عندج استفسار عن منهج الرياضيات للمرحلة الابتدائية....حياج

[وافية*]

قوة ابلالات
عندنا واجب ص 13 سنه ثانيه ابتدائي
كتاب التمارين؟؟؟؟
مو مفهوم؟؟؟؟؟؟؟؟

شنو السؤال حطية لان ماعندي كتاب حاليا؟؟؟

 

[السنعة2]

الله يعافيكم مدرسات نبي نماذج اوراق عمل لثانيه ابتدائي رياضيات
والله ضعنا محنا عارفين شلون نراجع لهم

 

[ضحى الكويت]

مشكوره يا الوافيه وما قصرتى وربى يعطيج الصحه والعافيه


انا بنتى بالصف 3 وفى اشياء مقاليه ما عرفت اعلمها لها

مثل الاقرق عشر بتدفتر التدريبات ومو حاطيه الا رقم واحد بس اشلون اقربه بهالحاله

وله اقرب مائه وحاطين بس رقمين اشلون بهالحاله هذى انا ما ييت صوبهم وقلت يمكن غلطه مطبعيه

وفى اسئله مقاليه راح اكتبهم لج بس الحين الوقت متاخر والكتاب بالجنطه ان شاء الله باجر باذن الله


واخر كلامى لج بالدعااااااااااااء

اللهم وفقها فى الدنيا والاخره

اللهم اتيها بالدنيا حسنه وبالاخره حسنه

اللهم اجعل ثارها على من ظلمها

اللهم لا تصلط عليها من لا يرحمها


واتمنى انى رجعت لو جزء بسيط من تعبج لنا

الان صبع الانسان الناجح اذا تعب وشاف مردود حلووو يروح كل التعب ويستانس واتمنى من رب العالمين انى اسعدتج لو ثانيه من الوقت


وانا متابعتج ​

 

[وافية*]

مشكوره يا الوافيه وما قصرتى وربى يعطيج الصحه والعافيه


انا بنتى بالصف 3 وفى اشياء مقاليه ما عرفت اعلمها لها

مثل الاقرق عشر بتدفتر التدريبات ومو حاطيه الا رقم واحد بس اشلون اقربه بهالحاله

وله اقرب مائه وحاطين بس رقمين اشلون بهالحاله هذى انا ما ييت صوبهم وقلت يمكن غلطه مطبعيه

وفى اسئله مقاليه راح اكتبهم لج بس الحين الوقت متاخر والكتاب بالجنطه ان شاء الله باجر باذن الله


واخر كلامى لج بالدعااااااااااااء

اللهم وفقها فى الدنيا والاخره

اللهم اتيها بالدنيا حسنه وبالاخره حسنه

اللهم اجعل ثارها على من ظلمها

اللهم لا تصلط عليها من لا يرحمها


واتمنى انى رجعت لو جزء بسيط من تعبج لنا

الان صبع الانسان الناجح اذا تعب وشاف مردود حلووو يروح كل التعب ويستانس واتمنى من رب العالمين انى اسعدتج لو ثانيه من الوقت


وانا متابعتج ​

اللة يعطيج العافية ويسعدج يارب ماتدرين شكثر فرحتني هالدعوى واللة
يالغالية بالنسبة للتقريب الى اقرب عشرة لما يكون معطيج عدد مكون من رقم واحد مثل اللي بالتمرينرقم 23 يقولج قربي 8 لاقرب عشرة؟؟؟
هني طبعا لازم تسالين البنت جم منزلة عندنا راح تقولج وحدة...ووين منزلة العشرات؟؟؟موموجودة يعني العشرات فيها (صفر) والحين تقدرين تقربين بما ان ال8 اكبر من 5 اذا نضيف واحد للصفر ويصير العدد مقربا لاقرب عشرة هو 10 ونفس الطريقة بالنسبة للمئات...
واي شي مافهمتية انا حاظرة

 

[CrystalQ8]

هلا واااافيه ....يله أنا معاج ....أباة رياضيات أدرس حاليا الصف الأول والثالث ...

 

[وافية*]

هلا واااافيه ....يله أنا معاج ....أباة رياضيات أدرس حاليا الصف الأول والثالث ...

هلا كرستال حياج اللة ياللة شدي حيلج

 

[حلوة الروح]

كرستال اشلونج بدامج ابلة اولى ابي اعرف شلون نظامكم في تقييم طالب اولى ابتدائي وصراحة انا رايي منهج الرياضيات اولى وايد صعب حق اطفال غاول مرة يدرسون لان غير مباشر

 

[أبلة سارة]

حبايبي أبلات 3 أبتدائي شلون أفهم بنتي مسائل الجمل المفتوحة مثال (000)+9=23

 

[وافية*]

وية ماوصلنا بعد للجمل المفتوحة بس عادي في طريقتين ياانها تحط ال9 بمخها وتمل العد بايدينها لل23 او انها تطرح 23-9 ويعطيها الناتج

 

[عيون الغزال]

يعطيكم العافية يا ابلات الرياضيات

انا بنتى اول سنة ابتدائى وموفاهمة اى شى حتى طريقة عد المربعات والانماط ,,,ابيكم تساعدونى اشلون اثبت الفكرة وافهمها بعقلها

انا تعبت هى تكسر خاطرى

 

[مهااوى]

اختي شلون ادرس ولدى كتابة الاعداد الكبير يعني الحين وصلوا الي كتابة المليوم بعرف جم صفر للمليون

انا طريقتي بالتدريس اقول حق ولدى شوف الارقام جم صفر جدام العدد يعني اذا الف او مليون مادرى صح طريقتي بالتدريس

مثلا بعرف شلون يعرف يقول العددثلاثة ملايين وواحد وعشرون ياليت تردين علي

 

[mrs_sugar]

الله يعطيكم العافية ابلاتنا

و يوفقكم دنيا و آخره

و يعطيكم اللي تبونه

و يكتب لكم بكل حرف تكتبونه حسنة و يمسح عنكم سيئة

اللهم أمين

بصراحة مجهود تشكرون عليه و خصوصا ابلة وافية

انا بنتي 3 ابتدائي

بس ابي اعرف العبقري اللي حاط المنهج

المسائل الحياتية يبيلها مترجم والله

باجر بنتي عندها امتحان

و من كثر ما انبطت جبدي منها حذفت الكتب بالأرض و خليتها تولي

قلت لها كيفج انتي تصرفي

مثل ما علمتج الأبله كتبي

و الله كريم


امبيه عاد اليوم بديت ادور عن رياضيات 3 ابتدائي و لقيت انه وايد فيه امهات يعانون مثلي مع عيالهم

عاد شوي ارتحت ان المشكلة مو في بنتي

 

[مزيونة الهيلا]

يعطيكم العافيه انا بنتي 1 ابتدائي والمنهج احس شوي صعب عليها اشلون ادرسها ؟احفظها جدول الجمع ولا افهمها؟

 

[لوكريسيا]

شلونكم أبلاتنا ؟

ان شاء الله بخير

أفيدونا أفادكم الله

ولدي بثانية ابتدائي و عنده واجب في كتاب التلميذ صفحة 26 ألا و هو:
حاطين صورة حديقة و فيها يهال يلعبون و السؤال
1_ انظر الى الصورة و اقرأ ما فيها
2_ احك قصة جمع
3- كيف تدرك أن القصة هي قصة جمع؟
4- احك قصة طرح
5- كيف تدرك أن القصة هي قصة طرح

شسوي بالضبط؟

 

[mrs_sugar]

لغز والله مسألة ولدج لوكريسيا

الله يعين هاليهال على هالمناهج التعبانة

 

[لوكريسيا]

واي شوقر توني فصلت من الضحك على تعليق نفوش على اللي حط منهج الرياضيات هههههههههههههههههههههههههههه يابتها

 

[سموالاميره]

يااااااااااااربي عساه في ميزان حسناتج.


حيييييييييييل استفدت من طريقة الفواصل الي بين الارقام وبعلمها ولدي اليوم بذن الله .

ماعليج امر ابي طريقه سهله تخليه يكتب الارقام صح بنسبه لدروسهم رابع اللي ارقام مكتوبه بالاحرف وهو يكتبها بالارقام.

وثاني شي السابق ولاحق مو كلها لا في ارقام معقده ماني عارفه شلون اوصله المعلومه مثال 99999 شن بعدها او 19999 شن بعدها وفي اشياء ثانيه ماني ذاكرتها فياليت تقولين لي الطريقه لان امتحانه يوم الثلاثه.


بنتظارج.

 

[& شهد &]

واخيرا فهمت النمط
يا سلام علي والله
تسلمون يا احلى مدرسات ابتدائي

 

[وافية*]

هلا واللة بالامهات شخباركم واللة من زمان ماشبكت سوري اعذروني لاهية بالدوام انشاللة راح اجاوب على كل اسالتكم تامرون امر

 

[وافية*]

يااااااااااااربي عساه في ميزان حسناتج.


حيييييييييييل استفدت من طريقة الفواصل الي بين الارقام وبعلمها ولدي اليوم بذن الله .

ماعليج امر ابي طريقه سهله تخليه يكتب الارقام صح بنسبه لدروسهم رابع اللي ارقام مكتوبه بالاحرف وهو يكتبها بالارقام.

وثاني شي السابق ولاحق مو كلها لا في ارقام معقده ماني عارفه شلون اوصله المعلومه مثال 99999 شن بعدها او 19999 شن بعدها وفي اشياء ثانيه ماني ذاكرتها فياليت تقولين لي الطريقه لان امتحانه يوم الثلاثه.


بنتظارج.

حبيبتي كتابة الاعداد من الاسماء اللفظية هذي لازم يقرا الولد اول ويحدد المنازل بعدها يكتب
مثلا اربعة وستون الفا وثلاثمائة وخمسة وسبعون...........طبعا لمايكتب لازم يعرف تقسيم المنازل يعني الارقام اللي قبل كلمة الفا هذي نكتبها اول شب بروحها(اللي هي الالوف) وبعدها نكمل الكتابة للوحدات عادي اللي هي بعد كلمة الفا
ويصير العدد 375 64 ولازم يعرف ان كتابة الاعداد لازم نرتب المنازل يعني الوحدات(اللي هي احاد وعشرات ومئات) بعدها تاتي الالوف (اللي هي احاد الالوف وعشرات الالوف ومئات الالوف) واخر شي الملايين(اللي هي احاد الملايين وعشرات الملايين ومئات الملايين)
ومع التدريب يوميا على كتابة رموز الاعداد راح تشوفينها سهلة علية انشاللة