حملة قراءة سورة البقره كل يوم

[أم منصور]

السلام عليكم جميعا


اليوم جمعه لا تنسون قراءة سورة الكهف

 

[اهات الشوق]

الله يحييكم ..

زين بنات عادي احط بعد شعار حملتكم .. انا امس قريته واليوم لي اليوم الثاني ان شاء الله وان شاء الله استمر فيها

وجزاكم الله خير إلي حطت الموضوع ولي شاركوا ..والله يستيب لدعواتكم ان شاء الله

انا صارلي جم يوم احس براحه نفسيه .. قمت اقرا سورة مريم بعد صلاة الفجر وعسى الله يرزقني الذية ..

وقالولي بعد اقوم اقرا ختمة قرآن بماي كل ما اقرا انفخ بالماي وأشيله ولين اكمل الختمه احطه بمرش وارشه بالبيت علشان لبركه .. اقوم اقرا جم جزء بعد صلاة المغرب

وابعد صلاة الظهر باديه من امس سورة البقره

ويعطيكم العافيه

حبيبتي الله يرزقج في ذريه صالحه
والله يثبتج

بس لاتنســــــــــــــــــــــــــــين
لاستغفار - وقيام لليل ترا فعول كل واحد منهم عجيب

 

[اهات الشوق]

اليوم ما قريتها حاشتني ضروف و كنت تعبانه

اليوم ان شاء الله يقراها

حبيبتي عادي كلنا مثل حالتج
اهم شي انج تستمرين

 

[اهات الشوق]

حبيبتي ام منصور
شخبارج لحين
لاتكدرين خاطرج علشان حلم ترا راح يستغل شيطان فرصه ويدمر نفسيتج
وانا اقولج هذا الكلام من واقع تجربه

 

[اهات الشوق]

السلام عليكم ورحمة الله وبركاته

شلونكم بنات

واجد من البنات يشتكون من نفسياتهم تعبانه الفتره هذي

وهذا كله من شيطان يحاول انه يبعدكم عن الاستمرار

نصيـحــــــــــــــــــه

من وحد مجربه مرة في نفس هذي ظروف واقوى

انصحكم بستمرار وتحاربون شيطان

وانا مخبرت بنات حواء
كيدهم ضعيف
انا لي اعرفه عن بنات حواء

(ان كيدهن عظيم)هذا مذكور في القران في سورة يوسف

وشيطان كيده ضعيف

 

[اهات الشوق]

تنبيه
اكيد كل وحده تقرا سورة البقره تستمر على الاستغفار وقيام ليل علشان شي معين

بس في بنات اذا تحقق شي لي يبوته تركوا اواخففوا حيل من قرات سورة البقره والاستغفار وقيام ليل

انا ماادري ليش يسون هذي الحركه

بنات استمروا على هذي الاشياء حتى ولو تحقق لي تبونه
تذكرون ان في اخره
تذكروا شعور الحلو لي كنتم تحسون فيه

 

[اهات الشوق]

بنات
امس في دوام صارت مع مشكله مع ام طالبه عندي بسبب غلط في غياب بنتها (انا مسؤوله غياب طالبات )

مثل هذي مشكله لازم تمر على وكيله بعدين تصير سالفه ونتيجه انا غلطانه سواء كنت صج غلطانه اولا
والله يابنات
ام طالبه صادفت رفيجتي قبل لا تروح عند وكيله وشرحت شكوى بعدين رفيجتي دقت على ونادتني
وكلمت ام طالبه وراحت اتاكد من غيابه عندي طلع الغلط مو مني من لي قالوا لي غياب
والله ان ام طالبه قاعده على الكرسي لي اقبال غرفة وكيله ولا راحت عندها تكلمه
انطرتني على ماجيتها
و وضحت لها موضوع وراحت الام من غير ماتصير مشكله

الحمدالله الحمدالله الحمدالله
شفتوا شنو صار معي​

 

[اهات الشوق]

حبيبتي فلورز شلونج وشنو اخبارحج
عسوله حبيبتي شلونج وشنو اخر اخبارج

 

[عسل طبيعي]

حبيبتي فلورز شلونج وشنو اخبارحج
عسوله حبيبتي شلونج وشنو اخر اخبارج

السلام عليكم
شلونكم اخواتي و شخباركم
مشكورة اهات الشوق عالسؤال
امس صليت القيام بسور قصيرة و ما قريت سورة البقرة و احس بضيقة بس ان شاء الله الحين بروح اخلص شغلة ضرورية و اقرا سورة الكهف و جزء
و ان شاء الله راح اقرا سورة البقرة
بنات تكفون شجعوني اريد ارجع مثل اول

 

[شيخه***البنات]

السلاااااام عليكم ..

ان شاءالله بقرا سوره البقره الحين ..

وراها سوره الكهف ..

ويعطيكم العافيه ولا تخلوون الشيطان يغلبكم ..

 

[فصل الربيع]

السلام عليكم .. قريت موضوع حملة قراءة سورة البقرة اليوم وقررت اني اسجل بالمنتدى واعرض عليكم تجربتي مع قراءة سورة البقره .. في البدايه بعد تخرجي من الثنويه حالي حال اي بنت كنت احب ابرز جمالي في جمعات الحريم عشان يقولون عني حلوه وعشان يخطبوني .. بعدين بصراحه خفت قام تطلع بجسمي بقع وما راحت إلا بماي زمزم والقراءه عليها خفت على عمري وقمت اخفف من روحاتي للمناسبات وقام يخطبوني ناس ومايصير نصيب لحد ما صار عمري 25 ودخلت بالـ26 قالتلي اختي الي اكبر مني اقري سورة البقره كل 3ايام مرة لمدة شهر بعدين كل اسبوع مره لمدة 3شهور وبعد كل مره اقرى المعوذات وادعي ربي، التزمت بكلامها وتوكلت على الله وبآخر يوم بالضبط من الاربع شهور هذي كان يوم ملجتي سبحان الله ،طبعا خلال هذي الفتره الكل يسولف علي وسمعت كلام يذبح واني خلاص ماراح اتزوج الله وحده كان يعلم بنفسيتي، الحين وبعد الزواج صارلي سنه ونص ماحملت والكل بعد قعد يسولف علي الله يسامحهم، حسيت بضغط وقمت اراجع واخذ ابر منشطه مع اني فحصت ومافيني شي بس ليش مايصير الحمال الله اعلم الشهر الي طاف حملت وماتم الحمال وقبل امس سويت تنظيفات وقررت ان محد يدري بالي صار والله يعلم بحالي ،قررت اني ارجع التزم بقراءة سورة البقره والله كريم، الي تقرى موضوعي بس ابيها تدعيلي جزاكم الله خير .. الضيقه والوحده ذابحيني وكل شوي ابجي حتى اني ماعرف بعد التنظيفات شنو اسوي او شنو أخذ وهل اعتبر في فترة نفاس وحتى لوكنت اعتبر في فترة نفاس مادري شنو آخذ من اعشاب ومن وين إلي تقدر انها تساعدني ارجوها انها تساعدني لاني فعلا خايفه وحالتي ما يعلم فيها الا الله سبحانه والله كريم.

 

[::blackrose::]

السلام عليكم

شلونكم بنات

فصل الربيع والله قلبي عورني عليج

وودي افيدج بس ما اعرف شي عن الحمال والولاده في قسم الحمل والولاده بالمنتدى اخذيلج فره هناك وان شاء الله تلقين اللي يسرج

 

[•أرٍيجِ ٲڵشّـوٍقـﮯ•]

وانا وياكم

بارك الله فيج غناتي

 

[~q8ia~]

شلونكم بنات

و مشكورة ام منصور عالتذكير بسورة الكهف

و بنات اللي نفسيتها تعبانه بالعكس تستمر بسورة البقرة و مو تهدها

و الله سبحانه ان شاء الله يفرج كربها

و نفس الدعاء لا منجأ و لا ملجأ الا الى الله تعالى

 

[~q8ia~]

وانا وياكم

بارك الله فيج غناتي

حياج الله معانا يا بنت الامارات

 

[شوارفسكيه ورديه]

جزاج الله الف خير حبيبتي موضوع وايد حلو والله يجعله في ميزان حسناتج امين

انا دايم اقراها بس ماستمر جم يوم واقطع وودي اني استمر على قراتها بس احس بكسل موطبيعي استغفر الله

كلامج شجعني وان شاء الله ربي يقدرني واستمر عليها امييييييييييييييييين يارب

 

[مزاااجيه]

السلام عليكم ورحمه الله وبركاته

قبل مده ذكرت مشكلتي والله يجزاء كل من ردت علي بالخير دعيت لهم مثل ماوعدتهم

مشكلتي وهي اني معيونه على حياتي ولبسي وكل اغراضي منفسوه فيهم كرهتهم

الحمدلله على كل حال .. بديت اقرا سوره البقره وعلى الله وثم عليها والله ييسر لي قراءتها ويتمم علي وعلى الكل يارب ادعوولي تكفوون ان ربي يشرح لي صدري ويفرج همي ويكفيني شر مضار خلقه لان اللي حاسديني واجد مع ان والله ماناقصه شي بس الشكوى لله ..

وفي شيخ بالصباحيه قريت عنده و قرايته حلووه اللي محتاجه قرايه تروحه له قرايته تشرح الصدر ...

 

[كويتيه متفائله]

السلام عليـــــــــــــــــــــــــــكم
شلونكم حبايبي انتوا
الحمدالله قريتها اليوم
والحمدالله اني بديت أرتاح بقرايتها وأحس شي ناقصني بدونها
الله يتمم علينا يـــــــــــــارب ويخلي القرآن ربيع قلوبنا
اللهم آميـــــــــــــــــن

 

[بنت الثانوية]

امس صليت القيام بسور قصيرة و ما قريت سورة البقرة

شلون اصلي لقيام بسورة البقره ؟؟
يعني بعدها ولا بالصلاة نفسها ؟؟

 

[اهات الشوق]

جزاج الله الف خير حبيبتي موضوع وايد حلو والله يجعله في ميزان حسناتج امين

انا دايم اقراها بس ماستمر جم يوم واقطع وودي اني استمر على قراتها بس احس بكسل موطبيعي استغفر الله

كلامج شجعني وان شاء الله ربي يقدرني واستمر عليها امييييييييييييييييين يارب

حبيبتي تعوذي من ابليس
واستمري ترا حياتج راح تتغير