ديوانية بيت العمر

[رحيق]

وهذه أرفف من الجبس وفي منها خشب بس االجبس أرخص .وتقدرين تصبغين الجبس تعتيق يطلع حلو أو لون خشبي

 

[سافانا]

سارونه بالف سلامه إن شاء الله تروحين وتردين بالسلامه

 

[رحيق]

اخت فروحة وينج شخبارج . شوفي الصورة . على حسب وصفج هذا الفايبر( الجزء الأسفل من الطوفة الي لونة بني ) . يكون لونة أبيض ويتركب مثل ورق الجدران . ويصبغة الصباغ اللون الي تختارينة

 

[رحيق]

حبيبتي اخت فروحة نسيت أرفق الصورة . هذه صورة الفايبر

 

[رحيق]

شوفوا صبغ الفلفيت . اشرايكم فيه

 

[رحيق]

شوفو هذه الصورة وقولوا رايكم . بس هذه امبينة طباعة مو مثل الفلفيت . هل إتؤيدون الرأي . ومنو اتعلاف صباغ اسوي نفس هذه الطريقة:0bee2e8d89:

 

[رحيق]

سافانا حبيبتي شلونج . شرحت طريقة الأرفف ان شاء الله تكونين فهمتيها .

 

[رحيق]

شوفو صورة كبت في المطبخ وايد حلو . وعملي ، آنا حاطة مثله في مطبخي .

 

[رحيق]

ما في أحد بالديوانية اليوم ، الظاهر ان الكل منشغل مع تدريس العيال . والبنيان . الله يعطيكم العافية . ويسهل عليكم أموركم يا أحلى بنات .
بس عاد قولوا آرائكم في الصور

 

[سافانا]

كسرة بخور حبيبتي مشكوره عالصوره روعه الفلفليت حلو مره اصباغ الجزيره مختصه فيه وفنانين فيه بعد .
سألنا عنه بالكويت مااحد يعرف عنه شي بس بعد فتره شفت بجريدة الوسيط اصباغ نفسه واحلى منه طبعا بالصور وعندي ارقامهم اذا تبين بس مو مجربتهم لاني مسويه بوكس للاعلانات الي تعجبني اقصهم واحطهم عندي .

 

[سافانا]

بالنسبه للارفف فهمتها على انها فوق بعض صح

 

[سافانا]

صورة الكبت الي بالمطبخ عمليه وحلوه واحسن للواحد يحط احتياجاته وصراحه مفيده مثل هالارفف

 

[سافانا]

صراحه كسرة بخور مشكوره على الافكار الحلوه احسك نفس ذوقي تقريبا

نسيت اسألك انتي وين بيتكم؟

 

[ملكة الجمال]

آنا طلبي طلع في جابر الأحمد والحين الخريطة خلصت ومسوية نظام الشقق كل اثنين من عيالي في جناح ونبي نستفيد من خبرتكم في البيت

 

[اخت فروحه]

مساااااااااااااااااااء الخييييييييييييييييير عالكل


سارة : تروحين وتردين بالسلامة


كسرة بخور : يعطيج العافية عالصور ومبين ذوقج وايد حلو


سافانا : وحشتينا , وشلون البنوتات وليش بطيئين في البنيان يلا خلصوا بسرعة نبي المنطقة تقوم بسرعة ونسكن ملينا من الضيق والحمولة

 

[سافانا]

هلا والله اخت فروحه

احنا تمام لله يسلمك

ابونا ماادري شفيه ماخذراحته , رغم انه مابقى شي .

اليوم دقوا علينا شركة توب روك للابواب والشبابيك وعندهم عرض الى يوم الخميس شبابيك دبل اكشن مجانا مع الشباك ,اهم مسوين لناعرض سعر قال اذا وقعتوا العقد خلالفترة العرض توفرون1000دينار وماادري ,ماقدرنا نروح اليوم عشان الجو صراحه .

 

[رحيق]

السلام عليكم . أحبكم في الله وأشكركم . ملكة جمال حياج الله في الديوانية . وان شاء الله آنا والبنات ما راح انقصر معاج .

 

[رحيق]

سافانا . آنا بيتي في منطقة العدان

 

[رحيق]

نونوشلونج نزلتي في بيتج ؟

 

[رحيق]

سارة لج مكانة ما شاء الله . صج مكنج ابين