سؤال حق كل وحدة ما عندها عيال؟؟

[مدينه]

السلام عليكم..
انا متزوجة من 6سنين وماعندي عيال والحمدلله على كل حال بس اموووووت بريلي ومستحيل أخليه:eh_s(21):
بس المشكلة النااااس ماترحم..قطعونا أسئلة..
احنا عارفين مجتمعنا شلون نظرتة حق الريال اذا صار العيب منة:0bee2e8d89:
فعشان جذية كل محد يسألني عن العيال اقولهم الحمدلله على كل حال واللة موكاتب..لأني مستحيل أرضى على ريلي احد يتكلم فيه..
ألحييييين وقت السؤال؟؟؟
شنو شعورج لمة تشوفين بعيون الناس نظرة شفقة عليج؟؟
او اذا مسكتي اي ياهل شلون يشوفنج الناس؟
او يقولون مسكينة اختها الأصغر منها احملت قبلها؟؟

ادري انا واااايد حساسة بس صراحة هالشي وااايد مضايقني..
قلت أسألكم أشوف ردودكم:gathering:

 

[.>حــــــــ(و)ـــراء<.]

عسى الله يرزقج الذريه الصالحه عاجل غير اجل

 

[مدينه]

آآآآمين ومشكورة على الرد السريع

 

[حبيبة والديها]

الله لا يحرمكم ياااااااااااااااااااااا رب و يطعمكم الذرية الصالحة بالعكس أنا برأيي أي شخص فاقد للشي ومحروم لازم يشفق علية الناس المعاق ليش إذا مر كل الناس تخزخز فية و اليتييم ليش يكسر خااااطرنا دايما لا تتقولون الناس و الناس الا الحالة الشاذة منهم فهؤلاء لا يرد عليهم أصلا

تقبلي مروري علما حتى انا ما عندي اطفال .

 

[m e m e]

سوري عالكلمه بس ستين الف مليووون بالطقاااق

اذا انا ما عندي عيال انا مستانسه بحياتي و مرتاحه احسن من مايكون عندي عيال و انا مو بصحتي و عافيتي و عندي مشاكل الدنيا

و اشدعوه اللي عندهم عياال عيالهم امعيشينهم احلى عيشه
اخاف صج بس

متى ما الله رزقني رزقني واذا مارزقني شسوي اذبح عمري بسبت كلامهم ؟ الناس اصلا مايسوون هالحركات الا عشان اهما فيهم نقص و يبون يحسوون انهم احسن اب غيرهم اب اي شي


اخاف اذا بييب اعيال بصير مليونيره و لا بدش الجنه من وراهم
هههههههههههههه
مصاريف و بالنهايه يا يطلعون بارين يا عاريين

 

[مدينه]

حبيبة والديها ومي مي مشكورين وايد على المرور..
بس صرااحة كلامكم ريحني..
اي والله صاجة يا مي مي الناس مو عاجبهم العجب..

 

[m e m e]

حبيبة والديها ومي مي مشكورين وايد على المرور..
بس صرااحة كلامكم ريحني..
اي والله صاجة يا مي مي الناس مو عاجبهم العجب..

امبيه طنشي فيهم انا لما احد يسألني هم اسأل بالوتر الحسااس ( ها بنتج ماتزوجت ؟ ولدج ماتخرج) اصير اندل منهم هههههههههههههههه

 

[^^ام ميمي^^]

شوفي حبيبتي انا مريت بنفس حالتج لمدة اربع سنوات تخيلووو لدرجة ان ما ارووح حق احد الا ويسألوني ها ماكو شيء جديد ولي درجة ان بعض المرات الناس تقووولي انتي ليش ساكته على روحج روحي عالجي وانا اعالج وكل شيء واراجع وماخليت شيء ما سويته وكل ما شفت وحده من طرف اهل زوجي تاخذني على صوب وتقولي هذا رقم وحده حق الحمل ومن هالسوالف يعني تحرجني جدام الناس والناس كلها تحس بهالشيء انا اجاملهم واسكت ودايم اقول الله كريم ويجيب الله خير .....



وكل ما سمعت ان فلانه حملت مع انها اصغر مني بوايد ومتزوجه عقبي احتر من داخلي واقول ربي يرزقنا ويهنيها يارب


حتى ريلي وايد من ربعه متزوجين بعده وعندهم ماشاء الله 3 عيال او 2 الله يهنيهم


وردي دايما يكون الله كريم وربي ما قسم وتو الناس توني صغيره


واذا احد دعالي قلت جزاج الله خير وماقصرتي حتى ما ابين لهم ان انا محتره والا شيء

 

[مدينه]

مي مي انتي معاي عالخط..بس فكرتج حللللوة
منتج كويتي..شكرا على المرور,بس صراحة انا اهل زوجي ابدا مايسألوني..انا عكس الناس أهلي اللي ذابحيني:0bee2e8d89:

 

[Coffee-Girl]

حياتي على قد ماتقدرين طنشي واي احد يسالج قولي الله كريم الحمل بيد الله وموبيد غيره

 

[*caramel macchiato*]

هالشي والله موهين...


كلنا في الهواا سوااا


انا لو شنوووو ما اخلي ريلي ولو كان العيب منه....لان اهو عندي بالدنيا كلها واحبه واموت فيه واذا ابي اعيال بس ابيهم منه...


وبالنسبة للناس احس في بعض الاحيان احنا نظلهم بحساسيتنا...لانهم يبون يخففوون عنا بس محد يقدر ايحس بلي انحسه ...كله عبالنا نغزات ويلا يجرحونه بالكلام...بس اهم بالصج مايقصدون ...يمكن طريقتهم بايخة...بس هالموضوع بشكل عاام حساس وما حلاته ان الناس اتكلمنا فيه...


وانا احب اليهال وايد بس الصراحة ما قمت اشيل اعيال الناس ...اخاف يصير فيهم شي يقولون من عيني صار فيني عقدة من هالشي من غير سبب والله...( لاتحسبون حاسدة احد من قبل


بس مادري احس بالنقص وكله عبالي الناس بيقولون راح تحسده لان ماعندها اعيال....فصكيت الباب من اوله


ان شاء الله باجر ربي بيرزقنا وانشيل اعيالنا ونستانس فيهم والله لا يحوجنا حق احد

 

[bnt_kwt]

انا معطيه الناس كلهم طااااااااااااااااااااااااف
الحمدلله ريلي مافي شي طبيعي 100%
انا اللي فيني ضعف تبويض وصار لي 8 سنوات متزوجه ولا مره حملت الحمدلله يارب على كل حال
والحمدلله يارب صج ساعات نفسيتي تتعب بس الحمدلله انا اقوى من الناس وكلامهم
اللي ما منه فايده والسبب قوه ايماني برب العالمين واملي الكبير برحمته الواسعه


مادري عاد لا حملنا هاللي يسئلون بيربون معانا ولا بيشيلون عنا مصاريف الياهل
ان حملتي ويبتي ورا بعض قالوا واي بسج ورا بعض ريحي شوي شنو قطوه
وان ما حملتي كل ما شافوج قطوا عليج كل كلمه اقوى من الثانيه

والله هالناس دايخين حدهم
يعني لا اللي اتحمل مرتاحه ولا اللي مثلنا مرتاحه من حجي الناس الفاضيين

 

[babloo]

والله كلامكم كلللللللللللكم عدل 100% عدل

انا محد كان يحن علي الا عمي ابو زوجي كلما شاف ويهي قال لي يالله ما تروحون تعالجون وانا اقول انشالله الله كريم وساعات كنت انحاش منه لمن يفتحون الموضوع كل هذا لان مابي اقول له انه ولده عنده مشاكل ليمن خالتي قالت له عاد بعدها سكت عني وماقام اييب الطاري بس هم ساعات يخورها يعني يكون يبي يتغشمر مع احد ثاني ويبي يحط علي فيقول:" ما تشوفون الله موقف خلفتهم!! " ويقعدون يضحكون عاد اتصك فيني الدنيا !! بس ابتسم غصبن علي عشان لحد يحس اني تضايقت

بس بالنهاية طااااااااااااااااااااف .. مرة زفيت يارتنا كلما شافت زوجي يلعب مع عيال اخوانه تقوله يالله (بيك) خير جيب واحد مثله !!

على العموم لواطلع المرء على المستقبل لاختار الواقع والحمدلله الذي لا يحمد على مكروه سواه اذا الله رزقنا بالعيال فله الحمد والمنه واذا ما كتب لنا هم الحمدلله الذي ابتلانا ليعوضنا بالجنه

والله كريم

 

[MALHoOoFA]

آنا أي وحده تحمل ماتقولي إلا لمن تدش بالرابع وانا حملت من قبل بس وقف نمو الجنين بالاسبوع الثامن ونفسيتي وايد تتعب لمن اتذكر صوت النبض مال الجنين من عقبها ماحملت صارلي 8 شهور، مره ام رفيجتي قالت جدامي ان بنتها حامل اللي اهيه رفيجتي وبس صارلها شهرين متزوجه، جان تعصب على امها جدامي انا مت قهر حسستني جني ناقصه الله كريم انشالله يااااارب

 

[الرواسي]

وانه معاكم انه في حزازيه في الموضوع وانه اعرف اني انه بالذات حساسيتي حاده جدا خصوصا اذا خالتي راحت حق بيت حماي ومايات عندي وتنام على طول عندهم واتكلم عن اعيال حماي جدام زوجي انه اموت من الغيره وااااااااااااااااااااااااااااايد وكأني بانفجر مو بيدي ولا اقدر اتحكم في مشاعري بس اقول الله كريم يرزقنا وما يحرمنا

 

[كويتيه مذهله 87]

انا ما اتضااايق ولا شي


لان هالشي كتبت الله

واذا الله أخرتي اكيد هالشي لمصلحه فيني

وكل تأخيره فيها خير

وكل شي له حكمته

 

[تفااحة]

كل تأخيرة فيها خيرة ....

واللة ماندري شنو اللة كاتبلنا صدقوني مايبتلي اللة الا الي يحبة يبي يمتحنة ويشوف صبرة او اللة سبحانة يبينا نتقرب بالعبادات واهو الي اختارنا وجعلناااااااا محرومين يعني ميزنا عن غيرنا لانة يحبنااااااااااااااااااااا

خلو ايمانكم باللة قوي ولاتقطعون الامل وحطي في بالج بأي شهر ممكن نحمل الي خلقنا وعطا غيرنا ماينساااااااااااااااااااااااااااااانا انشاللة ...

انا لي سنتين ماحملت وعندي مرت حماي مريضة نفسيا شغاااالة علي نغزااااااااااااات وطنازة لانها مسكينة يمكن مو مرتاحة بحيااتها حاطة حيلها بالحماااااااااااال علشااااااااااان تربط زوجها فيها غصب ومايطالع غيرها مسكينة زوجة كاشت فيهااااا سفرات وبااااااارد تشووفني مرتاحة الحمداللة مع زوجي مع اني ماحملت محترة علشاااااااان جذي تضرب على الوتر الحساس الشغلة الوحيدة الي مووووعندي وانا الحمداللة موظفة واسوق واحلى منها واحلى لبس لبسي ومستاااانسة اكبر مني 5سنين وجنهاا امي .... وانا ماهمتني الحمداللة اهم شي زوجي مرتاح وخالتي وحماااااااااتي الوحيدة يحبوني مابي شي ... واذا لي رزق ونصيب بالحماااال بشوفة ....

حتى رفيجااااااااتي طاحوا من عيني الي تحمل تخش عني ليش ياربي محد حمل غيرهم واذا ولدوا اقول ياحرام بالسابع او الخامس واهو بالتاااسع عشاني مادري عن بداية حملهم .. الحمداللة والشكر


طيب ماحملنا شنسوي ننعزل عن الناس نكرهم نحسدهم نصك عليناااااا الباب نحس بالنقص لاااااااااااااااااااااااااااااااااااااااااااااااااااااااااااااااا

عيشوا حياااااتكم طلعااااااااااات سفراااااااااااات لبس مطاااعم سهر للصبح واللة اذا جبنا بعدين ندور هالايااااااام ومانلقاها ...
انا اختي تزوجت عقبي وحملت ماشاللة على طول تدرووووون شتقولي ؟؟؟

انا احسدج واللة على الاقل استااانستي لبستي ساااااافرتي كل شي سويتية مو انا ...سبحااان اللة محد مرتااااااااااااااااح

 

[الرواسي]

حبيبتي كويتيه مذهله مومعنى مشاعرنا هذه عدم تقبل منه لحكمة الله ولايعني انه احنه ماعندن ايمان منه بالقدر والقدره ولا حسد اعوذ بالله ولكن احاسيس وانفس عنها لبعض وارد وأقول مابعد الضيق الا الفرج

 

[سندريللا بطه]

الصراحه صج انا انغث اكون داشه الدوام بدق كرتي من الصبح ماسكتني تقولي ليش ما تحملين وتعالجين عمرج خلاص الوحده تسال مره مرتين بس مو كل ما شافتج تسال الصراحه انا ما احب امسك الجهال لانهم كلهم يخزون فيج وتكسرين خاطرهم ولا بعد يعلقون مو حامل وعاد الي عندي يخافون من الحسد بدرجه فظيعه اخاف احب الجاهل يقولون حسدته مره رحت لحماتي والده بالمستشفى سلمت عليها ولا شوي والسستر جايبه الجاهل ولا حماتي الثانيه تقول قولوا ماشاء الله قولوا لا اله الا اله اذكروا الله تحسفت اني جيت
ان شاء الله يرزقنا جميعا بالذريه الصالحه المعافاه

 

[القطانيه]

الله يتمم عليج وعسى مادو هالسنه وكل محرومه حامل يارب
حيااتي بنسبه لي صارت عندي منااعه والي تشوفني بنظرة شفقه ماتهمني والله خلاص الواحد لي حط اباله ان الله اهو وحده مقسم الرزق خلاص بيرضى بالمقسوم والله يجعلنا من الصابرين الراضين اللهم اميين