حملة قراءة سورة البقره كل يوم

[~q8ia~]

الكادي خطاج السوء و سلاماتها اختج

و تسلمين عالدعوه و لج بالمثل

و زمان و راح الله يهدي عيالج

و بنت المطيري اشتري الجهاز مال القران و شنو رقم تلفونج علشان اشوف لج البرنامج لانه عندي

=)

 

[ودي أتغير!!]

السلام عليكم .. شلونك عساكم بخير ..
انا ولله الحمدلله مستمرة بقرائتها .. وهذا اليوم 11 .. وان شاء الله بستمر بإذن الله

الله يحقق لكم كل شي تتمنونه خواتي

 

[~q8ia~]

ودي اتغير الله يتمم عليج حبوبه

=)

 

[رحاب]

و رحاب عسى ما شر ليش ما تقدرين ترجعين

والله ما أدري .. حاولت بس مو قادرة .. وقت وعندي .. رغبة وعندي .. بس ما أدري ​

 

[قصة صبا]

السلام عليكم بنات

اتمنى تقبولي معاكم

اليوم كان اول يوم لي في قراءة سورة البقره

و ان شاء الله ربي يتمم علي و اقراها كل يوم

 

[أم منصور]

السلام عليكم جميعا

اليوم جمعه لا تنسون قراءة سورة الكهف


جمعه مباركة​

 

[قصة صبا]

ام منصور

علينا و عليج يارب

بإذن الله ماراح ننسى

 

[رحاب]

السلام عليكم جميعا

اليوم جمعه لا تنسون قراءة سورة الكهف


جمعه مباركة​

وعليكم السلام ..

جزاج الله خير​

 

[شيخه***البنات]

عسل طبيعي : الحمدلله بخيير انتي شخبارج وشمسويه ان شاءالله تمام ؟؟

ام منصووور الغاليه ولهنا عليج .. جزاج الله خير على التذكير ..

 

[malak_alroo7]

جزاااكم الله خير الجزاااء على هذه الحمله بارك الله فيكم و جعلها في موازين اعمالكم
و انا الحين راح ابدا ان شاء الله و باذن الله استمر عليها قولو امييييييييييييييييين



سبحان الله و بحمده عدد خلقه و رضا نفسه وزنة عرشه و مداد كلامته

 

[malak_alroo7]

جزاااكم الله خير الجزاااء على هذه الحمله بارك الله فيكم و جعلها في موازين اعمالكم
و انا الحين راح ابدا ان شاء الله و باذن الله استمر عليها قولو امييييييييييييييييين



سبحان الله و بحمده عدد خلقه و رضا نفسه وزنة عرشه و مداد كلامته

 

[الكادي-83]

ام منصور شلونج ان شاء الله بخير


ومشكوره على التذكير

 

[~q8ia~]

الحمدلله قريت سورة الكهف ماكوا طقة اليوم لوول

و مشكورة ام منصور عالتذكير الله يذكرج بالشهادة يا رب

=)

 

[أحزااان]

السلاام عليييكم


حبيت اطلب منكنم راقيه ع شان اقراها اذاممكن..؟

 

[لوكريسيا]

السلام عليكم ..

شلوووووووووووونكم .. و شخباركم ؟؟ ولهت عليكم كلكم

انا ما قدرت اقراها هاليومين اللي طافوا .. و ان شاء الله برد ابدا من اليوم قرايتها بحيل الله

يبيلي طق مو بس زف

 

[UK_Girl]

الله بنات والله لكم ووحشة فديتكم
انا بس خل اخلص العادة لان جد راسي بينفجر مو بس بطني
واللي قاهرني اني مو لاقية برنامج قران حق تلفوني الجديد ال جي
انا ماحب امسك المصحف وانا طالعه جدام الناس ابي الشي يكون بيني وبين نفسي
اللي عندها برنامج حق تلفون ال جي تدلني عليه ومسشكورين

السلام
حبابه انا مثلج ماحب اوري الناس اني قاعده اقرا قران ..فعلشان جذي في أي مكان أروح له يكون دايما معاي في شنطتي اجزاء من القران المقسم كل جزء بروحه من 1 لغاية ال30..ولما أبي اقرا أحط الجزء اللي ابيه داخل دفتر صغير غلافه ساده وأطلعه وأقرأ ومحد يدري شنو قاعده اقرا بالضبط

وتلاقيني بكل مكان(ام النوته الورديه اللندنيه هههههه) اهيا دفتر مذكراتي الصغير واهيا داخلها قراني الكريم بنااااااات
الحمدلله بجذي الانسان يحفظ نفسه من الرياء والنفاق بحق واحد أحد ...ويتخلص من نظرات وعيون الناس سواءا كان حسد او فضول واستنكار بلا معنى خصوصا ممن يربطون اللبس والشكل باالاخلاق وبالروح الانسانيه (ولكم تو كويت)

ماشاءالله لا اله ألا الله محمد رسول الله.......صلوا على محمد بنات

 

[~q8ia~]

جزاج الله خير ukgirl

و الحمدلله مستمرة

=)

 

[أم سعود الشمري]

الله يعطيكم ألف عافية ويزاكم الله خير على هالحملة الطيبة عسى الله يجعلها في موازين أعمالكم ياااااااااااااااارب ويقدركم عليها ،،،
اللهم لك الحمد كما ينبغي لجلال وجهك وعظيم سلطانك ،،، آنه باديه فيها من زمان واستمريت 3 شهور وعقبها بديت أقطع مو كل يوم ،، سبحان الله مع لهية الدنيا ومشاغلها اللي ما تخلص ،،، بس أهم شي إن الواحد ما يقطعها ،،، بس لما شفت الحملة عزمت إني أقراها كل يوم بدون توقف والله يعينني ويعينكم أجمعييييييييييييييين:yaaaaaarb:

 

[باريس الخبر]

السلام عليكم ورحمه الله وبركاته
كيف الحال اخباركم جميعا
بنات الحمدلله بعون من الله باقي لي كم يوم واخلص اربعين يوم وانا فرحانه احس اني

انجزت بس انا افكراني استمر ايش رايكم واتمني انكم تدعولي الله يجزاكم خير الله يوفقكم كلكم

 

[وردة البنفسج]

بنات انا بديت بقرأتها بتاريخ 13\ 1 وقفت القرأه ايام الدوره وبعدها استمريت بالقرأه ولله الحمد
بس حبيت أسأل الاربعين يوم للقرأة سوره البقره لازم الايام تكون متواصله والا يجوز اتوقف عن القرأه بسبب عذري الوحيد الدوره الشهريه ؟؟؟؟؟؟؟؟؟؟؟؟؟؟؟؟؟