رحلة ريلاكس مو طبيعيه... في الاراضي الماليزية (صور)

[rawona]

السلام بنات ..

شلونكم؟؟؟ انا للحين بكوالالمبور وراجعه الديره نهاية هالاسبوع فقلت دام اني فاضية ليش ما انزل لكم تقريري من الحين؟؟

مستعدين؟؟ يالله بسم الله نبتدي ..


اول شي باذكر ملاحظة مهمه حيل هالسفره مو سفرة سياحيه اهي سفرة عمل خاصه بزوجي وانا مرافقته فيها لمدة اسبوعين فالتخطيط للرحلة مو تخطيط سياحي وترفيهي ..

الشغلة الثانية انطباعاتي الشخصية عن الديرة ورايي فيها مجرد رايي شخصي ما يحتاج مؤيد او معارض وثقوا اني ماراح اسوي مثل غيري واقارن البلد هذي بدل اوروبا او امريكا لان فيها ظلم لها لكن يكفي اقارنها بالدول اللي بمستواها..

بس حبيت اوضح هالتقطتين قبل لا ابتدي بالتقرير..

ماليزيا سمعت عنها وايد ناس امدحتها وناس ذمتها وناس مستغربه على كثر اسفاري مارحتلها وناس انصحوني فيها بس ماكنت متشوقه لها مادري ليش مو عن انا ما احب دول شرق اسيا بالعكس انا رحت تايلند ومناطقها واستمتعت فيها بس ماليزيا مادري ليش مو متقبلتها ..

وباول فرصه احصلتلي "كورس ريلي" حبيت اروح وياه واشوف هالديره واحكم عليها بنفسي ... بالدبدايه سويت سيرجز وسألت اسئله عنها وتابعت تقارير البنات لها وجمعت معلومات كافيه عنها ..

ويينا ليوم السفر ..


سكرت جناطنا..






وزهبت جنطة الطياره "الهاند باغ" واللاب توب ..






وجيكت على الجوازات والتذاكر..




وهم على حجز الفنادق والطيران الداخلي ..




وزهبت شوية "snack" للطياره وخرابيط ..




ويبت معاي روايه لكاتبتي المفضله اغاثا كرستي ما استغني عن كتبها وهالقصه كنت توني باديه اقراها فقلت اخذها اكملها اهناك .. بس ريلي يوم قرا "عنوانها" جان يخزني ويقول .. "فالج ماقبلناه" لوووووووول










عقب مالبسنا وخلصنا يت اللحظة الصعبه ... حبيت اعيالي ولميتهم ووصيتهم يصيرون عاجلين وما يأذون اهلهم واهم يبجون يبون اييون وياي .. كلمت الكبيره واقتنعت والصغيره نقولي ابي اتافر اميتاااااااا لووول قلتلها مو رايحه امريكا باروح ماليزيا واذا رديت وديتج امريكا جان تبجي وتقول لالالالالالالالالالالا مابي ابي اسافر .. عاد ساعه على ما ساحلتها واسكتت ورحت وانا استودعهم الله اللذي لا تضيع ودائعه..


ورحنا المطار طبعا ماكنت بمود التصوير فماصورت اي شي من مطار الكويت وعقب ما وصلنا مطار كوالالمبور حمدت ربي اني ماصورت مطارنا :050103nbh_prv:


بصراحة بهالرحلة تعرضنا لصدمات وايد .. اول شي الحجز على الكويتيه "كان اجباري" لان الوزارة دافعه لريلي كرسي عليها فحجزنا فيها وللاسف بعد 6 اسنين ماركبت فيها الكويتيه لازال الوضع كما هو عليه ..

بالمطار كان جدامنا كله اهنود فشافونا الموظفين كويتيين ونادونا والا الموظفه تقولنا وين الفيزا؟؟!!!!!!!! اي فيزا؟؟ اتقول امبلا لازم فيزا قلنالها احنا سائلين قالولنا مافي فيزا قالت مو بتروحون الهند؟؟ لازم فيزا؟؟ اي شي الحين التذاكر صارلها ساعه اطقطق فيهم واخر شي تقول رايحين الهند؟؟ ماتشوف جدامها ماليزيااااااااا!!!

المهم تأسفت واقعدت تضحك اتقول ان الهنود فروا راسها .. وصيناها تحطنا بمكان زين قالتلنا لا تحاتون حطيتكم باماكن ممتازه .. استانسناااااااا..


الصدمة الثانيه اطلعت طيارتنا ترانزيت في كوالالمبور وبتروح تالي جاكرتا يعني متروسه خدم من اندونيسيا قلنا مو مشكله اكيد ضبطت اماكنا ..

نادوا على رحلتنا وركبنا الطياره والا الصدمه!!!!!!!!!!!!!!


انا بصوب وريلي بصووووووووووووب ... كلمنا المضيف وقال مو مشكله نسأل الراكب اللي يمج يبدل مع ريلج والا تطلع وحده ورضت تبدل .. اطل من الدريشه والا الاخت حاطتنا فوق الجناح مال الطياره بالضبط لووول هذي لو مو موصيتها تحطنا باماكن زينه جان وايد احسن ..

المهم بعد تأخير ساعه طارت الطياره .. بس استغربت شي قبل الكويتيه تشغل دعاء الركوب وهالمره ماحطوه مادري ليش؟؟ المهم وزعوا علينا تالي اوراق نعبيها للجمارك اهناك ..





عبيناهم ..


وتالي نمت يمكن 6 ساعات لووول صج تكسرت بس كنت تعبانه وسمتها نومه ..

وهذا خط سير الرحلة ..




يتبع...
​

 

[rawona]

وهذي مناظر من الجو ..

اهم شي جناح الكويتيه لووول..









واهني بينت كوالالمبور..




وصلنا بالسلامه وجيكنا على اغراضنا ونزلنا من الطياره ..

وهذي الكويتيه تقولنا "رافقتكم السلامه" لول




صور من مطار كوالالمبور ..










واهني الترين اللي بيودينا لاستلام اجناطنا ..






عقب ما استلمنا جناطنا سألنا موظفه اهناك عن التيرمنال اللي فيه طيرانا الداخلي قالت لازم ناخذ تاكسي واهو بيودينا للمبنى الثاني للرحلات الداخليه ..

قلنالها اوكي وخذينا تاكسي من المطار .. واهني بالطريج للمبنى الداخلي ..




المبنى خاص بشركة اير ايشا airasia وهو طيران اقتصادي عندهم طقة الجزيره وطيران سما ...




نسيت اقولكم ان محطتنا اليايه جزيرة لانكاوي .. بنقعد فيها يومين وتالي نرجع كوالالمبور علشان كورس ريلي ..

بانتظار الرحلة ..





يتبع..

​

 

[rawona]

وهالكافيه خذينا منهم كوفي يصحصحنا شوي ..




هذي البوابه اللي طلعنا منها على طيارتنا ..




في الطريق الي الطياره ..








بعض المناظر لكوالالمبور من الجو..






















يتبع..


​

 

[rawona]

نكمل ..

شرايكم بتصويري بس؟؟






وهذي صور للغيوم..


سبحــــــــــــــــــــــــــــــان الله..










وهذي لنكاوي بينت من الجو ..








والهبوط الى مطار لنقكاوي..




والوصوووووووووووووووووووول ..






الحمدلله على السلامه ... ناطره تفاعلكم وتعليقاتكم وبارجع اكمل وياكم باذن الله .. :wqedqw:

​

 

[ليال( المها) الورد]

الله يوصلكم للديرة بالسلامه
والله المناظر وروووووووعة عشت معاك بالصوووور
تسلمين حبيبتي بس اهم شئ تكلمين باقي الصوووووووووووووووووووووووور

 

[rawona]

الله يسلمج حبيبتي .. مشكوره على الدعوه الحلوه وانشالله بارجع اكمل عقب ما ارد من طلعتي :eh_s(7):​

 

[شهدQ]

واااااااااي شوقتيني شفتي شلون انتي مغرمه بامريكا انا مغرمه بماليزيا

لايطوفكم سباق السيارات Go-Kart

يشووووق

ورحلة المانغروف ضروري حيل

وقوليلنا عن الجو هناك شلونه بهالوقت ؟؟

 

[اشراقة الحياة]

الله الله رونـــــــــــــــــــــــــا
شنو هذا ثاني المتابعين...............

كملي .............والله وناسه

 

[أنفاسي دخون]

يسلموووووووو على التقرير وننطر الباقي

يا حلو ماليزيا واوقات سعيده ان شاء الله

 

[همسة ورد]

الحمدلله على سلامتكم ياقلبي ..

وموفقين ..

معاج بالرحله قلبا وقالبا لووول

 

[Narnor72]

:edbf4317b9:

شكرا كتير يا روان على الرحلة معك الى ماليزيا​

 

[digital]

انا متااااااااابعه

بس الله يهداج ماخذه قصة الموت فوق الغيوم حق التخرع بالطياره بس اشوه انج نمتى وما قريتيهه

احلى شي انه الموظفه مضبطتكم صراااحه لازم تقدمين لهه كتاب شكر على تعبهه:lololoe:

 

[منورة الكويتية]

تقرير مبين قوووي وراح يكسر الدنيا خخخخخ حدي مشتطه ادري

ومت ضحك على هالروايه لوووول صاج ريلج هذي روايه تنقرى بالطياره بس زين سويتي نمتي عشان ماتحسين بالطريج

انا مثل شهودة بالظبط شفتي عشقج حق امريكا انا اموت ب ماليزيا بس مايندرى اذا شفت امريكا يمكن اخون واصير من ربع امريكا خخخخ



ياحلاة لنكاوي صج صج ريلاكسسسسسسسسس

هالصورة عندي نفسها بالظبط

يعطييي الف عافية

ومتابعتج للااخر

 

[ضحى الكويت]

تروحين وتردين بالسلامه وربى يحفظج ويونسج بالعافيه يارب ومتابعينج ومعاج قلبا وغالبااا

 

[fona]

ترجعون بالسلامه حبيبتي

يالله ناطرين تكملة التقرير على احر من الجمر

عاد تدرين انا كلش مااحب دول شرق اسيا ماادري ليش ولو اني ولا مرة رحت حق هالدول

بس يمكن اغير راي اذا شفت تقريرج ورايج بماليزيا

 

[malekatsabaa]

هيييييييييييييييييييييييييييييييييييه

:ggdw::eh_s(9)::ggdw::eh_s(9)::ggdw:

انا لي الحين ما قريت الموضوع بس بغيت اشجعج...

لوول

 

[malekatsabaa]

والصغيره نقولي ابي اتافر اميتاااااااا

لووووووووووووول

اشسويتي باليهاااال
صارت امريكا عقدت حياتهم ..

وصج الروايه يت ابمحلهااااا...لول

التقرير امبين عليه..ابروحه رواااااايه..والصور روووووعه

ناطرين الباجي..

 

[omjasim]

:balo:ذكرتينى بشهر العسل
ريلى يركض من مكتب لثانى وانا طايحة تصوير عالفاضى والمليان :050103nbh_prv:

 

[وردة نقية]

مشكووووووووورة ويعطيج العافية ذكرتيني بلنكاوي وايامها.

 

[ArEEj]

ااااالله
يا حلاة ماليزيا
متابعينج كملي