سفرتى لسلوفاكيا وبولندا والنمسا عام 2008

[احلى@كويتيه]

رووووووووووووووووووعه
يالله بليززززززززززز كملي

وايد تقريرج حلووو

بس بغيت اسئلج فيها سوق واماكن سياحيه سولوفكيا ولا بس حق استرخاء

لانه اهم شي السوق عندي


وتسلمين

 

[om-3abood]

قمه ............خيال.......
مفكره أروح لها ...............كملي ...:ggdw:

 

[Featured Lady]

رووووووووووووووووووعه
يالله بليززززززززززز كملي

وايد تقريرج حلووو

بس بغيت اسئلج فيها سوق واماكن سياحيه سولوفكيا ولا بس حق استرخاء

لانه اهم شي السوق عندي


وتسلمين

هلا باحلى كويتية...شكرا على الاطراء
حبيبتى راح اكمل الصور وراح اتكلم عن هالموضوع بعدها لانه يهم الجميع .... بس نطريني

قمه ............خيال.......
مفكره أروح لها ...............كملي ...:ggdw:

نصيحة روحيلها وراح تدعين لى جو ووناسة وامان ورخص ... وتابعيني تعرفين اكثر

 

[Featured Lady]

باك مرة ثانية
حياكم
=====
الحين بدخلكم على حديقتى الثانية اللى بالخلف وشوفو مدخلها وشوفوا شجرة المشمش اللى الوالدة
(( الله يطولنا بعمرها ))
توصيني كل عصر اجيب لها منه اذا رحت السنتر لان فندقهم بالسنتر​

وهذى صور اوضح للمشمش​

شوفوا عيالى الله يهديهم دايسين على المشمش اللى طايح من المراكض
(( استغفر الله العلى العظيم ))​

والحين راح اوريكم محمية الطماط اللى راعى الفيلا سامح لنا ناخذ منه
سلطتى منى وفيني (( بلاش _03BA: ))​

والحين راح اوديكم السنتر واوريكم " مدينة بشتنى " بس نطرونى شوى​

 

[قلم صريح]

وناااااااااااااااااااااااااسه لايوقف لايوقف

تكفين التفاصيل بليز

يقولون الفلل رخيصه

جم ايجارها اليومي وجم كلفتكم السفره كامله واعمار عيالج الله يخليهم كبار ولاصغار عشان تقوليلي اسعار تذاكركم كامله

عاااااااااااااااااااااااشت

 

[Featured Lady]

يالله نتوكل على الله ونروح السنتر
طبعا السنتر مكان مبلط وكله قهاوى ومطاعم والكويتيين او السياح عموما يتجمعون فيه
وطبعا لازم اسكر الفيلا ونروح للباب الرئيسي وانا امشي فى الممر قبل الباب شفت شي حلو وكنت من زمان ابى اشوفه على الطبيعة تتوقعون شنو شفت وبداخل حديقة بيتى
فكروا
يالله بعد
فكرتوا
وصلتوا لشي
راح اقولكم



شفت حلزون يمشي وصورته تعالوا شوفوه وياي​

شفتوا شحلاته لما حركته بالجوتى (( اعزكم الله )) انخش داخل قوقعته (( سبحان الله ))​

ترى صورة الحلزون حاطتها خلفية بجهازى احب هالمخلوق​

واى تدرون ماتشجعون بعاقبكم وبقعدكم بالفيلا وماراح اوديكم السنتر تشربون (( هت جوكليت )) الا اذا رديتوا على والا السفرة الظاهرماعجبتكم
بس عشان عيون احلى كويتية والعضوات اللى ردوا علي بسولف لهم شوى عن الديرة
راجعـــــــــــــــــــة​

 

[Featured Lady]

باك
شوفوا حبيباتى راح اسولف لكم عن الديرة وبروح انام واكمل صور السنتر وداخل المدينة باذن الله باجر
واذا اى وحدة عندها استفسار تكتبه وارد عليها هم باجر​

اولا : تذاكر الطيران
============
بالنسية للتذاكر احنا حجزناهم على الخطوط الجوية القطرية بوقت مبجر قبل السفرة ب3 شهور بس حجز مادفعنا الا قبل سفرتنا ب15 يوم ولانا حجزنا مبجرطلعت
تذكرة الكبير ب 265 دينار
وتذكرة الصغير 220 دينار
بس نصيحتى للى عندها يهال وصغار لاتروح على القطرية لانها متعبة بالليل وترانزيت ساعة وتطيرين
اللى تبي تروح لسلوفاكيا وطبعا المدينه لازم تنزلين بمطار فيينا وليس مطارها لان مطارها صغير للرحلات الداخلية تاخذ الخطوط الاردنية عالية من الكويت الى الاردن اعتقد 3 ساعات والسفر العصر توصلون هناك على العشاء فندق وبوفيه ومواصلات مجانا ومنها الصبح تسافرين الى مطار فيينا هم 3 ساعات وتوصلين الساعة 2 الظهر فهذا اريح وهذا اللى راح افكر فيه مرة ثانية بس بس بس
حجزى مبجر
ومعلومة حصرية للكويتيات : اذا حجزتى مبجر الدرجة الاولى ب300 دينار بس​

راح اكمل​

 

[Featured Lady]

السكن :
=====
بالنسبة للسكن اكثر الكويتيين ياجرون فلل وفى اوتيل بوسط السنتر او بالاحرى موتيل اسعاره نفس اسعار الفلل
والاسعار كالتالى : ياخذون على عدد الا شخاص الكبير 500 كرونة بمايعادل 7دنانير يوميا الصغير 250 كرونة بما يعادل 3 دنانير ونص طبعا الرضيع ماعليه شى
بالنسبة للفنادق فى فنادق على النهر وبوسط السنتر ونصيحة اذا تبين تفكرين تاخذين فندق روحى الديرة واجريه من هناك لانه ارخص بوايد
الوالد اخذه من الصوان 3 اضعاف السعر
بالنسبة للمصحات فى جزيرة متصله بالمدينة وتابعه لبشتني وتقديرين تتمشين فيها كلها اشجار وفنادق وكل فندق مصح له بروحه وكافيهات وقهاوى وقريبة جدا من السنتر تروحين لها مشي وكلها مياه معدنية ومافيها سيارات جزيرة كبيرة طبعا اللى يسوون رياضة ويمشون كل صبح تشوفين الكويتيات تريننق على الساعة 6 صباحا يمشون ساعة اواكثر ويردون فللهم ويتريقون
هذى المصحات السكن فيها و3 وجبات بوفيه للمريض والمرافق بحدود 35 دينار باليوم وهم نصيحة اخذيها من هناك مو من الصوان
اما اللى ساكنه بفيلا ممكن تستفيد من خدمات المصحات (( مثل التخسيس - الديسك - العظام وغيرها فتدفع دينار ونص لليوم الواحد وانت تدفعين اذا بغيتي من بوفيهم يعنى الاكل على حسابج

وطبعا هذى الديرة كلها مترجمين عرب وخلوقين مو مثل مترجمين لندن اى شي تبينه بس اتصلى عليهم ويسوونه لج كروت تعبئة ترجمة دخول المصحات خرفان دجاج تاجير فلل سيارات توصيل للمطاركل شي وماياخذون منج شي انت ومدت ايدج
وفى وحدة سلفاكية مترجمة للحريم تاخذهم بسيارتها وتتكلم عربي احسن منا وتفيدج فى كل شي
واذا وصلتى مطار فيينا اتصلى عليهم قبل سفرتج راح تشوفينهم نطرينج بالمطار ويكونون حاجزين لج كذا فيلا واللى تعجبك اجريها​

 

[Featured Lady]

تاجير السيارة :
======
احنا سيارتنا 9 راكب اجرناها ب 19 دينار باليوم
لكن فى سيارات 4 او 5 راكب تكون يوميتها ب 7 دينار باليوم
وفايدة السيارة انج تطلعين فيها الى ايطاليا وتردين ثاني يوم وبولندا وزلمسي وميونخ وكل الكويتيين يروح لهذى الدول بالويك اند
طبعا فيينا وهنغاريا تروحين لهم الصبح وتردين نص النهار قريبة حيل
طبعا فى محطة قطارات وفى باصات تودى قروبات لللى ماعنده سيارة او مايعرف يسوق هناك وفى هذوله المترجمين يودونج الديرة اللى تبينها مثلا زلمسي وياجرج فندق ويرد عليج ثالث يوم
وطبعا فى كويتيات يسوقون سيارات فى بشتني​

 

[Featured Lady]

واى الله يخليكم عبرونى
اكمل والا لا الظاهر ماتبون تستفيدون

تدرون باجر باذن الله راح اكمل عناد فيكم وراح احركم عن الاسواق والاكل والمساجات وكورسات نظارة البشرة اللى ب......... ماراح اقول السعر بتنصدمون
وكورسات البيور اوكسجين
واحركم
بس بروح الحين انام وراى دوام وتصبحون على خير
وموعدنا باجر اوريكم السنتر ونتكلم عن باقى التفاصيل باذن الله
باي​

 

[bambena]

حمدلله على السلامه
خوش صور ماشالله

ممكن اعرف جم المده بالسياره من فيينا لي هالمنطقه وماكو طريقه ثانيه غير السياره

 

[bambena]

بس ماعتقد السعر يصير ارخص الا اذا دفعتي مبجر مو بس حجز

 

[^^ ريان^^]

تقريرج روووعة وبصراحة لازم يتثبت

كملى اختي كملى احنا متابعينج

 

[Featured Lady]

حمدلله على السلامه
خوش صور ماشالله

ممكن اعرف جم المده بالسياره من فيينا لي هالمنطقه وماكو طريقه ثانيه غير السياره

شكرا حبوبة
ومثل ماقلت لج فى قطار والوقت من فيينا الى داخل بشتني بالضبط ساعة وربع بس نصيحة اخذى سيارة وتمتعى بطبيعة هالدولة تحسين الى الحين بيور كما خلقها الرحمن مادخلت عليها المدنية مثل باريس او لندن او حتى فيينا مافيها زحمة تحسين انج اول مرة تشوفين طبيعة بهالجمال
لا واقولج شي طول الطريج حاطين لافتات ان ممكن يمر عليج غزلان مع ان الطريق طريق سريع

فعلا دولة انصح بزيارتها​

بس ماعتقد السعر يصير ارخص الا اذا دفعتي مبجر مو بس حجز

مثل ماقلت احنا نحجز من مدة بس ماندفع الى وقت السفرة ومن مكتب معروف اذا تبين اعطيج اسمه واطرشه لج عالخاص وترى الموظف هندى ورجل ذو اخلاق وملتزم فى معاملاته ويعطينا ارخص الاسعار

تقريرج روووعة وبصراحة لازم يتثبت

كملى اختي كملى احنا متابعينج

شكرا حبيبتى
ومرورج الاروع
تابعيني وشوفى الصور الاحلى وشوفى صور بولندا اللى انصدمت بجمال طبيعتها وشفي فيينا واخذى منى النصايح لهذى الدول بس باجر باذن الله

 

[جكورة]

ماشاء الله الصور تهبــــل
وتقريرج مميز ويونس
بغيت أسألج جم كلفتكم الرحلة كاملــة ؟ وجم عددكم ؟

تابعي معاج على الخــــــط

 

[rawona]

حبوبه كملي ناطرينج ..

وانشالله يتثبت الموضوع :tek:​

 

[roses_77]

افا عليج انا قاعده اقرا كلمه كلمه بحاول اقنع اهلي نروح على اخر الشتا قبل الصيف
بس خل نشوف باجي التقرير
ماشاء الله تصوريج حلوووو واضح ....عليكم بالعافيه شكلها خوووش سفره كانت
كملي بلييييييييييييييييييز

 

[حمره بنفسجيه]

كملى حبوبه كملى عابشه الجو الله يهنيج على هالسفره

 

[sky]

الصراحه خوش صور وخوش تقرير والحمدالله على سلامتج بس اي شهر رحتي وهذا الفيلا الروعه من وين ماجرتها وانتو خذيتوها شهر ولا اقل وجم طلع اجار الفيلا وشكرا ويالله ناطرين باجي تقرير وصور السفره

 

[.]

ماشاءالله شوقتيني..

احب اسافر اكثر من ديره مره وحده..

متابعينج@@