Loccitane << اي استفسار عن المنتجات + تجاربي و تجاربكم

[*باروكة شعـر*]

شريت الديودرنت باللوز مو طبيعييييييييي يهبل .. والاحلى انه مايسمر .. يفتح .. خلصت منه 2 لووول
وبشتري الـ 3

وشريت منهم زبدة الشيا فضيييعه لاتطوفكم بنات .. ترطيب مركز .. صج زبده .. احطها بوقت ماكون فاضيه ..

على ويهي وايدي وريولي .. نعومه وصفاء .. واحطها ساعات على شفايفي ..تخليهم قطنه لينه واذا حطيت وراها الحمرا

تصير شكل شفايفي تهبل .. شلون اقولكم اممم الحمرا تسيح بشفايفي والله يابنات .. تشققات مافيه كلللللش ..

اذا ماتبون الحجم الكبير حق الجسم والويه اخذو الصغير حق الشفايف بس ..

وعجبني عندهم منتجات الخزامي ريحتهم مو طبييييييييعه بس غاااااالين ماقدرت اشتريهم .. آجلتهم المره اليايه لووول

ووووو شنو بعد شريت منهم امممم

شريت كريم الخزامي لليد ترطيب وللاسترخاء صج ريحته حلوه بس غالي ومافيه زود ..
وشريت مرطب الخاص للشفايف على شكل حمرا هذا فضييييييييع افضل مرطب شفايف مر علي ..
تقول اللي تبيع نفس زبدة الشيا بس هذا خاص للشفايف .. وصرت استعمل كل يوم وبكل حزه بس خلصت
وماقدرت اشتري استعملت زبدة الشيا العاديه ع الشفايف وطلعت نفس مستواها روووعه ..

وذا شريت شي يديد منهم وجربته بقولكم << تعشق هالمحل .. وتحاول ماتروح له << تتخسر ههههههههه

 

[*باروكة شعـر*]

نوتي حبيبتي

انا بروح اشري منهم بعد جم يوم .. ابي اسألج قبل لا اروح .. لان اللي تشتغل هناك ما افهم لها لووووووووووول
كل شي عندها زين وتبي تشيلني المحل كله وانا ماصدق خبر هههه
ابي شي محدد واطلع << ماتقاوم

ابي احسن مرطب للويه .. ( بشرتي عاديه )
شنو آخذ ؟

فديتج مشكوره مقدماً

 

[SweeT D!vA]

يعطيييج العاااااااااافية صج صج استفدت من شرحج لأن رحتله مره وحده وما عرفت شاخذ بس من موضوعج خذيت فكره

 

[الفزاعة]

الحين امنزلين من كريم الشيا باكثر من ريحة.. امس مارتهم
ليمتد ايدشن بس هم شريت العادي
تسلمين نوتي عالموضوع

 

[عسولة ودلوعة]

ما شاء الله عليج
كأني في المحل نفسه
تبارك الرحمن

 

[noty]

روح ولهــانه

العفوووو يا قلبي


*باروكة شعـر*

علييييج بالف عاافيه يا قلبي

المرطب الحلوو الصراحه و شريت منه مرتين من لاين almond

و عندج بعد بيوثيرم نفس الوكيل تبع بعض عندهم بعد مرطب عجييب
نزلت عنه موضوع صج وااو
http://q8yat.net/showthread.php?t=250184


SweeT D!vA

الله يعاافيج يا قلبي
حيااج الله

الفزاعة

الله اسلمج يا قلبي انتي
و مشكورره على الخبريه حبيبتي


عسولة ودلوعة

يا قلبي انتي تسلمين

 

[*باروكة شعـر*]

اي عرفته قبل ماخذه منه كريم لاستدارة الويه يهبببل يهبللل مع حمايه لونه ابيض ..

ذكرتيني فيه الله يذكرج بالشهاده ..

بروح اشتري منه ..


فدييييتج مشكوووووووووووووووووووووووره

 

[Marka Store]

مشكورة،، لي روحة انشالله عالمعاش الياي

 

[فديت عيوني]

 

[Betty]

تسلمين نوتي دايما مواضيعج متميزه

 

[حلا الكوون]

مشكوووووووره

 

[حبنا الله عليه]

مواضيعج فللله

وتسلمين على هالجهد يا الغاليه


:tek:


​

 

[العصيمية]

نوتي والله كل مادش المحل احتار ..شتنصحيني فيه اكثر شي
خاطري بشي عنايه للعين ..انا مافيني سواد الحمدلله بس ابي اعتني فيها
وسنفره ابي سنفره حلوة وقويه وابي مرطب للجسم بعد السبوح نفس البيبي اويل بس ترطيب اقوى؟
وابي ديودرنت ؟...
احترت والله .. وكل ما اروح له اقول ياليتج يانوتي موجوده ..
شتنصحيني فيه .. وشلون صابونهم حلو ولاعادي

 

[mi corazon]

شوقتوني بنوتات

بس بالنسبة للشعر

اللي مسويه كيراتين ينفع استخدم شامبوهات او كريمات عليه؟

 

[noty]

*باروكة شعـر*
يا قلبي الساعه لمباركه
حيااج الله يا الغاليه

Marka Store
العفوو ,, باذن الله

فديت عيوني
العفوو حبيبتي

Betty
تسلمين يا قلبي كلج ذووق

حلا الكوون
العفوو

حبنا الله عليه
الله يا سلمج يا قلبي
كلج ذووق :*

 

[noty]

العصيمية

نوتي والله كل مادش المحل احتار ..شتنصحيني فيه اكثر شي
هلا و غلا يا قلبي
اي اهو بالفعل احيير يا قلبي لانه واايد اغراض
بس لازم تعرفين بالاساس انتي شنو المشكله اللي عندج عشان شوي شوي تتسهل عليج

خاطري بشي عنايه للعين ..انا مافيني سواد الحمدلله بس ابي اعتني فيها
الحمدالله انه مافي سواد الله يتمم عليج اذا مافي سواد مافي اي مشكله
في عندهم لاين يكون ضد التجاعيد ( كريم للنهار + سيرام لليل + مزيل الميكاب ) << وايد حلوين
و في عندهم كريم زيت الزيتون << هذا عادي حق الحالات البسيطه جدا
و اذا تبين من ماركات ثانيه في وايد ماركات حلووه بعد

وسنفره ابي سنفره حلوة وقويه وابي مرطب للجسم بعد السبوح نفس البيبي اويل بس ترطيب اقوى؟
السنفره اتحبينها خشنه << سنفرة الليمون و العسل
اذا تحبينه ناعمه << اللوز و ريحتها احلى من الليمون و العسل
المرطب اخذي الله اسلمج زيت احسن وايد ينعم و بعده حطي الكريم << اللوز الاويل و الكريم رووووووعه
يعني تحطين الاويل و بعدين الكريم اسمونه حليب صج ريحه و نعومه
وعندج بعد لاين العنب عجييب ريحتهم اتيينن بعد بس هذا خاص بالسولاليت

وابي ديودرنت ؟...
شوفي قلبي الديودرنت انا احبه بس في ناس ما تحبه يعتمد على طبيعه الجسم
يعني احنه خوات و اختي كلش ما عجبها و اختي الثانيه ما تستغنى عنه
عندج ديودرنت وايد حلوو واايد من بيوثيرم عجييب و ضد التعرق اهو و ريحته فرش
وفي منه انواع ايي على رول و على ستيك و كريمي << نزلت موضوع عنه
لانه تدرين طبيعة الجسم تلعب دور اهني ,, انا جربت اشكثر وووي حتى من بره وصييييت
مابقى ماركه ما جربت بس اللي من صج دشوا مزاجي و شريت منه كذا مره اهو لوكسيتان
بس لابد من التغيير لانه الجسم يتعود عليه و عيزت اجرب ما لقيت الا بيوثيرم اللي قايشه
يعني رفيجتي اتموت على بودي شوب الابيض << جربته كلش ما حبيته
احتي اتحب سيكريت اللي بسلطان اللي يكون كريمي << حلوو بس احسه يسوي طبقه على اليلد
بيوتي شوب << حلوو انصحتني فيه قمه النعومه و الانوثه بس هم مو نفس اللي في بالي


احترت والله .. وكل ما اروح له اقول ياليتج يانوتي موجوده ..
تامرين عاد اليوم انا هناك لو ادري جان مريتج

شتنصحيني فيه .. وشلون صابونهم حلو ولاعادي
انا صابون ما استخدم كلش
كله شور جل او اويل جل
ما حب الصابون
جربت صابون بس من لاش اللي ببلازا السالميه واايد حلوو

و اي شي ثاني انا حاضر يا قلبي

 

[حبوبة الجميع]

ماشاءالله موضوع رااائع ومجهوودج ارووعه

تسلمين يالغلا


بس حاابه ااخذ رأيج انا ابي كرييم مرطب للجسم ابي جسمي يصير زبببده من النعومه شنو تنصحيني اااخذ ؟

 

[Killer^Girl]

يعطيج العافيه وضحتي كل المنتجات
انا جربت بس الكريم المرطب للجسم الحائز على افضل جائزة
حق بطني لما كنت حامل

 

[ام عوض]

رووووووعة ..اموت على منتجاتهم ..

 

[M a y a]

السلام عليكم

المحل بصراحة رووعة يفتر راسي داخل هههههههههههههه

عندهم بعد رغوة صابونية brighting

حدها روووعة ما استغني عنها