التجمع الثاني .. مسافرات امريكا 2009 ... حياكم

[فلونة احلى وردة]

يا حليلج يا بياض الثلج
علميني كل ما كتبت عند اكسبيديا مطار الكويت
ما يقبل
تلا تغيرين
شنو مو معترف فيعا ولا شغلي غلط
اكتب وجهة واحدة من الكويت
الى فلوريدا ولا شلون؟؟؟؟؟؟؟؟؟

 

[rawona]

صباح الخير

شلوونكم


انا معاكم هل سنه بأذن الله


بس للحين ماحجزنا شي ولاحتى سوينا الفيز

ومفكرين نسافر اول 7

على خير انشالله .. باشروا باجراءات الفيزا من الحين نصيحه ..​

وانا انشالله على شهر 11
بس بنات نصحوني شنو احسن مناطق حق الدراسة مابي مناطق ممله مرة وحدة ابي شي في اكشن في مناظر و سعره حلوووو
ماني قادرة اقرر اي ولاية اروح لاني ابي اقعد 8 شهور متواصله ابي شي حلووو
help please

شوفي بالنسبه لي انصحج بولايات هاديه افضل للدراسه واذا على الوناسه تقدرين تروحين بالعطل او نهايات الاسبوع المكان اللي تبيه

عندج دنفر /كولارادو

هيوستن/ تكساس

لويزيانا

كنتاكي

فرجينيا او وست فرجيتيا

ميتشغن بس بارده حيل بالشتا وسنو نفس كولارادو

شيكاغو حلوه بعد وونيسه

موفقه

​

شصار على الدولار؟؟؟



نزل ولا؟؟؟


في امل ولالالا

الاخبار عند اشراقه انشالله خير ​

ابيه صور الفنادق عجيبه مو صج !!

جم اسعار الغرف

يعتمد حبوبه على السيزون من 60 دينار بالليله الى 130 بالليله وعلى حسب نوع الغرفه السويتات اغلى طبعا ممكن توصل الى 300 دينار بالليله على حسب


كاااااااااااااااااااااااااااااااااااااااااااااات


مبرووووووووووووووووووووووووووووووووووووك يالله الفال للسفره انشالله

​

هااااااااااااااااااااااااااااااااااااي
شلووونكم شخبااركم
انا اليوم بعد رحت السفاره الحمدالله تساهيل وماسألونا ولا شي بس بصمتني ولاني رايحه قبل ماسألو اعتقد وريلي عنده فيزا
بس كانت قاعه الانتضار وايد زحمه

وكل ماشفت وحده اقول ياربي مادري هذي كاتي ولا لاء :gr4uu:
المهم قالت لنا you will recive your passport within 2 days :eh_s(9):

وجان :ada: انا وريلي بره وطلعنا الى مكتب الdhl

والله كريم


روووووونا شخبااارج

جالكسي شخبااارج

واشراقه حيااه شعلووومج

واللي ماذكرتها
هم شخباااارج

:s142:

مبروووووووووووووك بياض ..

انتي شلونج؟؟ كلنا ok اهني ناطرين نزلة الدولار لول​

بنات انا وخيتكم
وودي وبخاطري ارروح ديزني وريلي الحمد لله وافق
بس قالي شيكي على الميزانية
لاني بتحمل النصيب الاكبر من المصاريف للبادي قارد مالي
المهم ابي اروح مدة اسبوع بس ابي ديزني فلوريدا وخاطري فيها بس الجو من كلامكم رطوبة وحر؟؟
شنو الشهر المناسب وخصوصا اني مو مستعيلة من الصيف لي شهر 11 فاضية
وابي مخطط رحلة ونيس لي ولعيالي الصغار 4 و5 سنين ونص وعندي بيبي بيصير على وقت السفر عمرة سنة ونص
شرايكم اخذة؟؟؟ زوجي ما يبيه وانا بيكسر خاطري بيت اهلي ضيقة خلق وما كو يهال
المهم
ابي ارخص واوثق واامن طيران ودايركت او ترانزيت وارخص سويت
وابي ومشتهية كروز ديزني تهقون جم يكلف؟؟؟ شفت بالموقع طلع بالفين
بس ماني عارفة مع السكن والاكل ولا بدونه
وشرايكم شنو الولايات الاحلى وقريبة من ديزني فلوريدا
وشنو الاحلى ديزني فلوريدا ولا كاليفورنيا ابي الارخص والاونس
لان من كلامكم كاليفورنيا غالية
ابي اصرف على راحتي مو حده حده
تكفون ما عرفت احدد التكاليف واحجز على اليونايتد
شنو اسوي ومتى اعمل الفيز
اذا كنت ناوية اسافر اخر الصيف او بشهر 9
وما ابي اطول
وشنو احسن سفريات مضمونة اسالهم بس مو احجز لااني ناوية احجز بالنت

حبوبه مشكلتج ان وقتج صغير وميزانيتج محدوده!!

ودي اساعدج بس صعبه تبين تروحين امركيا 10 ايام وايد شويه الكروز بروحه اقل شي 4 ايام ويومين سفر ماتكفي 4 ايام حق ديزني واليونيفيرسال والسي وورلد والسوق!! انتي قوليلي شلون؟؟ :eh_s(20):
​

هلا رونا شخبارج
بغيت اسالج جم تبعد لاس فيغاس عن لوس انجلوس
وجم تبعد سان فرانسسيكو عن لوس انجلوس
ومافكرتي تروحين سانت دييغو ترى حيل يمدحونها مرة اخوي راحت لها العام تقول تهبل منطقه حيل راقيه ؟

هلا والله

شوفي من لوس انجلوس لين لاس فيغاس 4 ساعات

ومن سان فرانسيسكو لين لوس انجلوس 6 ساعات ونص او اقل شوي


بالنسبه لسان دييغو اكيد انشالله باروحلها انا ماذكرتها لاني ماراح استقر فيها تبعد عن مكانا انشالله ساعه ونص اروح وارد منها بنفس اليوم
​

 

[rawona]

ونسيت اقولج يقولون سانت دييغو فيها بعد كروز
ويقولون فيها سي ورلد وفيها اكبر حديقة حيوانات بالعالم ومطاعم ومولات على البحر شرايج هذا الي سمعته
وتبعد عن لوس انجلوس ساعه ونص

اي عدل وانشالله باروحلهم بس من غير مااحجز فندق اهناك لان ماتسوى ​

يا بعد قلبي يا بياض الثلج خلاص
والله بعد كلامج قنعني على اورلاندو
صارلي يومين اشوف اصورها واحلم فيها
بس شلون على زوجي مو جرئ ها اخليه يسوق فينا هناك؟؟؟؟؟؟؟؟؟؟
وهل لازم الجي بي ار اس معانا من هني ولا يكون مع السيارة التاجير
ها شلون اخطط من وين احجز ولاي مطار اطب وبعدين ترانزيت على فلوريدا ولا اخذ الكروز مال ديزني
شرايج؟؟؟؟؟؟؟؟؟؟؟؟
شنو الاونس والارخص
ومشكوووورة وعسى الله يوفقج على ردج
وهل في امل اشوف طبيعة وجبال بفلوريدا ولا بعيدة علي
وباخذ الصغير
تراج اخذتي فيه اجر

هلا حبوبه شوفي بياض الثلج ماقصرت بس انا باقولج شغله عيالج صغار حيل وبو سنه ونص بيأذيج اذا سفرتج قصيره 10 ايام باورلاندو لا تاخذينه حرام يدوب بتلحقين على الاثنين الصغار اللي بالروضه .. انا اقولج عن خبره لو انتي مطوله بالسفره اقولج اخذيه بس لان سفرتج قصيره نصيحه خليه وتوكلي على الله

انا خليت بنتي وكان عمرها سنه وشهرين وماخذيتها وياي وايد اريح

موفقه ​

والله انا سألت وايد وايد وكلمن يمدح كاليفورنيا
فلوريدا يقولون حلوه بس حيل رطوبه قويه يعني كل يوم عرق وانا طبيعتي ماتحمل الجو الحار والرطب وتنطرين على العبه وايد
يعني مرة اخوي العام راحت كاليفورنيا بعدين راحت فلوريدا بنفس السفره تقول الجو يفرق وايد
وانا مارحت ولامره بس لو اروح اروح كاليفورنيا والله يوفقكم يارب بسفره حلوه
هاذا الي سمعته وحبيت افيدكم وشكرا

شوفي اورلاندو ونيسه بحرها برطوبتها بمطرها وايد احبها بس انا مارحت كاليفورنيا انشالله اروح هالسنه وصج قالولي فرق الجو باروح واشوف ​

احترنا بين جود وبياض الثلج
بياض تقول الزناسة تنسيج الحر
وجود تقول كاليفورنيا على كلام مرة اخوها احلى
بس احس من كلامكم ان فلوريدا كل شئ يم بعض و اقدر امرها كلها ب10 ايام
شرايكم بنات
بس حبيت اسال شلووون على الليسن لزوجي ينفع الكويتي؟
ولا نطلع دولي؟؟؟
والجارمن ينفع اشتريه من هني او اللي بالتلفون واركب عليه خريطة امريكا؟؟؟ ولا شلون تكفون يا مجربات؟؟؟ فيدونا
والبركة فيكم
ومشكوووووووووووووووووورة
يا بياض الثلج على ردودج اللي تبرد الجبد
بس اذا ازعجني ولدي ترى يا ويلج مني جان خرب السفرة

حبوبه الليسن الدولي والليسن الكويتي اللي مكتوب فيه الاسم بالانجليزي يمشي

والنفيغيشن ضروري لما تأجرون السياره أجروا وياها الجي بي اس واذا ناويه تشترين غارمن ينفع تشترينه من اهني وتركبين عليه خريطة امريكا او تشترينه من اهناك في محل باورلاندو اسمه Bass Proshop يبيعه باحسن المواصفات وارخص من اهني او بتفس السعر تقريبا احنا شريناه من اهناك ​

هـلا روونـا ... و الجميـع .... تـرى RainForst المطعم موجود بوسط أنهايم .... موجود بالديزني داون تـاون ... و تسكر بوقت متأخـر و كلها عــــالم و نـاس بالصيف و فيها محـلات وايـــد و أكيـده أحسن واحـد ديزنـي ستـور كبيـــــــــــــــــــــر و بعـدين الجيز كيك فاكتوري موجود بوسط أنهايـم ... حوالي 5 دقايق من ديزنـي .

اي صاجه حبوبه توني ذكرت .. انا كنت مسويه سيرج عنهم واطلعولي انهم بانيم مشكوره حبوبه على المعلومه ​

مشكوووره روونه على اجابتج بس انا من كلامكم احس كاليفورنيا وايد فيها أشياء مع ان ببالي اورلاندو
بسأل اذا بروح أورلاندو ولاس فيغاس والشلالات يصير على سفره وحده والا لويه لأن حدي غشيمه بأمريكا وباخذ كل شي منكم

شوفي تقدرين تروحين نيويورك + الشلالات+ مدينة هيرشي+ اورلاندو بسفره وحده

او نيويورك+ نياغرا فولز+ ميامي + اورلاندو

بس لاس فيغاس بعيده لويه خليها مره ثانيه مع كاليفورنيا او خل سفرتج هذي كاليفورنيا ولاس فيغاس وخلي اورلاندو بعدين بسفره ثانيه

اللي يناسبج ​

 

[galaxy]

قووووووووووووووووووووووووووووووووووة

بناااااااااااااااااااااااااااااات

شخباركم


مبرووووووووووووووووووووك

بياض

الحمدلله عدت على خير


اشلونكم مع الغبار

؟؟؟


الجو كلش ما يتحمل


اليوم حكره بالبيت

 

[rawona]

صج بالصور وايد كاليفورنيا احلى من فلوريدا؟؟؟
ولا شرايكم بنات
فيها طبيعة ومناظر وهم فيها دزني
شرايكم

هلا حبوبه


شوفي كاليفورنيا وايد احلى من فلوريدا بس ترى ديوني اورلاندو اكبر واحلى من ديزني كاليفورنيا .. حيرتج مو؟ ​

السلام بنات

شلونكم؟

انا اول مره اشارك معاكم بهالتجمع

الصراحه انا وزوجي محتارين وين نسافر

ومن كلامكم حيل شجعتوني على امريكا

بس المشكله انه ما نبي نروح بروحنا

شرايكم نسوي قروب ونروح مع بعض؟؟؟؟؟ مو احسن؟؟


اللي مستعده نسوي قروب تقولي عشان نتفق على كل شي

حبوبه والله السفر لامريكا مايخرع بالعكس وايد حلو وبتستانسون من غير ما تلتزمون بناس وياكم والسفريا يسون قروبات بس مو شي

راجعي الموضوع كله من اول وحددي الولايات اللي بتروحين لها واستفيدي من المواقع اللي حطوها للبنات للحجز وشوفي مخططات البنات وانشالله تضبطون لكم سفره ولا اروع موفقه​

صباح الخير بنوتــــــــــــــات ...........

اشلونكم ................؟؟؟؟؟؟؟؟؟؟

بيووووضه اشلونج ............؟؟؟

رونا............ ديجتول............. كات .........شنو اخر اخباركم ........؟؟؟

بنات شتخرع من الصبح زلال او تنقرض الارض .......ترى انا حدي وسواسيه ...........

بسوي سيرج عن زلال امريكا .........<<<<<<<<<قتلكم حدها وسواسيه لوووول

اشراقه لا توسوسين .. ماكو الا العافيه انشالله انا مره وصلت اورلاندو بعد ما طقهم اعصار كاترينا اذكر نزلنا من المطار وكان في بيوت حايشها الاعصار بس اورلاتدو نفسها بس امطار غزيره

ومره كنا باليونيفيرسال نبي ندش لعبه twister اللي سوه فيلم عن الاعاصير واحنا داخل اللعبه ونسمع صوت الرعد سبحان الله عمري بحياتي ماسمعت مثله اخترعت حدي وعقب ما طلعنا من اللعبه لقينا الناس متكوده بالمحل وانحبسنا داخل المحل ساعه يمكن لين خف المطر وطلعنا لقينا عربانة بنتي متلوفه حدها من الماي وعادي أجرنا عربانه منهم وكملنا لعب لووووووول ​

بنات ابي استفسار
هالمرة انا بخرعكم مو زوجي
شنو اامن ولاية بامريكا ومافيها افارقة وايد
لان ي قريت ان جورجيا ونيويورك خطرة
شنو بعد
هل كاليفورنيا وفلوريدا خطرة ولابد من توخي الحذر فيها من .....

حبوبه امريكا امان عموما بس تحرصوا على اغراضكم لانكم بديرة سياحيه وفيها اجانب ومكسيكان وممكن اذا اهملتوا اغراضكم تنباقون ونقوا اماكن سكن معروفه وفيها سيكيوريتي افضل ​

ما تخرع نيويورك
؟؟؟؟؟؟؟؟؟؟؟؟؟؟؟؟؟؟

نيويورك وايد عليها 3-4 ايام

وهم نفس الشي لا تطلعون حيل متأخر وتمشوا بالاماكن المعروفه وحرصوا على اغراضكم
​

 

[rawona]

بنات شنو اقرب مطار لفلوريدا
واسرع شي بالطيارة او السيارة
واشنطن ولا نيويورك
تكفون ساعدوني بحجز وافتك

نفس الشي تقريبا ساعتين ونص بالطياره

شوفي بالنسبه للحجز اذا تبين ترانزيت لندن عندج الكويتيه كويت- لندن- نيويورك وتقدرين تريحين بلندن جم يوم بس العباله انه لما توصلين نيويورك يبيلج طيران داخلي


البريتش افضل بهالحاله كويت - اندن - اورلاندو

اذا تبين تريحين بنيويورك من غير لندن

عندج كويت- نيويورك نرانزيت بواشنطن على اليونايتد افضل

وعادي باكسبيديا بس كتبي from kuwait
to orlando بيطلعلج اختيارات اي مطار باورلاندو اختاري المطار الدولي ORLANDO INTERNATIONAL MOC
او MCO ماني ذاكره بالضبط وعادي يطلع
​

قووووووووووووووووووووووووووووووووووة

بناااااااااااااااااااااااااااااات

شخباركم


مبرووووووووووووووووووووك

بياض

الحمدلله عدت على خير


اشلونكم مع الغبار

؟؟؟


الجو كلش ما يتحمل


اليوم حكره بالبيت

هلا جلكسي شلونج؟؟

اي والله الجو اليوم كئيـــــــــب .. الله يرحمنا برحمته ​

 

[فلونة احلى وردة]

مشكووووووووووووووووورة يا روانا على الرد
بس ردج جدا محير
عموما
ضحكوا معاي
قلت حق زوجي خلاص قررت نروح كاليفورنيا عشان الجو
بلوس انجلوس احلى
انا قلت لوس انجلوس
ريلي
لالالالالالالالالالالالالالالالالالا
كلها افارقة
ومجرمين
وعصابات
يا ويلي من رجلي الجراة فيه قليلة
شسوي مالي الا فلوريدا
ان شاء الله
وبشركم بنات بدت المشاكل المادية من الان طلايب وحنة
مع اني انا المتوهقة

 

[فلونة احلى وردة]

بنات شنو افضل واامن سويت باورلاندو او شي يم الديزني وكل الاماكن
بليييييييييييييييييييييييييييز

 

[rawona]

بنات شنو افضل واامن سويت باورلاندو او شي يم الديزني وكل الاماكن
بليييييييييييييييييييييييييييز

ردي محير من اي ناحيه؟؟ :eh_s(6):

بالنسبه لاورلاندو حلوه وكل الفنادق اهناك تقريبا امااااان انصحج بالشقق الفندقيه مثل

sheraton vistana

marriott vistana


lake beuna vista resort شي جذي


ووايد فنادق وريزورتات حلوه باورلاندو مو ذاكره اساميهم جيكي عليهم باكسبيديا او بهوتيل دوت كوم او بوكينغ دوت كوم

موفقه



:tek:
​

 

[*caramel macchiato*]

بناااااااااات امتابعتكم......


بس صج صج مع الجو الكئيييييييب ....يبيله امريكا من قلب


اذا احنا بشهر( 2) جذي


الله يعين بشهر 6 و 7 و8

 

[rawona]

بناااااااااات امتابعتكم......


بس صج صج مع الجو الكئيييييييب ....يبيله امريكا من قلب


اذا احنا بشهر( 2) جذي


الله يعين بشهر 6 و 7 و8

هلا كراميل شلونج؟؟ من زمان عنج؟؟؟


بالنسبه للجو اليوم ماطلعت كلش من البيت ولا حتى الدوام

انا اذكر اذا مو العام قبل العام صار نفس الشي شهر 2 كان بعد بيوم افتتاح هلا فبراير ونفس الجو المغبر .. الله يعين

وكويتنا حلوه ترى بحرها وبردها بغبرتها مالنا غنى عنها بس هم يبيله امريكاااااااااااا لوول ​

 

[فلونة احلى وردة]

هلا حبوبه


شوفي كاليفورنيا وايد احلى من فلوريدا بس ترى ديوني اورلاندو اكبر واحلى من ديزني كاليفورنيا .. حيرتج مو؟

اهني حيرتيني

 

[cat_q8]

صباح الخير بنوتــــــــــــــات ...........

اشلونكم ................؟؟؟؟؟؟؟؟؟؟

بيووووضه اشلونج ............؟؟؟

رونا............ ديجتول............. كات .........شنو اخر اخباركم ........؟؟؟

بنات شتخرع من الصبح زلال او تنقرض الارض .......ترى انا حدي وسواسيه ...........

بسوي سيرج عن زلال امريكا .........<<<<<<<<<قتلكم حدها وسواسيه لوووول

هلا حبيبتي والله ماكو اخر اخباري انطر يدقون علي على الفيزا وبس وجني بغير خطتي بخليها ارولاندو وكالفونيا لأني بخاطري اروح هوليوود-
ماكو زلال انا اللي اعرفه اني كالفورنيا بس حرايق صوب الغابات بس زلال ماعمري سمعت مادري

 

[rawona]

هلا حبوبه


شوفي كاليفورنيا وايد احلى من فلوريدا بس ترى ديوني اورلاندو اكبر واحلى من ديزني كاليفورنيا .. حيرتج مو؟

اهني حيرتيني

اللي قصدته انه من ناحيه طبيعه وجو واماكن سياحيه اكثر كاليفورنيا احلى من فلوريدا

بس ديزني اللي بفلوريدا اكبر واحلى من ديزني اللي بكاليفورنيا فاذا همج الكبير ديزني بالمرتبه الاولى روحي اورلاندو لان ديزني احلى اهناك وعياره عن 4 حدايق بالاضافه الى الداون تاون واذا تبين طبيعه اكثر وجو احلى روحي كاليفورنيا فعلى حسب انتي شنو تحبين ​

هلا حبيبتي والله ماكو اخر اخباري انطر يدقون علي على الفيزا وبس وجني بغير خطتي بخليها ارولاندو وكالفونيا لأني بخاطري اروح هوليوود-
ماكو زلال انا اللي اعرفه اني كالفورنيا بس حرايق صوب الغابات بس زلال ماعمري سمعت مادري

هلا كات لا الزلازل موجوده بكاليفورنيا بس مو بكثره واقرب للمناطق اللي يم المكسيك بس انشالله ماكو الا العافيه ​

 

[cat_q8]

روانا ماقليتي انا بخاطري اقسم السفره بين اولاندو وكالفورنيا اشرايج؟؟؟
بخااطري حيل بس جم يوم اخلي حق كالفورنيا وشنو الفندق اللي انتي بتحجزينه بكاليفورنيا وبجم؟؟

 

[منورة الكويتية]

انا متابعه صامته
الله يسهل عليكم يارب
وانا سفرتي اذا ربي سهل بتكون بشهر6 لاوهايو وبكون بالشهر السادس ومني لي شهر 6 نشوف شيصير
الجو اليوم يخررع الله لايغضب علينا

 

[فلونة احلى وردة]

خلاص يا بنات بعتزلكم يمكن
شكلي بحول على ديزني فرنسا
ملمومة وطبيعة وجو مو مثل فلوريدا مطر ورطوبة
ولا فيها خوف
ويقولون أرخص تذاكرها
ما ادري شرايكم
ابي راي اللي مجربين الثنتين
ديزني باريس ولوس انجلوس وفلوريدا
أمانة محتارة ساعدوني
أي الفيز أطلع

 

[rawona]

روانا ماقليتي انا بخاطري اقسم السفره بين اولاندو وكالفورنيا اشرايج؟؟؟
بخااطري حيل بس جم يوم اخلي حق كالفورنيا وشنو الفندق اللي انتي بتحجزينه بكاليفورنيا وبجم؟؟

هلا كات ..شوفي اذا ميزانيتج تسمح ليش لا؟ روحي الولايتين

بالنسبه لكاليفورنيا انا باقعد 4 ايام بسان فرانسيسكو للحين ما حددت اي واحد بس في بالي اثنين الشيراتون بالفيشرمان وارف والهوليدي ان هم بالفيشرمان وارف على حسب الميزانيه باقرر وقت الحجز ..

وبلوس انجلوس لان معاي يهال وابي شي فيه مطبخ وغرفتين انسب شي كان الماريوت لا ميرادا بوينا بارك

residence inn marriott la mirada buena park

موقعه ممتاز ولقيت عنده اللي يناسبني ووايد مادحينه والله يسهل انشالله ​

 

[rawona]

انا متابعه صامته
الله يسهل عليكم يارب
وانا سفرتي اذا ربي سهل بتكون بشهر6 لاوهايو وبكون بالشهر السادس ومني لي شهر 6 نشوف شيصير
الجو اليوم يخررع الله لايغضب علينا

حبيبتي منوره الله يسهل عليج انشالله ويتمم عليج ويسمح دربج وادري انتي وديجيتال من المتابعات بصمت :tek:​

خلاص يا بنات بعتزلكم يمكن
شكلي بحول على ديزني فرنسا
ملمومة وطبيعة وجو مو مثل فلوريدا مطر ورطوبة
ولا فيها خوف
ويقولون أرخص تذاكرها
ما ادري شرايكم
ابي راي اللي مجربين الثنتين
ديزني باريس ولوس انجلوس وفلوريدا
أمانة محتارة ساعدوني
أي الفيز أطلع

لووووووووووووول شوفي بالنسبه للمده اللي حاطتها 10 ايام ديزني باريس افضل لان حلاته امريكا اطولين فيها من 20 يوم الى شهر او شهر ونص


انا رحت ديزني باريس وديزني اورلاندو عندي اللي باورلاندو وايد وايد وايد احلى

والله يوفقج

​

 

[**بياض الثلج**]

هلووووووووووووو شخبارررركم جمييعا