ديوانية بيت العمر

[nono78]

مشكوره دوني حبيبتي

 

[اخت فروحه]

اهلين نونو

عندج بعد الفحام والغانم عندهم ابواب وكبتات وكل مايتعلق بالخشب شغلهم يهبل مريهم وشوفي صج شوي غالي بس جودة

دوني :

بنمر الخالد ونشوف
مشكورة عالمعلومات وانا الحمدلله سويت هالنظام اللي نفس الصورة صج ما كنت ادري شنو الاسم بس نفس الصورة في البيت
اقولج : انا كل شي ادخل عمري فيه بالبيت واشيك وأسأل عن كل شي بس سبحان الله الصحي مالي مقاقة عليه ولا احب اتدخل فيه ؟؟؟؟؟؟؟؟؟ مادري ليش ههههههه

 

[سنعه ومنعه]

أنا لكهربائى ألى ما فهمتة

 

[sara3]

واى انتوا فديتكم واللة يا حلوكم وياحلوا هاليمعة:dddds:

قاعدة اقرا الواجب اللى فات موهينين كم صفحة ويمى طاسة هيل وزعفران حلوة ورهش قضيت عليها اهى ومطارة القهوة

يا هلا فى كل البنات الجدد ويا حلات اسئلتكم لوكانت بسيطة وسمبل تراها عند بعض الاخوات كلش مو مهضومة واتفيدهم وايد

راجعة لكم وهذى حق كل وحدة فيكم:tek:

 

[اخت فروحه]

حياج الله سارة تو مانور المنتدى ودام فيها هيل وزعفران ورهش اكيد انتي بالكويت او ماخذتهم من الكويت لهناك

بالعافية مطرح مايسري يمري

 

[سافانا]

هلا والله سارون ,,,,
تو مانورت الديوانيه ’’’’

سرعة استجابتك للنداء سريعه ......

يالله عاد من طول الغيبات جاب الغنايم ,,,,,,

 

[DooNy]

العفو بنات
وسارا مكانج فاضي من غير شر ناطرين أفكارج وخبراتج

بالنسبه للبيت انا مدخله عمري بكل صغيره وكبيره حتى لو ما أعرف أتعلم بس ما أبين اني ميح

 

[سنعه ومنعه]

ههههههههه

خبرة تفتح العينين

مادام صرتوا خبراء قولولى شنو الجتابوند

الجتابوند هو عازل السطح يحطومة عشان السطح مايخر

محنت هيمين الوحدة فينا عن مقاول أقصد عشر

شعلومكم بعد

وحيالللة البنات

لايوفف

 

[سنعه ومنعه]

يحطومة ----- يحطونة

محنت هيمن ----- محنا هينين


خخخخخخ طلعتا لغة ثانية

 

[سنعه ومنعه]

تصبحون على خير

استاحشت قاعدة بروحى

بطفى الليتات شاو شاو

 

[sara3]

هلا والله بساره الغاليه وينج والله لج وحشه شخبارج

حياج الله سارة تو مانور المنتدى ودام فيها هيل وزعفران ورهش اكيد انتي بالكويت او ماخذتهم من الكويت لهناك

بالعافية مطرح مايسري يمري

هلا واللة اشلونك وشخبارك صاجة ما خذتهم من الكويت

هلا والله سارون ,,,,
تو مانورت الديوانيه ’’’’

سرعة استجابتك للنداء سريعه ......

يالله عاد من طول الغيبات جاب الغنايم ,,,,,,

هلا حبيبتى منورة فيك حبيبتى

العفو بنات
وسارا مكانج فاضي من غير شر ناطرين أفكارج وخبراتج

بالنسبه للبيت انا مدخله عمري بكل صغيره وكبيره حتى لو ما أعرف أتعلم بس ما أبين اني ميح

هلا حبيبتى اخبارك مرتاحة فى البيت استقريتى اهم شى يا قلبى

 

[sara3]

احم احم

اخبارى مع التشطيب العمل جارى وليس على قدم وساق ما ادرى ليش ميتة ودى اعرف شنو براس هالمقاول

يعنى اللى صار من شهر 9 ارضيات الصالات والغرف بالدور الارضى

المطبخ تركيب بورسلان فقط


ارضية السرداب تركبت بالاضافة الى ديكور السرداب خلص


الواجهة براويز الدرايش خلص والسيجما سووها وصبغوا بس البيس


غرفة الشغالة والغسيل والمخزن فوق جارى العمل يعنى لمن الحين السطح ما خلص

ياربى العمر يخلص والبنيان ما يخلص:0bee2e8d89::0bee2e8d89:

 

[sara3]

وهذا عن الكهرباء للاخت سنعة ومنعة

طبعا للمهندس الكويتى الشمرى من كتابة الجديد خطوة

اهم النقاط في تمديد شبكة الأنابيب البلاستيكية

--------------------------------------------------------------------------------

ويجب مراعاة النقاط التالية في مرحلة تمديد شبكة الأنابيب البلاستيكية ومرحلة سحب الأسلاك :

• يجب أن تكون ارتفاعات المفاتيح الخاصة بتشغيل الإنارة بحدود 145 سم من تشطيب الأرضيات بالغرف العادية و 120 سم في المطابخ.

• يجب أن تكون البلكات علي ارتفاع 45 سم من منسوب التشطيبات الأرضية.

• يفضل تمديد الأنابيب الكهربائية بالأسقف وعدم تمديدها أسفل أرضيات غرف المبنى.

• الحرص على عدم تمديد التمديدات الكهربائية أسفل أرضيات الحمامات والمطابخ.

• الحرص على أن يكون عدد بلكات الكهرباء التي تم تحديدها كافي لاستخدامات الغرف الموضوعة فيها.

• في مرحلة سحب الأسلاك يجب التأكد من عدم التوصيل بين الأسلاك (اللحام) داخل الأنابيب.

• يجب التأكد من قوة تحمل الأسلاك للأحمال الكهربائية المارة فيها.

• التأكد من توصيل السخان ووحدات التكييف المنفصلة إلى لوحات التوزيع الفرعية.

• التأكد من توصيل السخانات المركزية ووحدات التكييف المركزي والمصاعد إلى لوحة التوزيع الرئيسية مباشرة.

• يراعى في حالة وجود سندرة تحتوي على سخان أو وحدة تكييف منفصل بتركيب مفتاح تشغيل بجوار هذا السخان أو وحدة التكييف المنفصل.

• يتم استخدام أنابيب من الحديد المجلفن (Galvanized) في حالة كون الأعمال الكهربائية معرضة إلى العوامل الجوية ( الأنابيب الخارجية ).


منقوووووووول

 

[ام ورده]

صباح الخير حبايبي وهاردلك حق منتخبنا

 

[اخت فروحه]

مرحبا كويتيات :

سؤال : لما تروحون قسايمكم تشوفون حريم القسايم اللي يمكم ولا بس الرياييل ؟؟؟؟؟؟
انا انحرجت جدام الجيران بس انا المره اللي بفريجنا تمر الكل عرفني الحراس والمقاولين واللي يوصلون الطابوق والاسمنت والرمل وووووو
يمكن انا حيل مهتمة وفي شغلة ان دوامي قريب من القسيمة بس طبعا اروح بسيارتي ورلي يكون جدامي مو بروحي

 

[اخت فروحه]

باركولي واخيرا شفت لون بالبيت . ركبنا سيرميك واحد من الحمامات تكرمون عشان نشوف شغله
ولو ما رحت القسيمة بنص التركيب جان توهقت لان المعلم مو حاط الزنار مالقاه بين الاغراض او بالاصح ماعرفه مع انه موجود بالصور اللي معاه والريال ماعنده مشكلة
شفتوا شلون روحتي ضرورية للبيت ههههههه

 

[لاكـادوه]

مشكوره على المعلومات

 

[nono78]

اشلوننكم يا حلوااااااااات

وشخبار بيوتكم ان شاء الله كل شي تمام

سارونه وينهي ما تبين

واخت فروحه
عادي يا حبيبتي هذا بيتج اذا انتي ماتروحين تطلين فيه منو يروووووووووووح

اصلا وجود المره مع زوجها وايد مهم بالبيت لأن الله يسلمج الحريم ملاحظتهم اقوى

حق تصيد الأخطاء لوووووووووووول

انا من كثر ما اصيد ريلي تعب مني يقولي بس ماراح اخذج معاي لووووووول

عادي روحي واستمتعي وان شاء الله تسكنين البيت وانتي مرتاحه وتاكلين تفاحه

 

[رحيق]

آنا دايما أروح القسيمة . عاد آنا جيراني كلهم كانوا ساكنين . وبعدين الحريم أدق من الرياييل فيكشفون الاخطاء

 

[sara3]

اخت فروحة

ما فيها شى تروحين عادى ومثل ما قالت كسرة بخور احنا دقيقين اكثر


بس انتى خلى الشغلة واكتشاف الاخطاء تطلع من الريل مو كلة انتى علشان لا يقط الحمل عليك ويشترى راحتة


اتصدقين ياريت وكنت اتمنى ان مايكون لى دور فى البناية يعنى اخلى لة البنيان وانا التاثيث بس ما ضبط يالة احنا الاثنين

وهمن مغلوبين اللة كريم