سفرتى لسلوفاكيا وبولندا والنمسا عام 2008

[Featured Lady]

متااااااابعييييييييييين لا تتأخريين

وانا راح اكمل بس انتهى من امتحانات عيالى

 

[للحين ناطره]

وانا للحين ناطره اتكملين

 

[ma3soma]

وانا ناطره الرقم

 

[white~heart]

متابعه

 

[Featured Lady]

وانا للحين ناطره اتكملين

حياج الله حبيبتي
واليوم احاول اكمل كل شي عن سلوفاكيا وعشان انتقل الى بولندا وفيينا

 

[Featured Lady]

وانا ناطره الرقم

حبيبتي ممكن تقولين لى اى رقم تبين ؟

 

[Featured Lady]

متابعه

بكمل لكم اليوم عن سلوفاكيا
وحياج الله

 

[Featured Lady]

اليوم راح اتكلم
عن جزيرة المصحات
==========
ولو رجعتوا للصور راح تشوفون جسر يربط السنتر بالجزيرة وهذى الجزيرة مافيها سيارات
من بدايتها تكون المصحات وتكون منتشرة على طول الجزيرة وعددهم 4 مصحات اول مصح وهو اسمه ثيربيا (( مو متاكدة من الاسم بس اسمه قريب من الكلمة )) ، هذا المصح يكون اول الجزيرة وهو عبارة عن 7 نجوم فخم حيل وفيه الكويتيين اللى من الطبقة الاروستقراطية جدا لانه سعره غالى
والمصحات الثانية اغلبها كويتيين واللى يدزهم الصوان
وللعلم المصح عبارة عن فندق وتابع له مستشفى واللى يسكن فيه راح تكون غرفته فوق والطوابق اللى تحت المستشفى وحمامات السباحة وكل العلاجات المطلوبة وفيه مطاعم وكافيهات وطبعا الساكن راح ياكل فى الفندق ثلاث وجبات
ومو معناته ان اللى بره الفندق مايقدرون يستخدمون المستشفى مال المصح ،،،، يقدرون لكن مقابل مادى يعنى يدفعون فلوس
والحين راح اوريكم بداية الجزيرة والمصح الفخم اللى تكلمت عنه بالبداية وهو يكون اول الجزيرة بعد ماتنتهين من الجسر
وهذى بداية جزيرة المصحات واللى كل يوم تقدرين تتمشين فيها اذا وصلتى السنتر​

وبعد ماتطوفين الجسر وتدخلين داخل الجزيرة تمشين يسار راح تشوفين درج وتنزلين راح تشوفين حديقة حيوان صغيرة فيها طيور غريبة وحلوة اشكالها
وصورت لكم بعضها شوفوهم​

اولهم : الطاووس
===========​

هذا الوانه اعجبتني
============​

وهذا طير غريب (( شوفوا شطول ذيله
ولونه تايغر ياسبحان الله ))
===================​

وهذى صورة ثانية له​

وهذى معاها فريخاتها
============​

​

وهذا طير غريب
========​

وهذا النسر بس شوفوا الدرج اللى تنزلين على الحديقة مالت الحيوانات
======================​

انطرونى راجعة لكم
اليوم بحاول اخلص لكم سلوفاكيا
وبعدين اكمل بولندا وفيينا:tek:​

 

[Featured Lady]

بعد ماخلصنا من الحديقة
نصعد الدرج ونروح نتمشى فى الجزيرة
فى الجزيرة نوافير عبارة عن مياه معدنية وطبعا اللى طايحين فيها الاجانب يشربون منها اما احنا الكويتيين نمر عليهم بس ونطالع مع ان الدكاترة فى المصحات ينصحون مرضاهم انهم يشربون منها
واحنا نتمشى شفنا بحيرة واقفين عندها الاجانب ويقطون فيها عملات معدنية صغيرة وهم مغمضين سالت وحدة قالت تمنى اللى تبينه وقطى فلوس
(( يعنى نفس النافورة اللى بروما :dddds)
بس الغريب فيها النباتات اللى فيها لاحظوهم بالصورة​

وهذى صورة البحيرة او النافورة
وشوفوا النباتات واوراقها
سبحان الله جنها صحون​

​

والحين شوفوا اللى داخل البحيرة
فلوس بالدوائرالزرقا ووووووو ضفادع بالدوائر الحمرا​

​

والحين شوفوا الممر(( تراه طويل جدا ويتعب )) اللى يكون على طوله المصحات واللى يسوى رجيم كل صبح يمشى فيه وشوفوا الاشجار حوالينه وبعدهم الحدايق وتشوفين فيهم اهلنا مبسطين ودلالهم معاهم للجاى والقهوة​

​

 

[Featured Lady]

الاماكن الترفيهية
=======
الاماكن داخل بشتني شوية
**فى السنتر قطار يدور فيج على كل بشتني ويدخلج الجزيرة مالت المصحات...... وراح اتكلم عن الاسعار
** فى كافيهات بالسنتر ومطاعم ايطالية وصينية وعراقية وكويتية وغيرها
** فى محلات للايسكريم والنفيش والشعر بنات
وفى محل مثل (( جوكليت بار )) لايطوفكم
وفيه حديقة فيها طاولات بره والجو اذا كان مغيم مثل هالجو قعدى بره واكلى كاكاو واووووو​

وهذى صور منه (( كل يوم احنا فيه حق المتن ))
تفضلوا جوكليت وفراولة​

والا جوكليت سادة​

والا فواكهة وكاكاو​

** فى مطاعم اسماك
وهذى فى ثنتين واحد قريب وواحد بعيد شوية وهذى المطاعم عبارة عن حديقة فيها العاب للاطفال وبحيرات انت تصيدين السمك واللى تصيدينه يشوونه لج وهذى الاغلبية يروحون لها للغدا
وانا صورت لكم البحيرة ووصورت المطعم شوفوه وتصوروا اشلون راح يكون غداكم​

** وفى مطاعم (( اللى رحت لهم )) واحد للغزلان واول مرة اكل لحم الغزال(( وايد لذيذ خصوصا اللى بالمشروم واللى بالبلاك بيرى)وطبعا تشوفين الغزلان مهدودة وحية جدامك(( حسافة ماصورتهم لانا كنا معزومين على المطعم واستحيت اصور جدام اللى عازمينا))
وفى مطعم لبناني اكله يميييي وانصح فيه من تبولة وفتوش ومشويات وغيره واللى يشتغلون فيه لبنانيين
وهذى صورة المطعم اللبناني​

** طبعا فى سيرك وديت عيالى وركبوا البونى وصوروا مع الفيل والمضحك ان اغلب الجمهور من الكويتيين (( سوينا فوضى :eh_s(14): ماكو التزام بالكراسي ))​

وهذى صورة من السيرك​

​

يتبع​

 

[Featured Lady]

تابع الاماكن الترفيهية
=============
** وفى مطعم فوق الجبل اسمه (( كوليبا )) انصحج تروحين له العصر وتشربين فيه جاى او تاكلين شي خفيف وتطليين على بشتني كلها من فوق
وراح اوريكم المناظر وانا قاعدة بالمطعم ​

​

​

​

​

​

** طبعا فى المدن القريبة من بشتني تروحين لها الضحى او العصر وتتمشين بسنترها وتشربين قهوة .... وهى مدن وايد بس منها
مدينة ترنشن وهذا سنترها​

وهذى قلعة اسمها قلعة فاطمة فى المدينة وتقدرين تصعدين لها​

وقصتها واحد يحب فاطمة وابوه موراضى شرط عليه اذا يبي يتزوجها يحفر له بير يطلع منه الماي من بيتهم اللى فوق الجبل وقعد يحفر فيه 40 سنه ولما وصل للماء كان عمره 60 سنه وتوفى وماتزوج فاطمة:gathering:

هذه الصور اللى عندى والباجى كلها صور العايلة
والحين راح اتكلم عن الاسعار والمصاريف
قبل لاانتقل الى دولة جديدة_03BA:​

 

[Featured Lady]

اولا: :68_asmilies-com:
ثانيا : تدرون انكم ماتشجعون
ثالثا: راح اتكلم عن المصاريف وغيره​

شوفوا اللى عندها عيال تنتبه معاى​

المصاريف اليومية:
========
** بالنسبة للقطار تذكرة الشخص الكبير ب نص دينار وتذكرة الصغير ب ربع دينار​

** بالنسبة لتاجير القارى للاطفال والله حتى الكبار ياجرونه(( وشفت منقبه راكبه قارى وزوجها راكب قارى ثانى ورادف ولده )) تاجيرة ب 700 فلس طول اليوم وتقدرين تاجرينه مدة معينه واحنا ناجره ونحطة عند راعى المحل واذا رحنا للسنتر عيالى يركبونه ويردونه اذا ردينا واللى بيوتهم قريبة من السنتر ياخذونه معاهم البيت​

** فى باخرة تدور فيج بالنهر ووحدة ثانية فيها غدا بس ما اعرف الاسعار بس موغالية​

** الايسكريم (( البرد )) اللى على بسكوت وطبعا ايسكريمهم جميع الانواع كانك قاعدة بايطاليا ( من كوكيز- كابتشينو - فستق- فراولة - مانجو...... وغيره ))
الكورة الوحدة مع البسكوت ب خمسين فلس​

** النفيش المالح او بالكراميل او بالكاكاو الجيس الكبير ب 100 فلس (( لاحظى الكبير )) طبعا عيالنا يوميا يشترونه ياكلون شوية والباجى بخت البط​

** البيتزا الكبيرة (( لاحظى الكبيرة )) يعنى تكفى قولى 4 الى 5 اشخاص ومن مطعم ايطالى متخصص ب دينار و400 فلس​

** سندويش الفلافل والبيبسى هذى غالية ب 600 فلس​

شنو بعد شنو بعد...........:0bee2e8d89:​

الحين نجى للعلاجات
=========
مثل ماقلت لكم هذى الديرة للراحة وشنننننننننننننو؟؟؟؟؟؟
الاستجمام والعناية ​

** ممكن تدخلين المصحات وتعملين رجيم من طين ومساج وحمام سباحة ورياضة وهذا يكلفج يوميا اثنا عشر دينار والكورس 10 ايام​

** فى مستشفى عسكرى داخل بشتني وبالسنتر يعطيج كورس كامل عشر ايام ب 100 دينار​

** فى اللى هابين فيه الكويتيات:
=================
اولا: فى كورس لمدة خمس ايام او عشر ايام (( اوكسجين نقى )) عند عيادة دكتور بالسنتر وهذا الاوكسجين تستنشقينه ومدته ساعة وينصحج فيه الدكتور ويقول ان الجسم كل ماكبرتى قل الاوكسجين النقى فى الجسم ومن اثره انج تنسين وايد وانت ماتقدرين تاخذين البيور اوكسجين من الجو عشان جذى جسمك يحتاج انج تكملين الاكسجين الناقص فيه
وهذا يجدد نشاط القلب والاعضاء الداخلية وماتنسين وايد
والجلسة الوحدة ب دينارين وانت على كيفج تحددين عدد الجلسات بس يفضل انها ماتقل عن 5 جلسات​

** فى كورس او جلسات لنضارة البشرة عند نفس العيادة والجلسة الوحدة ب دينار و400 فلس وانا خذيتها واستانست منها​

** فى وحدة متخصصة ولها عيادة فى نهاية السنتر تسوى سنفرة ومساج وتقشير وتبيض والجلسة الوحدة ب 7 دنانير
وللامانه انا بغيت احجز عندها بس مالقيت وقت يناسبني لان عندها زحمة واللى سالتهم عنها كلهم يمدحونها وماتحتاجين الا لجلسة وحدة
ويقولون فى عندها مساج للازالة الكرش والسمنه​

هذا اللى اذكره الحين وبروح انام لانكم ماتشجعون
بس لعيون المنتدى
بكمل رحلتى:sfg:​

 

[supermarket]

ماشاء الله تقريرج رووووعة

متاابعين

 

[kaifyy]

مشالله خوووش تقرير و ننطر التكمله

 

[الشرقية]

لاااااااااااااااااااا يوقف

 

[Featured Lady]

ماشاء الله تقريرج رووووعة

متاابعين

الله يجبر بخاطرج على تشجيعج
وراح اكمل​

 

[Featured Lady]

مشالله خوووش تقرير و ننطر التكمله

شكرا حبيبتى وانشاالله راح اكمله

 

[Featured Lady]

لاااااااااااااااااااا يوقف

تامرين امر
وعشانج وعشان اللى ردوا على وشجعونى راح اكمل

 

[rawona]

يعطيج العافيه واحلى شب المساجات ​

 

[بنت البحر]

وايي وناسه لا يوقف لا يوقف