بنات بيضت اسناني بس صار شي

[q6aiwa]

اختي ro3ah ممكن اعرف عند منو سويتيه؟؟؟؟

 

[DLOOL]

يعني انا مسويه ثلاث جلسات بوقت واحد وسعري سعر اللي يتحمل صعق الليزر
والله حرام ترا ما ابيضوا حيل
يعني

 

[DLOOL]

لانه اللي يتحمل يخلونه سااااااعتين على حد علمي

 

[DLOOL]

hfhfh f

 

[ريريش]

طبعا يرد

من شرب الشاي والقهوة

والأفضل إنج تغسلين أسنانج على طوووووول بعد ماتشربينهم علشان لا يصبغ

ريريش شنو هالمعجون؟

معجون اسنان لونه موف من الصيدليه خاص بالمدخنين والي بشربون منبهات شاي وقهوه كثير بس قولي للصيدلي كيذا وهو يعرفه على طول فعااااااال ويبيض الاسنان ويشيل البقع الي فيها

 

[بنت_بوظبي]

انا افكر أسوي تبييض وسألت الدكتور قالي في أنواع و أحسن نوع اللي بالليزر قال يكلف 3500 درهم يعني تقريبا 350 دينار

وسألته كم يتم قالي سنتين اذا ما أشرب قهوة ولا شاي وايد وانا من النوع اللي ما أشرب هالأشياء و سمعت بعد انه أول 3 او 4 ايام لازم

ماتاكلين اكل فيه الوان يعني كله لون أبيض مثل عيش أبيض - روب - حليب و هالأشياء عشان مايتغير اللون

 

[ملح بدويه]

ماعندي فكره

 

[مسك]

انا اذكر لما سويت تبيض اسنان

اول شي سوتلي تنظيف اسنان وخذت مني قياس القالب الي بتستخدمه حق البيت وعطتني تبييض اسويه بالبيت لمدة 10 ايام

بعدين رحت سويت جلسة التبييض بالعياده وعطني معجون حق كل يوم استخدمه وبس

بس انا اعتقد انج ما سويتي اول شي تنظيف الاسنان قبل جلسة التبييض

 

[أم وهااابي]

حبيبتي آنا قريت موضوعج اليوم وحبيت أفيدج ,,
رحت من 8شهور تقريباً حق مستشفى السلام وسويت تبيض بس ترى عجيب بس بــ 80 د.ك 4 جلسات كل جلسة نص ساعة و قالي إذامحتاجة تبيض بعد عطاني موعد الإسبوع إلي بعده عشان يجيك ويزيد الجلسات في حالة الحاجة , بس ترى الإسبوع الأول مأساة ولاشي تاكلينا في ألوان لاجاي لا قهوه بس النتايج مضمونة وبعد يعطيج أدوية مجانية معجون و أشياء و ايد والدكتور إذا تبينه د.سلامة ,,, مع تحيات أم وهااابي

 

[غيـ الناس ـر]

انا مسويه التبييض اللي يسوونلج قالب وتعطيج ابر تستخدمينه لمدة 3 اسابيع .. ب 120 دينار وتتم اسنانج بيض لمده سنه .. وتقدرين تكررين العمليه هذي كل سنه

بس بصراحه النتيجه مذهله اسناني صارت جنها اسنان الممثلات من بياضها ..

وما يضر ولا يأذي اللثه ولا شي

ويقولون ان التبييض المنزلي اللي قلت لكم عنه احسن من الليزر ويبقى اكثر ..

وعلى فكره ترى لازم اشراف طبيب يعني مو تحسبون منزلي يعني خرطي

 

[مفلوقه بمنديل]

غريبه انا سوت لي 4 جلسات مده الجلسه 20 دقيقه طبعا الجلستين الاخيره ماقدرت اتحمل الم لان الليزر قام يفتح المسام وااااااااي واخر شي عطتني جل شفاف وقالب طبعا اول يومين بيضاء وفيها خطوط وبعدها اختفت وخف لون البياض بس كنها بتصفر بس احسن من اول بواااااااااااااايد
وتراها مؤلمه تبيض الاسنان باول يوووووم ماتقدريت تكلمين ولاتبطلين حلجج لان الهواء يضرب بالاسنان

 

[مفلوقه بمنديل]

ايه نسيت اقولك عشان تحافظين على بياض اسنانج استخدمي معجون اسنان لونه ابيض

 

[زيزو]

انا مسويه التبييض اللي يسوونلج قالب وتعطيج ابر تستخدمينه لمدة 3 اسابيع .. ب 120 دينار وتتم اسنانج بيض لمده سنه .. وتقدرين تكررين العمليه هذي كل سنه

بس بصراحه النتيجه مذهله اسناني صارت جنها اسنان الممثلات من بياضها ..

وما يضر ولا يأذي اللثه ولا شي

ويقولون ان التبييض المنزلي اللي قلت لكم عنه احسن من الليزر ويبقى اكثر ..

وعلى فكره ترى لازم اشراف طبيب يعني مو تحسبون منزلي يعني خرطي

حبيبتي ياليت تقولين لنا وين سويتيه؟

 

[غيـ الناس ـر]

بعيادة ابها للاسنان عند الدكتوره منى الاعور .. جدا ممتاز التبييض بنت خالتي سوته بعد وحمواتي الثنتين وكلهم استانسو من النتيجه

 

[^kloOot^]

خرعتونى شكلي بكنسل التبيض

 

[جودي الامورة]

بنات انا سويته بعد في عيادة تيجان
والله انهم مثل اللولو بس حبيبتي انا شرحتلي العملية كيف تتم
ان مو كل ما نشوفه في الاعلان او التلفزيون صحيح لان البييض يعتمد على لو السن نفسه
يني لو طبيعة لون اسنانك عاجي ما تقدر تسويهم ا بيض؟؟
وانا سمعت ان عندهم طبقة اللومينير احدث شي في تجميل الاسنان وهي اللي تخلي الاسنان مثل الممثلين
واسمه ابتسامة هوليوود
جربيهم وان شاء الله خير

 

[angle girl]

يا بنات حافظوا على اسنانكم لا تسوون تلبيس تعرفون شنو اهو التلبيس اول شيء يحفون الطبقة الخارجية للسن و يتم جزء بسيط من السن و يغطونه بسيراميك طبعا هذا السيراميك اقل طقة يطيح او ينكسر -- و غير عذاب حف الضرس واذا مو مغطي الضرس عدل تصير الأسنان حساسة وايد واي عوار عوار مو طبيعي اختي مسوية 4 بس من اسنانها ميته من العوار الله يعين الى مسوية كل اسنانها

ما تقدرين تاكلين تفاحة او استيك او دجاج ____ ما تقدرين اتكسرين حب او بنك مممنووووووووووووووع لأن الضرس ممكن ينكسر و كل ضرس مكلف 100 الى 150 دينار تخيلي فالضرس يصير مو قوي ما يتحمل

مافي احسن من اسنان الإنسان الأصلية حافظو عليها لأنها قوية ممكن اتم معاج إذا حافظت عليها الى سن السبعين و ما اطيح و لا تنكسر حافظي على نظافتها تنظيف كل 6 اشهر استخدام الخيط قبل النوم غسل الأسنان عدل بعد كل وجبة فيها سكر اذا طلع سوس في السن عالجيه بسرعة لا تسكتين عليه و تخلينه يوصل للعصب


حافظي على اسنانك و لا اتفكرين اتسويلها تلبيس

 

[الأم الصغيره]

للرفع ماعندي فكره

 

[miss_lymoona]

تسلمين على الموضوع:tek:

 

[ro3ah]

اختي q6aiwa مسويه التبيض بعياده الحكمه حولي يم مجمع بلازا