينج

اي حبيبتي مثل ما قالت روونا بالضبط..

بس بضيف ان لكل تذكره رئيسيه لديزني فرصه وحده للعب بالفاست باس
يعني اذا كررتي الحديقه ما تقدرين تستعملينها بالفاست باس للعبه انتي لعبتيها من قبل بالفاست باس..

وهي للكل وببلاش بس لهم اعداد معينه اذا خلصو ما تقدرين تدخلين اللعبه بالفاست باس..
يعني في بعض الالعاب رحنا بناخذ الفاست باس لقياهم مخلصين فاضطرينا نوقف بالدور!!

انا كانت معقدتني بس طلعت حيل تافهه لا تحاتين!!

 

[المـاسة]

ماشالله
عليج بالعافيه

وينج احنا متابعينج

 

[الحلوه80]

عجييييييييب التقرير ان شاالله اروح امريكا سياحه السنه اليايه خاطري برحله كروز ادعولي بنات

 

[ام خلووود]

واي وناسه

تصدقين انا في امريكا وما رحت غير ولايتي الي انا فيها مينيسوتا الا الى اورلاندو شهر خمسه الي طاف ولا رحت ميامي


حسافه شكلي هالسنه بروح شوقتيني

 

[شــــــوق~]

الله يهنيج دووووووووووووووم حبيبتي ويسعدكم ابي اسألج جم كلفتكم السفره كلها بحدود جم

صراااااااااااااااااااااااااااحه ماشاء الله سفره ممتعه رووووووووووووووووووووووووووووووعه

 

[اوركيدا]

اوركيــــــــــــــــــــــــــــدا ..


where are you??????????????​

Im really very sorry!
مادري شصار اقول لج والله تقولين عين! .. الموضوع ثقييييييييييييييييييييييل عندي .. ولا اشتهي افتحه!
سامحوووني ..

واااى عليج بالعاافيه اروكيد
احنااا كنا معزمين روح اكروز
بس تكنسلت ماضبطت وياااناا
كلش وانشاء الله السنه الياااى

الله يعافيج بعد عمري ..
ان شاءلله المرات اليايه يارب صج بتستانسون

وين الوعد يا اوركيدا
انتي مواعدتنا تكتبين عن المطاعم و
shopping mall

نبي نعرف المناطق القريبه من اولاندو
اللي يقدر الواحد يروح ويرجع لها نفس اليوم

يايتج حبيبتي .. حبه حبه ههههههههههههه ..
وسامحوني على التأخير

لا يــــــــــــــــــــــوقف لا يــــــــــــــــــــوقف_03ba:

ابييييييييييييييييي اروح مثل سفرتج يارب يارب ترزقني مثل هلسفره وناااااارينج حبوبه لا اطولين علينا وعليج بألف عافيه على هالسفره

امين ان شاءلله تروحين وتستانسين وتييبين لنا التقرير السنع السنه اليايه ..
وسامحوني طولت عليكم!

عيدكم مبارك..

وعساكم من عايدينه...

وينج اوركيدا؟؟

تجهيز العيد كله يبتيه من امريكا :jbdwjbd: يعني مو لاهيه بالسوق...لووول

ناطرينج..:bye22:

:cxxxp: .. من العيد مو راده عالموضوع! .. عين والله من ايي صوبه مافتحه! .. مادري شياني احس يدي ثقيله عليه! ..
كلنا السنه فتكينا من السوق او لويته الحمدلله ..

ماشاءالله خووووش تقرير


يعطيج الف عافيه شوقتيني على امريكا

ولهت عليها

الله يعافيج حبيبتي مشكوره

ما شاء الله اوركيدا وايد تقريرج هني والعرب المسافرون عجيب ومفيد حدة انا ناطرة تطلع الفيزا ((( ادعيلي ))) وتتأكد السفرة بإذن الله ومالي غناة عنج

خوش تقرير لايوقف متابعتج بس اخلص من الفيزا راح احتاجج وايد

بعد عمري انتي .. ان شاءلله تطلع وتروحين وتستانسون باذن الله ..
ان شاءلله انا حاضره بعد عمري ..

والله يا اوركيدا كل ما انوي واعزم اروح دولة غير امريكا .. امر على مثل هالمواضيع الحلوه واشتااااااااااااق لامريكااااااااااااا ..

يالله ناطرين الباجي :ggdw:​

Same here sister same here

اوركيدا ...وناااسه...
آآآآآخ ودي ارجع!!ا

تصدقين عادSpace Mountine بنتي عمرها 6 سنوات ركبتها..وكيفت عليها...
و صارت تسأل قبل ما تركب اي لعبه اذا تخوف تبيها واذا ما تخوف مو ضروري ..حتى Tower of terror اركبت ولما طلعت قالت يما مره ثانيه:016:!!!بس صرخنا صراخ..مو طبيعي..لوووول

كملي ناطرينج....:ggdw::ggdw::ggdw:

اه يا ملكه كلنا ودنا نرجع حيااااااااااااااااااااااااه .. ووناسه ماتنلام بنتج والله! .. احنا لكبار نطلع ونرد نصطف مره ثانيه!

اوركيدا انتي تيقااا
وايد وايد وايد شوقتييني على امريكا وانا اموت على سوالف الرعب والعاب سريعه
شوقتينييي حيييييييييل بصراحة
بنت خالتي كانت رايحه الصيف الي طاف وقالتلي عن المصعد تقول حده يشووق
وقالتلي عن الفاست باس بس الي بعرفه الفاست باس يصير حق كل الالعاب صح؟ ولاا كل لعبه لها فاست باس بروحه
وجم الفرق
نااطرينج ياعسل

انتي اللي تيقا .. مابقى شي على روحتج وان شاءلله توصلين بالسلامه وتروحون كل مكان او تستانسون ..
المصعد يشوق صح ويصب القلب صباب هههههههههههه ..
شرحولج البنات عن الفاست باس بعد عمري ماقصرو وسامحوني طووووووووووولت عليكم وايد! مادري ياتني عين الظاهر!

 

[اوركيدا]

اوركيدا ..

جنج طولتي علينا؟؟؟ وينج؟؟ عسى المانع خير؟؟


ناطرينج :eh_s(1):​

سامحووني يابنات والله وايد اسفه

ووووووواااااااااااااااااي يا حلو امريكا

احبهه مو بايدي

مشكووره وامتعتينه بالصور

ماتنلااااااااااااااااااااااااااامين كلنا نحبها ..
مشكوره على مرورج حبيبتي

تقريرج اكثر من رائع اشكرج حبيبتي

وعليكم بالف عافيه انشالله امريكا رحلتي لصيف 2009

يسلموو

الله يعافيج حبيبتي ..ويكتب لج رحلها نفسها او احلى بعد ان شاءلله ..

يبيلة امريكا من قلب

روووووووووووووووعه عليج بالف عافية والصراحه شوقتيني واااايد

اي لاترددين عزمو او بتستانسون وايد باذن الله

عليج بالعافيه
ومشكووووووره على التقرير الحلووووو
وناطرين البقيه

الله يعافيج حبيبتي ام فهد .. مشكوره

انا جني عرفتج !!
انتي خاله عثماني الصغير ؟

صــــــــح

تقرير عجيب .....

يالله كملي ....... يعطيج الف عافيه وصج تستاهلين لقب خبيره :

الله يعافيج بعد عمري .. مشكوره :tek:

ماشاء الله تبارك الرحمن

شي

عليكم بالعافية

ننتظرك يالغلا كملي

الله يعافيج حبيبتي

ماشالله
عليج بالعافيه

وينج احنا متابعينج

الله يعافيج سامحوني طولت عليكم!

عجييييييييب التقرير ان شاالله اروح امريكا سياحه السنه اليايه خاطري برحله كروز ادعولي بنات

ان شاءلللللللللله يارب تروحين او تستانسين

واي وناسه

تصدقين انا في امريكا وما رحت غير ولايتي الي انا فيها مينيسوتا الا الى اورلاندو شهر خمسه الي طاف ولا رحت ميامي


حسافه شكلي هالسنه بروح شوقتيني

حرام استفيدو من هالفرصه او تجولو امريكا كل ولايه كانج مسافره ديره غير معالم غير وطبيعه غير ..

الله يهنيج دووووووووووووووم حبيبتي ويسعدكم ابي اسألج جم كلفتكم السفره كلها بحدود جم

حبيبتي احنا عددنا كبير وايد فالتكلفه حسبناها على الكل لكن اذا بتشوفين الموضوع مذكور فيه اسعار كل شي ماعدى صرف اليد

صراااااااااااااااااااااااااااحه ماشاء الله سفره ممتعه رووووووووووووووووووووووووووووووعه

مشكوره حبيبتي

 

[اوركيدا]

نكمل الحدايق ووصلنا للـAnimal Kingdom

فهالحديقه يحس الواحد كأنه سافر اهيا الهند .. اهيا افريقيا .. او ابداع او تطور امريكا
الحديقه كأنها غابه كبيره .. مساوءها الرطوبه العاليه فيفظل اختيار الجو المناسب ..
يفضل برايي اليوم الممطر

مميزات هالحديقه كثيره ..
عيبها انها تسكر من وقت .. قبل المغرب احياناً ..
ومثل ماذكرت مسبقاً .. جوها جداً حار .. والرطوبه عاليه ..
لكن فيها تحف فنيه .. مثل قمة افرست ..

اللي اهيا فنفس الوقت لعبة رولر كوستر ..
وهاللعبه من اهم العاب الحديقه .. مركبه تتحرك بسرعه ..
وماتنفع للاطفال ..

وتحفه اخرى .. شجره يسمونها
Up side down tree

أي .. الشجره المقلوبه .. وكأنه جذورها اهيا اللي طالعه فوق ..

تحفة اخرى شجره الحياه
شجره كبيره عند مدخل الحديقه ..

منحوته اجذعها بالحيوانات ..

واذا باتكلم عن الطبيعه اللي خلقوها في وسط المكان .. بيعجز الكلام ..

اهم الالعاب في هالحديقه .. لعبة الداينصورات ..
واهيا مركبه تنقلك لعالم الديناصورات ..
اللعبه مرعبه لكنها وااااااااااايد ممتعه وحلوه ..
تنفعل للاطفال اكبر من 8 سنوات اذا ماكانو يخافون ..

اللعبه اللي بعدها .. افرست سبق وذكرتها ..

الـShows
Bugs life بخاصية الابعاد الثلاثه ..
ممتع جدا .. جداً

عرض Lion King

رووووووووووووووووووووووعه للعائله كلها ..

واخيراً عرض نيمو ميوزيكال شو ..
واااااااااااايد حلو .. وعائلي ايضاً ..