رحلتي الى تايلند "" أكتوبر 2008 ""

[سياسية]

خوش تقرير..

متابعة

 

[mooomooo]

يالله كملي واللي يعافيج

تقريرج حلو والصور وااااااايد حلوة

 

[makhroosha]

متابععععععععععععه

 

[supermarket]

متااابعة

 

[أم الجوري]

الللله خوش تقرير
متابعينج

 

[نووووونا]

الصور روعه


كملى متااااابعينج ,,,

 

[دانه الهيرات]

متابعين يلا كملي

 

[منيرة خالد]

متابعينج // الصور حده عجيبه وروعه // ويا ليت تكتبين عن المشتريات والتكلفة بعد تدرين لازم الهدايا للخوات والحموله وشنو اللي يستاهل تشترينه من تايلند ويكون سعره ارخص من الديره ويصلح هديه

 

[Dress Me Up]

متابعينج // الصور حده عجيبه وروعه // ويا ليت تكتبين عن المشتريات والتكلفة بعد تدرين لازم الهدايا للخوات والحموله وشنو اللي يستاهل تشترينه من تايلند ويكون سعره ارخص من الديره ويصلح هديه

هلا أختي .. مصروفنا كامل 2000 دينار حق رحلة كانت لاسبوع تقريبا ،،
اما الصوايغ ,, والله اللي تلاقينه حلووووووو كل شي حلو انا بصراحة الصوايغ اهيا اللي هدت حيلي وضيعت وقتي .. وكلفتني الصوايغ ،، وشحنت جنطة الصوايغ بعد للديره عشان افتك من همها ,,,


وانا بصراحة ماكان عندي وقت للتسوق وايد كانوا بس يومين لأني كنت مسافره اغير جو واستانس مع ريلي ،، وريلي مايحب السوق ** تخيلي حتى حقي وحق عيالي ماشريت ولاشي **


وسامحوني على التأخير ** لأني طحت مريضه الاسبوع اللي الفات واليوم باذن الله في تقرير بكون جاهز ..​

 

[Dress Me Up]

مرحبا ** عزيزاتي

طبعا اليوم رحلتنا في بوكيت الى مجموعة من الأماكن وراح ابتديها **برحلة الرافتنج .. حدها الرحلة كانت ممتعه ..
.. طبعا انا كنت حدي خايفه من الموضوع خاصة انه الماي متروس صخر ،، وايد نتداعم مع باقي القروبات .. بس الله ستر علينا ومرت الرحلة بسلام وحدنا استانسنا ،، واخليكم مع الصور منقوله من النت طبعا كان التصوير مستحيل ,, بس اهم يصورونكم و يبيعون عليكم الصور + في دي في دي بس للاسف طلع دي في دي االلي عطونا اياه ،،،،، فاضي فدير بالكم خليهم يجربونه جدامكم لأنه الد في دي مو رخيص ب 8 دنانير ،، فلا يقصون عليكم ويصير فيكم مثل ماصار فينا ,,,
هذا طبعا كان وضعنا ،، وانا طبعا هديت المجداف فضلت اكون ضيفة شرف واستمتع وزوجي والقروب معانا شادين حليهم بالتجديف وانا عايشة حياتي بس ماسكة بهالحبل عشان ماطيح **





بعدين ودونا مكان يسمونه WATERFALL فيه شلال عشان يتسبحوون .. بعد ماصعدنا الصخور يالله وصلنا الشلال وكانوا اللي يتسبحون كان اتجاه الموج عكسي وكانو يحاولون يوصلون بصعوبة .. في بعضعم قدرو يتحدون الموج ،، يوصلون والبعض فشلووو ،، واكتفوا بالسباحة ,,,
هذي هني البحيره باتجاه الشلال



وهذا الشلال



وهني شوفو اللي قدور يوصلووون الشلال .. وصعدوو على الصخره



طبعا الشلال يمر بهالنهر الصغير ** شوفو شحلاته **





مناظر خلابه خلال الرحله ** سبحان الله خلقها **







وركبنا الباص متجهين الى مكان ثاني من الرحلة

​

 

[Dress Me Up]

واحنا بالباص طق المطر طق ** واي ياحلات مطرهم والله




وهني ودوونا مزرعة ،، قالوا لنا عن قصة ،، انقراض الفيله ،، كل سنه جم فيل ينقرض بسبة الصيادين ،، وانه الفيل تراث بلدهم ومابقى من مئات الأولوف الفيله الا مئات ،، وبعد جم سنه احتمال ينقرضون ،،
وقدموا لنا عرض الفيله ** شبيه بالعرض اللي حضرته بحديقة الحيوانات قبل **



وبعد العرض ** ركبونا الفيل ،، واي كنت حدي خايفه ** مو من الفيل خايف ادوس فوقه عشان اركب على الكرسي اللي حاطينه عليه حرام كسر خاطري ** وهذي صورة القروب اللي قبلنا **




وهني صورة سواق الفيل ** ياحليله




وهني هذا الماي اللي يمشي عليه الفيل وانتو فووقه **





وبعدها راح يركبونكم البقيات ** وانا ماركبت فضلت اني اتمشى بالمزرعة كانت حدها تشووق **




وبعد البقيات يركبونكم عربة الجاموووس وتتمشون حوالين المزرعة **

​

 

[Dress Me Up]

وهذي صور متنوعه من المزرعة **




















وبجذي انتهت رحلة اليوم وانتظروني برحلتي الجديدة ** واتمنى انـــكم اسمتمعتوووا ** ولا تحرموني من ردودكم على ما أجهز التقرير الجديد **



************​

 

[شمع تحترق]

الله شوقتيني للروحه بروحه زايغ قلبي على هناك بس ان شاء الله شهر 6 بروح

و اذا لج نية روحه مره ثانيه لا طوفج شنغ ماي احلى من بوكت و جوها اينن حتي بالصيف مو روبه مثل بوكت

 

[Dress Me Up]

الله شوقتيني للروحه بروحه زايغ قلبي على هناك بس ان شاء الله شهر 6 بروح

و اذا لج نية روحه مره ثانيه لا طوفج شنغ ماي احلى من بوكت و جوها اينن حتي بالصيف مو روبه مثل بوكت

اي والله ** ودي اروح شانغ ماي من ماسمع عنها ** ان شاء الله ** لي روحة لها باذن الله

 

[om MaRyooM]

خوش صور مشالله ..
يونس الموضوع .. وطبعا تايلند غني عن التعرييييف

ولو مهما الواحد يروحلها مايمل .. يصير فيج ادماان لوول ..
ويعطيج العافية

 

[أساور]

الحمدلله على السلامة



متااابعة

 

[@ دهن العود @]

تقريرج حلو والصور وااااااايد حلوة

متااابعة

 

[hello!]

تااااايلاند ذكريات شهر العسل حدها عجيييبه

كملي كملي حبيبتي

 

[طبيخه]

ماشاء الله المطر والجووو شكله عجيب عليكم بالعافيه الفال لى أن شاء الله يا رب​

 

[أحلى همبه كويتية]

غرررررررررررامي تايلند
ونيسة وجوها عجيب والرطوبة مو قوية
رطوبتنا تخنق اهم عادية مع مطر وساعات شمس وساعات غروب
رحت مرتين وهالسنة اللي ما كتب لنا الروحة مع انا كنا حاجزين بس ظروف
والحمد لله يمكن خيرة من الله

حجزنا من الحين حق شهر 7/2009
وهذه المرة الثالثة
بنزور بانكوك - بوكيت - شانغماي -كوسامواي
كل منطقة 5 أيام ما عدا بانكوك لها النصيب الأكبر بالروحة 3 أيام أول شي
وأخر شي يمكن اسبوع


يارب تكبت لنا الروحة


كملي ذكرتني باللي مضى