عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[coffee]

جايو ههههههه اشوف دمج زايده فيه نسبة العسل مس يوو تووو ههه على طاري المحسن اذكر كنا نقول لكوافيره ههههه اندثرت هالكلمه بعد

اورنجيه يا هلا ومرحبا نجمة الموضوع وانتظر اجابتكم وجايوووو مو اتغشين من الوالده

 

[جاي الضحى]

أهلاً أهلاً أهلاً بنيات....عساكم طيبين؟

أورنجياااا شلونج حبيبتي؟ تراج مقدمة البرنامج (الموضوع) اللامعه :eh_s(7):..هههه..
وكوفيااا شلونج حياتي؟ تراج المشرف العام المخضرم..:eh_s(7):....هههه....
وكيوتي العسل المتسابقه الحلوه ...:eh_s(7):ههههه....
ومزاجي كول....ضيفة الشرف القديره...:eh_s(7):...هههه
<<<يا ربي ما أدري شعلامي؟
و ياحيا الله بالبنات كلهم :33_1185028183:

كوفيا يعني يهون عيلج أقوع؟!! ليش ما يصير اتشاور مع أمي؟!!!! هههه...دام جذيه عيل علمينا متى ينقال هالمثل "تموت الديايه وعينها بالسبوس" ؟ :080402ask_prv:


تراني يوعانه وبطني يوصوص وقاعده أفكر بالاكل فطرى علي الطباخ والمطبخ التراثي أيام قبل...وعندي لكم سالفه...أمباه ما دري شفني هل أيام أتذكر حلقات درب الزلق...تذكرون يوم حسينوه راد البيت من الدوام بلبسه الخضر وغترته...دش مطبخهم يعور يدور الغدا جان يبطل الجدر ويشوف موش.....@@.....ويقعد يتغرطم ويتحلطم على الموش ويقول جنة صجم؟!!! استغفر الله و الحمد الله على النعمه....بس كنت أموت من الضحك ...:dddds:

على طري مطبخ وعدة طبخ ....باوخر السبعينات يدتي كانت رايحة أمريكا والله يسلمها ماخذة كل عدة مطبخها معها...و كان حول رمضان....ورمضان معناته هريس ...فكانت شمخذاااا؟!!!!

















إيه الملاس...مضراب الهريس...فالتفتيش بالمطار طلعوه من الجنطه ...وقعدو يرطنون جدام يدتي ....مسكوه....ويقلون...نيس بات (مال لعبة البسبول)...عرفتوه؟ مسكينا جنهم بطقون كره

ويجيسونا...ويقلون ول ميد....وهو بلييز (من يلعب)!!.... وأبوي وعمامي يضحكون.......ويدتي مسيجينه ضايعه بالطوشه بينهم...:flower:...

بس بعدين ردوه لها بلجنطه... وييه رمضان وسويت ذاك الهريس الزين....
عاد أكلنا اللذيذ بالبرد والسفر يطلع ألذ....ما تلاحظون؟....ههه..

تعرفون شنو يسمون السله قبل إلي يحطون فيها أكل وتعلق فوق بسقف يمكن عشان عن القطاوه ما يجربون!!! جنا يسمونها رافعه؟؟ منو لا الحين تقول طابي بدال مقله؟ يلى شنو تعرفون عدة طباخ مسمييات أول ؟؟؟ ​

 

[MaZaji CoOL]

.
.


سلاااااااااااام عليهووووووووووم ..


شلوونكم بنيااااات ...؟؟؟؟

ومشكوره اورنجيا و كوفي عالتوضيح حبااايبي والله ...:hjy5jewf:

وجويهه منوووووره موضوعج والله ..

واذا على ادوات المطبخ .. اذكر لمن كنا صغار كنا نقول : خاشوقه ..!! ... بس هالحين نقول قفشه ...!:080402ask_prv:





و بعد في كلمه: الهاون .. أو يدة الهاون .. ومرات يصير اسمه نجر ... بس انا أقول هاون ... شرايكم بنات شنو الاصح ؟؟؟


.
.

 

[MaZaji CoOL]

ويجيسونا...ويقلون ول ميد....وهو بلييز (من يلعب)!!.... وأبوي وعمامي يضحكون.......ويدتي مسيجينه ضايعه بالطوشه بينهم......

ههههههههههههههههههههه مت من الضحك .. خنت حيلي يدتج يقولوبون ابملاسها واهي تطااالع ؟؟؟؟
ياااحليلهم والله ..

 

[orangeya]

سيداتي آنساتي,,, ماكو سادتي لوووول

خلو موضوعنا اليوم عن المطبخ وكل شي يتعلق فيه

الفكرة مستوحاه من حبيبتنا جويهه

امبي يعت !

ماني قادره اسولف الا بمساعده صديق لووول

حلاته اجابل اميمتي واخليها تسولفلي وانا اكتب لكم بس المشكله ماينفع الحين


فـ لي عودة ان شاء الله


اقتراح اتمنى ايوز لكم = ينال اعجابكم

شرايكم نتفق على يوم بالاسبوع نشبك كلنا نفس الحزه عشان يسير اكشن شوي بالموضوع ؟

لاحظاو اني قلت يوم واحد اللي نشبك كلنا نفس الحزة يعني هالشي مايغنينا عن شوفتكم باي وقت

بليز... تعوداو تطقون الكرت كل يوم او عالاقل يوم وترك اللي ماتقدر كل يوم؟

على طاري ماتقدر.... يدتي الله يرحمها ويغمد روحها اليّنه (قولاو آمين) كانت تقول ماعبّر = ماقدر

مثال : رويلاتي تعورني ماعبّر اصعد الدري ؟


مممممم

وااااااااااي صار لي جم يوم احاول اتذكر اغنيه عتيجه كانو يغنونها بمسلسل الدايه حمود الزقرت والبريجي

منو الحلوة اللي بتبرد جبدي يابعد جبدي انتاو وتقولي شنو هالاغنيه؟

 

[orangeya]

سلاااااااااااام عليهووووووووووم ..


شلوونكم بنيااااات ...؟؟؟؟

وعليكم السلااااااااام ورحمه الله وبركاته,,,

انا بخير عساج بخير

 

[orangeya]

ترررررن ترررررررررن....

هلاااا ام خاشوقه

شعلومج ياوخيتي؟ عساج بخير؟


بالنسبه للهاون انا ماعرف كلمة غيرها !


ومشكوووورة عالمداخله...

اذا حابه تشاركين بالبرنامج اتصلي بعد الفاصل


فاااااااااصل و نواااااااااصل :lololoe:

 

[orangeya]

تعرفون شنو يسمون السله قبل إلي يحطون فيها أكل وتعلق فوق بسقف يمكن عشان عن القطاوه ما يجربون!!! جنا يسمونها رافعه؟؟ منو لا الحين تقول طابي بدال مقله؟ يلى شنو تعرفون عدة طباخ مسمييات أول ؟؟؟ ​

اهلين جايوووو’’’

يازتلي سالفه مقدمة برامج

انتي عطيتيني المايك تحملي :dddds:

يحليلها يدتج ,,,

بالنسبه للسله اللي اتعلق فوق اسمها ملاله

قبل شوي سالت اميمتي وقالت لي ...

وسالتها شسمون المقله قبل قالت طابى



يلا منو الحلوة اللي تقولنا شنو يعني منسف؟

 

[CuTiE PiE]

هلااااااااااااااااااااااا بالبنوتات الحلوين وحشتونى والله.....
اورنجيا المنسف هذا الله يسلمك طبق تقليدى اردنى بس طعمه مرررررررررررررره يمى خخخخخخ
بس المعنى بالخليجى ماعرفه بس كنو الشى الى ياكلون عليه


جويهه وحشتينى مووووووووووووووووووووووووت يالغلا...

 

[CuTiE PiE]

كوفى حبيبتى بالنسبه للمثل الى قلتى عنو تموت الديايه وعينها بالسبوس
ينقال عن المره لانو ما تخلص طلباتها اذا فتحت لها مجال

 

[جاي الضحى]

الله بالخير عسولات....

مزاجي:تكلمتي عن القفاش وذكرتني بباي مس ملعقه<< والله ما أدري هالايام ليش كلا تطري علي أشياء غريبه!!! إلي أعرفه الهاون.

أورنجيا: طاولني الميكرفون ما عليج أمر....ههه...لا صج بشكر أمج....ما قصرت ...عدل... ملاله....

كيوتي : حتى أنا ولهت عليج........والله طلعتي تعرفين الأكلات...صج أكله أردنيية؟!! أخاف أورنجيا تقصد تنسيف الغتره؟ منسف غترته؟؟ أورنجييا حطيها بجمله...ههه....على طاري الغتره...قبل مديم ينسفون الغتره جريمبا...يا حلوهم....<<<الناس تحجى عن الأكل وهذي تكلم عن الغتر! كيوتي دزيتلج الرقم عسوله...

إذا خلصنا من الأكل نبي نتكلم عن الشماطيط...الهدوم...قبول؟

بنيات إذا الله كتب أقدر اشبك الأحد الساعه 8pm توقيت الكويت...بناءً الى طلب مقدمة البرنامج ...هيهيهي​

 

[coffee]

مسكوه....ويقلون...نيس بات

لوووووووووووووووووووووووووووووووووووووووووووووووووووووووول!!! جايوو انتي عسل

mazaji cool حياج الله حبيبتي هههه ذكرتيني احب صوت الهاون جنه جرس

اورنجيه والله يزين الاغاني العتيجه وانا احب هالسامريات: غاب بدري الا يامن يجيبه ياخذ اجر المولع في هواه ويل قلبي اذا هذا نصيبه .. يا متلف الروح ليه ما تنظر لحالي الناس نامت وانا عيني سهيره..

Cutie Pie اهلين عسوله .. شوفي السبوس اهو اكل الدياي ويعني ان الديايه هم ميته وهم تطالع الاكل ههه تنقال عادة حق الشخص اللي يبي شي واهو ما يقدر عليه او مو وقته.. مثلا واحد تعبان حده بالمستشفى ويقول والله الممرضه حلوه فينقال له هالمثل

زين متى ينقال:
خبز خبزتيه يا الرفله اكليه

 

[CuTiE PiE]

لووووووووووووووووول كافى ذكرتينى بامي الله يذكرها بالخير كانت تقول هالمثل (خبز خبزتيه يا الرفله اكليه) بمعنى انو لما تختارين شى انتى المفروض الى تتحملين النتايج....

 

[orangeya]

السلااااااام عليييييييكم ,,,

كل وحده تسلم على نفسها :dddds:

:68_asmilies-com: شحالكم بويه؟

عساكم طيبات؟

انا يالسه عالشبريه وارمسكم واااي فديتكم ...





كيوتي,,,
مشكورة على الاجابه اعتقد عدل اجابتج,,,,,,, وبانتظار التاكيد

بالنسبه للمنسف مادري شمعناتها؟

لحظة بنشد اخيتي,,,

















طلع المنسف الله يسلمكم مثل ماقالت الحبيبه كيوتي :ggdw:

الشي اللي ياكلون عليه يعني مثل وظيفة السفرة... واهوا مصنوع من الخوص


ويلا جويهه...
خلينا نتكلم عن الشماطيط والخلاجين والخماجير لووول اذا البنات ماعندهم اضافات حق موضوع المطبخ؟

وانا معاج اوكي
:rerrerek: يوم الاحدالساعه8بليل:rerrerek:

بحط reminder بتلفوني عشان ما انسى

 

[orangeya]

بناااااااااات

جنكال؟
منو فيكم تعرف هالكلمه؟ الجيم تنطق ch





معناها شوكه





صفريه
جدر مصنوع من نحاس



مركا
طوق حديدي مدور له 3-4 ريول يحطون فوقه الجدر ويشبون تحته النار



مغرافه
يستعملونها عشان يغرفون الاكل



منفاخ
يستعملونه لدفع الهوا عشان يشبون النار



زبيل
مصنوع من خوص وظيفته مثل الجيس او الجنطه يعني كانو يحطون فيه الاغراض

تذكرت

اللي شافت مسلسل الدايه للمبدعه حبيبتي حيوته كانت دايما تشيل زبيل لما تروح السوق او تنتقل بين البيوت

وهم حطت فيه موزه الصغيره...... ها عرفتوه الحين؟




انا عن نفسي ماعرف هالمصطلحات!!!

اخيتي غششتني :sfg:

 

[Betty]

اهلين بنات انا ويني عن هالموضوع حده ينن شلون طافني يعطيكم العافيه بنات لي عوده

 

[Betty]

اورانجيه انا ماعرفت جنكال و مركا مو مارين علي من قبل بنات منو تعرف شنو يعني مير الحين محد يستخدمها

 

[orangeya]

اهلين خيتو Betty..

حياج الله بين خواتج

هالاغنيه اهداااااء :eh_s(7): :


وسعوا الملعب وزين العذارى في وصول
خلو الملعب لها وحدها يزها بها

عاشو عاشو :ggdw::ggdw:



وهالله هالله بالمشاركات السنعه

والله حتى انا ماقول جنكال ولا مركا !

اصلا وين نستخدمهم الحين ؟ لول :dddds:

 

[Betty]

هلا اورانجيه مشكوره حبيبتي عالاهداء تسلمين و ان شاء الله لي عوده حبوبه لا توصين حريصه

 

[coffee]

cutie pie ههههه الله يطول بعمر والدتج صـــــــــــــــــــــــــــــــــــــح يعني جنه كلمة "قلعتج" بشكل اذرب لول

Betty القمر اهني ياسلام نورتي يا عسل .. ومير والله وايد يستخدمونها حتى اختي لوول بس انا ما استخدمها كلش مو يايزتلي خليني على هاو ابرك .. واهي تييي بمعني "لو"