مسافرات امريكا2008 صوركم.. سوالفكم...مواقفكم...مشترواتكم... شاركوني

[rawona]

هلا روونا

ملكة اشرحت لي عن البريميوم اوت لت بس انتي كرت لوحدة هني انه تروحين الديسك مال الانفورميشن وتسألين عنهم

الحين شنو اللي نسويه بالنت من الخصومات زلاي الاولتس يعني البرايم والبريميوم لهم خصومات بالنت ؟؟

عيل شنو اللي ناخذه من الانفورميشن ديسك بالسوق نفسه ؟؟ ومافي للسوقه الثانية بطاقات والا بس الاوتلت ؟

يا ليت توضحين لي يالغالية لان صار عندي لخبطة


ما عليك امر راونا
ابي كل الخصومات وبالتفاصيل واذا الشرح وايد دزيلي ايميل بالسايتات والمحلات اللي تسويلها اوت لت وهمن البطايق اللي تاخذينها مناك مالت السياح

لا كوين السالفه مايبيلها شرح كل شي سهالات ..

بس انا يوم رحت اهناك اكتشفت ان الانفورميشين ديسك تاخذين منهم نفس الكوبونات اللي نطبعهم من النت بس الافضل علشان ما تنسين تطبعينهم وتاخذينهم معاج لانج بس تروحين اهناك تنسين الانفورميشين ديسك ..

وخصم السياح سألي عنه في محلات ميسيز وسيكس فيفث افينيو واهم بيسوولج خصم اهناك انا ما كان معاي جوازي بس ليسني وهم ما شافوووه بس اخذيه احتياط ​

 

[nawnaw]

ام يوسف
والبنات اللي في بنسلفانيا
شلون الجو هناك اخر فبراير واول مارس ؟
وايد برد ؟ يعني جم درجه الحراره؟

 

[Queen-q8]

لا كوين السالفه مايبيلها شرح كل شي سهالات ..

بس انا يوم رحت اهناك اكتشفت ان الانفورميشين ديسك تاخذين منهم نفس الكوبونات اللي نطبعهم من النت بس الافضل علشان ما تنسين تطبعينهم وتاخذينهم معاج لانج بس تروحين اهناك تنسين الانفورميشين ديسك ..

وخصم السياح سألي عنه في محلات ميسيز وسيكس فيفث افينيو واهم بيسوولج خصم اهناك انا ما كان معاي جوازي بس ليسني وهم ما شافوووه بس اخذيه احتياط ​

مشكوورة روونا

يعني اذا ما سويتهم اهني موجودين هناك بالانفورميشن ديسك اللي بالاوتلت نفسه والا ويين اي انفورميشن تقصدين ؟؟

وبعدين شنو الاولتات اللي يقدون هالخدمة واهيا تكون لكل المحلات والا لمحلات معينه في الاوتلت ؟

وجم الخصومات اللي يسوونها؟؟

 

[Pissy Missy]

ام يوسف
والبنات اللي في بنسلفانيا
شلون الجو هناك اخر فبراير واول مارس ؟
وايد برد ؟ يعني جم درجه الحراره؟

انا هذي اول سنه لي في بنسيلفينيا وصلت اول شهر 10 ثاني يوم العيد كان الجو حلو مو برد مو حر بس قبل سبوع فجأه صار برد ونزل عندنا ثلج يومين وبعدين الجو دفه شوي بس متوقعين على اسبوع الياي يدش البرد وعلى شهر 12 ينزل الثلج رسميا بس اتوقع على اخر 2 و شهر 3 الجو يكون بارد بس حلو يعني جاكيت بالليل يكفي لان بسلفينيا تعتبر من الولايات البارده

 

[Pissy Missy]

ام يوسف..انتي في وين في بنسلفينيا؟؟؟انا كنت في بتسبرغ...والمسافه 4 ساعات من بتسبرغ لين هرشي..

انا في pittsburgh وتصدقين رحنا كل مكان بس نسينا هيرشي انشالله الويك اند الياي نروح

 

[rawona]

اشفيكم يابنات انا ماقلت خلو عيالكم في البيت وسافرو عنهم :jumpon:

بس صاحبه العلاقه اللي اهيا روووونا فهمتني عدل

انا اقول وانتي في السفر واثناء الرحله يوم يكون لج فيه راحه ووناسه
ويوم يكون للاطفال

اي حبوبه انا وياج 100% وانا جذي اسوي وياهم بالسفر يوم لهم ويوم لي وانا اقول حق ريلي دايما شوف سفره لي وسفره لهم يقولي "اي مو شايفتني قاعد على بنك" لوووول بس الحمدلله اضبطت ويانا جم مره وانشالله تضبط على طول :33_1185028183:​

 

[rawona]

مشكوورة روونا

يعني اذا ما سويتهم اهني موجودين هناك بالانفورميشن ديسك اللي بالاوتلت نفسه والا ويين اي انفورميشن تقصدين ؟؟

وبعدين شنو الاولتات اللي يقدون هالخدمة واهيا تكون لكل المحلات والا لمحلات معينه في الاوتلت ؟

وجم الخصومات اللي يسوونها؟؟

كوين حبيبتي منتي خسرانه شي دشي السايت مال البريميوم و البرايم وسوي ريجيستر وياهم وطبعي الكوبونات قبل لا تسافرين افضل ..

الانفورميشن ديسك موجود بكل اوت لت ال prime و الpremium وخصوماتهم على حسب مثلا يقولج بمحل ck لج 30% خصم ومحل dkny لج 15% يعني جذي على حسب عروضهم والاوت لت نفسه بضاعته عليها خصم يوصل لي 60% مو على كل شي طبعا بس توص لي هالنسبه وهالكوبونات خصومات اضافيه على البضاعه وساعات يعطونج خصم فوق خصم يعني لنفرض ان في تي شيرت من بولو سعره الاصلي مثلا 95 دولار وبالاوت لت حاطينه ب 80 دولار يعني بس مسوين عليه خصم 15% لانه خل نقول يعتبر من النيو كوليكشن تيين انتي ومعاج كوبون بخصم 30% على البضاعه اليديده من بولو فيطلع عليج القميص ب 56 دولار تقريبا ..

واسعارهم من غير كوبونات اتينن بس مع الكوبونات احلى طبعا بالنسبه لكاليفورنيا اذا بتروحين لها نفس النظام صاير حتى حق لاس فيغاس انتي اذا دخلتي السايت حطي الموقع مال الاوت لت اللي بتروحين له سواء البريميوم مال اورلاندو والا مال لاس فيغاس والا مال كاليفورنيا واهم يحطون لج العروض والخصومات اللي موجوده بكل فرع ..

اتمنى تكون الصوره واضحه لج الحين :tek:​

 

[rawona]

والله حتى انا ودي اروح لهيرشي .. انشالله اليايات اكثر ..

ام يوسف جم تبعد بنسلفينيا عن نيويوك او دي سي بالسياره؟ ​

 

[اشراقة الحياة]

رونا انشالله متى تاريخ رحلتج؟؟؟؟؟؟

 

[rawona]

رونا انشالله متى تاريخ رحلتج؟؟؟؟؟؟

اي رحله فيهم؟ لوووول


ماليزيا انشالله باجر طيارتنا :33_1185028183: ​

 

[اشراقة الحياة]

اي رحله فيهم؟ لوووول


ماليزيا انشالله باجر طيارتنا :33_1185028183: ​

رونا مت من ضحك على السالفه ..............:dddds:

رديتي عليها بموضوعي ....

 

[shusha]

روعه

روعه

شوشا الصور حدها اتشوق .. مع اني ما احب كاكاو هيرشي بالصور شوقتني شكله يمي يمي :eh_s(3):

عليكم بالعافيه مشتروات الاوت لت والكاكاو :33_1185028183:​

الله يعافيج

 

[shusha]

اى والله شوشا خوش اصور

هذا المصنع وين صاير؟؟

المصنع بولاية بينسيفينيا في منطقة هيرشي

 

[shusha]

شوشا

ما شاء الله الصور مالت هيرشي وايد حلوة واذا الله قسم الروحة الصيفية اليايه حاطتها من ضمن الاماكن

تصدقين في ناس ما مدحوها بس انا ذكرتها لرفيجتي هالصيف وراحت ووايد تشكرني عليها تقول اللي يقول مو حلوة ما عنده سالفة تقول عيالها هيصوا عليها وتقول على كثر ما راحت امريكا توها تسمع عنها

واذكر اللي ذكرها شخص موجود بمنتدى المسافرون العرب من تقريبا 3 سنوات ومن عقبها الكل راح لها واستانسوا عليها

عليكم بالعافية الكاكاو ومطرح ما يسري يمري

عيونج الحلوة
والله المنطقة وايد حلوة .. تخيلي ان المنطقة هادية جدا جدا ..وليتات الشوارع على شكل كاكاو هيرشي
والبيوت تصاميمها ناعمة وكبيرة .. ورحلة المصنع كانت حلوة وشي يديد علينا

اي انا بعد سمعت عنها من منتدى العرب المسافرون
الصراحة ما تتطوف

 

[shusha]

شوشاا
الصور لذيييييذه..

ملكة ان شاء الله ان شفتج اييبلج من كاكاو هيرشي اللي يايبته من المصنع
ولا يصير بخاطرج

 

[shusha]

المصنع في بنسلفينيا...وهي مثل المدينه الكامله يعني فيها فنادق واوت لت وملاهي والمصانع

عدل كلامج طوق الياسمين ويازينها من ولاية
فيها اوت لت وانا عرضت صورة , وفيها ملاهي , وفيها حديقة حيوانات صغيرونة (دخلناها) ,وفيها فنادق بس هيرشي هوتيل اند سبا عجيب ..تخيلي ان عندهم سبا بكاكاو هيرشي(كان خاطري اسوية بس ما بتنا بهيرشي)

http://www.hersheypark.com/index.php

http://www.hersheypa.com/accommodations/the_spa_at_hotel_hershey/

 

[shusha]

روووووووعه كالعادة شوشاااااااا

يالله بنات كملووووووووو

مشكورة .. وتابعينا

 

[malekatsabaa]

ملكة ان شاء الله ان شفتج اييبلج من كاكاو هيرشي اللي يايبته من المصنع
ولا يصير بخاطرج

بعد عمري والله
عليكم بالعااااافيه !!

 

[shusha]

اشفيكم يابنات انا ماقلت خلو عيالكم في البيت وسافرو عنهم :jumpon:

بس صاحبه العلاقه اللي اهيا روووونا فهمتني عدل

انا اقول وانتي في السفر واثناء الرحله يوم يكون لج فيه راحه ووناسه
ويوم يكون للاطفال

انا فاهمتج d-k_group وصح كلامج
بس انا ما قدرت اني اضبط ان يكون لي وقت ولعيالي وقت
اول شي لانهم صغار ويبون كل يوم ملاهي ووناسة .. وان طلعنا طلعت راحة واستجمام يقعدون يحنون
والشي الثاني لم كنت باورلاندو ماكان في وقت حدايق ديزني وايد وعندج اليونيفيرسال والسي وورلد
غير الحدايق المائية تخيلي ان كنسلنا الحدايق المائية لضيق الوقت وخصوصا لم حاشتنا العاصفة (اسبوع ماكو شي)وقعدة بالفندق ولة فراره بالسيارة

om-yosef
شوقتوني اروح مصنع الهرشي تصدقون انا موجوده في بنسلفينيا ولا رحتله

اي ام يوسف روحي هيرشي وايد حلوة ..وصوريلنا نبي نشوف
شوقتينا بالبراد

rawona
والله حتى انا ودي اروح لهيرشي .. انشالله اليايات اكثر ..

ام يوسف جم تبعد بنسلفينيا عن نيويوك او دي سي بالسياره؟

ان شاء الله تروحين لها .. تبعد عن نيويورك 4 ساعات اذا انا مو غلطانة
وتبعد عن دي سي 3 ساعات

وعلى طاري سفرت ماليزيا تروحين وتردين بالسلامة

 

[shusha]

بعد عمري والله
عليكم بالعااااافيه !!

الله يعافيج