حملة تطوير الذات ( الاجتماع الأول ) l||l° (مميز) °l||l°

[Eng.shosha]

رد: حملة تطوير الذات ( الاجتماع الأول )

كويت برورجرمر اقتراحج حلو بالنسبه حق قراءة الكتاب
بس يمكن مو الكل يقدر يخلص الكتاب بشهر .. لان انا طالبه ويمكن فترة الامتحانات
ما يمديني اقرا

وبالنسبه حق اقتراح المجاميع .. آنا ودي أنضم حق المجموعه الاعلاميه ان شاء الله أقدر أساعدكم فيها

 

[الإسراء]

رد: حملة تطوير الذات ( الاجتماع الأول )

m @ z y o n a ماشاالله عليج شكلج قيادية ومتحكمة
لكن للأسف التشاؤم مثل ما تقولين خرب عليج ,,
وهاذي مشكلتنا عدم الثقة ,,

 

[الإسراء]

رد: حملة تطوير الذات ( الاجتماع الأول )

كويت برورجرمر اقتراحج حلو بالنسبه حق قراءة الكتاب
بس يمكن مو الكل يقدر يخلص الكتاب بشهر .. لان انا طالبه ويمكن فترة الامتحانات
ما يمديني اقرا

كلامج 100% ,,
وأضم صوتي لج ,,

أما بالنسبة للمجاميع أختار إما مجموعة الأنشطة أو الاعلامية ,,
واختاروني على حسب العدد واللي تحتوجونه ,,
لأني أحس إني أقدر أعطي في المجموعتين ,,

 

[vogue grl]

رد: حملة تطوير الذات ( الاجتماع الأول )

السلام عليكم
انا موووووجوده بعد
بس شرايكم باللي قلته على الاقتراح مال امس
ترى الفكره من اقتراح الكتاب كان جذي
شوفوا انا كنت مفكره انه يكون في شي اسمه خطه اسبوع وشي اسمه خطه شهريه
يعني الخطه الاسبوعيه تكون فيها حلقه نقاشيه اسبوعيه
والخطه الشهريه تكون الكتاب ومناقشته
فشرررايكم؟

اي حلووو

 

[baby_ pink]

رد: حملة تطوير الذات ( الاجتماع الأول )

شصار ع اقتراحي...


نسوي لنا شعار موحد ونحطه بالتواقيعنا...

 

[لحظة صمت!]

رد: حملة تطوير الذات ( الاجتماع الأول )

اممم انا اختار مجموعه الانشطه وان شاء الله تكون انشطه حلوه وممتعه..ام عبد المحسن ..صدقيني كتاب استمتع بحياتك لو قريتيه ماراح تتركينه بتخلصينه بساعه ..مو معقوله شهر ماتقدرين تخلصينه انتي لاتحطين في بالك انه صعب بالعكس ممتع وكله قصص مشوق جدا
الاخت مزيونه ..ماشاء الله اعجبني تعريفك لذاتك ..وهذا رابط الكتاب
http://www.alarefe.com/play-338.html

 

[vogue grl]

رد: حملة تطوير الذات ( الاجتماع الأول )

وعليكم السلام حياك اختي ..كلامك مال امس ماشاء الله كله بصالحنا ويرتب لنا الاولويات ..خلاص نبدا بكتاب استمتع بحياتك وموجود عندي ككتاب الكتروني..هاشقلتوا..

انا موافقه

 

[لحظة صمت!]

رد: حملة تطوير الذات ( الاجتماع الأول )

شصار ع اقتراحي...


نسوي لنا شعار موحد ونحطه بالتواقيعنا...

حلوو اقتراحك يالغاليه بس من فينا خبيره بالتصاميم انا عني اميه في هالمجال هههه الله يعين لازم نطور من نفسنا..

 

[Q8 programmer]

رد: حملة تطوير الذات ( الاجتماع الأول )

بنااات لا تناقشون الكتب الحين راح نزل موضوع بعنوان مكتبة حملتنا ونحط اسم الكتاب والرابط واناقشه بعدين

 

[لحظة صمت!]

رد: حملة تطوير الذات ( الاجتماع الأول )

انا موافقه

حملي الكتاب يالغاليه ولاموجود عندك اهم شيء تقرينه وتستمتعين بقراته مو نحس انه واجب هههه لا حاولوا تستمتعـــون.
.http://www.alarefe.com/play-338.html

 

[M @ Z Y O N A]

رد: حملة تطوير الذات ( الاجتماع الأول )

مشكوره اختي على الرابط

امممممم خلونا ندور وحده تسويلنا تصميم للحملة

وتصميم لكل مجموعه بس لما نتفق بالاول

 

[لحظة صمت!]

رد: حملة تطوير الذات ( الاجتماع الأول )

بنااات لا تناقشون الكتب الحين راح نزل موضوع بعنوان مكتبة حملتنا ونحط اسم الكتاب والرابط واناقشه بعدين

ماراح نناقشه اختي بس حطينا الرابط ..وحلوه فكرتك يلا عليك تحطين لنا هالموضوع ونبدا فيه..بانتظارك

 

[الإسراء]

رد: حملة تطوير الذات ( الاجتماع الأول )

حلوو اقتراحك يالغاليه بس من فينا خبيره بالتصاميم انا عني اميه في هالمجال هههه الله يعين لازم نطور من نفسنا..

آنا أعرف لكن ما أجيد التواقيع عدل >>> يعني فلاشات ما أعرف
شوفي توقيعي وحكمي >>> من صناعة إيدي ( آنا اللي مسويته )
فأقترح إن نستعين بالمشرفة دورا لأن تواقيعها مشالله روووعة ,,

 

[مزاجي صعب]

رد: حملة تطوير الذات ( الاجتماع الأول )

مساء الخير حبوبات

اعتذر اعتذر اعتذر عن التأخير الخارج عن ارادتي واتمنى تتقبلون اعتذاري

بالنسبه للاقتراحات.. كلها لازم نتطرق لها بس ضروري تتحدد الأولويات

من وجهة نظري لازم نبدا بتعريف الذات والمقصود بتعريف الذات ليس المعلومات الشخصيه
ولكن الذات بشكل عام ماذا تعني ؟

ومن هالمنطلق اعتقد انه أفضل كتاب نبدا فيه هو كتاب التعامل مع الذات : نموذج في الارشاد النفسي والصحه النفسيه
للدكتور بشير صالح الرشيدي : أستاذ علم النفس التربوي بكلية التربيه جامعة الكويت ورئيس مجلس ادارة شركة
انجاز للاستشارات والتدريب www.drbasheer.com

اهداء الكتاب : الى كل من يرغب في التغيير .. ويسعى للتطوير..
ويعاني من الفجوة بين المأمول والواقع ...
أقدم بعضآ مما أعرفه .. أقدمه لك وحدك,,

سبحان الله جنه الاهداء لنا

للامانه انا الكتاب ماقريته كله بس بدايته وفي معلومات جدآ قيمه يبتدي من الذات والسلوك : ماهي الذات ؟ والقدره على
تغيير الذات وتزايد الحاجه الى الذات هذا بس كبدايه


وبالنسبه للمجموعات مادري احس انها ممكن تقيد ف من باب اولى انه كلنا نتشارك .. ممكن هذي اليوم تقدر باجر ماتقدر
او اليوم عندها فكره اعلاميه باجر عندها فكره للانشطه فياحبذا لو انه كل فتره نجتمع ونحدد الاقتراحات والمشاريع ونتعاون
على تطبيقها وممكن يتم ترشيح للعضوه اللي شايفه بنفسها القدره واللي حاب يساعدها سواء كانت من ناحيه اعلاميه او انشطه او غيره وهكذا ..



اعتذر عن الاطاله

تقبلوا تقديري​

 

[M @ Z Y O N A]

رد: حملة تطوير الذات ( الاجتماع الأول )

اممممممممممم

ويـــن الباقي شاركونــا

 

[Q8 programmer]

رد: حملة تطوير الذات ( الاجتماع الأول )

بما ان احنا 16 عضوه
لكل مجموعه بتكون 5 عضوات
وبس في مجموعه وحده بتكون فيها 6 عضوات
وانا اشوف احسن شي المجموعه الاعلاميه هي اللي يكون فيها ال6


مجموعه اعلاميه
=================
ام عبد المحسن
بدون إسم






مجموعه انشطه
==============

لحظة صمت!




مجموعة اداره وتنسيق
=================
M @ Z Y O N A
َQ8 Programmer



​

 

[Eng.shosha]

رد: حملة تطوير الذات ( الاجتماع الأول )

اختي لحظة صمت مشكووره عالرابط وان شاء الله راح أحمل الكتاب واقراه

 

[Q8 programmer]

رد: حملة تطوير الذات ( الاجتماع الأول )

يا جماعه اولا المجموعات فيها اكثر من وحده في كل مجموعه 5 عضوات
وثانيا فايدتها من باب الالتزام لا شك كل وحده عندها ابداعات بمجالات وايد اعلاميه والانشطه بس التركيز شي مهم
الواحد لما يركز على هدف واحد يبدع فيه اكثر من انه يشتت روحه باكثر من مجال وغير جذي تفيد التنظيم
وبعدين عادي اللي بالاعلاميه تعطي فكره للانشطه هذا عادي بس التزامهاا يكون لمجموعتها
والتعاون بين المجموعات وتبادل الافكار تكون بالاجتماعات

 

[Q8 programmer]

رد: حملة تطوير الذات ( الاجتماع الأول )

ان شاء الله بس نخلص تكملة المجموعات نوزع المهام ونبلش بثلاث شغلات
مكتبة الحمله والمقابله والحلقه النقاشيه

 

[Eng.shosha]

رد: حملة تطوير الذات ( الاجتماع الأول )

Q8 programmer

مشالله عليج شكلج وايد متحمسه يعطيج العافيه واحنا معاااج والله يوفقنا