رحلتي الممتعة لبوكيت&كوالالمبور....حيااكمـ

[om MaRyooM]

الســلام عليكم ..

من جم شهر (بالصيييف) انحشنا انا وزوجي من جو الكويت الى أراضي تايلند الرووعة وماليزيا . .

تايلند أحبها مووووت وكل ماأروحلها أشتاق أردلها مرة ثانية ..

أما ماليزيا فكانت أول مرة أزورها .. هم وناسة بس في بعض الاشيا اللي تغث بشعبهم ..


المهم . .

حجزنا ع السيلانية ,,,, لأن ماكان في غيرها
كان ودنا القطرية لأنها صج تهبل وفخمة ..

ونصييييحة لحد يروووح السيلانية تلوووع الجبد

تخيلو أقول حق المظيفة(طبعا سنة على مايتني) أبي مااي .. تحقرني
جان أنادي المسئوول وقلتله لازم آخذ دوااي بسرعة أبي ماي وخدمتكم حدها x

هذا غير اريحة وقرقة السيلانيين لوووول ... مأساة

*ملاحظة: ترا الصور مغيرة حجمها وغيرت الquality شوي عشان ماتطول وتفتح معاكم ..

المووهم



وصلنا بانكوك بخير وسلامة
وكان الجو يهبل .. غير عن كل سنة ! قعدنا يوم واحد فيها

وكنا بفندق Radisson sas .. شحلااااته

وهذي كانت وجبة العشا .. من بعد عنااء أكل السيلانية لووول



المهم . .


ثاني يوم كان ورانا سفرة الى بوكيييييت ..
وقعدنا في الPatong بفندق ميلينيوم ..

[/URL][/IMG]

طبعا من داخل الفندق يوديكم على مدخل المجمع اللي فيه روبنسون وكشكات وكارفور ..
وانا طبعا كل يوووم مطيحة هناك من الصبح لوول



الحين هذي صورة الغرفة .. صج تينن
وخدمة الفندق عجييبة .. كل يوم يايبيلنا ككاو فرش وأحلى ريووق وعلطوول ع المسبح او السووق




وهذي الصورة من جهة ثانية من الغرفة ..




وهذي صورة المسبح ..
والمطل روووعة
وأحلى شي لما أتسبح وأطلب عصير الاناناس الفريش
ياسلاآام .. والله أحلى قعدة






الحين هالصورة من السوق اللي يم الفندق . .
يعني مايحتاي سيارة .. بس مشي ودقيقة الا انتي واصلة المطاعم والمجمعات والسوق




و عقب ماشبعنا جم يوم من السوق والريلااكس بالفندق
قررنا نحجز حق رحلاتهم .. بس مارحنا بي بي آيلند لأنها موحيييل تونس

قررنا نروح لمجموعة من الجزر اللي يم بعض نسيت اسمهم والله ومن ظمن البرامج في جزيرة القردة اللي ننزل ونوكلهم
وهمن الغوص وجذي ..

وهذي بعض الصور من الرحلة






هذي الجزيرة كثر ماأقوولكم روووعة شوية
الماي يهبببل صافي
والرمل جنه بودر من نعومته
قعدنا ساعتين فيها تسبحنا وكلينا اناناس ورحنا جزيرة ثانية ..










شوفوا شحلات المنظر .. تنسون كل هموم الدنيا
والجو يهبل وكان شوووية غيم ..

.....


احنا قعدنا ست ايام ببوكيت .. منها سوق ومنها رحلات
وهالمرة جربنا رحلة الATV اللي بالبقيات

امبي حدها لاتطوووفكم اذا رحتو،،بس ماتنفع الخوافين اللي مثلي
لأني سويت حق القروب فظييحة

تخيلو ان بانشي شكبره تركبينه بروحج ويدخلونج بنص الغابة وصعدة ونزلة ونهر ..
يماااا شي يخرع

بس ماقدرت أصور لأن أغراظنا كانت باللوكر ..


والحين ..
عقب جذي رحنا كوالالمبور ..


لاتروحون مكاااان ،،، بكمل الصور​

 

[om MaRyooM]

Kuala Lumpur



الحين وصلنا كوالالمبوور . . وهذي الصورة من الطيارة



قعدنا بفندق Legend وع الاسااااااس انه خمس نجوم
بس حتى نجمة والله مايستاهل

وماكان لي نفس أصور الغرفة ولا الفندق
تخيلو انه في زهيوية !!!!!

وعاد عقب ماطلعنا من الفندق ريلي قاللي انا شفت شكثر وذبّحت شكثر بس ماقتلج عشان لاتبحين علينا !!


هذا كوووم وكله كوم ثاني لما كنا بنام جان نسمع صوت جنه انفجار .. ندور ندور

ولا .. .. .. . . . . . ؟؟؟؟؟؟؟










ربع ديكور الحمام طايح !!!!!!!!!!!


نزلت الاستقبال وتهاوشت معاهم وقتلهم تردون الفلوس وبنروح فندق ثاني
ومارظوا طبعا ..

واضطرينا نتحمل ونقزر هال9 أيام ..


....


الحين ثاني يوم رحنا البرجين التوم Petronas twin tower







وهذذي من داخل البرجين .. مطل الحديقة اللي يسمونها بردانا



وبصراحة ماكان حيل يونس ومشوق نفس مايتكلمون عنه
يعني حلو حق التصوير وبس ..

بس أحلى شي المجمع اللي تحته .. suria KLCC
هذا وايد حلو ومطاعمه تينن . . وفيه فناتك


عقب ماخلصنا قررنا نروح مشي للأكواريوم .. شوي بعيد اهوا
بس وناسة

حيل حلو .. وهذي صورته من داخل




وبنفس اليوم بلليل رحنا السوق الصيني ..
بس فرق هالسوق وبظاعتهم واسعارهم عن تايلند ..
يعني احس كان مقصة لووول الاسعار على كيفهم ويخرعوون بس يخزون من فوق لتحت ويطالعون جناط الحريم
لووول مادري شكو



....

ثاني يوم .. كنا حاجزين لرحلة حق منتجع افاموسا


كانو وايد بتكلمون عنه وانه أكبر منتجع بشرق اسيا كلها..وفي وايد اشياء
حديقة الحيوان
مدينة مائية
مدينة الكاوبوي ...

وعاد صج كان حلو
بس عيبه الجو!! كان رطوبة وايد وكله مشي تعبت حيل

وهذي جم صورة من المنتجع







هني كانو مسوين عروض الحيوانات .. كان حلو ومشوق

بس أحلى شي كان بالليل . .
قامو يسوون كرنفال مادري شنو بمدينة الكاوبوي وحركات وجراقيات ..
كان وناسة والله ..

...




بكملـــ . . لاتروحووون​

 

[om MaRyooM]

Back
.....


بعد 3 ايام تقريبا من قعدتنا بكوالالمبور .. رحنا من الصبح الى سن واي تسبحنا شوي
واستانسنا ..
بس ماطولنا بس شوية ورحنا المجمع سن واي باراميد ..
صج حلووو ومطاعمهم حلوة..في مطاعم عربية (طبعا احلى شي مطعم الطربوش) اينن
ومحلاتهم ناايس ..


...


اليوم اللي وراه تقريبا رحنا جنتنغ Genting high-land
أكيد كلكم تعرفونها . .
مدينة ألعاب كاملة فوق السحاب

والجو فيها كان شوية براد .. وصار فيني فلو والحالة حالة
بس حددددها تونس ..
ورحتلها مرتين بنفس الاسبوع لأن حوها حلو ماتملل:ada:

هني بالطريج



وبهالصورة تلاحطون الغيم شلون ياي ع المدينة



أما هالصورة من داخل المدينة .. مغلقة اهيا وفيها محلات ومطاعم وكشكات وسينما



وبعدين رحنا مدينة الثلج ..
بس تصدقوون مقصه،،،طبعا ماخلونا ندخل الكاميرا بس انا زرقتها
وهالمكان حلو بس للتصوير

يعني مو نفس الاعلان اللي يحطونه ان فيها العاب وهالسوالف ! بس صورنا واستبردنا وطلعنا
لووول



...

بعدين عقب ماخلصنا رحلات واماكن بعيدة قلنا يه وقت الshopping طبعا:ggdw:

ورحنا مجمع ماينز mines اللي بنصه نهر
توقعت انه بايخ ... بس حيييل عجبني وفي كل شي بعد






وعقب ماخلصنا تسوق قلنا ناخذلنا ريلااكس بالبوت .. يفررنا البحيرة
وكان وناسة .. ومحد معانا بالبوت
وقلت حق السايق يخليني اسوق الطرد شوي .. وناااسة حده
وقحصت شوي بريلي .. اخترع بس كان مسوي نفسه خايف لايخلص الوقت ونوصل بسرعة اذا دست
لووول


...


ووووبســ .. سلامتكم ..
هذي الصور...
انشالله عجبتكم .. !!​

 

[Miss 3asal]

ناطرينج حبيبتى

 

[mooomooo]

حلو تقريرج ماشاء الله

خفيييف وماشاء االله كامل والكامل الله

وفندق بوكيييييييييييت عجيييييييب وانا اشفو الصور قبل لا اكمل التقرير طرشت حق ريلي مسج قتله بنسكن فيه لي رحنا بالصيف <--- للحين عندها امل

ههههههه

عاد انا رحت ماليزيا بس ماطولت بكوالامبور

الحمدلله على السلاامه ويعطيج العافيه حبوبه

 

[q.u.e.e.n]

مشكــــــــــــــــــــوره على التقرير العجيييييييييب وشوقتيني على بوكيت بس حبيت أسألج جم الليله أطلعت عليكم في فندق بوكيت ؟؟ وشكرا

 

[om MaRyooM]

مشكورييييييين حبايبي ع المرور .. والحمدلله انه عجبتكم الصور


*queen

هلا حبيبتي والله بالظبط مادري بس ماتعدى الخمسين او الستين دينار

والأفضل حق اللي يبون يحجزون فنادق تحجزون عقب الوصول لبوكيت .. لأن الحجز من الكويت ياخذون أكثر ترا

 

[زيـنـه]

الحمدلله على سلامتج و مشكوره على التقرير السريع للرحله

 

[om MaRyooM]

الله يسلمج . .




مشكورة ع المرور

 

[ام جسوماتي]

اول شي الحمد الله على سلامتكم وبعدين تقريرج روعه ماشا الله وعليكم بالعافيه

 

[ديمــــا]

الحمد لله على السلامه


ما شاء الله تصويرج يهبببببببببببببببببببببببل والصور تبارك الله واضحة


بس حسافة ما طولتوا بتايلند تراها خرافية



عليكم بالعافية

 

[om MaRyooM]

هلا والله ..
الله يسلمكم مشكورييين


*ديما*

اي والله خرافية وماينشبع منها .. بس لأن مو أول مرة زايرينها وقلنا نقسم الايام مابينها وبين ماليزيا . .

 

[مشتطة وبس]

عليج بالعافية....................حبيبتي......تقريرج ذرب وحلو...........ومختصر.....تصدقين انا نفس سفرتج بس مارحت بوكت رحت تايلند.......وهم جذي اول مرة اروح ماليزيا.............ومثلج ماعجبني البرجين سوقهم عادي........وهم المينرز اول مرة اشوف بحر رمادي والسوق حده بايخ ماعجبني عادي كلش...
.بس باسالج ( بما انج خوافة مثلي) الاكواريوم صج كل ماتنزلين ظلمة ويخرع؟؟؟؟؟؟؟؟وبعد طريج جنتنغ شلونه يقولون يخرع.......

 

[مشتطة وبس]

نسيت اضيف شي بعد..........السوق الصيني لاعت جبدي منه على قولتج يا ام مريوم .........تدرين واحد بغا يذبحني صج علشان شريت من رفيجه نعال وما خذيت منه بس ............ومو تقولون مكاسرته ومشيت ولا شي ......لا والله بس جذي الي بغا يموتني ...........صج يخرعون هناك بتايلند لا.........غير سمحين بصراحة............

 

[om MaRyooM]

^
^


والله على قولتهم التايلنديين سمحين ... يهبلوووون وخوافين بعد لووول
مو نفس ماليزيا يخرعووون
مو مريحة كلش صراحة ..


وبالنسبة للاكواريوم الي سألتي عنه بالعكس حلوو ومايخرع كلش .. وشكثر يهال هناك لووول يعني ماله داعي الخوف

بس جنتنغ صراحة اول مرة رحتلها تصروعت .. وزوجي بس ظحك علي لأن اول مرة يشوفني خايفة جذي

بس حلو الطريج . .

ومشكورة ع المرور حبيبتي

 

[أحلى همبه كويتية]

الميلينيوم في بوكت
اهل زوجي كانوا ماخذين الغرفة ب 30 دينار والحجز من الكويت بشهر 6 و 7

وبشهر 8 صارت الليلة 15 دينار

بس يقولون روعة لأنه جديد والمسبح كبيييييييييييييييير ويونس
عليج بالعافية

انا حاجزة حق شهر 7 ان شاء الله

 

[kaifyy]

بس بسألج فندق ليجيند بماليزيا ممكن اسمه بالانجليزي ؟ اهواا يماا موول بس مو وايد كبيير و يمه مونوريل القطار الصغير ؟ هذا اهوا
و اسمه ؟ legend hotel kuala lumpur ?

 

[om MaRyooM]

الميلينيوم في بوكت
اهل زوجي كانوا ماخذين الغرفة ب 30 دينار والحجز من الكويت بشهر 6 و 7

وبشهر 8 صارت الليلة 15 دينار

بس يقولون روعة لأنه جديد والمسبح كبيييييييييييييييير ويونس
عليج بالعافية

انا حاجزة حق شهر 7 ان شاء الله

والله زين رخيييص . .
بس صج حدا حلووووو ووايد شيك وهادي بعد


وانشالله تستانسين بسفرتج الياية

 

[om MaRyooM]

بس بسألج فندق ليجيند بماليزيا ممكن اسمه بالانجليزي ؟ اهواا يماا موول بس مو وايد كبيير و يمه مونوريل القطار الصغير ؟ هذا اهوا
و اسمه ؟ legend hotel kuala lumpur ?

هلا حبيبتي ..

اي اسمه Legend ولازق فيه مجمع the mall بس هالمجمع مو حيييل حلو .. يعني عادي

بس ماأنصحكم فيه والله .. :0bee2e8d89:


وثانكس ع المرور عزيزتي

 

[<<لمار>>]

عليكم بالعافية وشوقتينى عاد انا محتاجة انى اغير جو