استفسارات الليزر لازاله الشعر الزائد ( تم دمج المواضيع )

[مريوما الحلوه]

انا امس سويت بوشهري كلينك عند دكتوره هنديه حق تحت ب 55 وجلسه يايه بعد شهر ونص ب 50 ما يعور كلش بعد عشر ايام يطيح الشعر

 

[شواقه المطيري]

العفاسيه بنت عموووو طيبه مو بالفروانيه بصباح السالم أردى عياده دخلتها بحياتي...

 

[العفاسيه]

هلا شواقه اي بس فتحوا فرع بالفروانيه فوق حمرا مول

شسوي ابي عياده قريبه بالمنطقه الرابعه منو يدلني عليها

في المستوصف الاوربي بس خايفه اروح محد مدحه

 

[BlackRose]

انا سويت بالجهاز الضوئي مو ليزر

وايد مريح ومايعور

بس خاطري المرة اليايه اروح مستوصف معروف الطبي الكل يمدحه هناك

لان الجهاز الضوئي سويته بصالون عند وحدة صينية اهيا اصلا كانت دكتورة وصديقاتي مسوين عندها

وفعلا كلش كلش مايعور

والاندر أرم انا مسويته من شهر ونص وماطلع شي

بس هم اقول العيادة احسن

ماتعرفون عيادة عندهم الجهاز الضوئي؟؟؟؟؟؟؟؟

 

[نجوم الثريا]

العفاسيه عند الصالح كلينك بخيطان وزين

 

[احلى غلا]

هاي ما عليكم امر الي جربوا انا بخاطري بس يقولون الشعر يقوم يطلع داخل جسمج ويتعفن ويصير فيج ريحه صج؟احس من جذي خايفه ردو بليزززززززززززززززززززززززززززززززززززززز بسرعه

 

[donat]

هاي ما عليكم امر الي جربوا انا بخاطري بس يقولون الشعر يقوم يطلع داخل جسمج ويتعفن ويصير فيج ريحه صج؟احس من جذي خايفه ردو بليزززززززززززززززززززززززززززززززززززززز بسرعه

اختي لا يقصون عليج شنو هالكلام؟
اصلا الريحة تنقطع من اساسها لما تسويين ليزر لان الشعر و المسامات اهيا اللي تسوي ريحة.

 

[العفاسيه]

العفاسيه عند الصالح كلينك بخيطان وزين

نجوم مجربته انتي؟

 

[zgirtia]

ابي اسوي ليزر للمنطقه الحساسه بس ابي اسوي بروحي مابي اكشف عورتي لاحد
منو جربت واي عياده تنصحوني؟؟

 

[ام عبدالله الشمري]

مادري انا ناوية اسوى بس مترددة يمدحون د: فداء اردنية مستوصف الرعيل
والله مادري مترددة واييييييييييييد ولي سامع عن الدكتورة فداء ارجو الرد على

 

[ام عبدالله الشمري]

مادري بس سالي ورحى للعيادة جلدية احسن لج

 

[ام عبدالله الشمري]

راح اسوى عن غريب وراح افيدكم انشاءالله ادعولى وناوية اسوى عند مستوصف الرعيل يمدحون د: اردنية فدا يقولون وايد شاطرة وزحمة عندها الكورس 150 يتضمن 5 جلسات + 5 متابعة ويا الفتح ملف بس اذا تبين تشترين المخدر 15 دينار بروحة سعرة وانتى تحطينة
والله يشهد على ما اقول واذا شفت شي موزين للامانة راح اقولة لكم عقب ما اسوى الجلسة

وادعولى لان اعاني من الشيرة ولا احب الموس
ملاحظة : هذا سعر المنطقة الحساسة
وشكرا لكم لا تنسون تدعولي بالتوفيق امانة

 

[ام عبدالله الشمري]

انا انشاءالله بروح حق ياكو ابالو واستفسر وراح افيدكم انشاءالله لان انا ناوية اسوى بس محتارة للامانة بين ياكو ابالو وبين مستوصف الرعيل

 

[ام عبدالله الشمري]

الله كريم

 

[donat]

مادري انا ناوية اسوى بس مترددة يمدحون د: فداء اردنية مستوصف الرعيل
والله مادري مترددة واييييييييييييد ولي سامع عن الدكتورة فداء ارجو الرد على

شوفي حبيبتي اذا تقصدين فداء اللي كانت قبل تشتغل عند د.بوحمرة ترا اهيا زينه وشاطرة وايدها خفيفة انا كنت اسوي ويهي عندها لما كانت عند بوحمرة وبعدين طلعت منه ومادري وين راحت...
وين صاير مكانها؟

 

[boys are toys]

شلونكم يابنات ياحلووين :eh_s(6):
انا سويت ليزر عند ( ياكو ابولو ) بالسالميه بتاريخ 4-12-2008 يعني قبل شهر وجم يوم حق الايد كاملة والاباط والبكيني والريل كامله بصراحه وايد زين وكافي انج تفتكين من الشعـــــــــــــــــر انا شعري كان غابات لاني استخدم موس ومكينة بس الحمدلله الحين افتكيت.
اول ماتروحين يفتحون لج ملف اول مره ويدخلونج على طبيبه تسالج اساله وتسويلج كشف بسيط حق الاماكن الي بتسوينها عشان الحساسية وبعدين يسوونلج الليزر اول مارحت سوولي موس انا كنت مسويه بس في شعر شويه اهما شالوه كله واذا تبين مخدر ( املا ) يحطلون لج بس تدفعين له فلوس وبعدين تحط لج ثلج اذا كان يحرقج شويه واخر شي تدخلين على الدكتور تطمن ان كل شي اوكي ومافيج حساسية بعد الليزر وتكتبلج كريمات واحد تستخدمينه اول 3 ايام عشان الاحمرار يروح والكريم الثاني بعد 3 يوم حق الاباط والبكيني عشان يبيض المنطقة .
انا اول مرة دفعت كامل مع الصيدليه والملف تقريبا 180 او 178 نسيت بس راح ينزل قالولي من 2 او 3جالسه

وسلامتكم
ادري قرقت وايد بس حبيت افيد البنات وانا عن نفسي انصحكم فيه وانشالله راح اكمل معاهم
اي سؤال انا مستعدة :eh_s(6):

 

[moony77]

اشلونج حبوبة
جم جلسة الواحد يحتاج عشان الشعر يروح و180 سويتي فيها ايدج كلها وريولج كلها والبكيني كامل والاباط بجلسة 1

 

[donat]

وين صاير ياكو ابولو بالضبط

 

[ناتشوو]

رد: بييييييييييز إلي سوت ليييييييزر تدخل بليييييييييييز

هلا يا قلبي

لا تسمعين حق اللي يقولون

الليزر ماله اي اضرار يا قلبي ما له علاقه بداخل الجسم اهو ضوء يوصل لطبقة الجلد الادمه بس ما يروح اعمق

يعني الشغل كله على سطح البشره

النتيجه روعه

تفضلي هذا موضوع كامل عن الليزر :

ازالة الشعر غير المرغوب فيه بالليزر .. معلومات شاملة

وهذا موضوع تجارب البنات :

تجربه كل عضوه في الليزر فقط ( المشاركه في التجربه و ليس الاستفسار )

يعطيج العافية ع الروابط
ماتقصرين

 

[ناتشوو]

اوكي
مرحبا اول شي
انا سويت ليزر بالصايغ كلينك
حق كل ريولي
واندر ارم
وكل ايدي
والبكيني

طبعا النتايج واااو

وتقريبا كل منطقة بالجسم خذت مني من 5 الى 7 جلسات
بين كل جلسة وجلسة شهرين
تقريبا العملية كلها خذت مني سنه
بس النتايج
ما ادري شنو يعني شيره الحين
ولا مكاين ولا غيره
مفكره اسوي ويهي بعد
بس يقولون ما يسوى لان شعر الويه ووبر يعني خفيف الدكتوره نفسها نصحتني انسى الموضوع
الحين صارلي سنه موقفه ليزر لاني خلصت كل جلساتي
ولا فيني ولا شعره
ولا حتى المسام متسكر
انصحكم من قلب

الصايغ كلينك اللي بالمنقف؟
اشلون الاسعار
المعاملة
زحمة؟
مواعيد ولا من سبق لبق؟؟