رابطة "دودات الكتب " .. حياكم

[Little_Queen]

وااااااااااو واااااااااااو وااااااااااو يا نازاكااا

رائع ... صج صج صج أحلى مما كنت أتصور حتى




ناديها مني خل نشكرها حتى لو ما تحب الكتب واااجب علينا



انا عااااااااااجبني جدا الشعار بس مادري عن باجي البنات ... انا اصوت له و اعطيه 10 من 10

 

[Little_Queen]

و الحين الحين بحطه في توقيعي


ياريت بنات كلنا نحطه في توقيعنا ونااااااسة

 

[~NaZaKa~]

ههههههههههههههه

خلاص دام اعجبج وحطيتي بتوقيعج وانتي صاحبة الموضووع
يعتمد الشعااار

 

[Pop^*^CoRN]

في حد بينده عليا >> لوووووووول

السلام عليكم

الصراحه اخجلتموني

بس اهم شي عجبكم الشعار

و تصحيح معلومه انا احب اقرا بس مو حيل يدوب قصه و لا 2 بالسنه لووول يعني في امل اتطور و تلقوني متنقعه هني كل شي جايز

 

[~NaZaKa~]

ههههههههههههههههههههه

ان شالله نشووفج بينه ليش لا

تصدقين انا مرافجتج صارلي دهررر

توني ادري انج قاريه قصتين لووووووول

عبالي مو فاتحه كتب غير كتب الكليه لووووول

طلعتي شيييييييي

 

[Little_Queen]

بوب كورن ....


اكو وايد كتب في الدنيا تستحق القراءة للمتعة


مو كل القراءات بايخه و ثقيلة ...


حاولي تشوفين شنو المجال الي تحبينه و تقرين فيه ..يعني صج هواية القراءة من افضل الهوايات لانها تنمي العقل و تفتحلج آفاقج أكثر


اممممممممممممممممممممممممممممممممم ابتدي بكتب الماورائيات .. خلف أسوار العلم و على حافة العلم ... اتوقع بتحبينهم و بيشدونج لعالم القراءة الممتع و ياريت صراحة تقوليلنا تجربج مع القصص الي قريتيها و شنو كانو و شنو رايج فيهم

 

[Little_Queen]

جربي كتب د.أحمد خالد توفيق ... و عبدالوهاب السيد


رح يعجبووونج و فيهم اسلوب و قصة و لغة حلوة و رح يشدونج وايد وايد


اقترح عليج تشترين " الابعاد المجهولة " الجزء الاول و الجزء الثاني .. لعبدالوهاب السيد ... اقريها و ادعيلي

و نسيت أقولج مشكووووووووووووووووووووووورة وايد وايد وايد عالتوقيع الروووووووووووعه مثلج

اسمج ايووع

 

[ناتشوو]

اهلا بجميع الدودات
كتب عائلة اوفقير قريتهم وفعلا تستغربين كل هالاشياء موجودة وتصير وبدولة عربية
شي مرعب
خاصة شعورها عقب ماطلعت من السجن واشلون تشوف التطور اللي حاصل
وجبات ماكدونالدز-السحب الآلي من البنك
انا قاريتها من فترة فناسية التفاصيل
بس انا شخصيا اثر النت على قراءاتي حيييييييييييييييييييييييييل
انا من كنت صغيرة من ايام مجلة سعد وماجد(ماجني شاريتها الاسبوع اللي طاف!!):tongue22:
كنت احب اقرا ومرينا بقصص جميع المغامرين تختخ وغيره وادهم صبري

وبسألكم
مامريتو بحالة ارق بسبة قصة؟
يعني انا في نوع من القصص اذا قريتها
يطلع الصبح واقول مادري انا نمت امس ولا لأ
احس بنوع من الحزن بلا سبب:080402ask_prv:
وهو النوع اللي اسميه قصص انسانية
مثل ثلاثية مستغانمي خاصة ذاكرة الجسد
وفي قصة يابانية اسمها المطبخ (بس طبعا مترجمة)

طبعا انا من عشاق رفعت اسماعيل لي اليوم

 

[Little_Queen]

اووووووووووووووووووووو ..


سالفة الارق بخصوص قصة .. وايد تصيرلي


مو بس أرق .. اكتئب صج .. و تصك فيني الدنيا .. خصوصا اذا كانت النهاية تعيسه و مو سعيده !


اظل احس انه .. ليش جذي ! حرااااام ... ليش ليش ليش الدنيا فيها مآسي !!!


عندي كتاب حدائق الملك ... بس ما قريته ليلحين بس شوقتوني أبتدي اقراه من باجر

 

[][ الميـــــــار ][]

شلون احط التوقيع !!
ليتل قريت وسميه تخرج من البحر تيننننننننننن عجيييييييييييبة و المراة والقظة تيننننن و عجيييبة وكل شي اصلن ودي ارد اقراها مره ثانية وقريت بعد فتحية تختار موتها هم حلووووووووه
والحين بتفرغ حق صمت الفراشات

انزين بنات من وين اقدر آخذ السجينة والغريبة و الثانية Gusha باي مكتبه ومشكوره اللي ترد

 

[][ الميـــــــار ][]

القطة **

 

[ناتشوو]

وسميه تخرج من البحر
اشكثر بجيييييييييييييت وانا اقراها
امبيه حالة كسيفة
جتني فترة قلت خلاص
مابي اقرا ولا راح اقرا

 

[][ الميـــــــار ][]

انا اصلن اليوم كان كله كئيب علي حسيت ما كو حب كلش
صج عجيبه وكل كلمه فيها معبره باحساس و مشاعر

 

[Little_Queen]

آآآآآآآآآآآآآآآآآآآآآخخخ يا صمت الفراشات


عاد الغريب انه على انه الرواية كويتية .. و كاتبه كويتية .. بس ما قريتها الا في مصر ...


كنت رايحة مكتبة الاسكندرية أحوس ... ولا أشوف بنتين يحليلهم مصريتين يدورونها .. خذو نسخه و انا خذيتلي نسخه بعد و قعدت أقراها


والله حسيت بفخر لما لقيت هالبنات يدورون رواية كويتية والله كان ودي انقز و اقولهم انا كويتييييييييييية انا انا .. انا من نفس ديرة الكاتبه .. انا انا !


بس اشوة اني ما سويتها ولا جان خرعتهم وعليا !


عاد تميت قاعده بالمكتبة اقراهاااااا هدوووء و مكتبه شحلاتها واسعه و تهبل ... بجيت على راحتي و خلصت و رديت الشقة


بس رح تعجبج وايد

 

[][ الميـــــــار ][]

اي انا متفرغة لها عشان اعبش الجو معاها انتي مو قارية الروايات الثانيين ؟

انزين بس يسالج شلون احط التوقيع اذا ما فيها كلافة يعني ؟ p :

 

[Little_Queen]

شوفي ... روحي على الصورة مالت الشعار ...

دوسي عليها بالرايت ماوس ..


و اختاري properities


بيطلعلج مربع .. فيه لينك ... مكتوب يمه ADDRESS (URL) هذا اهو الرابط مال الصورة .. سويله كوبي ..



بعدييين ...



روحي فوووووق كلش بالمنتدى .. بتلاقين اووول شي عاليمين " لوحة التحكم " ...


تفتحينها


بتطلعلج صفحة ...


شوفي عاليمين .. بتلاقين قائمة فيها كذا شغلة


روحي على

"تحرير التوقيع "



بينقلج صفحة ثانية ..


فيها مربع ابيض فاضي " نفس الي تكتبين فيه المواضيع ...




و فوق هالمربع الابيض اكو كذا آداه .. منهم أداة على شكل صوره جبل ... صح ؟؟؟


دوسي عليها ... و سوي PASTE حق اللينك مال الصورة داخل المستطيل الي بيطلعلج ..


و دوسي اوكي ..


و بعدين سوي حفظ التوقيع



سهاله ترى ادري قرقة وايد بس لما تسوينها بخطوات سهله حدها ..

 

[Little_Queen]

لا ما قريت الثانيين ...انا قاريتلها أكثر شي قصص

55 حكايا


بلا قيود دعوني أتكلم ( عن حياتها .. يهببببببل )

الحواجز السوداء


قصص قصيرة جدا


و صمت الفراشات


و قريت شوي من وردة الليل .. اول ديوان شعر لها

 

[أم منصـ 85 ـور]

لووووووول ذكرتيني بلقبي أيام الدراسه أخوي كان يسميني دودة الكتب من كثر ماكنت شاااااطره أم قليب هههههه

 

[Little_Queen]

هههههههههههههههههه


حياج الله ام منصور .. الله يخليلج منصوررر الصغنوووون يارب ...


لااا عاد احنا دودات كتب بمزاجنا مو كتب دراااسه !

عاد تصدقين ؟ للأسف ما أقرى كتب كليتي كثر ما اقرى كتب خارجية !

 

[*أم*خالد*]

انزين الكتب الباجيه ؟؟

لازم روايات ؟