مجلات عمرها 20 سنة + ضاق بها المكان = أفكاركم يا كويتيات

[أم ناصر البحرين]

20 سنة من عمري
من يومي كنت في الابتدائية

وللحين وانا موظفة

أقرأ وأجمع

مجلات ماجد

عندي أعداد رهيبة منهم

من حوالي شهرين وقفت ما اشتريها لسببين

السبب الأول: ما عندي وقت اقراها مثل قبل

والسبب الثاني: ما عندي مكان أحطهم

الأعداد القديمة مخصصة لها كبت كبير خاص في المطبخ

والحين أمي طالبة مني أشيل المجلات لأنها محتاجة للكبت

وأنا محتارة محتارة محتارة محتارة جداً جداً

شسوي فيهم؟

وين أوديهم؟

غاليين على قلبي وايد

خصوصاً الأعداد القديمة جداً

وفي ذات الوقت متضايقة من وجودهم ماعندي مكان أوديهم

فكرت أتبرع بهم لمكتبة أو لأحد لكن أخاف يجيني يوم وأندم

عطوني رايكم
لو أنتو في مكاني شــــــ تسووووووون؟​

 

[supermarket]

انا كنت مثلج من عشاق مجلة ماجد

بس اضطريت اشيلهم من الكبت لان الارضة غزتهم وخفت

ووزعتهم على عيالنا ( بالعايلة ) ... وطبعا للاسف يمكن ساعة بايدهم وتشققوا

بس مكره اخاك لابطل

 

[*دنــيـQ8 ــا الوله*]

اذا عالندم اكيـــــــد راح تندمين

بس حاولي تحتفظين بعدد قليل من هالمجلات ... وبعضها اهديهم للي تحسين ان هالمجلات تناسب عمرهم ويهتمون بالقراءه

 

[خليج***]

اتبرعي فيهم حق مكتبات المدارس,,مااعتقد يتندمين لان في احتمالي كبير الاطفال يقرونها ويستمتعون فيها بدال ماهمن محطوطين عندج ومحد يقراهم,,
واحتفظي بجم عدد غاليين عليج,,

 

[Hello_kitty]

والله هذي حبيبتي ثروه لا تفرطين فيهم كلش بعدين تتحسفين

احلى الذكريااااااات واحلى المجلات سقى الله ذيك الأياااااااااام

 

[حرة الحرائر]

أمووووووووووووووت بهالمجلة

اشتريهم منج

و أحتفظ فيهم ليما تلاقيلهم مكان أردهم لج

اشرايج

 

[أم ناصر البحرين]

انا كنت مثلج من عشاق مجلة ماجد

بس اضطريت اشيلهم من الكبت لان الارضة غزتهم وخفت

ووزعتهم على عيالنا ( بالعايلة ) ... وطبعا للاسف يمكن ساعة بايدهم وتشققوا

بس مكره اخاك لابطل

مشكورة حبيبتي على الرد
فيه كمن عدد راحو بسبة (اليهال) بالضبط نفس ما قلتي ​

 

[أم ناصر البحرين]

:eh_s(6):

اذا عالندم اكيـــــــد راح تندمين

بس حاولي تحتفظين بعدد قليل من هالمجلات ... وبعضها اهديهم للي تحسين ان هالمجلات تناسب عمرهم ويهتمون بالقراءه

مشكورة على الرد حبيبتي وأفكارج في بالي وأدرسها بيني وبين نفسي :eh_s(6):​

​

 

[أم ناصر البحرين]

اتبرعي فيهم حق مكتبات المدارس,,مااعتقد يتندمين لان في احتمالي كبير الاطفال يقرونها ويستمتعون فيها بدال ماهمن محطوطين عندج ومحد يقراهم,,
واحتفظي بجم عدد غاليين عليج,,

مكتبات المدارس ماظن ياخذونها
وكل الاعداد غالية على قلبي خصوصاً القديمة منها، ولو احتفظت بها ما كني سويت شي علشان جذية محتارة وايد ​

​

 

[أم ناصر البحرين]

والله هذي حبيبتي ثروه لا تفرطين فيهم كلش بعدين تتحسفين

احلى الذكريااااااات واحلى المجلات سقى الله ذيك الأياااااااااام

حرام عليج ردج عور قلبي
خوفي أردد معاج " سقى الله ذيج الأيام " ​

 

[أم ناصر البحرين]

أمووووووووووووووت بهالمجلة

اشتريهم منج

و أحتفظ فيهم ليما تلاقيلهم مكان أردهم لج

اشرايج

وووووي فديتج حلالج :dddds: بس عطيني حل شـــ يوصلهم لج؟ يبي لهم باخرة :dddds:​

​

 

[الحــــالمة]

لا تقطينهم راح تتحسفين

نفس حالتي بالضبط مكودة عندي روايات عبير واحلام

سوي نفسي فصلت خزانة كبيرة

وشالت كل رواياتي

اللي من عمري 14 وانا اجمع فيهم

عزيزين على قلبي ما اقدر اقطهم

ودايما اشيك عليهم وانظفهم

 

[أم ناصر البحرين]

لا تقطينهم راح تتحسفين

نفس حالتي بالضبط مكودة عندي روايات عبير واحلام

سوي نفسي فصلت خزانة كبيرة

وشالت كل رواياتي

اللي من عمري 14 وانا اجمع فيهم

عزيزين على قلبي ما اقدر اقطهم

ودايما اشيك عليهم وانظفهم

ما عندي مكان حتى للخزانة

مشكورة على الرد ​

​

 

[*&* المميزهـ *&*]

ما ادري حبوبه
بس دوري مكان ثاني واحتفظي فيهم اذا غالين عليج

 

[al-zabarjad]

إشتري صناديق كباار من الكرتون ينباعون بإيكيا
وصففيهم داخل الصندوق عقب تنظيفهم
وعشان تحافظين على المجلات من الأرضة نثري داخل الصناديق
مسمار مال الأكل ينقالة باللغة العربية (قرنفل)

مايسوي ريحة خايسة مثل الاسفنيك وتحافظ على المجلات من الحشرات

 

[أم ناصر البحرين]

إشتري صناديق كباار من الكرتون ينباعون بإيكيا
وصففيهم داخل الصندوق عقب تنظيفهم
وعشان تحافظين على المجلات من الأرضة نثري داخل الصناديق
مسمار مال الأكل ينقالة باللغة العربية (قرنفل)

مايسوي ريحة خايسة مثل الاسفنيك وتحافظ على المجلات من الحشرات

مشكورة فديتج
فكرة حلوة
وكأن الأحسن الصناديق البلاستيك
بس مشكلة المكاااااااااااااااان ...................
يبي لي أعيد ترتيب المطبخ والمخزن بكبرررررررررره

أشكرج ........ الفكرة يبي لها دراسة​

:gathering:

 

[kuwaitiyya-italiyya]

عندي لج حل عجيب..... عطيهم بنتي ٥ دقايق

:dddds:

 

[أم هـجـرس]

اشتريلج علب تخزين من ايكيا وحطيهم بطريقة مرتبه وخزنيهم عندج

 

[أم ناصر البحرين]

عندي لج حل عجيب..... عطيهم بنتي ٥ دقايق

:dddds:

ههههههههههههههههههههههههه فديتها الله يحفظها، وانا عندي خيرات ما شاء الله 4 لكن ..... الله يحفظهم
لكنه حل ممتااااااااااااااااااااااااااااااااز :ggdw:​

 

[ريم الخبر]

لا انا اللي عندي الحل العجيب ...شوفي وانا اختك :
ابوي من ايام الستينات كان يشتري مجلات العربي الكويتيه
وتجمعت عنده بالعشرات كانت شهريه ...في بداية التسعينات
جمعهم ووداهم للي يسون مجلدات رتبهم بتواريخهم وسوا منهم
تقريبا 5 او 6 مجلدات بس والله طلع التجليد فخم مره ..والى الحين
في مكتبته الله يطول بعمره ان شاء الله
اصحي تفرطين بهــ الثروه ...