¨°o.O ( سـفـرتي بالصـوت والصـورة لبـلاد العجـائـب ... الهنـــــــد ... ) O.o°¨

[سياسية]

عليج بالعافيه

و المصبغه مره حاطين عنها برنامج لو شايفه الماي الي يغسلون فيه اصفر ..

الله يعافيج طوق البنفسج...

أنا أعرف وحدة حاطه أكس على الهند و السبة هالمصبغة !!:0bee2e8d89:

تقول انتوا اشدراكم إذا الفنادق ما يغسلون شراشفهم وكنابلهم بالمصبغة.. عشان أوفر لهم !! :eh_s(1):

على فكرة تعتبر من أقدم المغاسل اليدوية و أكبرها في الهند

وحياج الله طوق.. و أشكرج على متابعتج

 

[سياسية]

وناسه..

بس حسافه ناقص سفرتكم العاب خخ ..

انزين مارحتوا اماكن غير السوق << بلاغة شف خخ..

ومتابعينج@@

هلا رونه..

هههههههه شوفي يوم رحت الهند أول مرة ، كنت مو عارفة طبيعة الديرة و رايحة على ويهي..

والمكان الوحيد اللي زرته أثري كان تاج محل :ggdw: ..

وعلى فكرة ترى ديرة فقيرة..يعني لا تتوقعين تلقين مدن ملاهي وأشياء ترفيهية وايد..ومثل ما قلت لج ما عندنا أطفال برحلتنا.. عشان نوديهم هالأماكن..

عشان جذي أغلب رحلتنا تلقينها أسواق

حياج الله و خليج متابعتني...

 

[سياسية]

ان شالله السنه الجايه عقب رمضان طيراااااان عالهند

اهي اهي اهي


ماكو اماكن غير الاسوقه يعني تراث جبال تل فريك

وتقبلي مروري سياسيه

سيااااسيه قولي نكي عشان استانس

بإذن الله...

شوفي فراولة..

بحكم إني كنت زايرة الهند من قبل ما رحت الا تاج محل كمكان أثري ..

وتعنيت له ..ركبت طيارة وقعدت بالمنطقة يدوب 6 ساعات.. بس ما يسوى.. لأن حجمه بالصج مو كبير..بس التصوير والتلفزيون يطلعونه كبير !والمنطقة شبه ميتة..ماكو شي غير تاج محل و قلعة بس!

في أماكن جبال و تلفريك و ثلج جنج قاعده في أوروبا وأحلى .. بس يبيلج وقت بالديرة..واحنا ما كان عندنا وقت لأننا نتنقل من منطقة لي ثانية..

والمناطق مو قريبة.. بعيدة بالسيارة من 8 ساعات و طالع.. وطرقهم صعبة شوي..متكسرة وضيجة..

يعني على ما توصلين المكان إلا إنتي مهدود حيلج ! :eh_s(1):

حياج الله شرفتي موضوعي أحلى فراولة وتابعيني..

 

[سياسية]

متابعه وتعليقي خاشته لي الاخر

أهلا وسهلاً بت بت هانم..

يا ساتر علقي الحين..لا تخليني أحاتي :eh_s(1):

وعلى فكرة..الرحلة مطولة... ما تبين تعلقين إلا بآخرها ؟؟ _03BA:

حياج الله وشاكرة لج على متابعتج

 

[سياسية]

ماشاءالله


والمصبغه عجييبه لوووول


يلااا حبووبه كملي ناااطريييين

هلا وغلا نوونا

حياج الله وأشكرج على متابعتج

 

[SILVER ROSE]

خوس سفرة والله
عليكم بالعافية والحمدلله ع السلامة

 

[سياسية]

خوس سفرة والله
عليكم بالعافية والحمدلله ع السلامة

الله يسلمج و يعافيج سلفر روز..

حياج الله ياقلبي.. نورتي

وخلج متابعتني

 

[شندوخه]

بانتظاار التكمله

 

[nice-girl]

wansaaaaaaaaaaaaaaaaa
امبيه ما هقيت الهند جذي!!
خالتي مسكينه عيزت فيني عشان نروح الهند تقووول في مصحات حق العلاج اهناك ماعندج خلفيه عن هالشي ؟؟؟
وبخصوص الشعب مو طماع ؟؟
عجبتيني بطريقتج انه ماتدخلين محلات عندناياها بالكويت صج تضيعه وقت ..
بانتظار التكمله ..عساج علة القوه

 

[سياسية]

بانتظاار التكمله

هلا وغلا شندوخة..

إن شاء الله راح أكمل يا اليوم بالليل ولا باجر بإذن الله ..

موقع التحميل صاير لوعة شوي

حياج الله و أشكرج على متابعتج

 

[بتبوتااا]

بنطر تخلصينهاا ياقلبي وبالنسبه للمصبغه تونس حدها ودي احوس داخل


ومتابعه @@ ماكو شي نحلي فيه لدوو وهالحلوياات الطيبه؟؟

 

[سياسية]

wansaaaaaaaaaaaaaaaaa
امبيه ما هقيت الهند جذي!!
خالتي مسكينه عيزت فيني عشان نروح الهند تقووول في مصحات حق العلاج اهناك ماعندج خلفيه عن هالشي ؟؟؟
وبخصوص الشعب مو طماع ؟؟
عجبتيني بطريقتج انه ماتدخلين محلات عندناياها بالكويت صج تضيعه وقت ..
بانتظار التكمله ..عساج علة القوه

أنا مثلج ما هقيت.. بس فيني طبع

أحب أفتر العالم كله... وإن يازت لي ديار معينة أكرر لها الزيارة لأنها تكون صج تستاهل العنوة

شوفي في مصحات علاجية.. أغلبها في كيرلا و المناطق اللي فيها طبيعة وايد.. يعني ما تكون مدينة ووايد مزدحمة وفيها تلوث..

أن شاء الله بحاول أفتر بالانترنت..إن لقيت لي شي يسوى بحطه لج

والشعب أبداً مو طماع..وما عندهم نفاق ولا نصابين كلش..

الهنود ميزتهم إنهم يقولون لج شي.. سيدا..ما يزوغلون بالكلام ولا يلفون و يدورون معاج !

وسياستي من زمان..اي محل عندنا إياه بالكويت..ما ندخله بره.. أنا وأهلي.. عن مضيعة الوقت..وثاني شي لأن عارفة إن لبسنا بالكويت لنا..لكن هالمحلات لما تدخلين لها في دول ثانية.. لبسهم يكون حق أهل الدولة نفسها و يمكن ما يناسبنا..فأول و تالي فيها مضيعة وقت أنا أقدر أستغله في أشياء ثانية

حياج الله حبيبتي.. و نورتي موضوعي

 

[طوق البنفسج]

الله يعافيج طوق البنفسج...

أنا أعرف وحدة حاطه أكس على الهند و السبة هالمصبغة !!:0bee2e8d89:

تقول انتوا اشدراكم إذا الفنادق ما يغسلون شراشفهم وكنابلهم بالمصبغة.. عشان أوفر لهم !! :eh_s(1):

على فكرة تعتبر من أقدم المغاسل اليدوية و أكبرها في الهند

وحياج الله طوق.. و أشكرج على متابعتج

لوووول نفس تعليق امي .. :dddds:

 

[supermarket]

وااااو التقرير رووووووووعة

وعجبني بالتقرير بوفيه الريوق ماخلوا شي ماحطوه على الطاولة يختي العين تشبع ( بطينية )

وبعد عجبني تغطية الجانب الفقير بالتقرير الحمدلله على النعمة ... كسروا خاطري

متاااابعة وقواج الله

 

[A7la-SmiLe]

رووووووعه .. بصراحه ماتوقعت ان الهند جذي
---- ماخذه فكره غلط عن هالدوله
التقرير والتصوير وااايد حلوين .. تصدقين شوقتيني اسااافر للهند
ومتااااابعينج​

 

[ام مضاوي]

خوش تقرير سياسيه

ماتوقعت بلاقي تقرير مفصل عن الهند عندنى بالمنتدى

بس صج يستااااااااااهل


جوووو اهيد

 

[يابختي]

متابعة.... لا تطولين

 

[بنت الخور]

سياسية،،


تقرير رااائع أختي الغالية،،

أنا سرت الهند بالصيف وبالتحديد حيدرآباد،، وشو المطر كان ونااااسه،،

والصراااحة تطورت حيدرآباد بشكل كبير،،

وبانتظار بقية التقرير،،

لج أطيب التحايا،،

 

[سياسية]

بنطر تخلصينهاا ياقلبي وبالنسبه للمصبغه تونس حدها ودي احوس داخل


ومتابعه @@ ماكو شي نحلي فيه لدوو وهالحلوياات الطيبه؟؟

همممممممممممممممم

عيل ريضّة..ما راح أخلص الحين هههههههههههههه يبلها وقت

إن شاء الله بتشوفين اللي تحلين فيه

حياج الله بت بت هانم...

خلج متابعتني

 

[سياسية]

لوووول نفس تعليق امي .. :dddds:

أمج قاعده تتابع ا لتقرير معاج ؟؟

يافرحتي..

سلمي عليها و عطيها هالوردة :tek:

عسى الله يحفظها و يحفظ أمهاتنا اجمعين