>>..شاات المتزوجــات..<<

[منى قلبها ابيض]

ام ضاري ابي جاي يقعد راسي هههههههه

 

[مسالمه]

أنا كبتشينو

 

[منى قلبها ابيض]

ههههههههههههههههه

بنت عطا لا امي مو اوربيه
لا صج وربي الحمدلله نعمه جسمي زين مالي زنود ولا كرش

وزني 63 بس الخلفيه بروحها ستين هههههههه

اي قالولي فيروز حلووه صبغتها ودي اروح له ؟؟

 

[منى قلبها ابيض]

بنت عطا حلوه هالصبغه ولا لا ؟؟ لان شقارها مقارب لشعري؟؟

 

[منى قلبها ابيض]

مسالمه
تاكلين حبوب منع حمل ولا لا ؟؟

 

[مسالمه]

كنت أكل بس لما قريت بالتلفيزيون أنها تأثر قطعتها وقمت أسوي الطريقه بس والحين أنا زعلانه قاعده افكر اسوي خلع من زوجي وأذا عندج خبره بالحياة الزوجيه عطيني رايج أنا كاتبة سالفتي فوق فوق

 

[بنت عطا]

اي يهبل صبغهم الصبغه هذي حلوووووه ماشاء الله تهبل

بس اذا انتي شعرج اشقر غيري <<<سوي نيولوك خليه اسوووووووووووود يطلع عليج يجنن

ومبين عليج ماشاء الله حلووووه

<<<<<<<<<<<<<<<<<<<
انتي الاشقر على منو طالعه ........شلون عازميه شعرها اشقر ههههههههههههههههههههههههههههه

 

[منى قلبها ابيض]

مسالمه شفيج ليش شفيه زوجج بتسوين خلع وعندج عيال ولا لا ؟؟

 

[منى قلبها ابيض]

بنت عطا عيوونج الحلووه تصدقين مفكره اصبغ اسود بعدين زفني زوجي قالي الاشقر احلى شسوووي ؟؟
ودي ادخل عليه هاي لايت فاقع ؟؟

 

[مسالمه]

أنا عندي بنت وزوجي يخوني من أول ماتزوجنا مع العلم والله أنا جميلة وناعمه أعوذو من كلمة أنا مو غرور بس شي يقهر يعني مافيني ناقص بس أهوا عنده مرض الخاينه وتخيلو صبرت سنتين وماتغير صج كان أمدلعني بس مرضني بخيانته ومرة زعلت وقلتله يا أنا أو رقمك الثاني وأختارني أنا ورديتله وسافرنا لبنان ولما ردينا حسبي الله حماي متزوج أختي وتزوج عليها وأختي طالبة الطلاق وراح طقها بدوامها وراحو أخواني طقوه أهو وأخوه اللي أهو زوجي والحين زوجي رافع القضية على أخواني ومو راضي يتنازل والحين أنا زعلت عند أهلي وأكتشفت بعد أنه عنده الخط الثاني يعني للحينه يخوني

بنات بالذمه لو أنتم مكاني شراح تسوون وأهلي وعمامي وخوالي كلهم يقولولي تطلقي

شنو رايكم وسوري دوختكم معاي؟؟؟

 

[منى قلبها ابيض]

وااااااااااي عورتي قلبي

مشكله اذا كبرت السالفه بين الاهل والنسايب والله يا قلبي انا راي انج تستخيرين بالاول وفكري عدل زوجج يحبج ولا لا؟؟
والله يهداهم اخوانج شكوو يطقون زوجج ؟
شوفي يالغاليه انا ما اعرف ولا تعرفيني بس بنصحج لوجه الله

انتي عندج بنت منه اذا زوجج زين معااج وحاول انه يتغير ويبطل سوالف الخيانه اعرف ناااااس يخونون زوجاتهم والله العظيم الحين لحيتهم لي سرهم وما يفارقون المسجد سبحان اللي يغير ولا يتغير

انتي خلج وسطيه فكي عدل هذا طلاق مو اي كلام وعندج ضنا منه ؟؟
استخيري اذا انتي تحبينه وهو راضي يعير من نفسه ردي لبيتج

 

[مسالمه]

أهوا يحبني وهذا اللي معور قلبي بس أهلي يشوفون شي يمكن أنا ماأشوفه يقولولي زوجج حقير وجذاب ومن هالحجي ياربي وربي متضايقه وقاعده أستخير وهم قلبي يميله حيل مو شوي وبنتي تقولي أبي بابا عمرها سنتين بس لما أفكر أقول لو يحبني يتنازل ولا ييب لنا الشر صح؟

 

[بنت عطا]

مثلا يامسالمه رجعتي له

وثبت كلام اهلج فيه وطلع مافيه خير شنو بيكون موقفج قدامهم الا قصة الوجه والفشله مدام انهم فازعين لج الحين خليج معاهم ورجلج هذا خوان مايخاف على بنته

كما تدبن تدان وياقلبي الرجاجيل واااااااجد مو متوقفه الحياة عليه<<<يمكن باجر ان رجعتي له ينتقم من اهلج فيه ويطلع الحره كلها فيج ويحر قلبج ويحقرج

 

[منى قلبها ابيض]

مسالمه انتي اقعدي مع نفسج مره ومرتين وااااااي والله عورتي قلبي كاسره خاطري بنتج

الله يهديه ويجمع شملكم اذا فيه خير واذا ناويه نيه شينه الله يهديه ويكف بلاه عنج وعن اهلج ولا يا قلبي شووفي اللي ريحج هذي حياتج مو حياة اهلج فكري بنفسج وراجعي حسابتج ترا انتيي عندج منه بنت

الله يسخر قلبه ويهديه

 

[مسالمه]

والله يابت عطا هذا اللي خايفه مني حتى أخواني يقولولي لو رديتيله راح يقثج يالحجي وراح تردين زعلانه مدام عندج بنت تطلقي قبل مايصير أكثر صح بنات ؟

 

[منى قلبها ابيض]

مسالمه زوجج جم عمره ؟؟ من قرايبكم ولا لا ؟؟

من اول ما تزوجت جذي ؟؟
ليش يطالع بره ويكلم بنات وخطوط انتي مقصره معااااااااه ؟؟

 

[حلم الطفولة]

ششش أراقب عن بعد !!!

 

[مسالمه]

ومنى أنشالله اللي كاتبه الله يصير أميييييييييييييييين

 

[حلم الطفولة]

.....................................................................
:
: بنت عطاااااااااا ... منى ى ى ى .... مساااااااالمه ه ه ه .. السلااام عليكم م م م ..
....................................................................

 

[منى قلبها ابيض]

مسالمه والله ما ادري احيانا الاهل تفكيرهم مصدي انا اعرف وحده كانت مشاكل مع زوجها لما تطلقت وراحت لاهلها ما تحملوها لا هي ولا عيالها ؟؟

ليما الحين ندمانه انها تطلقت فكــري ياقلبي مره ومرتين عشر لما توصلين قرار يريحج صلي واستخيري وادعي للربج بهالوقت ترا الملائكه نازله بالسماء الاولى ادعي بين كل اقامة اذان ان الله يهدي اهلج وعيالج اقري قرآن