بحرينيات وليله فالكويت (تقرير مصور)

[اوركيدا]

مشرفة القسم:al7anona​

بسم الله ..
السلام عليكم ..
شلووووونكم؟ ..
شلون خواتي بهالقسم .. راونا او ملكه وام خلودي والبنات كلكم ..
اول شي احب اعتذر لكم عن تأخري في المشاركه في مواضيعكم الامريكيه او إكمالي لتقريري لرحلة امريكا ..
تشتت الصور بين الكمبيوترات او ضيعتني .. لكني اوعدكم اكمله قبل الصيف الياي :dddds:
وكترضيه يبت لكم تقرير سفره لديرتكم بعد شتبون؟ :ggdw:

وحي الله جميع البنات ..

ليلــه فالكويت ..

خططنا لهالرحله سريعاُ ..
وكلشي صار بسرعه بسرعه ..
والحمدلله كنا قروب حلو ..
انا وخواتي او مرت خالي (صديقتنا) او صديقتنا ..
عزمنا قبل بـ3 ايام وفي نفس الوقت حجزنا تذاكر الطيران او من حظنا طلعو مسوين عرض للمسافر المتميز انه التذكره فيرست كلاس بـ30 دينار ونقطتين فقط
اللي عندهم بطاقة المسافر المتميز بيفهمون قصدي ..
حجزنا الفندق فندقنا الدائم (الكورت يارد ماريوت) اللي بالرايه
وحجزنا السياره من بدجت المطار ..
وحجزنا الغدا في ماكي مرينا عن طريق الانترنت
كانت رحلتنا الصبح .. نوصل الكويت .. ونطلع منها ثاني يوم بالليل ..

 

[اوركيدا]

طبعا من كثر الحماس ليلتها مانمنا الى اقل من ساعتين .._03BA:
الصبح خذينا السايق او مرينا على بعض وعالمطار ..
كان باقي ساعتين على الطياره

.. تريقنا او مددنا ريولنا شوي ولا يايين يدورونا ..
من ساعه ينادون بأسامينا والصوت ماكان يوصلنا ..
المهم .. رحنا ركضه للـGate والحمدلله لحقنا ..

بعد ساعه الا ربع تقريبا وصلنا مطار الكويت ..

وبسرعه .. ماكان عندنا لاقج .. كل وحده جنطتها بيدها .. سحبناهم وانطلقنا ...

رحنا حق السياره
ماعنده الا كامري او سوبربان
اخترنا الكامري وطلعنا ولا اللون الخطير
المهم توكلنا على الله وعلى طول على

كانت الوالده موصيتنا على اشياء من الجمعيه
واحنا ماندل إلا هالجمعيه فيها ذكريات الطفوله ( كنا نيي حق ناس من اهلنا وتحلو منطقه ثانيه مؤخراً)

المهم خذنا شغل امي او على طول على المارينا ..

 

[اوركيدا]

تمشينا شوي ..
اذكر خذيت جوتي رياضه من فوت لوكر ..
وخاتم من محل يم الدري اللي يودي على الكرسنت ..
مادري وينه ! توني تذكرت المهم او اختي خذت لي توب من مورقان ..
تفرقنا بالمجمع عشان كل وحده تاخذ شغلها او يمدينا الوقت ..
المهم 1 او نص احنا متجهين لماكي ..

كان الجو حلو .. والشاطئ ماشاءلله مترووس ..

دخلنا او طلبنا .. ووصلت رفيجتنا كويتيه .. تواعدنا معاها انها تيينا بماكي ..
او هذي طلباتنا ..

اعتقد هالسلطه اسمها مارينا سالاد ..
ماحبيتها لاني ماحب الجرجير ..

هذي .. سالمون سالاد بس احنا نطلبها وذاوت سالامون ..
صج لذيذه .. حاره شوي لكن تينن

وهذي مساري ماكي .. واااااااااااااااااااااااااااايد لذيذ :tomato2:

بهالصوره طالعين مساري وعيسى فوقه ووزاني عاليمين .. ألذ 3 ماكيز بالنسبه لي..

 

[اوركيدا]

هذا وزاني بروحه

هذا اسمه عوعي .. امدحولنا اياه بس الصراحه باصج! ماعجبنا

وهذا عيسى بروحه
الويتر كان وايد حبوب .. او قال لنا اذا عندكم فكره اقدر اسويلكم ماكي خاص فيكم ..
فقلناله .. او ياب لنا تجربه ..
سميناه

Bahraini Maki :ggdw:
ماعليكم من شكله مو حلو .. هذي لانه تجربه عشان نشوف الطعم شلون .. واذا اوكي اهما عاد يسنعون شكله ..
سويناله بعض التعديلات اذا رحتو ضوقوه او قولولي رايكم

وهذي كانت خاتمة .. اكله لذيــــــــذه او قعده حلوه في

بعدها انطلقنا انطلاقه غبيه للبدع ..
بتقولون ليش غبيه .. بقول لكم ..
احنا قبل لانوصل وقبل لانسافر حتى كنا حاطين جدول برنامجنا كامل .. فمشينا عليه
بعد ماوصلنا شوكليت بار البدع .. او نزلنا او قعدنا اكتشفنا انه كلش شباعه!!!

مافينا اجر بالمره ..

فودعنا البدع وداعيه حزينه .. مابيكون عندنا وقت نرجع او في نفس الوقت حزينيين على الوقت اللي ضاع ..

المهم رجعنا قمنا .. كان وقت الـCheck In بالفندق ..
رحنا ولا الدار ماجهزت ..
طبعا ريلنا متكسره مثل ماتلاحضوون ..
قعدنا ساعه الا ربع تقريبا .. وترضيه يابولنا عصير برتقال .. المهم بعدها جهزت غرفه او غرفه لا ..
لكن لما صعدنا ولا الثنتين جاهزين ..
10 دقايق بالضبط عيني غطة فيهم ونومه لذيذه ..
لكن فكرة انه ماعندنا وقت خلتني انط من مكاني .. او بسرعه بدلنا هدومنا .. وتعدلنا ونزلنا

 

[اوركيدا]

وانطلقنا لفيلا مودا الشويخ .. تمشينا او تسوقنا لين صارت الساعه 8 رحنا الصالحيه ..
وتعشينا في وين؟؟

صح لورينزو ..

وهذي الصور ..

وفي ختام هاليوم اللذيذ .. تمشينا شوي في شوارع الكويت الجميله ..
عاصمة الاناقه والرقى العربيه ..

المهم بعد العشى
انتهى يومنا ورحنا نمنا نومه عجيبه ..
اسرتهم خياااااااااااااليه الماريوت .. يغوووووووص فيها الواحد! ..

 

[اوركيدا]

طبعا اصبحنا الصبح بكل نشاط ..
تعدلنا بسرعه بسرعه .. وتقسمنا .. بعضنا نزل يتريق والبعض الاخر راح الرايه ..
طبعاً من اهم الصوغات اللي نوديها البحرين
Nutella Macaroons من ماكرون اند كو اظن اسمه ..
للأسف ماعندي صورته .. لكني كنت قاعده من وقت فلحقت على الاثنين ..
تريقت

او تمشيت فالرايه ..
ملاحظه : صورة ريوقي بايخ بس ترى بوفيه الريوق مالهم رووووووعه .. انصحكم تروحون تتريقون اهناك ..
المهم
دخلنا بربريز .. كان وايد في فرق فالاسعار بينه او بين امريكا بصراحه! ..
المهم تشريت لي جم عطر من الجزيره للعطور ..

وبعدها خذينا السياره وانطلقنا وين؟؟
مجمـــــــع الصالحيه ..
واحنا بالطريج لاحظت ماشاءلله عمارات تينن ..

ماشاءلله حتى عماراتكم انيقات مثلكم لااله الا الله ..
المهم .. بعد يوم تسوق حااااااااااااااااااافل بالصالحيه .. انطلقنا للأفنيوز
واحنا قريب الافنيوز كنا مضيعين الدخله .. فشفنا مره يمنا بالاشاره وسألناها ..
ولا تقول انتو توكم كنتو بالصالحيه هههههههههه سبحان الله طلعنا مشاهير ..
المهم مسكينه ماقصرت وصلتنا لي دخلة المجمع جزاها الله خير .. ومشت
تغدينا بنودلز فاكتوري .. كان وايد زحمه فماقدرت اصور بالمره .. خصوصا انه الطاولات كلها في بعض ..

قعدنا نتمشى بالمجمع .. من IKEA لي بروي ..
وكانت ريلنا خلاص ذايبه ..
مع انه نيتنا نكمل اليوم بالافنيوز .. بس طلعنا من كبره بصراحه دار راسنا وتكسرت رويلاتنا!!!

المهم .. رجعنا الفندق عشان نسوي Check Out وماصدقنا نقعد كل وحده مدت ريلها جنها عيوز


خلصنا الاجراءات وطلع للحين معانا وقت ماشاءلله الله كان مبارك لنا بالوقت فرحنا وين؟
CHOCOLATE BAR

وخليكم مع الصور

المهم .. بعدها هلت علينا الاتصالات من البحرين
يالله مابقى على طيااااااااااارتكم شي وانتوا للحين مارحتو المطار
يالله يالله يالله ..
فقمنا ..

 

[اوركيدا]

.. ورحنا المطار .. وصلنا الحمدلله من وقت
فرحنا تمددنا على كراسي المساج خخخخخخ

وطاااااااااارت الطياره
صج صج استمتعنا بهالرحله السريعه .. ورجعنا محملين بالغنائم ههههههههههه
واللحين قولولي رايكم في

سفرتنا الدسمه

 

[ام مضاوي]

يااااااااااااااحلو الكويت وحياكم الله فيها وتقريرج وايد حلو

احب السفره الخطافيه الي بسرعه فيها بركه

وناويه اخطف يومين او ثلاث للبحرين ان شاءالله شوقتيني نتبادل لووووووووووول

 

[rawona]

اوركيدااااااااااااااااااااااااااااااااااااااا


الحمدلله على سلامتج ... وبصراحة عليج حق!!!!! ليش ما بلغتيني لو بالايميل علشان انتشاوف ونقوم بالواجب .. جذي بتزعليني منج بس اللي بيخليني اسامحج ان سفرتج شلاعي وبسرعة بسرعه :eh_s(6):

عموما حياج الله بالكويت وكان ودنا والله نشوفج بس يالله ماعليه اليايات اكثر انشالله وانا اذا زرقت للبحرين باقولج لووووول ...

عليج بالعافيه السفرة السريعه :tek:
​

 

[أسـيـل]

مشاءالله روعه صوركم ونورتي الكويت بحضورك

 

[^noonaa^]

ماشاءالله خووش رحله وحيااج اللي حبيبتي بالكويييت وعلييييكم بالعااافبه

 

[زيـنـه]

يا حيا الله ببنات البحرين في ديرتكم .. بس لو ندري وصيناكم على الحلوى
عليكم بالعافيه .. و لو كانت السفره ليلتين شوي افضل جان يمديكم شوي

يلا تكررونها و اليايات اكثر .

 

[جنتي^و^ناري]

حياكم الله

وياحلوكم وياحلو هالتقرير يونس

وأحلا شي الجوني

والعبايه اتهبل من وين ؟

 

[اوركيدا]

يااااااااااااااحلو الكويت وحياكم الله فيها وتقريرج وايد حلو

احب السفره الخطافيه الي بسرعه فيها بركه

وناويه اخطف يومين او ثلاث للبحرين ان شاءالله شوقتيني نتبادل لووووووووووول

اي والله مثل ماقلتي سبحان الله فيها بركه رحنا كل مكان او سوينا كل شي .. او ساعات بربعة ايام مايمدينا نسوي هذا كله! ..
يالله شوفي متى العزم وقوليلي .. ولايصير خاطرج الا طيب ..

اوركيدااااااااااااااااااااااااااااااااااااااا


الحمدلله على سلامتج ... وبصراحة عليج حق!!!!! ليش ما بلغتيني لو بالايميل علشان انتشاوف ونقوم بالواجب .. جذي بتزعليني منج بس اللي بيخليني اسامحج ان سفرتج شلاعي وبسرعة بسرعه :eh_s(6):

عموما حياج الله بالكويت وكان ودنا والله نشوفج بس يالله ماعليه اليايات اكثر انشالله وانا اذا زرقت للبحرين باقولج لووووول ...

عليج بالعافيه السفرة السريعه :tek:
​

هلا والله راونا حبيبتي .. الله يسلمج والحمدلله انج عاذرتني شفتي اللويه بعينج وادري بج مابتقصرين لو قايلت لج بس ان شاءلله الييات اكثر..
الله يحيــــــــج .. ولاااااااااازم تقولين لي .. يالله عزمي بسرعه هالايام الجو وايد حلو ..
الله يعافيج بعد عمري

مشاءالله روعه صوركم ونورتي الكويت بحضورك

مشكوره حبيبتي الكويت منوره بأهلها

ماشاءالله خووش رحله وحيااج اللي حبيبتي بالكويييت وعلييييكم بالعااافبه

الله يعافيج حبيبتي .. ويحيج مشكوره

يا حيا الله ببنات البحرين في ديرتكم .. بس لو ندري وصيناكم على الحلوى
عليكم بالعافيه .. و لو كانت السفره ليلتين شوي افضل جان يمديكم شوي

يلا تكررونها و اليايات اكثر .

الله يحييج بعد عمري زينه ..
قميضه والله اسفه ماقلت .. بس ان شاءلله اليايات اكثر ..
صح لو ليلتين جان اريح من الركضه اللي كنا فيها بس كل وحده عندها التزامات او ريل وعيال ماقدرنا

حياكم الله

وياحلوكم وياحلو هالتقرير يونس

وأحلا شي الجوني

والعبايه اتهبل من وين ؟

الله يحييج حبيبتي ..
تسلمين واذا قصدج العبايه اللي بالصوره اللي فيها الجوتي فمن محل ملكه .. شارع سويكت الخبر السعوديه
وحياج الله

 

[أحب الصدق وأعمل به]

وناسه وصوركم روعه صج بس يبيلكم مساج لجسمكم من الفره عليكم بالعافيه وحياكم الله بالكويت بس صج الكويت متروسه اماكن بس احنا ملينا يا حلات الكويت ربي يخليها لنا قولو آمين

 

[اوركيدا]

آآآآآآآآآآآآآآآآآآآآآآآآمين
والله يعافيج حبيبتي

 

[.]

لحمدالله ع سلامتج..

وحياج الله..

رحله ممتعه ماشاءالله..

لانها منظمه عدل احي احلل اليوم بالسفر

مشكوره ع التقرير..

 

[وردة بيتنا]

وايد حلوو التقرير

الله يعطيج العافية اوركيدا

 

[حمره بنفسجيه]

حياكم الله فى بلدكم الثانى الكويت عاد اهل البحرين اخوانه وحبايبنه

 

[غربــــة اِحساس]

خوش تقرير والتصوير روعة

وحياكم الله في ديرتكم الثانية : )