{ ...الدكتورة رشا الصفي تجيب على استفسارتكم ..} استضافة اسبوعية

[سكر بني]

مرحبا دكتوره يعطيج العافيه دكتوره مشكلتى مع ولدي عمره سنه وشهرين وهو مولود فى الشهر السابع وكان عنده مشكله اللحميه فما كان يرضع عدل المهم انى سويت له العمليه قبل شهر تقريبا الحين دكتوره انا اعطيه اكل غير الحليب لكن مو كل شي يتقبله احس انه مو مثل باقى الاطفال اقل شي ياكله يشرق فيه ويرجع اللي كلاه من قبل فصرت اخاف اعطيه اي شي مثل البسكوت او اذا احاول اعطيه الصبح توست مع لبنه هم نفس الشي فما ادرى شنو اسوي معاه يا ريت تساعدينى دكتوره ولج الاجر انشالله

 

[KOKO1]

السلام عليكم ورحمة اللة وبركاتة
يعطيج العافيه دكتوره انا ولدي عمره شهرين واسبوع كان حليبه اول شئ بيبيلاك وغيرته الي نفولاك لان سبب له امساك ومن غيرته وهو كله يبجي بطريقه غير طبيعيه وديته الطبيب وقال عنده الغازات مخليه بطنه مثل الطبله وغير الحليب لثالث نوع وهو السميلاك وعطاه دوا bonnisanودوا ثاني dentinox ولا نفع معاه ورد له الامساك ووديته لطبيب ثاتي وقال حليبه ممتاز وعطاني ملين لاكسولاك مره باليوم وديسفلتي نقط وقال شربيه ينسون مع سكر نبات وتحسن تحسن بسيط مع العلم انه طول الليل يبجي ويكسر الخاطر مايسكت الا اذا نومته علي بطنه
ويعطيج العافيع

 

[new mother 2008]

اول شي غلط تخلين البنت على كيفها انها ما تحب تمص

المص عاد فطرية في الأطفال

اذا المشكلة تحسينها موجودة و بشكل مستمر رايي انخ تاخذينها الدكتور يجيك على عضلات البلع عندها

الا طبعا اذا كانت متعودة عالرضاعة الطبيعية و غيرتيلها الى الصناعي فهذي يبيلها وقت و تتعود

بعدين لا تغيرين كل شوية الحلمة خليها تتعود على نوع واحد

و المفروض تشرب تقريبا 150 مل كل 4 مرات باليوم تزيد او تنقص حسب شهية الطفل

و الوجبات تكون وجيتين باليوم وقت الغدا و المغرب

و بالنسبة لشرب الحليب اذا ما تبي تمص حاولى بالعود المصاص تعلمينها او بالكوب

بس الرضاعة ضرورية جدا

الله يعطيكي العافية دكتورة و ربي يسعدك

دكتورة كيف يعني 150 مل حليب كل 4 ساعات أو 4 مرات باليوم
يعني خلال 12 ساعة = 4مرات حليب ( كل 4 ساعات مثلا : 9 ص / 1 م / 5 م / 9 م )
و بالنسبة للكاس جربته معاها بس لساها صغيرة ما بتعرفله و لا المصاص و حلمات البجون شوي قاسية يمكن بتعورها لما تمص و لهيك بسألك شو أحسن نوع حلمات طرية و ناعمة (د.براون-شيكو-مذركير-إيفنت-....) و شو احسن نوع مميات بلاستيك لان بنتي بتمي الممية و بتنكسر الممية الزجاج

و ممكن تعطيني جدول للوجبات و الحليب خلال 12 ساعة الله يرضى عليك
مثلا: 9 ص حليب / 11 ص فطور / 2 م حليب / 4 م غداء / 6 م حليب ....... و هكذا؟؟

و بعدين كيف اقدر افتح شهية بنتي للاكل و الحليب كتي تعبتني هالبنت مابدها تاكل و لا تشرب الحليب و وزنها قليل متل ما قلتلك سابقا ( هلا عمرها 6 اشهر و 3 اسابيع تقريبا و وزنها 5.800 قليل و شكلها ضعيفة ) يايت تساعديني دكتورة و انا اخدتها للمستوصف حتى اطمئن على وزنها و حكيت للدكتور و كان رده انه هاي طبيعة اطفال و بنتك طبيعتها هيك أكلتها قليلة و نومتها قليلة و متقطعة ( 2 ساعة بالليل / 4 خلال النهار / و هكذا)

الله يوفقك ياب و يرزقك بما تتمنين

 

[ســــراب]

مساء الخير دكتورة .. ومشكوره وعساج على القوه

انا مشكلتى بنتى عمرها تقريبا اربع شهور ونصف يعنى بعد اسبوعين تكمل الخامس ..
ومشكلتها يا دكتوره ماتشرب الحليب ما تكمل رضعتها انا اعطيها اربع ارقام حليب يعنى 120 حليب وماتشرب غير رقمين يعنى 60 مل
واعطيها الساعه 1 الظهر سيريال مكتوب عليه اربع شهور
وكله تبجى وضايق خلقها وتاخذ اي شئ تحكه بلثتها ما ادري هل ممكن تسنين او شنو بضبط ..؟

والله يادكتورة لو تقعد 3 ساعات بدون حليب عادى ولو عطيتها وغصبتها على حليبها تشرب شوى بس حليبها (سميلاك ادفس 1 )

وانا سمعت عن فبتامين (بيبى فيت) هل تنصحينى استعمله حق بنتى .. لان ابى فاتح شهيه وفيتامين حقها ..


وآسفه على الازعاج .. جزاك الله الف خير

 

[مشكاة]

سلام دكتورة يعطيج العافية حبيبتي

بنتي عمرها شهرين قبل يومين لاحظت عندها مثل الرضة تحت الثدي الايمن ولا زالت موجودة مع العلم انا الوحيدة اللي اعتني فيها يعني ماصار في اي نوع من الحوادث لا سمح الله

الرضة يابسة مثل العظم لونها ازرق فاتح اضغط عليها ماتئلمها هل هذا شي خطير

وشكراا

 

[gazalla]

دكتورة ولدي عمرة 22 يوم وكنت اول الأيام اعطية حليب سيميلاك بس وايد تعب منة وثقيل حيل على معدتة ودايما يرجع وامساك لين قالولي غيري الحليب وعطيتة حليب كيكوز 1 وايد امدحوا لي والحين خفت عندة الغازات والمغص والترجيع بس ليلحين امساك صار لة يومين ما ادري شسوي ، والدكتورة قبل فترة قالت لي انقع لة 15 حبة كشمش بكوب ماء حار مع ملعقة كبيرة سكر عادي واعطية منة كل يوم رضعة وحدة 3 ارقام صج اقدر اعطية ، وقالت لي ان السكر النبات موزين يسوي امساك صج هذا الكلام؟

 

[فيروزه]

السلام عيكم
متى اقدر اوكل ولدي روب
عمره 6 شهور؟
وبالنسبه للبيض والعسل سمعت انه البيبي ياكلهم لما يصير عمره سنه
صح المعلومه؟

 

[فيروزه]

عندي سؤال بعد
ولدي كمل 6 شهور ودي اغير حليبه
اهو يشرب نان
بس ضعيف ما متن
امدحو بروجرس شرايج فيه
وشنو انواع الحليب الزينه الي اتسمن البيبي
واذا في انواع اكل اتسمن
قالولي عن الحلبه بس خايفه اعطيهياه شرايج
ومشكووووووووووووره

 

[أم غايب]

دكتورة انا ولدي عمره اسبوعين و معاه نشله و خشمه مسكر و عكتني له الدكتور بخاخ ماي البحر بس ما فاد وياه في شي ثاني اقدر اسويله اياه و شرايج بنقاط التيخير ي تنقطين على مخة البيبي و تتبخر و يشمها و تبطل خشمه و مكونه من مواد طبيعيه نفس ماركة دوا الغازات جاز

 

[happysun]

السلام عليكم دكتوره انا ولدي عمره 7شهور يبته وزنه 3و700 والحين وزنة 8 احس انه وايد ضعيف اعطية بروميل وطوله 63سم واسويله اكل خاص بس مو مبين عليه . عيالي كلهم صحتهم واهم قده حلوة معني اييبهم اصغر 2و300و2و800 اواعطيه فيتامين يمكن يمتن ؟ شاكرتلك

 

[عيووون عليااا]

هلا دكتوره منورتنا حبيت اسالج ؟انا ولدي عمره 3 ونص ذبحه الامساك شسوي؟ وديته المستشفي ماكو فايده

 

[هيونه الكويت]

يعطيج العافيه دكتوره
انا بنتى عمرها11شهر وعندها كحه قويه ودتها دكتور قال بنتج متروس بلغم بعطيها كمام حطاها جرعه بسيطه لان انا ما احب الطفل يتعود عليه يومين مرتين باليوم مع شراب ودكتور ما عطانا تحميله بلغم قال ماله داعى وصارلها 5 ايام وانا ادهنها فوكس الاطفال واعطيها اعشاب ورق الجواف واحلى لها بالعسل
السؤال يا دكتوره؟ هل بنتى ممكن فيها ربو اسم الله عليها علما لا انا ولا ابوها فينا وهل ممكن بالمستقبل يصير فيها لا سمح الله؟ وشلون اتجنب هالشى
دكتوره بنيتى من ولدتها فى صوت خفيف بصدرها يروح ويرد وديتها طبيب واهى باول الاشهر قالو ما فيها شى اخاف لمن ولدتها ما نظفوها من البلغم؟ شتنصحينى اسفه على الاطاله

 

[new mother 2008]

مرحبا دكتورتنا الغالية , طولتي علينا دكتورة لعل المانع خير و الله يحفظك من كل شر

دكتورة سؤال تاني حابة أسأله بخصوص الحليب كم مل حليب يحتاجه الطفل خلال اليوم سواء من خلال الاكل المضاف له الحليب ( مثل منتجات مبلوبا تحضر الوجبة بإضافة الحليب و ليس الماء) أو من خلال الشرب
أنا بعاني معاناة كبيرة مع بنتي حتى تشرب الحليب و أحيانا والله تبقى اليوم كله من غير ولا رضعة حليب و إضطريت أسوي الوجبات بالحليب مثل ميلوبا الموز مع إضافة الحليب / تفاح مهروس مع إضافة الحليب / أرز بالتفاح مع إضافة الحليب ماركة ميلوبا و هكذا فهل هذا كافي ؟؟
كم ساعة المفروض الطفل ينامها خلال اليوم بعمر ال 6 اشهر
كما سبق و وضحت بنتي عمرها 6 أشهر و كم أسبوع و بعد كم يوم إنشالله بتدخل بالشهر السابع إن شاءالله
آسفة على كترت أسألتي بس البنت جننتني والله
:ssssso:

الله يسعدك يارب و يرضى عليكي دكتورة ياريت تطمنيني و تريحيني الله يسعدك

مشكورة مقدما

 

[د. رشــا الصفــي]

السلام عليكم شلونج دكتوره

بنتي كملت سبع شهور واهي الحين قاعده تسنن بس صارلها يمكن شهر واهي فيها اسهال (كرمكم الله )ناس يقولون لي عادي وناس يقولون لا وبس اعطيها موز او روب يصير معاها امساك جم يوم وبعدين يرد اسهال وانا اعطيها حليب اس 26 واوكلها اكل طبيعي

شنو الحل مه الاسهال ؟؟ او هذا شي طبيعي عشان الاسنان


والله يعطيج الف عافيه واسفه عالازعاج

طبيعي هالإسهال

لا تخافين منه

خصوصا اذا تخلله اوقات امساك

و الحل انج تعوضينها بالسوائل اذا كمية الخروج كبيرة و مثل الماي

بس اذا شي بسيط ما تحتاج شي

 

[د. رشــا الصفــي]

مشكوره دكتوره على ردج للبنات
عندي سؤال
ولدي بيكمل 6 شهور ومن ولدته واهو راسه حار
وجسمه من النوع الي بسرعه يحتر
لما الحفه بسرعه يعرق
سالت الدكتور بعد ولادته بفتره قالي عادي في اطفال جذي على طول راسهم حار
بس طول ولي متى ممكن يكون جذي وهل هذا طبيعي

سؤال الثاني ولدي على طول خدوده حمر وجافه مثل الحساسيه وتحكه
قالولي من الحليب
شلون اعرف اذا كان من الحليب او فيه حساسيه
لانه مرات يفرك عيونه واخاف تكون فيه حساسيه بعيونه بعد

بالنسبة للسؤال الأول

عادي في يهال راسهم على طول حار و يعرقون بسرعة
طبيعي و ماكو شي يخوف

و السؤال الثاني
اللي مع ولدج اكزيما
حطيله كريم الفاكورت لمدة 3 ايام 3 مرات باليوم و عقب لا تتركين الكريم المرطب ابدا
و اذا الحليب مو مسببله مشاكل لا تغيرينه ما يحتاج
و اذا تبين تعرفين اذا من الحليب ولا لأ عطيه نوع ثاني خالي من اللاكتور او مضاد التحسس و شوفي اذا بيفرق معاه ولا لأ

و عيونه طبيعي انه تحكه لأنه الجفون جلد مثلها مثل الخدود بس لما تحطين له الكريم لا يحوش عيونه ديري بالج

 

[د. رشــا الصفــي]

وعندي سؤال ثاني :: بنتي بس كملت خمس شهور قمت اسوي لها الفارليز مع الحليب بالرضعه بس انتي تقولين مو زين وبنتي ماتشرب حليب خالي حاولت معاها ؟؟

وممكن الفارليز احطه مع ماي واعطيها اياه بالرضعه ؟لان ماتاكل عدل بالقفشه تاكل شوي وبعدين تبي رضعه

ومشكوره

حبيبتي الفارليز توكلينها اياه مو تشربينها

و المشكلة انه الطفل اذا تعود على طعم الفارليز بالحليب ما يحب يشربه بدونه

و طبيعي تو الناس انها ما تاكل عدل بالقفشة

انتي حاولي معاها و راح تتعود ان شاء الله

 

[د. رشــا الصفــي]

يعطيج العافيه دكتوره ، ولدي عمره ثمان شهور وصارله من أمس اسهال وكل ماياكل يرجع عطيته حليب الإسهال بدون ماروح للطبيب، وكله يهز راسه هذي أعراض التسنين ؟؟ لثته حمره ومتفوخه وحطيتله جل حق الأسنان ،، شنو أعطيه ؟؟ المستوصف راح يصرفله ماي غريب ومضاد ويقول عطيه حليب حق الإسهال دايما هذا علاجهم ،،

اسفة اذا ري كان متأخر عليج

بس اذا يرجع الولد وديه الطبيب احسن

الاسهال بروحه ما يخوف

و اذا يهز راسه خل يفحصون اذونه اخاف ملتهبة و مسببة الاسهال و الترجيع

سلامته و ما يشوف شر

 

[د. رشــا الصفــي]

يعطيج العافيه دكتوره
انا بنتي عمرها 6 شهور وددي اعرف شنوعلامات التسنين ؟ لان صايره كله تحن وتفرك لثتها حيل
وبما ان التسنين يختلف من طفل لاخر فودي اعرف رايج في الجل مال الاسنان ومن اي عمر نقدر نعطي البيبي ؟؟ وجم مره ينحط
ومشكوره

اعراض التسنين تختلف من طفل لي الثاني طبعا

ممكن يطلع السن بدون ما ننتبه اساسا و نتفاجأ بالضرس يطق بالكوب او الملعقة

و ممكن الياهل يصخن خصوصا راسه بالليل يصير وايد حار

و لثته تورم و يسعبل وايد

و ممكن ما ياكل

و يبجي و يحن وايد اكثر من الطبيعي

و بعضهم يصير معاه نشلة و كحة او نزلة معوية

و جل الأسنان يريح الطفل وايد

و اذا يصيح وايد باللسيل ممكن 5 مل ادول مع جل الاسنان تريحه وايد و ينام مرتاح

 

[د. رشــا الصفــي]

مرحبا دكتوره يعطيج العافيه دكتوره مشكلتى مع ولدي عمره سنه وشهرين وهو مولود فى الشهر السابع وكان عنده مشكله اللحميه فما كان يرضع عدل المهم انى سويت له العمليه قبل شهر تقريبا الحين دكتوره انا اعطيه اكل غير الحليب لكن مو كل شي يتقبله احس انه مو مثل باقى الاطفال اقل شي ياكله يشرق فيه ويرجع اللي كلاه من قبل فصرت اخاف اعطيه اي شي مثل البسكوت او اذا احاول اعطيه الصبح توست مع لبنه هم نفس الشي فما ادرى شنو اسوي معاه يا ريت تساعدينى دكتوره ولج الاجر انشالله

ممكن تكون عنده عضلات البلع ضعيفة شوي

يبيلها مجرد وقت و تقوى و تنحل المشكلة بروحها

بس انتي وديه لدكتوره يفحصه و يطمنج عليه

و ما يشوف شر

 

[ام طلال]

السلام عليكم
عندي استفسارين لو سمحتي
1-بنتي عمرها شهرين صدرها كان تعبان وعطاني الدكتور بروسبان نقط لمده 5 ايام ومافيه تحسن واخذتها لعيادة خاصة وشفطت لها البلغم ولم تتحسن ايضا ودخلتها المستشفى وعطاها كمامين( اوترفن+فنتولين)و(بالمكورت) لمده 5 ايام بالاضافه لدواء كالسيد والى الان اسمع صوت في صدرها مالحل؟

2-ابني عمره 3 سنوات شهيته للاكل ضعيفه جدا ولايقبل الابشرب حليب الفراوله فقط وزنه 14كيلو هل وزنه مناسب ومالحل حتى يأكل؟

وجزاك الله خيرا على هالمجهود الذي تبذلينه