ملتقى الأمهات - مدارس الخاص + فهرس المدارس الخاصهܓܨ@

[حلم الطفولة]

رد: ملتقي الامهات - مدارس خاصه

السلام عليكم ... شلونكم امهات ...

قطزه مبروك الاكتشاف اليديد مع ولدج ... وتروالي أبلة القرآن مثل ماقلتي دأه أديمه ..
آنا يبت للبنات محفظه بالبيت كانت تهبل ويحفظون معاها بسرعه مع انها عيووووز .. وبعدين يبت لهم وحده ثانيه ..
الله يهديها ضيعت أحسن سنوات للحفظ عندهم وصارو مايبون يحفظون .. وآناكنت حسبالي هم مأذينها بعدين اكتشفت انها ولا شي ..
قعدت معاهم سنه .. ماخلصت ( مراجعة جزء عم !!! ) ..

 

[* LOVE STORY *]

رد: ملتقي الامهات - مدارس خاصه

زين قطو1 الحمدلله
الله يهديه لج ان شاالله


امهات الله يعافيكم ابي طريقه أحبب فيها التلوين لولدي
قبل جم يوم قالت لي ابلته انه بالتلوين يشخبط فحاولي بالبيت تخلينه يرسم
شريت له كراسات والوان وخليته يختار اللي يبي
بس أحسها صارت مشكله
مااااايحب إلون
يمسكه دقيقه ولايلون بس يحدد الرسمه ويقووم
حاولت فيه بالطيب بالهداوه ماااكو فايده
امس شديت عليه وحسيت اشوي وأطلع من طوري
مابيه يكره التلوين ومسكة القلم
وباجر يكره الكتابه

خبرااتكم ياأمهات

 

[Miss_Tiger79]

رد: ملتقي الامهات - مدارس خاصه

سر القلوب

العفو حبيبتي ماسويت شي

قطوه
زين اشوه الحمدلله عيل العيب بالمدرسات ولدج
اكيد اهمه يعاقبونه وايد على بو انه شيطان بالمدرسه فمايحب المدرسه تفاهمي معاهم لازم

لف سنوري
عندنا وعندج خير انا كلهم ما يحبون التلوين رسمهم كله خرابيط ومرااااااات اشوف رسمه حلوه
مع اني غرامي الرسم

 

[ملكة بيتها]

رد: ملتقي الامهات - مدارس خاصه

لف ستوري جربي كل يوم تلونيني معاه منها هم تقعدين معاه وتسولفين وتراوينه طرق يديده بالتلوين مثلا الصوره يلونها كذا لون ورا بعض تصدقين بيستانس أنا بنتي كانت طلع اللون بره الحدود واليهال يعيبون عليها قمت إشتريت دفتر كبير للتلوين فيه قصه أقرالها القصه ونفرش بالأرض ونلون وآخذ رايها شنو تبين نلون نفنوفها شنو لون الشجر وشذي وايد قامت تحب تلون وتعلمت تلون وتستمتع .هذي تجربتي وإنشالله فدتج

 

[* LOVE STORY *]

رد: ملتقي الامهات - مدارس خاصه

لف ستوري جربي كل يوم تلونيني معاه منها هم تقعدين معاه وتسولفين وتراوينه طرق يديده بالتلوين مثلا الصوره يلونها كذا لون ورا بعض تصدقين بيستانس أنا بنتي كانت طلع اللون بره الحدود واليهال يعيبون عليها قمت إشتريت دفتر كبير للتلوين فيه قصه أقرالها القصه ونفرش بالأرض ونلون وآخذ رايها شنو تبين نلون نفنوفها شنو لون الشجر وشذي وايد قامت تحب تلون وتعلمت تلون وتستمتع .هذي تجربتي وإنشالله فدتج

حبيبتي والله ماقصرتي
بجرب طريقتج وان شاالله اتييب نتيجه ,,

 

[ReeMaN]

رد: ملتقي الامهات - مدارس خاصه

مرحبا بنات شخباركم ... انا امس سجلت ولدي في المدرسه العالميه وقالو نتصل فيج عشان موعد المقابله ومريت على الابداع قالت موعد التسجيل يوم 15_3 والله كريم

 

[حلم الطفولة]

رد: ملتقي الامهات - مدارس خاصه

ريمان .... الابداع روعه و راح يصير فيها السنه اليايه تغييرات ايجابيه ان شالله ...
يكفي النظام 100% امريكي .. واسلامي محافظ بنفس الوقت .. والله روعه .

 

[حلم الطفولة]

رد: ملتقي الامهات - مدارس خاصه

love story >>
عطيه نوت بوك صغير من الجمعيه .. بو امية فلس . .. ( المذكره الصغيره حيل .. ) .. ورسمي له بصفحه دائره صغيره قولي له لون داخلها .. ومره مربع ومره نجمه .
الاطفال الي مايحبون التلوين .. يملون من الرسمه الكبيره الي فيها تفاصيل ,, ويبون يفتكون فيشخبطون ..
بس انتني خلي دايما الرسمات بسيطه ومافيها زود تفاصيل وصغيره .. وبالتدريج من دائره ونجمه .. ليه بطه ..و سمجه .. الى ان توصلين معاه حق لوحة بشيطه .. مثلا مركب وبحر وشمس ..
بس أهم شي نكون صغيره وبسيطه ..
وخلي النوته دايما معاج بجنطتج وين ماتروحون وللا تزورون وللا حتى بطؤيج سياره عطيه يلون فيها ..
وأكو بعد من محلات ميه ميه .. ومن بعض مكتبات حولي .. دفاتر تلوين نفس المواصفات .. ورسماتها جاهزه ..
والله المستعان وان شالله يستفيد ...

 

[كويتيه ومطيريه]

رد: ملتقي الامهات - مدارس خاصه

مرحبا بنات تكفون ساعدوني انا تعبت من التفكير والحيره ولدي عمرة 3 سنين وخمس شهور ابي ادخله بس مو عارفه وين الزين حتى اهلي يحنون دخلي ولدج حرام عليج جذي الوقت راح وانتي تفكرين وين تدخلينه اي مدرسه ساعدوني بيني وبينكم فكرت ادخله المدرسه الباكستانيه الانجليزيه اللي بالفروانيه الللي يعرف عنها شي يساعدني لاني خايفه ولدي يدشها ويطلع يتكلم انجليزي علي هندي
طبعا انتو عارفين الهندي او الباكستاني اذا تكلم انجلش رطنته غير الانجليزي البحت وانا خايفه من جذي وعطوني اقتراحاتكم انا ودي ادخله مدرسه وحده للثانويه تكون كلها ممتازه بالاخص النطق والتربيه وقوه الشخصية والثقه النفسيه
ارجوكم ساعدوني لاني تعبت

 

[ReeMaN]

رد: ملتقي الامهات - مدارس خاصه

والله حلم الطفوله انا ودي بالابداع من كثر ماتكلمتو عنه شوقتونى فيه وبنات اخوى فيها وايد مستانسين على مدرستهم بس انا اخاف ان ماينقبل فيها من جذي بسجله باكثر من مدرسه و انشالله يقبلونه ادعولي

 

[كويتيه ومطيريه]

رد: ملتقي الامهات - مدارس خاصه

السلام عليكم
اللي عندها فكرة عن أفضل المدارس الباكستانية في محافظة الفروانية . تجاوبني ؟ ولدي في الصف الثامن( الباكستانية الأحمدي ) راح ننتقل
للمنطقة في الصيف فحابة أعرف عنها أي شيء . شلون المستوي الاكاديمي ؟متي يبدأ التسجيل ؟وكم أسعارهم ؟وشلون العطل مع الحكومة وإلا
لا؟

حبوبه بغيت اسألج شلون النطق عند عيالج بالانجليزي ؟ ممتاز؟ والا في شويه نطق باكستاني تعرفين الهنود او الباكستانيين اذا تكلمو انجليزي طريقتهم غير هندي علي انجليزي ارجو ان تفيديني بهالنقطه لاني خايفه ن هشي لا ناويه ادخله باكستانيه اللي بالفروانيه بس خايفه يدخل بلغه الانجليزي هندي اكي فاهمتني

 

[Miss_Tiger79]

رد: ملتقي الامهات - مدارس خاصه

كويتيه ومطيريه انا مادري جذي ما اح الباكستانيه احس قتل لمرحله الطفوله لانها كلها دراسه وما عندهم لعب كلش
واذا تبين مدارس اجنبيه اختاري النظام الامريكي احسن

وريمان صاجه الابداع وايد زينه بس انتي روحيلهم نص 2 يكون بادي التسجيل بكل المدارس الخاصه وانشالله ينقبل ولدج

 

[manarah]

رد: ملتقي الامهات - مدارس خاصه

Love story اذا بتحببينه بالتلوين والرسم خليها على لعب يعني لعبي انتي وياه وسوي مسابقه على نفس الرسمه بينج وبينه بجذي يستانس ويبي ينافسج وراح يلون عدل ..

كويتيه مطيريه انا أأيد النظام الامريكي لانه فيه دراسه وبنفس الوقت وناسه يعني الياهل يعيش سنه .. الباكستانيه اللي اعرفه عنهم دراسه بدراسه بس ماعندي فكره عن مستواهم .

 

[حلم الطفولة]

رد: ملتقي الامهات - مدارس خاصه

اي والله ريمان .. حني عليهم قبل التسجيل بشهر .. ظلي تتصلين وروحي بزيارات .. دعائنا لج وقلبنا معاج ..

 

[ReeMaN]

رد: ملتقي الامهات - مدارس خاصه

مشكووووورين مس تايقر وحلم الطفوله ..... مع انى رحت قبل امس رحت لهم وقالو بنص شهر 3 هم بروح لهم مره ثانيه وثالثه .... ياحافظ انتو صار معاكم جذي حق تسجيل عيالكم؟؟؟ تراكضون وراهم؟

 

[أم أسيل]

رد: ملتقي الامهات - مدارس خاصه

السلااااام علييييكم اشلووووونكم ؟؟
حبايبي انا احترت من كثر ما ادور مدارس طلع الشيييب برااااسي من كثر التفكييير هههههههه:gr4uu:
المهم ان شاء الله انكم تقدرووون اتفيدوووني
شنو الاحسن بين هالمدااارس

مدرسة اسرار القبندي ثنائية اللغة بالدسمه
او

مدرسة حولي الباكستانية الانجليزيه بحولي
او

مدرسة كيمبرج الانجليزية بحولي

وانتوا عااارفييين ان التسجيييل بدى في اغلب المدااارس ف ارجوووووا انكم اتساااعدووووني بقرب وقت عشااان

لايطوووفني التسجييل واكوووون ممنووونه لكم

 

[نـــــور]

رد: ملتقي الامهات - مدارس خاصه

انا ولدى بالمدرسة الباكستانية اللى بحولى زينة و مدرساته روعة حاليا مستواهم زين لان توه اولى روضة عندهم ما ادرى بعدين اشلون

 

[نـــــور]

رد: ملتقي الامهات - مدارس خاصه

ام اسيل ترى الباكستانية زينة ولدى فيها و اسرار القبندى ممتازة اذا تقدرين سجلى ولدج فيها

 

[أم أسيل]

رد: ملتقي الامهات - مدارس خاصه

مشكوره حبيبتي نـــــــــور يعطيج العافية بس حبيت اسأل اشلووون عن الواجباات صج اتهد الحيل وشنو المواد اللي يعطون ولدج اللحين وصج يطقوون اليهااال انا خايفه من هالشغله والله

 

[برونزية رشيقة]

رد: ملتقي الامهات - مدارس خاصه

السلام عليكم ... شلونكم امهات ...

قطزه مبروك الاكتشاف اليديد مع ولدج ... وتروالي أبلة القرآن مثل ماقلتي دأه أديمه ..
آنا يبت للبنات محفظه بالبيت كانت تهبل ويحفظون معاها بسرعه مع انها عيووووز .. وبعدين يبت لهم وحده ثانيه ..
الله يهديها ضيعت أحسن سنوات للحفظ عندهم وصارو مايبون يحفظون .. وآناكنت حسبالي هم مأذينها بعدين اكتشفت انها ولا شي ..
قعدت معاهم سنه .. ماخلصت ( مراجعة جزء عم !!! ) ..

هلا حبيبتي حلم الطفولة.. إي والله دئه ئديمة ما تعرف لليهال ... وبدون شخصية مسكينة حتى كلامها كلام فلاليح (( فلاحة )) وولدي مشوي كلمته عليها وما تعرف له وتنادي مشرفة الكي جي تعاقبه !!!! بللا هذي حالة .... وحتى التحفيظ لا ابتكار لا تحببهم بالقرآن .. شغل فلاحات