حبيبتي مشكوره وماتقصرين وانشالله باستشيرج بالدول اللي مو رايحتلها ..
انا قبل كله اوروبا ويا اهلي بس من عرفت امريكا طلقت اوروبا لووول بس ناوية اردلها انشالله ..
الدول اللي رحتلها باوروبا .. اسبانيا - هولندا - المانيا- لندن- فرنسا- اليونان- قبرص- تركيا- بلجيكا-و طبعا لندن - ايطاليا رحتلها وانا حيل عنونه مللذكر شي منها ..
الدول اللي مارحتلها سويسرا - النمسا- ومناطقهم وايد يمدحونهم وحلوة حيل المناظر .. بس انا ناوية على اسبانيا اذا الله احيانا للصيف الياي وفي بالي خطتين يا اما اروح برشلونه وماربيلا واقعد يوم كامل بلندن بالرده او اروح ماربيلا ولندن بس ولو اني افضل الخيار الاول بس مادري اشوف ..
ماربيلا رابين فيها قبل لووول بس اخر مره رحتلها بالتسعينات واحس ولهت عليها اذا باروح برشلونه انشالله باسكن بالرامبلز وفي ماربيلا في بارك بلازا "شقق فندقيه" في بورتا بونس..
مادري اذا عندج معلومات اكثر وافكار احسن عن اسبانيا ياريت تفيديني خاصة اني باروحلها على الذاكره لووول ..
والله يسهل 
شوفي يالغالية
انا اسبانيا ما اقدر افيدج لاني ما رحتلها لان مو ليهناك بسوالف البحر وهمن شوي حارة بالصيف وخصوصا بالنهار يعني افضلها بوقت احلى من الصيف اهي وايطاليا
اللي انصحج فيها جولة اوربية تبدين فيها من فيينا وتختمينها بباريس او بزيورخ وبهالرحلة تمرين مناطق النمسا وميونيخ واوربا بارك حق اليهال ترى حلو وونيسة وتمرين جنيف وانترلاكن وتختمين بزيورخ وتتستوقين بستراسبورغ يم اوروبا بارك وهمن ليون يم جنيف بجذي تتسوقسن من فرنسا وفي وايد اكتفيتي لليهال وخصوصا النلفريك انا بنات يموتون عليه وهمن summer roden اللي اهيا الزحلاقية الصيفية وايد تونس وجو خيالي وطبيعة وثلوج وبعد لو بتسوون سكيتنق
يعني شوفي شيء يديد انا اموت بالطبيعه والجبال والثلج واعيش جو شتوي حلو بعز الصيف وخصوصا عندنا نقص وايد من هالناحية والله احس عيوني ترتاح من الخضار وترتاح من الشموس واللواهيب بجو بارد ومطر وغيم انا غرامي جذي
او تعكسين السالفة وتبدين من دوسلدورف وكولون وسراسبورغ وجنيف وانترلاكن والنمسا ( زل ام سي وسالزبورغ ) وتختمين بميونيخ او زيورخ كيفج يعني شوفي المثلث ( النمسا والمانيا وسويسرا ) وايد في افكار وبالنسبة لباريس ولندن تقدرين تختمين فيهم ولو اني اشوفهم اخر الصيف احلى
انتي فكري وجربي شي يديد وكل مرة غيري بديرة
واذا ما رحتي استراليا ترى بعد تسوى انا رحتلها شهر عسل وايد فيها اشيا واكتفيتي حلوة وجوها بارد بالصيف لان عندهم شتا
وفكري و اذا بغيت plan حلو للسفرة انا حاضرة افيدج باللي اقدر عليه وشوفي منتدى المسافرون العرب وايد مفيد وحلو بس اخذي الافكار والتقارير مالتهم وايد راح تتشوقين بالصور واهما وايد يحبون لأوروبا وشرق اسيا اكثر من امريكا لان بوابة امريكا شوي ناقصتها معلومات اخذيلج فره اذا انتي فاضية وخبريني عن افكارج
