شخصيتج من لون عيونج اسمج تاريخ ميلادج وسيارتج ؟!!!!!

[C'est La Vie]

قوة بنات شلونكم شخباركم؟
اليوم سؤالنا فرفوشيييي وتغيير جو :gathering:
السؤال يقوووووووووووول:
هل تصدقين تحليل الشخصية اللي هابين فيه هالايام
اللي يحلل شخصيتج من لون عيونج من اسمج من طريقة ضحكتج وغيرها وغيرها
هل تصدقونهم ولا تاخذونهم على ضحك؟؟
ميرسي وعساكم عالقوة :eh_s(8):

 

[فديتوني..q8]

آنآ عن نفسي لآ مآآصدق ولو آنهآ تصدف بعض آلمرآت يكون صح لكن مو ضروري يكون كل شي صح ؟؟

وبطلي ايميلج بسررعة ..

 

[صعب غلاها]

بالنسبه لي مرات اخذها على ضحك بس في بعض الاشيا اصدقهاا مرااات


يعني على حسب الموضوع اللي يفسر هاذي الشخصيات


وثاانكس حبوبه

 

[جوك احلى جو]

لا ما اعتقد تحليل الشخصيه يبيلها واحد دارس دراسه بحته

 

[شيومة العوضي]

ما اصدق

 

[a7la-dlo3a]

لا مااصدقهم

مرات يطلع صج بس لا مااصدقهم

ويسلموووووووووو على الموضوووووووع الحلووو

 

[se3loowa]

انا من ناحيتي ماصدق هالخرافات ويمكن بعض الاشياء تصدف لكن مو شرط كل مره يكون صح وآخذهم على ضحك وتسلي بس

 

[catwiti]

انا احب علم النفس وفي بعض التحلليلات تكون قائمة على دراسات من علماء نفس لان ماييبون كلام من عندهم لان هاذا مو تنجيم او تفلسف وصعب كل مره تصدق اذا كان تنجيم بس فغي بعض المواظيع الي يقول شخصيتج من اسمج اهو طبيعي ومعروف حتا لروسول عليه الصلاة والسلام قال بس ما اذكر الحديث بالظبط بس المعنى ان الانسان يأخذ صفات من اسمه والي يقول شخصيتج من لون عيونج احس هاذي مو دراسات دقيقه ما اهتم لها والي يقولون صفاتج من اول حرف باسمج يعني يابو كل هالحروف حرف حرف وقعدو يدرسوونها احس صج ملاقه ومالها معنى
بس في الي يعرف شخصيتج من اختيارج للاشكال واذكر حطو مره بالتلفزيون برنامج مع واحد اهو دكتور في علم النفس وكان حاط موضوع شخصية كل واحد من الشكل الهدنسي الي يختاره من بين الاشكال ويرتاحله وكاان بالظبط تطابق الصفات وتكلمو بهالموضوع يعني في اشياء ودراسات ماتكون مجرد تفلسف
وحته شخصية الواحد من برجه بعض البنات يقولون تنجييم ومايجووز اهي لانها داخله في موضوع الابراج بعض ابنات يقولون حرام لاكن اهو العكس عادي ومو حرام لانها دراسات مو تنبؤ بمستقبل ولا ادعاء علم غيب لانهم قبلها يكونون مسوين هالدراسات على مجمووعه من الناس ودارسين صفاتهم وهاذا علم وتلاحظون الي يقرون صفات ابراجهم انه الصفات تتطاااابق وجنهم يقولون هاذي انتييي وانا احب ادرس صفات الشخص من برجه لان اقرب شي يخليني افهم شلون طريقه تفكير الي اتعامل معاه وشلون يتصرف بالامور واشوفها تتطاابق وااايد تقريبا 90% منها يكون يطابق صفاتي
انا مع التحاليل الشخصيه لاكن مو كلها

 

[دلع السلاطين]

انا ماصدقهم بس فيه ساعات شغلات تكون صح موجوده بشخصيتج

 

[فجر الغلا]

في شي اسمه علم نفس الدكاتره النفسانيين اشلون ايعرفون إلي جدامهم إلا من طريقه كلامهم او تعابير ويهم
او في دكاتره يعطون مرضاهم قلم وورقه وبعد مايخلصون سوالف ياخذ الورقه ويحلل شخصيه المريض
هالسوالف اصدقها اما في شغلات مبالغ فيها مثل السياره من متى الواحد تنعرف شخصيته من السياره هذي
عاد حدها قويه او اللبس مرات الواحد اينوع بستايله وكل ما نوع اللستايل نعطيه شخصيه مو شرط بس الشغلات
إلي فيها علم انا اصدقها واغلب الاوقات اتصادف اذا لها تفسير بس خرابيط بدون تفسير ما تتصدق حتى من الياهل
ومشكووووووووره حبوبه على هالموضوع إلي طرحتيه وتقبلي مروري ا الغلا

 

[iTaLiyA]

الصراحه انا ما اصدق بهالاشياء نهائيا !!
ولا مره صدقت معاي كلش ..

 

[حبيبته آنا]

احس هالشغلات تافهه وكلها خرابيط ولو اني قبل(ايام بداية المراهقه) احيانا كنت اتسلى بهالسوالف بس الحين كلش ما احبهم احسهم مضيعة وقت + خرابيط

 

[english muffin]

هههههههههههه ضحكني العنوان
يحليلج

لا ما اصدق بس ساعات يطلع صج
احسه by chance

 

[MaZyOoOoNa]

اكيييد على ضحك بس ساعات تصدف معاي اشياء صح بس عادي ما اصدق يعني اقوول اووخ صدفه

 

[حور العيون]

ما اصدق بس اخذهاا ونااسه ولعب

 

[روح آلمشآعر]

طبعآ مآ آصدق !



،

 

[*مارلين_مونرو*]

ما اصدق بس احب هالاختبارات و التحليلات توننسس بس !! يسلمووو سي لافي عالموضووع احلوو

 

[(كويتيه عسل)]

انا مااؤمن فيهم بس للتسليه والوناسه

متى اصدقها واثق فيها لما تكون نتائج دراسات علمية مسويها ناس متخصصين في علم النفس والاجتماع

وتكون هالدراسات من جامعات ومؤسسات موثوق فيها

 

[الأمومه حياتي]

اممممممممممم مرات ومرات ... بس تلفت انتباهي وما اطوف وحده

يسلمووووووووووووو

 

[pretty sarona]

في ناس متخصصين ابهالشغله و يقدرون يتعرفون على الاشخاص اللي جدامهم من طريقة قعدتهم وكلامهم ونظرة عيونهم هذا علم ,, بس انا ما احب اتعمق وايد ابهالعلم لاني اخاف يتحول لي هوس وباجر ما راح اصدق اي احد جدامي ,, خليها عالفطرة احسن