رابطة "دودات الكتب " .. حياكم

[Little_Queen]

:edbf4317b9:

" خير جليس في الأنام ..... كتاب "



هالموضوع لكل البنات الي يحبون هواية القراءة



للتناقش حول القراءة و الكتب " الثقافية و المفيدة " ...



ممنوع الحديث عن كتب السحر و الشعوذة و الاحلام و الابراج ...


ممنوع الحديث عن كتب الطبخ " مو لأنها تافهة لكن هناك أقسام متخصصة بالمنتدى بالمطبخ "

ممنوع الحديث عن كتب الاشغال اليدوية " ايضا لنفس السبب السابق .. هناك أقسام متخصصة لهذه الاشياء "


نبي نتكلم و نسولف عن قراءاتنا الادبية .. و الثقافية .. و الفكرية


و شنو الكتب الحلوة اليديدة الي نزلت


و عن الكتاب

و الادباء

و دور النشر


و كل ما له علاقه بالقراءة


و ياريت


لو اكو مصممة تقدر تصمملنا شعار نحطه في تواقيعنا نحن " دودات الكتب " ... فيكون جزاها الله خيرا


و أيضا في هالموضوع اني احطلكم دايما مواعيد المناسبات الثقافية و الندوات و معارض الكتب الي تصير دايما في الكويت و محد يدري عنها



هلا فيكم يا محبات و دودات الكتب ..... و يلا نتناقش في سحر ذلك الحبر الاسود .. الذي ينير العقول


:edbf4317b9:
​

 

[.]

خوش موزوع

غرامي القراءه والكتابه

امم سالت بالموضوع عن جم روايه بسوي كوبي وارد ..

مشكوره ع الموضوع..

 

[.]

انا صايره كل افتر بذات السلاسل..

لقيت الجنيه والسجينه والغريبه والمنتظر و وحده اسمها الغيشا هذي اللي تقولون عنها ..؟؟

وشرايكم فيهم؟؟

امم كل وحده تقول شلون حبت القراءه وشنو اول شي هبت فيه

انا بلشت من زمان وكنت اقرا ماجد غرامي هالمجله..

وساعات اشتري ماجد وسعد وخالد وباسم والعربي الصغير وبراعم الايمان وميكي ومشتقاتها


عقب هبيت بالمغامرون ال5 تخت وربعه..

وعقب روايات عاديه قريت لتركي الحمد و قماشه العليان واكيد بنات الرياض

هذا اللي اذكرهم..

 

[~NaZaKa~]

يسلموووو على الموضوع الخطير
وانا بعد بنظم وياااكم

روونه

السجينه كتاااب روووووووعه انصحج فيه تاكلينه مو تقرينه لووووول
من اجمل الروايات الي قريتها واهيا قصه حقيقيه ، مابي احرق عليج الاحداث انتي اقريها بنفسج
وغيشاا بعد حلوه قصتها وفيها فنتق عجيب بس سوري فيها قلة ادب شوي
بس عادي انتي غضي النظر لوووووووول لانها فعلا تستحق القراءه
والباجي الي قلتيهم ما اعرفهم انتي اقري وقوليلنا رايج فيهم
وبغيت اسئلج الغريبه منو كاتبها جني سمعت انها فاطمه اوفقير إلي اهيا نفسها مؤلفة السجينه ولا لأ ؟؟

وشكراااا لكم

 

[][ الميـــــــار ][]

الللللللللللللله حلو الموضوع
طبعا احب القراءة واصراحة اهيا اللي مضيعة وقتي صج اعيش وانا اقرا
انا حاليا قاعده اقرى روايات ليلى عثمان
وبلشت بكتاب the secret بس ما كملته و بعد قريت فصل من كتاب الرجال من المريخ والنساء من الزهرة

و بس بسالكم منو كاتب السجينه و غيشاا شوقتوني عليهم ؟

ويعطيج العافيه ليتل =)

 

[0(مـــســـ(مطير)ــــــك)0]

الله موضوووووووووووووووووووووووووووووووووووووووووعج رااااااااااااااااااااااااااااااااااااااااااااااائع

ان احب اقرا واموت عالقرايه واستانس لما ادخل المكتبه احس حيييييييييييييييييييييل تجذبني

انا مالي باع طويييييييل بالقرايه .. فماقريت كتب واجد


قريت روايه كاتبه صوماليه اسمها زهرة الصحرااااااااااااء فظيييييييييييعه

خلصتها بيومين بس شوي فيها جرأن نفرتني منها .. وهي عن حياة الفتاه الصوماليه وشلون صارت عارضة ازياء وشلون تعرضت للختان والاغتصابات والاستغلالات الاعلاميه والغربه .. يعني روايه مشوقه اطلعج من حدث وادخلج بالثاني ..

 

[*أم*خالد*]

1) خوش موضوع جزاك الله خيرا يا أخت العرب

2) بحكم اني مدرسة روضة قعد اقرا كتاب عن التربية .. اسمه الأطفال من الجنة مألفه جون غراي اللي مألف كتاب النساء من الزهرة والرجال من المريخ
ليلحين خوش كتاب وقعد أتعلم منه أشياء حلوة وطرق للتعامل مع الأطفال

 

[.]

يسلموووو على الموضوع الخطير
وانا بعد بنظم وياااكم

روونه

السجينه كتاااب روووووووعه انصحج فيه تاكلينه مو تقرينه لووووول
من اجمل الروايات الي قريتها واهيا قصه حقيقيه ، مابي احرق عليج الاحداث انتي اقريها بنفسج
وغيشاا بعد حلوه قصتها وفيها فنتق عجيب بس سوري فيها قلة ادب شوي
بس عادي انتي غضي النظر لوووووووول لانها فعلا تستحق القراءه
والباجي الي قلتيهم ما اعرفهم انتي اقري وقوليلنا رايج فيهم
وبغيت اسئلج الغريبه منو كاتبها جني سمعت انها فاطمه اوفقير إلي اهيا نفسها مؤلفة السجينه ولا لأ ؟؟

وشكراااا لكم

هلا نزاكه..

مرسي..

اللي كاتبه السجينه مو اسمها مليكه؟؟ انا اذكر كتاب الغريب اسم اللي مالفته فلانه اوفقير خخ..

بس جنه نفسها المولفه..

مشكوره..

الميار غيشا اللي مالفه اجنبي اسمه طلعته من قوقل تأليف: آرثر غولدن..

نزاكه جيكت طلعت المولفة السجينه والغريبه مليكه اوفقير..

 

[Anastasia]

واااااااااااااااااااي ونااااااااااااااسة ..
.
سجلوووني معاكم >>ماجنه اقتراحها لوول !!

 

[Anastasia]

فاطمة جنها ام مليكة .. اهما ثلاث خوات مليكة وسكينة ومادرب منو الثالثة اوفقير .. واخوهم رؤوف بعد .. وكللللهم مطلعين كتب ..
.
بس صج صج روووووووعة كتابها ..خصوصا انها صجية ودايما الحقيقة اعجبب من الخيال ..!!

 

[Anastasia]

إي إي ارثر غولدن .. والله مزيون اسم الله عليه خخخخ اهم شي ..
.
كاهو .. وعلى فكرة كان يشتغل فترة من عمره باليابان من جذي الف هالرواية ..
.

.
وهذا غلاف الرواية النسخة الانجليزية ..
.

.
وهذي صور من الفلم ..
.

.

.

.

.

.

.
مني يوم كانت صغيرة حلاتها ..
.

.
تشوق اهني ..
.

 

[.]

جوجو..

تنصحين فيهم..؟؟

وقريتي المنتظر..؟؟

 

[Little_Queen]

المنتظر ...



اممممممممممممممممممممممممممممممممممممممممممممممم



زينة ... يعني .. مو واااااااو ... و لا وييع ... يعني .. عادية



و شكرا للي شكروني عالموضوع بس الفكرة أصلا فكرة اختي جوجو ... " بس جوجو انا الي نفذتتتتتها و طبقتها !! "


الحين بتصير حرب ملكية فكرية !!


نياهاهاهاها



حياكم الله و تقريبا فتاة الغيشا حاز على اعجاب معظم بنات الموضوع .. اذن شكلها فعلا تستحق القراءة

 

[Little_Queen]

نبي تصميم يا جماعه ...


منووووووووووووووووووووووووو تصمم عالفوتو شوب ؟؟؟ نبي تصميم اهم شي يكون صغيرونو مو وايد كبير .. و يدل على اسم الموضوع

دودات الكتب .. و ياريت لو يكون فيه جملة " انا دودة كتب " ...

 

[~NaZaKa~]

غيشاا ( الفلم ) كان بايخ ومو حلو بصراحه

بس الروايه وااايد حلوه

سووري رونه تلخبطت بين الام وبنتها

لانه فاطمه اوفقير مسويه بعد روايه اسمها حدائق الملك
وبنتها السجينه
والكتابين يتكلمون عن حياتهم في السجن ومعاناتهم عشان جذي تلخبطت
انصحج اقري السجينه قبل الغريبه لانها نزلت قبلها
واقري الغريبه وقوليلنا حلوه ولا لأ
حدي متشوقه اشتريها
انتي من وين خذيتيها لاني بصراحه ما اشتري إلا من المعرض وهالسنه مارحت
فما ادري وين ينباعون

 

[~NaZaKa~]

عندي لكم واسطه وحده تعرف تصمم بس مالها علاقه بالكتب لوووووووول

بكلمها وبشوف شتقول

 

[Little_Queen]

ميار ... شنو قاعده تقرين لحبيبة قلللللللللللللبي ليلى العثمان ؟


ياربي كثر ما أقول احبها هالانسانه


ما أوفيها حقها


احببببها احببببها حنونه حبوبة عسل قمر كلللللل شي في الدنيااااااااااااااااااااااا



ربي يحفظهاااا يارب و يخليهاااااااااااا دايما دايما دايما


امس كان حفل توزيع جائزتها .. فاز فيها هالسنه الأديب : يوسف ذياب خليفة .. عن مجموعته " الممنوعه من البيع "... افكار عارية


بس قدرت أحصل نسخه من المجموعه الممنوعه ... بصراحة ما عندهم سالفة مانعينها


يعني مانعين كتاب شكبره عشان صفحتين صغار فيهم قصتين جدا قصاااار فيهم شوييييي قلة أدب !


منعو هالقصتين و خلاص !! ليش تموتون الكتاب بكبره ؟


عموما انا مادري ربعنا " الرقابة " .. متى بيتعلمون .. انه لما يمنعون بعض الكتب تنتشر و تشتهر اكثر !! و الله لو مو ممنوعة و موجود و ينباع جان محد شراه !!

يعني في أشياء صج صج ما تسوى تنمنع !

و بعدين بصراحة انا ضد المنع المبالغ فيه بصراحة على كل كلمة و الثانية منعو الكتاب !

يعني بصراحة الي يبي يقرا شي زين يقرا ... و الي يبي يقرا شي مو زين يقرا ! ليش نجبر الناس !! و اول تالي حتى لو منعو الكتب فالناس الحين مو مدمغين يعني ممكن اطلع هالكتاب من النت و أقراه عالكمبيوتر !

 

[.]

هلا نزاكه..

وي عادي انا تخصصي تاليف وتغير اسامي خخ..

ماشريتهم بس شفتهم بذات السلاسل..

ومشكوره ..

ومشكوره ليتل..

شوقتوني ع غيتشا بس انا ماحب المترجم..

 

[Shiny Star]

أحب الروايات الاجتماعية والرومانسية مووووووووووووت

قريت تقريبا كل روايات إحسان عبدالقدوس ونجيب محفوظ ويوسف السباعي

قريت بنات الرياض والسجينة والغريبة كلها رووووووووووعة

قريت حق تركي الحمد وعندي كل مؤلفات الروائي الكويتي المبدع عبدالوهاب السيد اسلوبة عججججججججججب

 

[~NaZaKa~]

بنات شوفوا التصميم وقولوا رايكم

قابل لتعديل والاضافه

وشكراااا حق حبيبببتي وصديقتي الصدوقه بوووب كووورن